|
ارجو مساعدتي 💔💔 السلام عليكم محتاره اول مره اسافر اوربا ابي لي جدول ممتاز الوصول من فرانكفورت والرجوع ايضن من فرانكفورت ابي ازور ميونيخ وكابرون وبادن بادن وسويسرا وسالزبورغ عطوني احسن فنادق 😭😭اهم شي تكون نظيفه بذات كابرون ومعايا طفله عمرها سنتين والموصلات سياره ايجار اول مانوصل ❤️❤️☺️☺️ ارجو مساعدتي 💔💔💔 |
رد: ارجو مساعدتي 💔💔 عليكم السلام ورحمة الله وبركاته ياهلا ومرحبا اختي الله يحفظج الطفله ان شاء الله ويبارك فيها ويوفقها ويخليها لكم اللهم اميين ان شاء الله أبشري انا والاخوان ماراح نقصر معاج بشي أن شاء الله ممكن نعرف عدد الايام على اساس نوزع لج الجدول وايضا على حسب عدد الايام ماناخذج مسافات طويله او بعيده تقبلي تحياتي |
رد: ارجو مساعدتي 💔💔 qa6ar911 يعطيك العافيه اخوي اللهم امين 😙 الرحله من يوم 15مايو الي 1 يونيو ☺️☺️يعني 18 ليله وابي اعرف كيف تكون لاجواء في هذا الشهر وابي ميونيخ اخر شي لتسويق تكون اربع ايام وكابرون ابيها 5 ايام وفرانكورت بس ليله وحده حقت الوصول وليله لما نرجع :(55): |
رد: ارجو مساعدتي 💔💔 الله يعافيج اختي بين كل مدينتين حطيت لج مسافاتهم فرانكفورت الوصول ( ليله واحده ) بالسياره ساعه و 45 دقيقه بمسافه 170 كيلو بادن بادن ( ليلتين ) بالسياره ساعتين ونص بمسافه 260 كيلو لوزيرن ( ليلتين ) بالسياره 3 ساعات ونص بمسافه 300 كيلو انسبروك ( ليله واحده ) بالسياره ساعتين بمسافه 140 كيلو كابرون ( 5 ليالي ) بالسياره ساعه وربع بمسافه 98 كيلو سالزبورغ ( ليلتين ) بالسياره ساعه و 45 دقيقه بمسافه 140 كيلو ميونخ ( 4ليالي ) بالسياره 4 ساعات بمسافه 390 كيلو فرانكفورت ( ليله واحده ) المجموع = 18 ليلة مخطط مسار الرحله اي تعديل او حذف او ملاحظه ممكن http://up.arabseyes.com/uploads2013/...2979933721.png العاب |
رد: ارجو مساعدتي 💔💔 ماقصرت يالقطري على هالجدول الممتاز في ميزان حسناتك ان شاءالله |
رد: ارجو مساعدتي 💔💔 اقتباس:
اميييييييين ومن قال ياارب ولكمممم باااك فني غيرل تسلمين على كلامج الطيب ولج يالمثل ان شاء الله |
رد: ارجو مساعدتي 💔💔 طيب اخوي ☺️ وش رايك بدل لوزيرن و انسبروك تكون مدينه وحده انترلاكن بدل التنقل من فندق لفندق تعب احس لان معايا بنتي:(59): اخليها 3 ليله بس كم تبعد عن بادن بادن :(158): |
رد: ارجو مساعدتي 💔💔 انا كانت في بالي انتر لاكن بس لان اجواءها وطبيعتها نفس طبيعه زيلامسي من جذي قلت بدل ماتروحين طريق ابعد اشوي تنزلن بدلها في لوزيرن وبعد لان انتر لاكن تحتاج اكثر من يومين من جذي ماحطيتها من ضمن الجدول انتر لاكن قريبه مش بعيده كثير من الوزيرن من بادن بادن الى انتر لاكن 3 ساعات وربع بمسافه 310 كيلو ومن لوزيرن الى انتر لاكن 50 دقيقه بمسافه 70 كيلو ممكن تحذفين انسبروك ولوزيرن وتحطين كل الايام في انتر لاكن بس المسافه ممكن تكون عليج بعيده الى كابرون ويمكن تناسبج ويكون لج افضل من التنقل المسافه من انتر لاكن الى كابرون بين 6 ساعات وربع الى 6 ساعات ونص بمسافه 510 كيلو اذا تناسبكم هالمسافه ممكن تحطين ايام لوزيرن وانسبروك في انتر لاكن بس عاده الخطوط الاوروبيه ممتعه وطبيعتها روعه بالتوفيق ان شاء الله |
رد: ارجو مساعدتي 💔💔 لا بعيده مره 6ساعات ��طيب خلاص مو لازم نخلي بس وحده انسبروك كم تبعد عن كابرون وكم تبعد عند بادن بادن اجلس فيها 3 ليله :(46): معليش اخوي طفشتك :(46): |
رد: ارجو مساعدتي 💔💔 اقتباس:
ياهلا ومرحبا اختي موضوع المسافات نسبي ممكن تزيد ممكن تنقص على حسب التوقف وحسب السرعه يعني انا طالع من سالزبورغ الى فيينا في صيف 2014 المسافه المفروض 3 ساعات ونص تقريبا انا قطعتها في ساعتين ونص بس هذا الاوقات التقريبيه بس عدد الكيلومترات صحيحه من جذي احط الوقت مع الكليومتر لا أبد اختي ماطفشتيني خذي راحتج هههههه حاضرين لج الله يسلمج من انسبروك الى كابرون تقريبا ساعه و 45 دقيقه 140 كيلو ومن بادن بادن الى انسبروك 4 ساعات ونصف بمسافه 415 كيلو في ناس عادي عندهم المسافات الطويله لان الاهم عندهم يقللون اماكن التنقل ماتكون كثيره ومرات نكون مجبورين نزيد التنقل اشوي على اساس نحط مناطق استراحات ونحاول نربط منطقه بمنطقه استراحه محارب :(33): قبل التكمله الى المدينه المقصوده |
| الساعة الآن 10:19 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO