|
سفرة احلامي السلام عليكم هذي السفره الاولى لنا ومحتاره كيف ابدا تساؤلاتي بمشيئة الله قررت اسافر انا وعائلتي وقدمنا الفيز وخلصتها بيكون السفر شهر 12 يوم 17 وبما اننا دوام انحصرنا بأجازه فقط في هذا الشهر بسال كيف الاجواء لان معي طفلين هي يوجد تذاكر مسترده الدفع للطيران عائلتنا مكونه من خمس اشخاص وطفلين دورت سيارات فان ايجار قالو لي ماراح تلقين وحده تكفيكم😂 والشي الثاني اشخاص كثير شغل تخويف لاننا ماقد طلعنا فا بيصير لكم وبيصير لكم تخويف :21: اتمنى منكم مساعدتي بصدر رحب❤ |
وعليكم السلام بعض الناس سوداوي مايشوف الا السلبيات اذا حبيتوا تستمتعوا بسفرتكم طنشوهم وخلوكم دايم ايجابيين حتى لو واجهتوا موقف سلبي انظروا له من زاوية ايجابية محتاجين مثل هذي السيارة وهي متوفرة بكثير من شركات الايجار https://www.arabtrvl.com/up/uploads/...1289770741.jpg التذاكر لكي تسترديها تعتمد على نوع التذكرة فالتذاكر التشجيعية المخفضة غالباً لا تسترد لذا من الضروري قراءة الاحكام والشروط عن نوع التذكرة عموما اختاروا الخطوط السعودية ونساعدكم بالانواع وممكن تسترجع بخصم بسيط اذا قصدك شهر 12 ميلادي فهو برد بالطبع أشهر البرد في اوروبا هي 12 + 1 + 2 وفيها تبدأ الثلوج بالتساقط |
سفرتي 2018/8/28 اغسطس حاكمني فقط العمل والاجازه بهذه الفتره |
اقتباس:
في اغسطس الاجواء جميلة بس الاسعار ترتفع في أشهر الصيف عموماً لكن ضروري تستخرجوا التأشيرات من الآن |
الله يسعدك شاكره لك حسن التواصل |
ابدا اتكلوا على الله وسافروا. الأمور سهالات. اذا تبين نساعدك بالبحث عن سيارة تكفيكم فأبشري ولكن احتاج احتاج موعد (التاريخ والساعة) ومكان الوصول والمغادرة اذا كنتم تحتاجون السيارة طوال مدة سفركم. ولكن في شي ما فهمته. انتي كاتبه فوق انك قدمتي على الفيزا وخلصتيها فكيف خلصتيها بدون ما تحجزين الطيران ؟ تحياتي |
ماشاء الله التوقيت رائع بعد رجوع السياح الخليجيين والزحمة خفت كثير والاجواء مناسبة جدا اما اللي يخوفونك ماعندهم سالف ابد بالنسبة للقيادة اقل من سهل فقط هناك الالتزام والتقيد بالانظمة المرورية ولا القيادة خاصة في الارياف كأنك بالبر او في القرى عندنا الافضل تاخذين كراسي الاطفال لمقاعد السيارة من هنا لان ايجارها مع نفس السيارة غالي ولو شريتي منا ارخص بكثير من الايجار رحلة سعيدة أن شاء الله |
مكتب سواها لي وهميه مع فنادق لين استخرج الفيزه لان كان موعدها بعيد |
فارس واخر فرصه شاكره لكم جدا وممتنه مستفيده جدا من هالمنتدى الرائع |
وعليكم السلام ورحمة الله وبركاته ... اهلكم وحبايبكم بيخافون عليكم ويخوفونكم لانها اول مره لكم فهذولي لازم تطمنونهم دايم وتتواصلون معاهم ..وفيه ناس تحب تتفلسف اما حسد او شوفة نفس وذولي اتركوكم منهم ولايدرون عن سفرتكم او تعلمونهم بشي ( استعينوا على قضاء حوائجكم بالكتمان ) ... والامور طيبه وهذي الناس تروح مبسوطه وترجع منفسه عشان الرحله انتهت :14: ... وسفرتكم هذي بيجي بعدها سفرات ان شاء الله بس جهزوا بدري يعني مو اقل من 3 شهور عشان الاسعار واماكن السكن الزينه ... ومثل ماقالوا الشباب حطي التواريخ للوصول والمغادرة ومطار الوصول عشان موضوع السيارة |
| الساعة الآن 09:22 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO