|
ساعدوني في تنسيق الخطه وبيضوا وجهي قدامهم السلام عليكم حنا عايله غريبه شوي مانسافر دايم بس اذا جينا نسافر نسافر سفره على اصول يعني عادي نقعد نخطط للسفره سنه كامله او 8 شهور عشان نطلع بسفره بطله فــ السالفه كما يلي سبق لنا زيارة اوروبا قبل فرنسا وسويسرا تحديدا وماسافرنا لها الا وحنا حافظين كل شي ومخططين كل خطوه الحمدلله صح التخطيط كان صعب وماقصرتوا معنا بعد بالتقارير والاماكن بيض الله وجيهكم بس كانت سفرة ولا في الاحلام اللهم لك الحمد هالمره قررنا نعيد الكره لأوربا بس مع اضافة المانيا والنمسا للحين هذا اللي توصلنا له وطبعا نطمع في مساعدتكم طبعا الوالد قال هالمره بناخذ الفيزه المانيه الي قبل كانت سويسريه شنغن هذي اللي رسينا عليها بس ماعرفنا كيف نرتب الامور ونحتاج مساعدتكم ((غير مرتبه)) ميونخ المانيا زيلامسي النمسا غارميش المانيا كونستانس المانيا بادن بادن المانيا جرينلاند سويسرا شامونيه فرنسا طبعا للمعلوميه @ فرنسا نبغى ديزني لاند @جرينلاند سكنا فيها اول مره وطلعنا منها لكذا منطقه (انترلاكن وماحولها) @ندخل جنيف او لا؟؟ @ للحين ماحددنا عدد الايام بس الافضل تعلمونا كل مدينه كم يكفيها @يكفينا اوتلت واحد بس يكون كبير ويجمع اغلب الماركات المره الاولى رحنا فوكس تاون لوغانو @نقدر ندخل ايطاليا ميلانو بالخطه؟؟؟؟؟؟؟ @التنقل بيكون سياره لان اول مرا كانت مريحه ومانشيل هم حجز تذاكر او شيل عفش @حنا بنكون 6 افراد كبار كلنا مافيه اطفال ابدا @لكم حرية الاضافه والحذف اذا بيكون في صالحنا هالشي @نفضل يكون السكن في منطقه وحده في كل دوله او منطقتين ونقدر نطلع منها لكذا منطقه ياكثر أسئلتي بس لان الخطه على راسي والخطه الاولى كانت روعه ف توهقت شوي صرت الدليل حقهم :12: فزعتكم |
بما انكم سافرتم قبل إلى فرنسا وسويسرا زيارة 4 دول : فرنسا - سويسرا - ألمانيا - النمسا راح تكون متعبة جداً والمسافات بعيدة جداً ومعكم شيبان بما إنك ذكرت الوالد وراح يزيد التعب كثرة التنقل بين المدن وقصر الليالي في كل دولة اقترح إنكم تقتصرون السفرة على ألمانيا والنمسا تأخذون راحتكم في زيارة الأماكن الجميلة في الدولتين تم الإرسال من SM-G955F باستخدام Tapatalk |
يعني مافيه امكانيه تتضبط ؟؟؟ لايسمعك الوالد تقول شيبان ان يكنسل السفره رح نعطي السفره حقها من الايام باذن الله عشان كذا قاعدين نجهز من بدري عشان نشوف وش ممكن يطلع معنا ننتظر اراء الباقين |
هههههههههه [emoji23] الله يحفظه لكم حبيبي من ميونخ إلى باريس 850 كلم من ميونخ إلى جنيف 600 كلم من ميونخ إلى انترلاكن 450 كلم هذا جهاد ماهو سفر [emoji23] تم الإرسال من SM-G955F باستخدام Tapatalk |
اقتباس:
السكن امره بسيط جدا اهم شيء التخطيط وتوزيع الايام والحجوزات من بدري لكل شيء شكلك تخططين للسنة الجاية |
لا تنسين تحددين الذهاب والعودة من وين |
اقتباس:
الخطه مبدئيا بتتكون الوصول ميونخ والعوده من باريس وناوين نسوي خط رحله يشمل المانيا والنمسا وسويسرا وفرنسا هل تنصحون ب سويسرا ولا النمسا خلوا عنكم اني قد رحت سويسرا اول عادي نعيد الكره مافيه مشكله بس وين افضل النمساء ولا سويسرا الحين في خطتين المانيا - النمسا - فرنسا المانيا - سويسرا - فرنسا تقريبا 20 يوم |
اقتباس:
اي والله حنا كذا نخطط قبل بفتره كل واحد يبحث يشوف وش حاب ونحاول نسوي مخطط يرضي الجميع ونسافر وحنا على درايه بكل شي ونتجنب الضياع والمشاكل طيب كيف ارتب المدن اللي حطيت بالغاء شامونيه وقارمش بس نبي نوصل لباريس عطونا مخطط يكون كويس |
شوف بالبداية ايهما ارخص ان يكون الوصول ميونخ والمغادره باريس او الوصول باريس والمغادره ميونخ مخطط اذا اختيارك النمسا والمانيا وفرنسا فالافضل الوصول فينا ومنها قطار الى سالزبورغ وتستلم السياره منها 3ايام فينا يومين سالزبورغ خمس زي لام سي يومين كونستانس اربع الغابات السوداء السكن في ستراسبورغ اربع ايام باريس او في مخطط ثاني لالمانيا وسويسرا وفرنسا الوصول ميونخ استلام السياره مباشره الى قارمش يومين قارمش خمس ايام انترلاكن اربع ايام الغابات السوداء ثلاث ايام شتوتغات تسلم السياره وبالقطار الى باريس اربع ايام باريس بما ان باريس تقدر تستفيد من المواصلات العامه افضل من السياره بسبب الزحام وتوفر المواقف وحتى توفر باجار السياره فلما تسلم السياره بدوله غير الدوله اللي استاجرت منها فبيكون اكثر من لما تستلم بالمانيا وتسلم بالمانيا ولما يكون الاستلام والتسليم بميونخ بيكون اوفر اكثر الجداول كثيره والخطط بعد كثيره واللي يحكمها المدن اللي ترغبون بزيارتها تم الإرسال من SM-G935F باستخدام Tapatalk |
| الساعة الآن 04:59 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO