شبكة و منتديات العرب المسافرون - ملخص رحلتي الى المانيا (ميونيخ , برلين ) وتحذيري لكم الشنغن الالمانية ,والفندق النكبه

السلام عليكم

ملخص رحلتي الى المانيا وفرنسا , وسأتكلم بهذا القسم عن المانيا فقط ,,

رحلتي كانت 20 يوم برفقة زوجتي وطفلي

من 1 أغسطس إلى 21 أغسطس

تقسيم الأيام كان
5 أيام ميونيخ
5 أيام برلين
10 أيام باريس ..

سأختصر قدر المستطاع :

نصييييييييييحة للجميع , السفارة الالمانية بهذي الفترة صعبه جدا جدا جدا بأعطاء فيزا الشنغن ولا أعلم مالسبب !!

تخيلو انا مقدم على الفيزا قبل السفر ب3 أسابيع من تاريخ السفر , وموعد سفري كان 2 أغسطس , وخلوني على أعصابي حسبي الله عليهم مابقى أحد ماكلمته لين غسلت يدي وقلت راحت علي , لكن الفيزا طلعت بتاريخ 1 أغسطس

برلين لم تمكن من ضمن الخطه ولكن حطيتها لاني كنت ناوي اقعد بميونخ 4 ايام ومن ثم فيينا 4 أيام ومن ثم باريس باقي المده , لكني عرفت بآخر لحظة انه لازم بلد الوصول اللي مستخرج فيزتها تكون هي أطول مده والا احتمال يرجعونك بأقرب طيارة , وعشان كذا رتبت على برلين 5 أيام .. وبالفعل حصل معي بمطار ميونيخ من الجوازات عدة استفسارات سأذكرها لكم :

عند وصولي الى ميونيخ وفي لاين الجوازات جاء دوري وتقدمت الى الموظف وعطيته جوازاتنا , بعدها سالني , كم بتجلس بميونيخ ؟ قلت خمس أيام , قال وبعدين وين بتروح ؟ قلت برلين , وكم بتجلس قلت خمس أيام , ومن ثم بطلع باريس عشر أيام ,, بعدها ختم لي على الجواز وانتهى الموضوع ,,

لذلك انتبهوا لهذي النقطة جيدا ..

الفندق النكبه

حجزت بفندق هذا اسمه وتصنيفه 4 نجوم لكن والله ما اعطيه نجمه

Hotel Regent

عند وصولي الفندق انصدمت انه مافيه مكيفات , والجو كان حر حر حر مووووووووووووت لانه كما تعلمون هالسنه جت موجة حر شديدة على اوروبا وللأسف صادفتها انا .. والفندق يعطي مراوح بس ومع كتمة الغرفه والحر والله ماتفيد , عموما ماقدرت اتحمل هالفندق وحاولت استرجع المبلغ لكن للأسف ماقدرت , وغادرت الفندق الكئيب بعد قضاء ليلة واحدة مريره فيه .

نصائح عامه :

انا اكره السفر بشهر 7 و 8 ميلادي لانه غالبا حر مهما جت نسمة هواء , لذلك اشوف السفر من شهر 9 الى 11 أفضل وقت , طبعا اللي عنده اطفال يدرسون صعب يروح بهالوقت , ماله الا الصيف ..

ميونخ بلد جميل ومرتب واشوفها مب غاليه مقارنة بباريس ..

برلين بلد جميل وتاريخي ومن النادر تشوف خليجي , قعدت 5 ايام ماشفت ولا خليجي عكس ميونخ , لكن تبقى برلين عاصمه والعواصم لهم كاريزما معينه ..

هذا تقريري بأختصار ,,

تحياتي