|
تجربتي في سداد مخالفة السير - سيكست مثلا .. السلام عليكم ... المنتدى له فقده والله :13: ... سفرتي الاخيرة كانت في نهاية السنة الميلادية وبداية السنة الحالية ( من 26-12 الى 5-1 ) وكانت لالمانيا وتراها ماتتفوت في نهاية السنة مره حلوه وخصوصا فعاليات اعيادهم واسواقهم ( اعيادهم لهم ) واسوقها لنا :24:.. المهم الموضوع موب تقرير عن السفرة .... استأجرت سيارة من سيكست وصادتني كاميرا سرعه بسرعه زياده 9 كيلو اعتقد ... انا ماكنت اددري ( كنت متوقع وشفتها بالليل بس معد يمدي اسوي شي ) بعد مارجعت وصلني محاولة من سيكست عملية سحب من فيزا الراجحي بس ماكنت مخلي فيها فلوس ولو خليت يمكن يكونون سحبوا وخلاص فكوني فانا شحنتها على طول عشان لو جربوا ثانيه بس معد عادوها ... خلاص جلست انتظر ايميلهم ... وبما اني معطيهم عنواني في برسطانيا فوصلني رسالة على البيت فيها ورقتين : 1- خطاب المخالفة من الجهة المسؤلة في فريبورغ وكان بقيمة 10 يورو . 2- خطاب رسوم ادارية من شركة سيكست بمبلغ 25 يورو ... - خطاب المخالفة : الخطاب يحتوي على : - صورتك وانت تسوق السيارة . - بيانات المخالفة بالالماني ( فهمت اني متجاوز السرعه بـ 9 كيلو ( ومالي خلق اقرا الماني الحين :34: ) - صندوق او مربع في اخر الخطاب موجود فيه : - السطر الاول فيه رابط موقع الدفع . - السطر الثاني فيه كود الموقع لو حبيت تفتحه بجوالك بدال كتابته .. ثم فيه اسم مستحدم (Login) وكلمة مرور (PIN) عشان تستعملهم في الموقع وتسجل دخول للمخالفة . - تقدر تسدد بأكثر من طريقة منها بواسطة بيبال او بطاقتة الائتمانية .... https://www.arabtrvl.com/vb/picture....ictureid=67995 https://www.arabtrvl.com/vb/picture....ictureid=67994 https://www.arabtrvl.com/vb/picture....ictureid=67993 https://www.arabtrvl.com/vb/picture....ictureid=67992 وسددت عن طريق بطاقة تسوق من الراجحي ... هنا انتهى موضوع المخالفة الحمد لله وفي نظري هو اهم من رسوم سيكست لانها رسوم حكوميه ولو تأخرت في الدفع يمكن يوصل الموضوع للمحكمه ويكبر وانت ماتدري ... -- رسوم سيكست الرسوم 25 يورو حسب اتفاقية التأجير هي عن كل مخالفة يعني لو مخالفتين بتدفع 50 يورو وهكذا ... خطاب الرسوم يقول انك تحول الرسوم على حسابهم البنكي .. ارسلت لهم في البداية وطولوا الين ردو علي يمكن 10 ايام لان كنت اسألهم حقت ايش هذي طالما انا بدفع الـ 10 يورو فقالوا انها رسوم عن كل مخالفة وكنت قايل لهم اسحبوا من بطاقتي بس ماردوا على النقطة هذي وما سحبوا ... رحت البنك عشان التحويل فقال انه عنوان البنك موب موجود ولازم اجيبه عشان اقدر احول لهم ... ارسلت لهم وردوا بعد 10 ايام يمكن او اكثر ( المراسله على الايميل الموجود بخطابهم ) واعطوني عنوان البنك .. مابعد رحت للبنك لان الايميل توه واصل بس قلت ابلغكم باللي صار معي وكيف سويت وايش السالفة لان فيه كم شفت اسئلة عن الموضوع هذا .. اتمنى يكون الموضوع هذا مفيد لاحد ( موب اتمنى انكم تاخذون مخالفات عشان تستفيدون - لا احد يفهم كذا :23: ) .. استمتعوا بالقيادة في المانيا خصوصا الجنوب ... الشمال لازال تحويلات وحوسه .... موفقين وسفرة سعيده للجميع ... *********************************** تحديث بتاريخ 24/9/2019 ******************************** كنت مسافر مره ثانيه اغسطس الماضي لالمانيا وشفت الكاميرا حقت السرعة تصورني .. اليوم سيكست سحبوا من بطاقتي ( فيزا الراجحي مسبقة الدفع ) مبلغ 25 يورو لاني كنت متوقع بيجي سحب منهم مثل ماجربوا اول مثل ماقلت لكم وارسلوا ايميل لي انهم سحبوا مبلغ الرسوم الادارية وان المخالفة بيتم ارسالها بالبريد العادي حسب العنوان المسجل عندهم في بيانات تأجير السيارة .. يعني الان انا عرفت ان كثير من الشكاوي للناس وانهم مااستلموا المخالفة او ماجاهم المخالفة هو : ان سيكست ترسل سحب لمبلغ الرسوم حقتهم من بطاقتك ويبلغونك على ايميلك اما المخالفة فهم يرسلونها لك بالبريد العادي لاي مكان بالعالم حسب عنوانك ( انا راح توصلني ببريطانيا مثل ماوصلتني الاولى ) فاحرص انك تكتب عنوانك البريدي بشكل واضح عشان يقدرون يرسلون لك المخالفة . |
منور يابو عبدالله تسلم على توضيح خطوات التسديد والتفاصيل الدقيقة لان كثير يسأل عنها ولو كانت البطاقة فيزا عادية سيتم السحب مع ابلاغك بالايميل و ارسال نسخة المخالفة لك |
مساء الخير أبو عبدالله أنا مثلك حصلت مخالفتين سرعة في ألمانيا في آخر سفرة لي ، وكنت مستأجر عن طريق شركة سكست السبب الرئيسي هو كثرة إختلاف السرعات على الطرق ، كل شوي أزيد وأخف السرعة ولكن الحمد لله جت على مخالفتين ووحدة داخل قرية أعتقد رسوم شركة سكست هي لأنها تعبت نفسها وجابت لك معلومات المخالفة ، وبيانات الحساب البنكي للتحويل ، وياليتهم دفعوا قيمة المخالفة مرة وحدة يرسلون لك إيميل ورسالة عن طريق البريد أيضا ولكنها تتأخر المخالفات عندهم تتبع البلديات ، يعني مضطر تحول فلوس لكل بلدية تتخالف فيها حاولت أدفع أون لاين عن طريق النت وبطاقة الفيزا ، ولكن الموقع ما كان يقبل اليوزر نيم والباسوورد مالهم أضطريت أراسلهم وأنتظر ردود توضح بيانات المخالفة لأنها بالألماني ، بلدية وحدة ردت علي وحولت ، والثانية ما ردت ولكن حولت أيضا بعد تجربة التحويل الأولى أهم شي عند التحويل أنك تكون متأكد من أسم صاحب الحساب ( أسم البلدية مثلا ) رقم الحساب وهو مذكور في المخالفة حتى تتمكن من الدفع والعنوان أيضا يفضل التواصل مع البلدية بعد الدفع للتأكد من إستلامهم المبلغ وأهم شي الإحتفاظ بكافة الأوراق ( المخالفة ، أوراق التحول ، ممكن نسخة من الإيميلات ) لتجنب أي مساءلة في المطار في السفرات القادمة أتمنى لو حد عنده تجربة مع شركة تأجير أخرى ممكن تفيدنا ونغير عن سكست يمكن |
الله يعطيك العافية أبوعبدالله على التوضيح والتجربة اللي بتكون مفيده للجميع حسب تجربتي انا مع سكست سافرت 2013 وحجزت من سكست عن طريق فيزا مسبقة الدفع في زيلامسي الفيزا وانا بحاول اصرف من الصراف سحبتها الصرافه بعدها وقفت الفيزا المهم لما رجعت للسعودية جتني رسالة من سكست على الايميل يقولون عليك مخالفة وكان فيها رسوم اتذكر وانهم حاولوا يخصمون من الفيزا ماقدروا قلت اعطيكم فيزا اخوي واخصموا قالوا مانقدر ياتعطينا فيزا باسمك او تحول المبلغ لنا قلت سالفة اني بحول انسوا عطوني كم يوم اطلع فيزا ثانية واعطيكم البيانات طلعت فيزا وارسلت لهم البيانات وفعلا خصموا المبلغ |
انا والله جتني مخالفتين وفيه صدمه خفيفه ف السياره ، وجوبو سحبو من البطاقه ماشتغلت وراسلوني لهم سنه وساحب عليهم وقالو بنوديها المحكمه يطالبوني ب ظ¦ظ ظ يورو ورحلتي قربت تتوقع يسولي مشكله ف المطار اويرفضوني فيزتي لاني قدمت اوراق السفارة على أساس أجدد التاشيرة |
اذا وصلت المحكمه فأكيد نزل عليك حكم ثانيا وهو المهم : ما يجوز انك تمطل حق الناس |
اقتباس:
وفاتوره ثانيه ب 24 يورو ، عشان كذا نلخبطت ومدري وش ادفع وراسلوني يهددون انها راح تروح المحكمه ، ورديت عليهم على أساس يتأكدون من الفواتير ولكن محد رد علي |
اقتباس:
و24 حقهم هم رسوم المخالفه ورسوم الحادث |
طيب لو رفعوا عليه في المحكمه هل واح تاثر على اجرئات تجديد التاشيره |
اقتباس:
إذا واجهتك مشكلة في إجراءات الفيزا فهو أمر هين ولكن المشكلة إذا صار لك عرقلة في المطار أو تحقيق أو يجبرونك هناك تراجع المحكمة الأفضل تسوي أمورك معاهم قبل السفر وتتأكد أنهم أنهوا أي إجراءات متعلقة بالمحكمة وتاخذ كل الأوراق والإثباتات ونسخ الإيميلات التي تثبت أنك سويت الموضوع معاك قبل السفر ، تفاديا لأي مسائلة في المطار |
شكرا ابوعبدالله على التوضيح ولاشك بعض المسافرين تجيهم المخالفات ويدرون إلا بعد العودة اكيد هالموضوع يفيد الكثير شكرا للجميع على ذكر تجاربهم |
طيب انا جاتني مخالفة سرعة بظ¤ظ يورو اخذتها في النمسا وصلتني وانا في السعودية عن طريق الايميل كيف طريقة تسديدها عن طريق مثلا تحويل الراجحي دولي وايضا ظ¢ظ¥ يورو مصاريف إدارية كلها عن طريق سكست وارسلو لي الآيبان كيف طريقة التسديد وكيف اعرف اني حولت لهم المبلغ بالبظبط بسعر الصرف |
مخالفة أربعين يورو المصاريف خمس وعشرين |
اقتباس:
رسوم سيكست لازم تحويل او تجرب تطلب منهم يسحبون المبلغ من بطاقتك الائتمانية .. بعد التحويل ارسل لهم صورة الحوالة وبيردون عليك واحتفظ بالايميل عندك . ،،، البنك بيحول لهم باليورو ويخصم منك او ياخذ منك المبلغ بالريال |
كيف ارسل صورة المخالفة هنا |
|
هذي مخالفة الخمس والعشرين يورو مصاريف |
|
هذي مخالفة الأربعين يورو كيف طريقة تسددهم |
وين اسم البنك في الاثنان |
لازم ترسل لسيكست يرسل عنوان البنك .. الايبان موجود في الرسالتين ..فممكن تطبع الاثنين وتروح البنك يحولون المبلغ وترسل الحوالتين لسيكست .. انا مااشوف المخالفةرهذي انك تقدر تسددها اونلاين ..فلازم حواله .. |
رد: تجربتي في سداد مخالفة السير - سيكست مثلا .. شكراا بوعبدالله على التنبيه والشرح المصور |
اقتباس:
تم اضافة تحديث بأول الموضوع اعتقد انه مهم جدا .. |
شكرا لك موضوع مفيد و وافي |
| الساعة الآن 11:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO