|
اقتراحكم على جدولي مابين المانيا والنمسا السلام عليكم ورحمه الله وبركاته. مسائكم الله بالخير و السرور حاب اشكر القائمين على هذا المنتدى الجميل. هالمره سفرتي ل المانيا و النمسا و انا اتصفح واخذ معلومات احتررت جداً في ترتيب جدولي قلت اطرحه عليكم و تشوفونه وتعطوني ارائكم و مقترحاتكم. 10 ايام 11 لليله. الوصول والمغاده من ميونخ. اول ليلتين ف قارمش ، خمس ليالي زيلامسي ليلين محتار فيها ما بين سالزبورغ او بيرتساو و لاا ايش تكون الوجهه؟ و اخر لليلتين ميونخ ماني عارف هل سالزبورغ اجلس فيها ولا زياره بس ؟؟و ب الليالي الباقيه وين اروح.؟ وهل يمدي اروح يورب بارك المسافه كم تبعد. ابي اماكن تجمع بين الترفيه والتسوق و الطبيعه. * اول مره اطلع ل اوربا ، الرحله شخصين انا والمدام في شهر يونيو. ويعطيكم العافيه. |
افاا وينكم محد يرد ! |
اقتباس:
هلا وغلا ابو نايف أقترح عليك سالزبورغ عن تجربة .. بيرتساو ما أعرف عنها شي .. * الوصول ميونخ و تستلم سيارتك و الذهاب مباشره إلى قارمش ليلتين كافيه فيها وبعدها * زيلامسي 5 ليالي ... ( أهم شي تحدد الاماكن السياحيه المجاوره لها والأنشطه وتوزعها في أيام زيلامسي عشان ما تحس بالملل ) * سالزبورغ ( تجمع بين الطبيعه والمدينه ) ليلتين * و بعدها العوده لميونخ ليلتين < التسوق في ميونخ ممتاز > * بخصوص ملاهي اليورو بارك تقع في مدينة رست وهي بعيده وأيامك لا تكفي لها .. نصيحه في السفر حاول انك تستمتع أكثر وتقلل من كثرة التنقل بين المدن .. وأي استفسار حاضرين يالغالي. |
يعطيك العافيه يالغالي يعني تشوف كذا الترتيب ممتاز ؟ بالنسبه ل تاجير السيارات ايش افضل شركة ممكن استاجر منها ؟ الليلتين الاخيره في ميويخ استغني عنها و هل لازم اسلمها بالمطار ؟ السوال الاخير ياليت تفيدوني في فنادق ممتازه وسعرها مناسب ف هالمدن جالس احوس فيها الان. |
اقتباس:
أعتقد سالزبورغ أفضل لقربها من زيلامسي أولاً وقربها من ميونخ أيضاً وتستحق الزيارة أما بالنسبة لمدن الألعاب فأتصور صعب عليك لضيق الوقت |
اقتباس:
أفضل تستأجر من يورو كار .. اهم شي يكون معك الرخصه السعوديه .. بالاضافة للرخصه الدولية يمكن يطلبونها.. الرخصه الدولية تطلعها من اي مكتب سياحي هنا بـ مية ريال على ما اعتقد. إيجار السياره انت على راحتك وحسب ترتيبك : 1- اذا تبي تاخذ اول ليلة في ميونخ تقدر تاخذ السيارة من المحطه الرئيسية للقطارات في وسط ميونخ .. وتسلمها لهم اذا رجعت لميونخ .. 2- او تستلم السيارة من المطار عند وصولك وتسلمها في محطة القطارات اذا رجعت لميونخ. لان داخل ميونخ ما راح تحتاج للسيارة .. تسكن في السنتر وكل شي حولك. بخصوص الفنادق... الاختيارات كثيرة وحسب حاجتك وميزانيتك ... عن تجربة أرشح لك التالي: * ميونخ : هذي الفنادق اللي موقعها ممتاز وفي السنتر وقريبة من كل شي . اول فندقين قريبة جدا" من محطة القطارات الرئيسية اللي فيها مكاتب تأجير السيارات: 1- سوفيتيل ميونيخ بايربوست: https://www.booking.com/hotel/de/bay...s=1&#hotelTmpl 2- ألوفت ميونيخ: https://www.booking.com/hotel/de/alo...s=1&#hotelTmpl 3 & 4 بينها وبين المحطه شارعين تقريبا. 3- كورتيارد باي ماريوت : https://www.booking.com/hotel/de/cou...d79925093082f5 4- فندق كريستال: https://www.booking.com/hotel/de/bes...fs=1&#tab-main * قارميش : ما قد شكنت فيها .. يفيدونك الاعضاء ان شاء الله ... * زيلامسي: شقق فندقية بوست: هي إختياري الاول والدائم لها تتميز بسعرها المناسب و موقعها المتميز جدا" في وسط زيلامسي ونظافتها ممتازه. https://www.booking.com/hotel/at/app...d79925093082f5 * سالزبورغ : 1- موتيل وان سالزبورغ - ميرابيل: https://www.booking.com/hotel/at/mot...fs=1&#tab-main 2- Hotel Stein - Adults Only https://www.booking.com/hotel/at/cul...fs=1&#tab-main طبعها مثل ما ذكرت خيارات السكن كثيررره . اهم شي تقرأ تقييمات الضيوف .. وحسب ميزانيتك .. اذا حجزت بدري تلقى الاسعار المناسبة ورخيصه , اما اذا قرب الصيف تزيد الاسعار دبل وما تلقى خيارات متوفره . حاول تحجز السكن اللي موقعها كويس ونظيف وسعره مناسب .. كل ما وفرت من قيمة السكن تقل تكاليف السفره ... أتمنى لك التوفيق. |
الله يسعدك الرايق ما قصرت يالغالي طيب ودي اسكن ف كوخ ايش افضل كوخ ممكن اسكن فيه و باي مدينه ؟ ياليت تدلوني عع افضل و اكبر الالعاب هناك. ودي ب اليورو بارك بس بسسب ضيق الايام ابي شي يعوضني عنها ههههههه؟ و افضل اوت لت هناك وين؟ |
اقتباس:
تجربة الاكواخ ما جربتها ... ان شاء الله الاعضاء يفيدونك عنها .. هي غالبا" متواجه في الريف مثل زيلامسي وقارميش . وانت ابحث عنها في موقع بوكينج وراح تلقى . مهم جدا" في البحث للسكن تقرأ تقييمات الضيوف. في زيلامسي فيها الزحليقة الصيفيه وهي ممتعه وراح تعجبكم .. وفيها انشطه في البحيره حلووه .. طبعا" أكبر ألعاب في أوروبا هي اليور بارك https://www.arabtrvl.com/vb/images/icons/icon7.gif |
كم المسافه من زيلامسي لمدينة الملاهي |
اقتباس:
ومن ميونخ الى اليورب بارك 4 ساعات رايح و4ساعات راجع باختصار اذا انت تبي تزورها تبات فيها مو اقل من ثلاث ليال حتى تحلل المشوار تم الإرسال من SM-G935F باستخدام Tapatalk |
| الساعة الآن 02:10 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO