|
ذهاب عودة من فرانكفورت وين اروح يا اخوان ؟ السلام عليكم ورحمة الله وبركاته يا اخوان انا حجزت ذهاب وعودة من فرانكفورت لان سعر التذكرة صراحة مايتفوت وفرق اكثر من 1400 ريال عن ميونخ قلت استغلها برسوم الرخصة الدولية والفيزا الذهاب يوم 6 سبتمبر اوصل الساعه 1 الظهر الى فرانكفورت والعودة الساعه 3 يوم 25 سبتمبر يعني عندي 19 ليلة تقريبا وودي ازور المانيا وسويسرا والنمسا ايش تنصحوني بمخطط للرحلة ؟ راح احجز سيارة |
تقدر تطلع لقارمش تقريبا 3 ساعات او تنزل تحت للبادن بادن في الغابة السودا تقريبا ساعتين من فرانكفورت ومنها الى بحيرة كونستانس تقريبا ساعتين من بادن بادن او تروح من بادن بادن لستراسبورغ الفرنسية تقريبا 45 دقيقة روح كولمار ايضا 45 دقيقة من ستراسبورغ او تروح لقارمش ومنها تروح انسبروك النمسا مو بعيده تقريبا نص ساعه ومنها لزيلامسي والقرى اللي حوالينها بالوادي مترسل - اوتندورف -كرميل - كابرون تبعد تقريبا 100 كم عن انسبروك او تصعد فوق لجنوب المانيا بريتشقادن وبحيرة الملوك كونق سي |
وعليكم السلام ورحمة الله وبركاته عندكم 20 يوم 19 ليلة الوصول والعودة فرانكفورت بادن بادن 4 ليالي انترلاكن 4 ليالي انسبروك ليلتين زيلامسي 4 ليالي ميونخ ليلتين فرانكفورت 3 ليالي او نصيحة الاكتفاء بسويسرا ومدنها مع المانيا |
فرانكفورت بادن بادن سويسرا انترلاكن وريفها وبعدها ارجع فرانكفورت اذا ماعندك مشكلة في المسافات اطلع غارميش بعد سويسرا ومنها على فرانكفورت |
الله يعطيكم العافيه يا اخوان انا فكرت بالخطة هذي اذا تعطوني رأيكم لو في افضل وعن الفنادق الي عنده فكرة ليلتين بادن بادن ثلاث ليالي فرايبورغ ليلتين انسبروك سبع ليالي زيلامسي ليلتين قارمش ليلتين ميونخ ليله فرانكفورت |
اقتباس:
لان بستأجر سيارة ولازم اشحنها |
لو خليت زيلامسي ست او سبع ليالي اخليها كلها بكابرون ؟ ولا المدة طويلة عليها |
بادن بادن قريبة من فرايبورغ فالافضل تطلع من بادن على انسبروك مباشرة |
ان كنت ستزور الغابه السوداء انا افضل الاقامه في فرايبورغ بدلا من بادن بادن لانها اجمل مدينه في المانيا بلا منازع في نظري وهي اقرب للاماكن المهمه في الغابه السوداء واستغرب غياب العرب عن هالنقطه .. ايضا فرايبورغ اقرب لسويسرا وانا افضل زيارتها على النمسا لان فرانكفورت اقرب لسويسرا من النمسا عموما ( رغم ان سويسرا مصرف وخساير فلوووس) وانا صراحه اشوف ان التيرول النمساوي واوستا والتو اديجي الايطاليين لايقلون جمالا عن سويسرا الغاليه بلا داعي وبنصف السعر ممكن .. اهم شيء دائما حاول ان تكون رحلتك ذكيه ومتنوعه .. لاتخليها مدن متشابهه بلا هدف او ارياف متشابهه .. يعني زور مدينه كبيره ومدينه متوسطه وقريه وريف منعزل او على بحيره .. |
| الساعة الآن 11:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO