|
بطاقة زيلامسي المخفضة بسم الله الرحمن الرحيم حجزت بشقه بكابرون ولكن للاسف ما تقدم بطاقة زيلامسي حقت التخفيض مع حجزنا غير مسترد هل يمكن شراء هذه البطاقة ؟ وش الحل |
رد: بطاقة زيلامسي المخفضة لا تنسي انها تنتهي 15 أكتوبر لو كان سفرك بعد 15 اكتوبر ما تستفيد منها |
رد: بطاقة زيلامسي المخفضة في مكتب في سنتر زيلامسي عند محطة القطار بالضبط مكتب استعلامات يوجد فية البطاقة بس لا تحرصون عليها مرة لا النها بعد غالية وفرق معقول وماتسوي الامر هذا كلة الاهم قمة كابرون وزحليقة سالفدرين وشلالات زغموند احرصوا ع دخولها عدا ذالك اسعار معقولة |
اقتباس:
اول شي احب اشكر صاحب الموضوع على الطرح والشكر موصول لك اخوي رعبوب انا سمعت عن بطاقة التخفيض لكن سوالي هل فعلاً هي تستحق ان يسعى الواحد ان يسعى لها ويضحي ببعض الشقق التي لا تعطي هذه البطاقة وتكون عاجبتة من حيث الموقع وغيرها من مميزات لا اخفي عليكم هذي اول زيارة لي للنمسا دائما كنت امرعليها مرور وفي المخطط القادم سوف اجلس بها من اسبوع الى اسبوعين ولا اخفيكم اني محتار اين اسكن |
مرحبا أخي أبو عبدالله البطاقة تستاهل للي ناوي يجلس مده أطول في زيلامسي أو كابرون وبتوفر عليه مبلغ كبير خصوصاً إذا كان معه عائلة وأطفال عموماً الفنادق والشقق الللي تقدم هذه البطاقة تكون أسعارها مرتفعة جداً لكن اذا انتم شباب وكل واحد وقطته فلا تعتبر ضرورية أنصحك تسكن بكابرون قريبة جداً من زيلامسي وهي هادئه وجميلة بالنسبة لنا سكنا بدون بطاقة التخفيض ولكن السكن وفروا لنا بطاقة فيها خصم 10 بالمائة |
ننتظر منك تقرير و لو بسيط يفيد الاعضاء |
اقتباس:
الله يعطيك العافية اخوي عجاج مشكور على الايضاح وسرعة الرد بس هل يكون موضح عند الحجز انه الشقة توفر البطاقة او لا دمت بخير اخوي عجاج |
بطاقة زيلامسي كابرون الصيفيه لا تباع وهذا شيء مؤكد اما هل هي تستاهل او لا على حسب العدد اذا كان العدد شخصين وتم حجز سكن لاتوجد به بطاقة واذا لغيت الحجز يذهب مالك سدى ماتستاهل الالغاء لكن اذا كان العدد 5 اشخاص ممكن تستفيد منها وتوفر عليك اغلى شي قمة كابرون والباقي كله رخيص |
اقتباس:
تسلم اخوي حبر ما قصرت على التوضيح |
بطاقة زيلامسي وكابرون لاتباع ... البطاقة اللي تنباع كما ذكروها الشباب الله يعطيهم العافيه هي Top5 تحصلها عند مكتب الاستعلامات في سنتر زيلامسي تشمل 5 أماكن سياحيه لو حسبنا أن سعر الدخول لقمة كابرون للمراحل الثلاث ب 31 يورو وقمة شموتين بحدود 23 يورو غير زحليقة سالفدين وشلال زغموند. .. اشوف انك تحسبها صح وهذي نصيحتي لك اذا كانت تناسب ميولك والأشياء اللي ناوي تزورها خذها لأن سعرها بحدود 50 يورو. .. أيضا هناك بطاقة تخفيض توفرها بعض الفنادق والشقق بحدود 7 الي 10 يورو تخفيض. .. نصيحتي مر على مكتب الانفورميشن قبل ماتمر أي مكان سياحي في زيلامسي أو كابرون مع تحديد مسبق عن الأماكن اللي تبي تزورها واحسبها صح اليورو ب حدود 5 ريال سعودي وفقك الباري |
الله يبارك فيكم جميعا البطقاة اذا عايلة ممتازة توفر اما نفرين ماضن تهم جدا واحرصوا علي الفنادق الي تقدمها مجاني |
احترمك والله يارعبوب جدا واحبك في الله. .. طبعا الأفضل أن آخذ الفنادق أو الشقق اللي توفرها راح توفر الكثير عليا. .. إذا ماكانت توفرها أنصح بأخذ بطايق التخفيض بس يشوف أيش الأماكن اللي يستفيد منها وهل تناسب رغباته سواء عايله أو شخص لحاله. . |
احبك الله وانت وربيس شخص قريب الي قلبي جدا ومميز في نهاية هي اراء وكلن حسب ميزانيتة اجل اقولك شغلة في احد الزملاء اعطيتة برنامج وقالي بلا ثلج بلا خرابيط ههههههههههههه اقولة روح قمة كابرون روووعة قالي مالي اهتمام للاماكن هذي مثل هذا حرام ياخذ بطاقة تخفيض واهم الاماكن واغلاها سعر ما راح يركبها او يستخدمها بالنهاية تعود للشخص واكيد البطاقة اوفر لاكن انا اقول اذا يوفرها الفندق مجاني ممتاز |
المفروض تقول لزميلك مصر حلوه :25: صادق كلامك حسب الميول. .. وفقك الباري |
ههههههههههههه مصر ام الدنيا تراها ماسة في بالي هاليومين ويك اند لا تهيضني |
من وجهة نظري لو انتو شخصين مي مهمه مره قد ماتكونو اشخاص وفوق وبما انك حجزت وحجز غير مسترد فخلاص توكل على الله أرسلت بواسطة iPhone بإستخدام Tapatalk |
| الساعة الآن 06:06 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO