|
النيه سفريه السلام عليكم ورحمة الله اخواني انا في هل الموضوع بطرح لكم افكاري لسفره وابيكم توجهوني في الغلط الى الصح المده 9 أيام الميزانيه لشخصين شامله كل شي تتراوح مابين 25 الف الى 30 الف أولا السفره محتمل انها تكون في شهر أكتوبر من هذا العام وهيه كتالي الوصول فيينا والجلوس يوم اليوم الثاني الانتقال يالقطار الى سالزبرغ يومين ومن ثم الى زيلامسي اربع أيام ومن بعدها الى ميونخ يومين والعوده الى الوطن الطقس في هذا الشهر مخوفني كثير خايفه اروح والقى الأرض بيضاء :(38): .؟ او الجو بارد لايحتمل ..؟ او امطار لاتقف ..؟ خاصه في زيلامسي وسالزبرغ اما مايخص الانشطه في هذا الشهر سمعت انه كذالك تنتهي كل الانشطه هل هذا صحيح ..؟ الفنادق اخترت فنادق من خلال اطلاعي ع البوكنق فيها موظفين عرب لن ماكو للغه :(57): وقابله لتغير اذا عندكم افضل من ناحية الأسعار والنظافه زيلامسي: اخترت الفندق الأشهر غراند <<سعره غالي بس ميزته موظفينه عرب وقريب من القطار والبحيره اذا عندكم فنادق فيها نفز الميزه وارخص وجهوني فيينا : فندق دي فراني .. تقيمه حلو بالبوكنك وفيه موظفين عرب ورخيص سالزبرغ : اخترت بريستول حبيته كثير وتقيمه حلو بالبوكنق وقريب من النهر بس غالي كثير <<اذا تعرفون ارخص وافضل وقريب من النهر والقطار وجهوني ميونخ : ماريوت تقيمه جميل وقريب من شارع العرب وموظفينه عرب << واذا فيه افضل وجهوني :) حاولنا نختار الفنادق الأقرب للاماكن السياحيه عشان نوفر حق التكسي والقطارات ونستمتع بالمشي اللي اعتبره ملح السفره الأماكن السياحيه اللي نبيها في زيلامسي 1_ شلالات كاريمل 2_ شلالات الوادي سيجموند 3_ دراجة كابرون والتلفريك <<الدراجه تذكرني بلعبت الجبل الأخضر بطايف بس الفرق الطبيعه ههههه 4_ بحيرة مونتري وبحيرة هالشتات وبحيرة فوشل امسي تبعد ساعه ونص عن سالزبرغ فيينا قصر الشونبرون وحديقة الحيوان ميونخ : بنقضيها تمشيه بشارع العرب << مدري اذا هو زين او لا بس ارتحت لكلمت عرب هههه وفيه شارع ثاني بس مايحضرني اسمه
ايش تنصحوني بمطاعم وكفيهات في زيلامسي وسالزبرغ والمناطق الباقي بس الأهم هذول الثنتين لن مالقيت لعهم شي بقوقل |
رد: النيه سفريه وعليكم السلام حياك الله اخوي مالي خبره وايد بهالدول بس شوف حط استفسارك في بوابتهم في قسم اوروبا وو ان شاء الله ماراح يقصرون وياك وو اهم حاطين اغلب الاحداثيات :(125): العرب المسافرون ( دول اوروبا ) - شبكة و منتديات العرب المسافرون |
رد: النيه سفريه آسفه يا قلبي توني الاحظ انج بنوته مو ولد :(7): |
رد: النيه سفريه اجل انقل الموضوع بكبره ولا تنقلونه :) |
رد: النيه سفريه نقلته :(114): |
رد: النيه سفريه ابشر تم النقل الي استفسارات النمسا |
رد: النيه سفريه اقتباس:
و عليكم السلام المخطط ممتاز و ترتيب الأيام منظم الجو بيكون بارد بس اعتقد بداية تكوين الثلوج في نوفمبر و اذا حابين تستمتعون بالفعاليات في زيلامسي يا ريت تكون سفرتكم قبل 15اكتوبر لانها بعد هذا التاريخ راح تغلق مب مهم تكون الفنادق فيها عرب اذا الحجز غالي عليكم تقدرين تدورين أرخص لانه ما بتحتاجين تتكلمين وَيَا الموظفين الا اذا بغيتي شيء ضروري و المطاعم شوفي التقارير فيها تجارب الأعضاء لبعض المطاعم ألعربيه و الحلال بالتوفيق |
رد: النيه سفريه الله ينور دربكم جميعاً طيب البوكنق أسعاره حقيقيه لن اللي عندي بالجوال تختلف أسعاره عن اللي عبر محرك قوقل او ان المشكله في برنامج محول العملات اللي عندي << شورو علي في افضل محول عملات |
رد: النيه سفريه من تجربتي معهم الأسعار حقيقية لكن يمكن فرق العملات و تقدرين تختارين العمله اللي تبغينها لكن بعد حطي أسعار الضرايب تقريبا 200 زياده |
رد: النيه سفريه والله أنا توني راجع من النمسا وبالنسبه لفندق جراند أنا ما استأجرت فيه بس اكثر العرب الي قابلتهم هناك يشتكون منه ومن سو المعامله وًهو ميزته قريب من السنتر وفي نفس الوقت ازعاج من صوت الكنيسه والقطار لو معك سياره بنصحك بفندق يبعد عن السنتر والبحيرة ٥ دقايق فقط |
| الساعة الآن 11:06 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO