|
بخصوص حجز التذاكر السلام عليكم حابه استشيركم قبل ما احجز تذاكر الطيران ايش رايكم بتاريخ 21-8 حيث ان الوصول لميونخ والعوده بتاريخ 2-9 من فيينا هل التوقيت جميل او لا ؟ وومنطقه الوصول والعوده ؟ وايش رايكم بتقسيم الايام انا ناويه اجلس بميونخ يومين وبعدين اطلع زيلامسي او كابرون ايش رايكم بهذاك التوقيت ايهم افضل لان على حسب علمي ان كابرون ابرد واطلع منه لسزبورغ واخر شي فيينا وهل ممكن امر مناطق ثانيه ؟ مع العلم المسافرين انا وزوجي وولدي عمره 3 سنوات |
او اخلي العوده من جنيف اذا فيه امكانيه زياده مناطق جديده لان المهم عندي بالرحله زيلامسي وكابرون اما فيينا مو مهمه الله يسعدكم |
وعليكم السلام خلوا الوصول والمغادرة ميونيخ |
يعطيك العافيك طيب كم يوم اخليها وتقسيم الايام كيف |
وصول ميونخ الذهاب مباشره الي سالزبورغ يومين كابرون 5 أيام انسبروك أو ضواحيها 3 ايام ميونخ يومين |
يعطيك العافيه طيب اللحين انسبورك منطقه ريفيه صح ؟ فلو خلينا العوده فيينا يكون جربنا المناطق الريفيه والمدن صح لأن حابه اشوفها .. هل يكفي ١٢ يوم اذا دخلنا فيينا بالرحله والسياره اذا استأجرناها من ميونخ نسلمها بزيلامسي لان بفيينا مااحتاجها وهل الفرق كبير او لا بالسعر ؟ لأن لو الفرق كبير خلاص اكنسل فيينا والتأشيره على حسب ماقريت اطلعها من الدوله اللي بطول فيها لكن المانيا شديده فأطلعها من عندهم واحجز فنادق الغاء مجاني والغيها اذا وصلت هناك صح كذا او فيه طريقه افضل الله يجزاك خير .. |
ذهاب فينا وعودة ميوينخ. . فيينا 3 ايام سالزبورغ 2 يومين عن طريق القطار أول ماتوصلون هناك على سالزبورغ وخذوا تاكسي على فيرلاسنغ واستلموا السيارة تقريبا المسافه 15 دقيقه. .. زيلامسي او كابرون 5 أيام ميونيخ يومين اول ماتوصلون سلموا السيارة |
خلكم في السليم وبلاش الحجز الوهمي. . التاشيره من النمسا |
وجهت نظري دامكم النيه موجوده ع أوروبا زودوا يومين أو ثلاث وخذوها في انسبروك أو قارمش |
يعطيك العافيه شيكت على اسعار التذاكر حصلت اذا كان وصولنا فيينا اغى من اذا كان وصولنا ميونخ وبعد اجار السياره من ميونخ ارخص من النمسا فحسيت لو احجز الوصول ميونخ افضل من ناحيه السعر والعام صاحبتي وصلت لميونخ وتقول عادي والتاشيره من المانيا وهم ماجلسوا بألمانيا الا بالخر الرحله لان وصولهم وعودتهم من ميونخ .. لكن اخاف هالسنه غير خصوصاً اول مره اطلع اوربا ومحتاره انت ايش رايك وزياده يومين عشان انسبروك او قارمش عادي ازيد لكن ايهم تنصح المبيت فيها اكثر الله يجزاك خير تعبتك معاي |
ياليت احد يساعدني |
خلوا الوصول والمغادرة ميونيخ المشكلة موضوع القياده في النمسا الي الان ليس هناك حل أنسبروك أو قارمش كلها جميله |
انا انصحكم بما ان القيادة اصبحت ممنوعه لنا كسعوديين في النمسا غيرو وجهتكم وخلوها سويسرا ماراح تكتمل متعه مشاهدة الارياف إلا بقيادة السيارة وسويسرا افضل بكل شيء لا من حيث الطبيعه او الارياف ولو حبيتم تزورون زيلامسي خلو وجهتكم الاولى ميونخ وتقدرون تزورونه في نفس اليوم وترجعون لميونخ اما بالقطار او الباص وتكون العوده من جنيف انسبورك مانصحكم فيها وخاصة بعد منع القياده |
الله يسعدكم جمعيعاً طيب اللحين حتى الرخصه الدوليه الي من المكاتب ممنوعه وسويرا كثير يقولوا غاليه عشان كذا حاذفتها من القائمه لان الميزانيه محدوده والنمسا ماراح نستمتع فيها إلا بالسياره سويسرا انا اقصد الغلا من ناحيه السكن وإلا الاكل ممكن اخذ معاي اشياء من هنا ومايكون اعتمادنا عالمطاعم ولو حولت سويسرا من وين القدوم والعوده وتقسيم الايام معليش غلبتكم معاي بس عشان زوجي يقول بكره بحجز وانا ماودي اسوي شي واندم عليه لأنه معتمد علي بالسفره كلها بعد الله وهذي اول مره اروح اوربا .. |
الذهاب ع ميونخ والعوده من جنيف 3 ايام ميونخ + قارمش +زيلامسي اذا حبيتو >>بما انكم وصلتو ميونخ عادي اركبو قطار وروحو لها وارجعو في نفس اليوم وقارمش بعد من الصباح تروحون لها وترجعون المساء 2 يومين زيورخ وع طريقكم شلالات الراين + اليوم الثاني قرية هايدي ولوسرين 5ايام انترلاكن وبها الكثر من الانشطه والمزارات والبحيرات اليومين الاخيره جنيف = 12 يوم وبعد تقدرين تحذين من ايام انترلاكن يوم وتضيفينه لجنيف اذا ضفتو يومين بعد احسن وتكون في جنيف ومنها زيارة الجنوب الفرنسي + مونترو سويسرا سويسرا الغلا مابينها فرق واجد مع النمسا والسكن مو لازم تسكنون في السنتر عادي اذا معاكم سياره اي مكان تقدرون تسكنون فيه وتوفرون كثير انا انصحكم تاخذون شنطه فيها اغراض الطبخ وراح توفرون مبلغ واجد لان الاكل في اوروبا بصفه عامه غاليه المطاعم |
| الساعة الآن 01:34 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO