![]() |
وش الافضل بكجات او حجز السلام عليكم ورحمه الله وبركاته اول رحله لي لاوروبا وابي المشوره منكم الافضل اخذ بكجات او احجز كل شي انا وحاط في بالي النمسا سوسيرا والمانيا عطوني رايكم الله يجزاكم خير |
وعليكم السلام ورحمة الله وبركاته الأفضل عمل الحجوزات في نفسكم ١/ حجز الطيران الدولي ٢/ استخراج الفيزا ٣/ ايجار سيارة ٤/ حجز الفنادق |
طيب انا احجزها والا اي مكتب سياحي يقوم فيها |
احجزها بنفسك اوفر لك |
وش تنصحوني فيه كم يوم اقضي فيها وابي اكواخ للسكن وكم يستغرق الشنغن وصحيح لازم في حسابي مبلغ اقل شي 30 جاوب على اسئلتي ومشكورين |
ليش ٣٠ الف ههههه لا مو شرط بالنسبه للشنغن ماتطول وممكن تدخل على البوابه واستفسر اكثر بسيطه جدا اذا عائله لاتسكن في كوخ اقترح عليك عدم أضافه النمسا مع سويسرا يعني وصول ومغادره ميوينخ من مطار ميوينخ الاتجاه مباشره الى فوسن ثلاث ليالي بعدها الشمال الايطالي كورتينا دا مبيدزو ثلاث او او اربع ليالي بعدها كابرون اربع ليالي بعدها ميوينخ ليلتين |
وعليكم السلام.. اخوي ياليت تبين لنا هل هي عائليه او شباب و عدد الافراد.. عشان نقدر نفيدك باللي عندنا.. |
الرحله زوجين وطفل عمره 10سنين وانا ابي اضيف سوسيرا والمانيا ميوينخ تكفي بس |
اخواني ردوا علي |
على حسب وصولك اذا لك رغبه في ميوينخ والنمسا و سويسرا خلي وصولك زيوريخ ومغادرة المانيا من زيوريخ استجار سياره الانطلاق مباشره الي لوسيرن ( ليلتين ) /انترلاكن ( ثلاث او اربع ليالي ) / فوسن ( ليليتن او ثلاث ليالي ) / زيلامسي( ثلاث او اربع ليالي ) / ميوينخ ( ليلتين ) او خلي وصولك ميوينخ وعوده منها بس احرص ان يكون وصلك في وقت مبكرا استأجر سياره والانطلاق مباشره الي فوسن او قارمش ( ليليتن او ثلاث ) / انترلاكن ( ثلاث او اربع ليالي ) / سيفيلد تيرول ( ليلتين) / زيلامسي ( ثلاث او اربع ليالي ) / ميوينخ ( ليلتين ) ملاحظات : قارن أسعار الطيران الدولي قارن سعر ايجار السياره من زيوريخ وتسليم ميوينخ وايضاً قارن سعرها استلام و تسليم ميوينخ قارن سعر السياره من مطار جنيف القسم الفرنسي وتسليم في ميوينخ ممكن استبدال زيلامسي في كابرون ممكن استبدال انترلاكن في ايستلوالد او جريندلفالد ممكن استبدال فوسن في شوانجاو او قارمش ممكن استبدال سيفيلد تيرول في انسبروك اثناء ايجار السياره القياده سهله وممتعه انصحك في ثلاث أشياء ١/ جهاز نفيقيشن ٢/ معرفه في خرائط قوقل ٣/ تنزيل تطبيق here كلها خيارات جميله وقريبه من بعضها احرص اثناء حجزك ان لايصادف سبت واحد تواجدك في ميوينخ قارن أسعار الفنادق بعكس المسار ايضا ممكن تخلي الوصول جنيف والمغادرة ميوينخ الانطلاق مباشره من مطار جنيف (ايجار السياره من الجانب الفرنسي أرخص ) الي مونترو (ليليتن) / انترلاكن(ثلاث او اربع ليالي ) / سفيلد تيرول( ليلتين) / زيلامسي (ثلاث او اربع ليالي ) / ميوينخ (ليلتين ) جميع المسارات جميله بس عليك مقارنة الاسعار بعد تحديد تواريخ سفركم وأي استفسار اخر ابشر |
الله يجزاك خير ماقصرت اصحابي خوفوني قالوا اخذ بكج افضل لك بما انه اول مره اطلع اوروبا وانا متردد بصراحه وابي اكثر الاقامه في النمسا وطلعت مشكله النقاب في سوسيرا وتلخبطت اكثر |
خلك على النمسا وألمانيا اذا متخوف نصيحتي سيبكم من البكجات |
الله يجزاك خير ويرحم والديك عطني جدول للنمسا والمانيا اجازتي 15يوم فقط |
١٥ يوم هل من ضمنها الذهاب والعوده ؟ لو تعطيني تواريخ معينه يكون افضل |
ايوه من ضمنها العوده وانتظر الشنغن |
افضل لك وصول ومغادره ميوينخ بحيث يكون وصولك الصباح على ميوينخ خذ السياره من المطار الانطلاق مباشره الي قارمش ثلاث ايام كورتينا دا مبيدزو الشمال الايطالي ثلاث ايام جينباخ يومين زيلامسي اربع ايام ميوينخ يومين احرص أشد الحرص سواء اخذت هذا الجدول او غيره ان لايصادفك السبت والأحد ضمن ايامك في ميوينخ اذا سفرت ضمن ايامك نقص ليله في زيلامسي او غارميش بعد ماتتيسر أمور الشنقن ذاك الوقت ابشر اكثر في تخطيط سليم واذا ماشفت لك اجابه كافيه في اي سوْال من الخبراء راسلني على الخاص لاتقلق الأمور فوق البيسطه في اوروبا الأهم ان يكون الواحد نظامي |
الساعة الآن 10:59 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO