|
فزعتكم الله يسعدكم السلام عليكم ورحمة الله وبركاته الله يسعدكم اتمنى ماتقصرون معي بااذن الله مخططه انا وزوجي وطفل عمره 6سنوات بنسافر نهاية شهر 7 بااذن الله واول مره نطلع برى الخليج ولا عندنا خبره الوجه للنمساء والمدن القريبه لها وحاطين من ضمن الرحله ايطاليا (ميلان ) مدة الاقامه 12 ايوم 9ايام النمساء و2يوم ايطاليا او فرنسا استفساري ايش المدن الي تنصحون ازورها بالنمساء الميزانيه كم تقريبا بتكلف لشخصين وطفل هل شهر 7 هجري مناسب للسفر بالنسبه للتاشيره ايش اجراءاتها ومتى تطلع تقريبا واللغه الانجليزيه ضعيفه عندي وزوجي ومحتاره كيف بنتفاهم معهم هناك والي عنده اي معلومه ممكن تفيدنا يسدحها جزاكم الله خير |
رد: فزعتكم الله يسعدكم باانتظاركم سبحان الله وبحمده عدد خلقه ورضاء نفسه وزنة عرشه ومداد كلماته |
رد: فزعتكم الله يسعدكم و عليكم السلام اولا يا ريت توضحين التاريخ بالميلادي لانه ما اعرف بالهجري متى يكون ثانيا المناطق في النمسا هي فيينا و سالزبورغ و زيلامسي او كابرون بالنسبه لايطاليا ممكن زيارة فينيسيا من زيلامسي و العوده مرة اخرى و ممكن اختيار ما يناسبكم من موضوع الجداول في البوابة و الميزانيه على حسب صرفكم يعني حساب الفنادق و التذاكر و الصرف اليومي تقريبا 100 الى 150 يورو في اليوم اللغه ليست بعائق ابدا فالامور كلها سهالات باذن الله |
رد: فزعتكم الله يسعدكم بخصوص الفيزا اعتقد ايطاليا اجرائاتها سهله ولا عليها ضغط مو مثل بريطانيا ( بالنسبة لنا في الكويت ) وبخصوص اللغة لا تحاتون اهم شي اساسيات اللغة الانقليزية وتمشي الامور وانا سامع اساسا الايطاليين قليل الي يتكلم انقليزي وقبل الاقلاع يفضل طباعة كامل الاوراق مع اخذ نسخة لسهولة الاجرائات هناك وترجمة قوقل تكفي وتوفي وفي بعض برامج الترجمة يترجم عن طريق الصوت وباللغة الي محتاجينها .. الله يسهل عليكم والله يحفظكم بحلكم وترحالكم |
رد: فزعتكم الله يسعدكم حياكي يا اختي متفائلة والله يسهل عليكم يارب اول اجرائات السفر لابد من المخطط قبل اي شي افضل خط سير لكم الوصول فينا والمغادرة ميلان فينا 2 زيلامسي 6 فنيسنا 2 ميلان 2 اذا حابين فرنسا والنمسا الوصول فينا والمغادرة باريس فينا 2 زيلامسي 5 ميونخ 2 باريس 3 طبعا ً من ميونخ طيران اقتصاي الي باريس وتاريخ 1- 7 - 1436 يوافق بالميلادي 20 - 4 - 2015 يعني نهاية شهر ابريل والجوى راح يكون مماز مع برودة في الليل والافضل تخلونها بداية مايو يعني منتصف شهر 7 هجري والتاشيرة لها قسم خاص فيها وراح يفيدونك الاخوان ومارح يقصرون معك وهي راح تاخذ اسبوع بالكثير ان شالله على الرابط التالي استفسارات فيزا دول اوروبا ( الشنغن ) وخصوص الانجلش زي ماقالو الاخون اهم شي الاساسيات والموضوع جدا سهل واصلا امور حجز الفناق والسيارة راح تعملونها بنفسكم والموضوع جدا سهل ربي يسير امروكم والمشرفين والاعضاء مارح يقصرون معك بكل ما تحتاجينه |
رد: فزعتكم الله يسعدكم اقتباس:
جزاك الله خير |
رد: فزعتكم الله يسعدك اقتباس:
|
رد: فزعتكم الله يسعدكم اقتباس:
بااذن الله رحلتنا بتكون وسط شهر 7 هجري والله محتاره ايش اختار ميلان ولا باريس باريس متخوفه منها بسبب الاحداث الي حصلت جزاك الله خير والله يسعدك |
رد: فزعتكم الله يسعدكم اختي متفائله .... نصيحتي الك قبل لا تأخذي مشورة الأعضاء ... خذي فكرة بالقراءة عن اغلب المدن ... عشان تحددي حسب الشي الي انتي تحبيه اهم مدن النمسا :- فيينا وسالزبورغ وزيلامسي فيينا:- عاصمة البلد وفيها الكثير من الأسواق والقصور وفيها مدينة العاب حلوه .( بالنسبة الي 3 أيام كافيه لها) سالزبورغ :- مدينه صغير فيها أسواق جميله وقلعه وقصر ... وحولها أماكن طبيعية تسحر العين من حلاها من رايي ان يومين كافيه لها زيلامسي و كابرون :- قرى ريفيه شبه خاليه من الأسواق لكن فيها طبيعة ترد الرووووح .. شيء خيالي بجد ( انا سكنتها 4 أيام ... لكن الشهاده لله أسبوع ما يكفيها من كثر الأماكن الي حولها ) لو انا عندي مثل اياماك بقسمها 3فيينا و 2 سالزبورغ و4 زيلامسي و 3 باريس ( طبعا هذا كان جدولي السنه الماضية لكن زياده عليه رحت ميونخ وقارمش ) وكانت رحلتي في نفس توقيتك بالضبط يوم الوصول كان 20-4-2014 لكن ركزي انك تقرأي عن المدن بنفسك وتحددي الأشياء الي تعجبك ... واحنا حاضرين نساعدك في الأماكن السياحية والفنادق . ( كمثال ان راي الأعضاء مو لازم يكون مطابق لرأيك . اشوف انك متحمسة لميلان لكن انا ما حبيتها ابد لان كل الي فيها أسواق) بالنسبه لباريس ... فيها ديزني لاند شي خرااااااافي ... بجد شي ما يتفوت ابد والكل بيستمتع فيها انتي وزوجك والطفل بالنسبه للغله ... عادي دام موجود انجليزي خفيف بتمشي امورك زي الروب |
رد: فزعتكم الله يسعدكم مرحبا اختي متفائله نفس ماقالو الاخوان بخصوص النمسا والمدن المذكوره بس اذا قررتي تروحين باريس الافضل طيران وبالنسبه اذا ايطاليا تروحين من زيلامسي الى فينيسيا ومنها الى ميلانو طريق العوده بس المسافه راح تكون من زيلامسي - كابرون الى فينيسيا بالسياره 5 ساعات بمسافه 350 كيلو يعني مخطط سيركم المبدئي المخطط الاول : الوصول فيينا والجلوس فيها يومين وبعدها الى سالزبورغ والجلوس فيها يومين وبعدها زيلامسي او كابرون والجلوس فيها 5 ايام وبعدها فينيسيا والجلوس فيها يوم واحد واخيرا ميلانو والجلوس فيها يومين ومن ثم العوده الى الوطن المخطط الثاني : نفس المخطط الاول بخصوص النمسا مع تغير بسيط جدا في مدن النمسا فيينا يومين زيلامسي 5 ايام سالزبورغ يومين على اساس من مطار سالزبورغ تطلعون على باريس بالنسبه للطيران من سالزبورغ الى باريس مافي دايركت يا تروحون على الطيران النمساوي وترانزيت في فيينا او تروحون على طيران لوفتهانزا والطيران الاقتصادي اير برلين ويكون ترانزيت في فرانكفورت اذا ماتبغون ترانزيت الحل يكون يا ان تخصصون ليله حق ميونخ القريبه من سالزبورغ تكون رحلتكم كالتالي من بلدكم الى ميونخ وبعدها سالزبورغ وبعدها زيلامسي واخيرا فيينا ومن فيينا دايركت على باريس وبالتوفيق |
رد: فزعتكم الله يسعدكم ما قصور الاخوان الله يعطيهم العافية واعطوك خيرات اكثر وكل الخيارات ممتازة يبقى الان هو اختيارك انتي يا غالية والاخوان ما راح يقصور معك في اي شي تحتاجية من الاف الي الياء وكلي الله وحددي المخطط والباقي سهل ان شالله |
رد: فزعتكم الله يسعدكم الظاهر اني جيت متأخر لكن مايمنع نشارككم حددي اختي الكريمة ونحن بالانتظار |
رد: فزعتكم الله يسعدكم اقتباس:
ياليت تفيدوني بالفنادق وارغب بالسكن بالاكواخ الله يسعدك |
رد: فزعتكم الله يسعدكم اقتباس:
الله يسعدك |
رد: فزعتكم الله يسعدكم اقتباس:
شكرا لك الله يسعدك اول مااحجز الطيران ان شاء الله بكتب وين وجهتي علشان استفيد منكم اسماء للسكن والاماكن |
رد: فزعتكم الله يسعدكم اقتباس:
|
رد: فزعتكم الله يسعدكم [QUOTE=qa6ar911;40804]مرحبا اختي متفائله تكون رحلتكم كالتالي من بلدكم الى ميونخ وبعدها سالزبورغ وبعدها زيلامسي واخيرا فيينا ومن فيينا دايركت على باريس السلام عليكم اعجبني كثيرا هذا لكن هل تقترحون الغي باريس او لا لاني احاف يكون فيها ارهاق من كثر التنقلات |
رد: فزعتكم الله يسعدكم على حسب عدد ايامكم اشوف انكم تلغون باريس |
رد: فزعتكم الله يسعدكم بالتوفيق لرحلتكم القادمة والاخوان ما راح يقصرون معكم اهم شي التواريخ لعدد الايام مهمه حتى يضع لكم مخطط وبالنسبة لفيينا فيها اماكن جميلة تستحق الزيارة كقصر الشامبرونق شارع استيفن للتسوق وتستحق 3 ايام يكفي كقصر الشامبرونق يحتاج يومين زيارة https://www.google.com.sa/maps/place...e4ea8bc9?hl=en |
رد: فزعتكم الله يسعدكم السلام عليكم الغيت فرنسا انا حابه ازور فيينا وزيلامسي -كابرون ميونخ ابغى ترتبون لي الجدول الله يسعدكم عدد الايام 12يوم من غير الذهاب والعوده حابه ازور ملاهي يورب بارك الرحله راح تكون نهاية شهر 7بااذن الله جزاكم الله خير |
رد: فزعتكم الله يسعدكم الجدول 14 يوم 13 ليله 3 ليالي فيينا ( من فيينا الى سالزبورغ بالقطار ) ليلتين سالزبورغ ( سيارة ) 5 ليالي زيلامسي ( من سالزبورغ الى زيلامسي 100 كم تقريبا ) ( سيارة ) 3 ليالي بادن بادن او ستراسبورغ ( من زيلامسي الى بادن بادن 530 كم تقريبا ) ( سيارة ) ومنها الى مطار فرانكفورت الدولي والعوده . هذا الجدول حسب رغبتك |
رد: فزعتكم الله يسعدكم اقتباس:
طيب ممكن تقترح علي الاماكن الي ازورها واسماء شقق وكيف الوصول لملاهي يوربارك شكراا |
رد: فزعتكم الله يسعدكم وياك يا رب الاماكن اليوميه اخذيها من هذا الرابط http://www.arabtrvl.com/vb/t153.html بالنسبه لليورب بارك اذا سكنتي في بادن بادن ابد حطي احداثياتها في القارمن وهو يوديك عبر الطريق A5 السريع ٤٠ كم عن بادن بادن يفضل الذهاب لها الصباح من الساعه ٨ او ٩ وفي ايام الاسبوع غير ايام الاجازه السبت والاحد لتلافي الزحمه والشقق ابحثي في Booking.com واحنا نساعدك بالاختيار |
رد: فزعتكم الله يسعدكم بما انكم شخصين وطفل فلوها الفنادق لكم افضل وخصوصا انكم اول مرة اريح لكم واذا بتجلسون 12 يوم براي عليكم تكتفون بميونخ المانيا و النمساء لان المسافة من زيلامسي الي فنيسا مشوار وراح تضيع ايام كلها مشاوير وانتو مدتكم قصيرة الفناقد فيينا عندكم فندق الهلتون الدانوب مرة ممتاز وجلستة روعة يبعد 10 دقايق عن السنتر اذا تبون في السنتر المرديان وبارك ان كلهم جيدين سالزبورع راديسون بلو كونفرنس فندق زيلامسي فندق سي فيلا انصحكم فية وبفوة رومانسي ميلانو ترا مافيها الا ساحد الدومو جميلة الساحة وكلها اسواق جهزو الدراهم فقط وزحمة مافيها شي ثاني ويفضل تاخذون فندق بالساحة اذا عزمتو وفنيسا مافيها الا السفن والماء يكفيها 6 ساعات باريس حلوة وفيها اماكن ومقاهي واسواق ودزني لاند باريس فلة صراحة واذا بتروحون باريس خلو نزولكم باريس كوصول 3 ايام كفاية باريس يوم مخصص لدزني من الصباح وباقي الايم خذو باص المكشوف ويلف فيكم كل الاماكن وترا سويسرا قريبة من باريس هههههههههههههه قطار 3 ساعات خلني اغير رايكم هههههههههههههه من النمساء للسويرسرا هههه اذا تبون النمساء من باريس الي ميونخ طيران اقتصادي افضل وبعدها كملو مثل ما قالو الاخوان وعودتكم من ميونخ |
| الساعة الآن 12:37 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO