|
احتاج مشورتكم السلام عليكم ذهبت بالماضي الى تركيا وكان الفضل الكبير لكم بعد الله في التوفيق والموازنه في الصرف من خلال خبرتكم ولله الحمد والمنه .. الان نود السفر الى النمسا وباريس لكن الحيره اولا في التخطيط فكرت بالذهاب اولا من الدمام الى باريس لمدة ثلاث ليالي ومن ثم طيران اقتصادي باريس الى فيينا حيث لايوجد الا هو دايركت الجلوس فينا لمدة ليلتين ومن ثم بالقطار الى سالبورغ لمدة ليلتين ومن ثم زيلامسي ثلاث ليالي يتخللها زياره لكابرون ومن ثم العوده لمطار سالبورغ والعوده منه للوطن زوجي رافض نهائي فكرة السياره :(49): المهم استفساراتي 1/ المخطط مرتب ولا متعب ولا نسوي العكس النمسا ثم باريس 2\ من فين نطلع فيزة الشنغن 3/كيف سياسة الاطفال عندهم ياليت احد يساعدني في هالموضوع بالذات حددت سكن زيلامسي سيفيلا فرايبرغ لمدة ثلاث ليالي هم يعطوني توصيه بجناح عائلي مطل ع البحيره ب5 الاف وعليها لكن انا اطفالي صغار تكفيني غرفه واوفر لي بعد طفله 7 اشهر مع طفل 4 سنوات مكتوب ضمن سياستهم اقل من سنتين مجاني لكن من 3 سنوات الى 12 يتوجب دفع 40% من قيمة الاقاه للليلة الواحده يعني طفلي له حسبه غير حسبتنا في الفندق ولا كيف ولو اخترت غرفه مزدوجه مع اطفالي هل يحاسبوني بزياده لارحت عندهم ولا خلاص يخلونا ع راحتنا يعني اجباري التوصيه اللي فارضينها ولا |
رد: احتاج مشورتكم وعليكم السلام اهلا وسهلا الافضل الغاء فيينا لان الليالي ما تكفي الوصول سالزبورغ طيران على اي خطوط ؟؟ سالزبورغ ليلتين زيلامسي 5 ليالي باريس 3 ليالي |
رد: احتاج مشورتكم المخطط مرتب ولا متعب أعتقد بأنه متعب. من فين نطلع فيزة الشنغن من النمسا إذا كانت مدة إقامتكم فيها هي الأطول. كيف سياسة الاطفال عندهم لكل فندق سياسة مختلفة، ويجب أن يكون لكل شخص سرير عدا الرضيع. ولا يسمج بأن يقيم في الغرفة أكبر من العدد المحدد بالحجز. أنصحكم بحجز الغرف العائلية. |
رد: احتاج مشورتكم لية ما تكون باريس وسويسرا اقرب لكم وسفرة مستقلة اخري النمساء والمانيا لقربهم من بعض اذا تبون النمساء وباريس من الافضل الوصول الي فيينا من الدمام ثم فيينا ومنها قطار الي سالزبورغ وثم زيلامسي وبيرتاسو ومن فوق من بيرتاسو الي ميونخ ومن منطار ميونخ الي باريس اربع ليالي وترجعون الي الدمام بنظري هذا افضل مخطط لكم وزوجك خلية يقراء تقرير للاخ العزيز رجل شرقي عن السيارة الرحلة للنمساء وسويسرا من دون السيارة مالها متعة ابد ابد وخصوصا عندكم اطفال نصيحة محب لكم الاطفال لابد سيارة اريح وله بتضيع المتعة علي العربات وشيلها وحطها في القطارات والباصات وايضا مكلفة القطارات والتاكسي جدا جدا مكلف والقيادة بالنمساء ارياف يعني لايخاف لازحمة ولا شي ونظام خلية يطلع ع التقرير وراح ينبسط ويشوف كل شي بعينة التقرير شامل كل شي ماعليكم سواء جمع الاحداثيات وجارمن وخلاص وعيش حياتك راجعو المسار الي حددتة وعطيني رايك اكمل لك الباقي وبخصوص الاطفال تراهم حريصين مرة مرة مرة ومش مثل الخليج يتقاضون لا كل شي بفلوس وفنادق اوربا ضيقة الغرف خذو حذركم فندق سي فيلا روووعة وتجربة ناجحة باذن الله وخصوا البناية الجديدة الغرف من 202 الي 205 روعة خذو الارضي انترنت اقوي ويوفرون عليكم اسعار دخول الثلج وغيرة ولا تسنون الغلفزات والشمسية خذوها معكم مع ملابس ثقيلة للاولاد مع دواء حرارة وترجيع للاطفال راجعي مخطط وعطيني خبر |
| الساعة الآن 08:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO