|
استفسار بوكينق 1 مرفق سلام عليكم بالنسبة للفنادق في بوكينق في بعض الفنادق كاتبين تحت رسوم غير مشمولة وكاتبين رسوم سبا؟ حسب الاستهلاك وش المقصود فيها وشكرا |
و عليكم السلام و رحمة الله و بركاته .. الرسوم غير المشمولة في سعر الأقامة هي اللى تكون أختيارية كأستخدام مرافق الفندق مثل السبا يكون برسوم أضافية تدفع عند الخروج لو أنك أستخدمت هذه المرافق ... |
الله يعطيك العافيه طيب الي تجيك تحت الرسوم كاتبين additonal charges may apply الي هي قد يتم تطبيق رسوم اضافيه؟ وش قصدهم |
اقتباس:
هذي في الغالب .. رسوم المدينة أو رسوم البلدية .. و اللى تكلمنا عنها سابقاً بإنها تدفع مباشرة للفندق ... و لكنها ماهي غالية في الغالب تكون ما بين 10-25 يورو ... "بعتمد حسب الدولة و المدينة .. " في الغالب مثل هالرسوم تلاقيها في الفنادق المملوكة لأفراد أو عائلات .. |
الله يعطيك الف عافيه سؤال 🙃 الحين اذا حجزت سكن شامل الافطار هل اقدر اخذ الفطور للغرفه، ولا لازم افطار جماعي مع العالم وشكرا لاني شفت صور تقريبا مع بعض |
اقتباس:
الله يعافيك ... الفطور في المكان المخصص بالفندق و يكون جماعي مع كل النزلاء وقت الأفطار ... ولو رغبت الأفطار في الغرفة .. بعض الفنادق تحسب الأفطار بسعر مختلف أعلى ... "تبي الجد .. لا تعول على أفطار الفنادق ...تراه خفايف الصبح .. بأقل من نفس المبلغ المدفوع تقدر تفطر في اي مقهى الصباح و الخيارات تكون أكثر ..." طبعاً تختلف التفضيلات بين الناس .. شخصياً في سفر الأجازة أفضل الأفطار خارج الفندق لسببين: تنزع الخيارات الوقت فيه متسع و غير محدد.. بالتوفيق .. |
والله اني ما اخترت شامل الافطار الا للتوفير🙃. لان فيه كثير يقلون اسعار الاكل غاليه جدا |
اقتباس:
المشكلة لو أن الله يفكنا من"مشكلة يقولون.." نحنا بخير .. ميزة الأفطار برا الفنادق أنك أنت اللى تختار نوع فطورك .. و حتى قيمته يعني ممكن تفطر كوفي + كروسان أو ممكن سندويتشات جاهزة من المقهى .. على خلاف أفطار الفندق يكون محدد بأصناف نحدودة مالك خيار غيرها يومياً طبعاً غير أنك تكون في فندق 5 نجوم و الفطور بوفية مفتوح و منوع .. الشئ الثاني .. معظم الفنادق موعد الأفطار من 6 الصبح إلى الساعة 10 بالكثير .. و البعض ينزل متأخر .. "يلاقي الفطور خلص .." |
1 مرفق سلام عليكم ، الله يعطيكم العافيه جميعا على الردود عندي استفسار ، اليوم تم سحب مني 0.01 يورو من بطاقتي من نفس الفندق الي حجزته. ممكن احد يوضحلي ليش؟ طبعا في بوكينق كاتبين ان الدفع عند الحضور، ومن الممكن سحب مبلغ وديعه ويسترد فيما بعد؟ |
اقتباس:
هذا المبلغ للتأكد من أن الفيزا صالحة كي يقوم الفندق بتأكيد الحجز بشكل نهائي في حين بعض الفنادق يخصمون مبلغ أول ليلة حسب سياسة الحجز و الألغاء المتبعة في الفنادق ... |
1 مرفق الله يعطيك العافيه على الرد. لاكن ليش كاتبين رصيد غير كافي، وهل المبلغ ذا يرجعونه ولا يخصمونه بعدين من السغر النهائي |
اقتباس:
رصيد البطاقة غير كافي لأتمام عملية السحب مثل ما قلت لك .ز بعض الفنادق تخصم مبلغ أول ليلة و تصبح لك رصيد و تدفع الفرق عند الوصول .. أو يعاد لك إذا ألغيت الحجز في الموعد المحدد نقطة مهمة ... ألاحط أن البطاقة الخصم منها بالدولار (العملة الرئيسية) المفروض تودع مبلغ باليورو طالما أنك رايح أوروبا علشان تتفادى موضوع فرق العملة بين الدولار او اليورو إذا كان الرصيد ما يكفي .. |
1 مرفق توني امس استلمت البطاقه طيب كيف اخلي اليورو العملة الرئيسية اودع المبلغ فقط في محفظة اليورو؟ لو تلاخظ في الصوره المرفقه، صار عند محفظة الدولار 0.01 مدين |
اقتباس:
أدخل على حسابك أونلاين .. و أختار بطاقة السفر بعدها تختار العملة و أضف مبلغ من حسابك الجاري .. و بتصير أي عملية تتم تنخصم من الرصيد حسب عملة العملية و في حال كان ما فيه رصيد تلقائي تنخصم من الدولار .. و إذا ما فيه رصيد يتم رفض العملية .. |
تم اضافة رصيد الان الى محفظة اليورو. هل هذا الاجراء يكفي واعذرنا اذا كثرنا عليك اسئله |
على حسب فهمي من كلامك في حالة عدم توفر رصيد في اليورو، يخصمون من الدولار ولو مافي رصيد في الدولار، تنرفض العمليه طيب الحين غريبه خصموا من الدولار وهو فاضي اصلا لان البطاقة جديده |
اقتباس:
المهم الرصيد يكفى أول ليلة .. أو يكون المبلغ يغطى لأنه فيه فنادق أخرى ممكن تتبع نفس الأجراء و تجري عملية تشييك و سحب مبلغ الليلة الأولى ... و لو عادي أسأل في أي وقت .. المهم تسافر و أنت مرتاح و تدعي لنا في ظهر الغيب |
اقتباس:
لاحظ في الصورة الأولى اللى أنت أرفقتها في أحد الردود المبلغ طالع بالناقص (-0.01) يعني هالسنت بينلغي تلقائي لأنه فقط للتأكد من ان البطاقة مفعلة و صالة للأستخدام ... |
ايه حولت مبلغ كافي جدا، الله يعطيك العافيه ويسعدك ويرزقك من حيث لاتحتسب. |
بالنسبة لخط سير رحلتي بعد الوصول التوجه مباشرة الى قارميش ٣ ليالي وبعدها الى زيلامسي ٧ ليالي ثم ميونخ ليلتين وش رايك بالجدول ، لاني بصراحه ما ابي كثرة التنقلات وبالنسبة للبنزين هل ٩٠٠ ريال ميزانيه كافيه للبنزين وشكرا |
اقتباس:
ممتاز خط السير و يعتبر مناسب لعدد الأيام .. بالتوفيق Sent from my iPhone using Tapatalk |
الله يسعدك 🌹 طيب بالنسبة لتاجير السيارات. تنصح استاجر من الشركة مباشرة او عن طريق الوكلاء وكيف طريقتهم هل يطلبون مبلف وديعه كاش او فقط يحجزونه على البطاقه؟ وكم يطلبون تقريبا مبلغ غير مبلغ التاجير |
اقتباس:
أستئجار السيارة الأفضل بالتأكيد من الشركة مباشرة .. و يكون التأمين شامل (تحمل 0.00) كل الشركات في أوروبا يأخذون مبلغ وديعة يحجز على البطاقة .. و يحتلف المبلغ حسب نوع السيارة و المدة و نوع التأمين و لا يقبلون مبلغ الوديعة كاش نقطة مهمة جداً .. جميع بطاقات فيزا مسبقة الدفع و بطاقات العملات مثل بطاقة السفر غير مقبولة في دفع الوديعة .. (تقبل لدفع قيمة الأيجار و لكن لا تقبل في حجز مبلغ الوديعة..) لازم تكون معاك بطاقة ثانية أئتمانية Credit Card و أنتبه تجازف و تقول بجرب حظي ... أحتمال كبير يرفضون يسلمونك السيارة ... ممكن يجي من يقول أنه أستئجر سيارة و دفع الوديعة بالبطاقة مسبقة الدفع ..و لكن تلك تجارب فردية لا يعتد بها لأن الشركة تحصل المبلغ .. و بعد كذا تعيده لك بطريقة refund بالتوفيق ... |
كريديت كارد، قصدك بطاقة مدى طيب بالنسبة لمبلغ الوديعه هل يحجزونه فقط ، مثلا لو كان عندي في البطاقة مبلغ ١٥٠٠ يورو وهم طلبوا وديعة ١٠٠٠ يورو، هل اقدر استفيد من المبلغ خلال الرحله، لان ميزانيتي محدوده شوي ولو اخذوا ١٠٠٠ يورو مارح يبقى الا ٥٠٠ فقط انا عارف انهم برجعونه، لاكن ودي استفيد من المبلغ كامل |
اقتباس:
الكريدت كارد .. غير عن بطاقة مدى .. أنا ليش قلت لك لازم معاك بطاقة أئتمانية علشان تستخدمها فقط للحجز و طبعاً البطاقة الأئتمانية ما فيها فلوس لها حد أئتماني ينفذ مع الأستخدام و يعود يرتفع بعد السداد يعني أذا حد البطاقة الأئتماني 5000 ألف ريال أذا تم حجز 500 يورو .. بيصير متوفر لك بالبطاقة فقط 2900 ريال .. الأفضل تستخرج بطاقة أئتمانية غير بطاقة السفر أو مسبقة الدفع و تخصصها للأستخدام في حجز لوديعة فقط و للطوارئ |
ممتاز ، البطاقة الائتمانيه كم رسومها اذا حدها ٥٠٠٠ مثلا وهل تنصح ببطاقة بنك الاستثمار الائتمانيه وشكرا |
اقتباس:
أغلب البنوك رسوم البطاقة الأئتمانية في حدود 150 ريال (-/+) سنوياً و بعضهم يصدرها لك مجاني للسنة الأولى .. و أما الحد الأئتماني حسب البنك المصدر .. و إذا تعاملك مع بنك الأستثمار أفضل لك تطلع من عندهم علشان يعطونك حد أئتماني كويس أو مزايا مع البطاقة .. تواصل مع البنك |
ياخي شكرا لك شكرا شكرا شكرا الله يسعدك ويوفقك ويعطيك على قد ماتخدم الناس واكثر الحمدلله تطمنت، انا كنت شايل هم انهم يخصمون من المبلغ الموجود في بطاقتي واتورط خلال الرحله من ناحية المبلغ للمصاريف النثريه |
فهمت من كلامك ان الائتمانيه لو طلعتها حتى لو ماحولت لها مبلغ، راح اقدر استخدمها للوديعه |
اقتباس:
بالضبط ...لأن البطاقة الأئتمانية البنك يولها بالرصيد الأئتماني و يقصد منها الأستفادة من السداد الآجل في السفر .. يعني تسافر و معاك 15 ألف تستخدمها في المصاريف و المشتريات مثلاً .. و تستخدم الفيزا الأئتمانية في دفع الفنادق أو أستئجار السيارة و بعض الفعاليات ز بعد العودة من السفر بمدة تصل إلى 40 يوم مثلاً يطالبك البنك بالتسديد ... المهم التسديد في وقته لتفادي رسوم التأخير لأن البعض يسئ أستخدام البطاقة في السداد بعد السفر و بعد ذلك يتذمر من أن البنك زاد عليه المبلغ و الأصل هو الذي تأخر و البنك طالبه برسوم تأخير السداد ... |
انا باخذها لمبلغ الوديعه فقط فقط غير كذا ما ابيها، ماني فاضي اكبد نفسي مبالف اضافيه طيب في حالة خصموا الوديعه، وتاخرت الشركة في اعادة المبلغ😵، |
اقتباس:
شركات التأجير ما يتأخرون .. عملية رفع الحجز عن المبلغ تأخذ حوالي 14 يوم في أغلب الأحيان أقل .. المهم أنت راجع كشف حساب عمليات البطاقة بتلاقي التفاصيل: عملية حجز مثلاً 500 يورو و بعد بفترة بتلاقي المبلغ أختفى يعني رفع عنه الحجز و ما راج يطالبك البنك بالسداد .. لأن فعلياً ما فيه شئ سدد للشركة ..إلا إذا أستخدمت شركة التأجير جزء من المبلغ لتغطية أي مصروف مثل رسوم الطرق أو قيمة تانكي الوقود إذا رجعته غير ممتلئ .. |
وايضا فيه بطاقة التسوق الائتمانيه البنك الراجحي، وميزتها تحولها رصيد وتستخدمها، مو انها دين عليك طيب لو اخذتها وتركتها بدون رصيد، تتوقع راح يقبلونها |
اقتباس:
بطاقة التسوق نفس بطاقة السفر بس بعملة وحدة هي الريال ... و لا تؤدي الغرض لدفع الوديعة "أي بطاقة تصنيفها الأئتماني Debit أو Recharge أو Prepaid لا تقبل لدى الشركات ..." |
الله يسعدك ، والله ماقصرت معي طيب في حال طلعت بطاقة ائتمانيه وما استخدمتها الا للوديعه فقط، هل راح يلزموني برسوم معينه البنك غير رسومها السنوي؟ |
لاني دخلت موقع اغلب البنوك قبل شوي، وشفت هامش ربح سنوي ضمن رسوم البطاقه معليش كثرت عليك |
اقتباس:
طالما المبلغ لم يسدد لشركة التأجير عن طريق الفيزا .. البنك ما يطالبك بأي مبالغ نهائياً غير الرسوم السنوية ... |
اقتباس:
أي عملية شراء من البطاقة تتم يطالبك البنك بقيمتها + 2.5% من أجمالي القيمة قيمة رسوم عمليات دولية .. يعني أشتريت بمبلغ 250 يورو .. البنك يطالبك بسداد 1050 ريال + 27 ريال رسوم مشتريات دولية " طبعاً المعلومات تقريبية" |
شكرا شكر شكرا شكرا شكرا ما اقول الا الله يسعدك ويرزقك ويوفقك في حياتك الدنيا فيها خير والله للحين❤❤❤ |
اقتباس:
العفو ياغالي ... ربي ويوفقك و أن شاء الله تتهنئ برحلة سعيدة ... بس عاد بعد ما ترجع بإذن الله نبي تقرير مفصل تشرح لنا فيها كيف كانت الرحلة و الترتيبات "ترا بقرب القهوة :e045: و الكرسي من ذا الحين أنتظر التقرير " |
| الساعة الآن 06:56 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO