|
محتارة جدااااااً 😢 السلام عليكم أحبتي باذن الله ناوية ع سفرة باذن الله ف شهر يوليو وبالصدفة طحت ع هذا الموقع الا باذن الله ينقذني هذه اول سفرة لزوجي ف الحياة وعندي طفلة رضيعة زوجي حتى ماسافر لدول الخليج قبل ونيتي اسافر دولة اوربية مثل النمسا لان بجمالها تشبه سويسرا لكن سعر اقل منها لكن في حييييييرة من امري زوجي جداً متردد من السفرة لان ماعنده خلفيييية ابداً وايش تنصحوني بكل اماااااانة اني ممكن ما اتنقل كثير يعني استقر ف مكانين مثلاً وبالنسبة الى التنقل هل ينفع بدون سيارة ؟؟؟؟؟؟ هل يتوفر باصات وقطارات ؟ وكيف استخدامهم لان زوجي مستحيل يسوق هناك ويقول انا ماعرف كيف انظمتهم صراحة فكرت ف دول اسيا لكنها مرة غالية وانصدمت من اسعار تذاكر ماليزيا وتايلند غير ان بتكون حر ورطوبة ف اشوف ف نظري ان النمسا مناسبة كدولة ايش احتاج انا كسعودية حتى اسافر النمسا وتكون رحلتي موفقة بعد الله ؟؟؟ ايش الشروط والاشياء والأمور الا احتاج اسويها هناك من والى ؟؟؟؟؟ وهل اذا بدون سيارة ما قدر انتقل وبيصير عجز ولا الامور بليونة راح تمشي ولو بروحها وين تنصحوني المناطق الا اروحها .. متفائلة بردودكم الاخوية وان شاء الله مابتقصروا ولا بتخيبوني |
اقتباس:
وعليكم السلام ورحمة الله وبركاته في العادة لما شخص يسألني عن مخطط سفرة وتكون أول مره له ومدة لاتزيد عن ثمان او سبع ايام اقول له تخلي وصولك وعودتك من ميونخ واول ماتصل تاخذ سيارة ومباشرة تطلع على زيلامسي وتجلس فيه اربع ايام ثم ترجع ميونخ وتجلس فيها يومين هذا في حال المدة سبع ايام اما اذا ثمان ايام اقوله بعد ماتصل تطلع زيلامسي تجلس فيها اربع ايام ثم سالزبروغ يومان وبعدها ميونخ يومان طبعا لازم تقول لنا عدد الايام على شان نعطيك مخطط مناسب لك التنقل بدون سيارة ممكن وسهل لكن السيارة افضل واسهل لو اقول اسهل من عندنا والسيارة تحتاج لها فقط النمسا بينما ميونخ استخدم المترو اذا زوجك يعرف يسوق بالرياض او جده ترى السواقه في اوربا اسهل منهم الف مرة اللي تحتاجه للسفر فقط تأشيرة شينغن والامر بسيط وتكمل حجوزاتك لكن انصحك تمشي خطوه خطوه الاول تحدد المدة والمدن ثانيا استخراج التأشيرة بناء على الدول ثالثا الحجوزات رابع باقي التفاصيل مثل الاماكن السياحية وباقي التفاصيل وراح نجاوب على الاسئلة انا والاخوة في المنتدى الان كم المدة وعدد افراد الاسرة |
اقتباس:
المدة 12 يوم الى 14 يوم عدد الافراد شخصين وطفلة رضيعة انا وزوجي وطفلتي بس اخوي فاهم زوجي ولا مرة سافر يعني هذه اول سفرة |
السلام عليكم و رحمة الله و بركاته .. ما قصر الأخ أبو منار في الشرح و أن شاء الله ما راح يقصر في أعداد الجدول المناسب لكم فهو من خبراء السياحة في أوروبا و متمكن في أعداد الجداول المميزة و للتطمين .. السفر يعتبر من أجمل التجارب في الحياة و السفرة الأولى هي في الغالب التى تستمر ذكرياتها عالقة بالأذهان .. توكلوا على الله و لا تجعلون التوجس و مخاوف أول سفره عائق لكم .. بالتوفيق |
السلام عليكم ورحمة الله فعلا الاخ ابو معتز وابو منار وكل الاعضاء في هذا المنتدى متعاونين على التوضيح وعلى نقل تجاربهم وخبراتهم،،،،، و باذن الله الصدفه الى جابتك لهالمنتدى راح تحصلون كل ماهو مفيد مثل ماقال ابو معتز وابو منار. التنقل بالسيارة ممتع،،، وجمال النمسا بالسفر والتنقل بالسيارة و اول سفرة دائمآ تكون تجربة ممتعه ولكن لاتقصرون بالبحث و القراءه عن الاماكن،،،، و المواضيع في هذا المنتدى ماشاءالله كثيرة و منوعه. ونتمنى لكم كل التوفيق |
اقتباس:
اذا 12 يوم الافضل تمشون على نفس المخطط بالرابط التالي https://www.arabtrvl.com/vb/t47719.html واذا 14 يوم نضيف يوم زيادة على ميونخ ويوم على سالزبروغ ومثل ماقلت السفر المتعة بالسيارة لكن فيه مواصلات عامة لكن كنصيحة السيارة متعة لكم وللعلم ايضا طريقكم مافيه طرق جبلية عالية تخوف طريق سلس كانه طريق المزارع عندنا بالسعودية انا اقول خليك من موضوع السيارة الان شف المخطط واذا تمام واعتمتده ضروري تطلع تأشيرة شينغن من السفارة الالمانية وهنا شرح وافي لاخي أبوغسان https://www.arabtrvl.com/vb/t40704.html وممكن اذا وجدتوا الامر صعب تمرون مكتب سياحي يطلع لكم التأشيرة وراح إن شاء الله نمشي خطوه خطوه معك بالموضوع هذا لحد ماتخلص كل امورك |
عليكم السلام الأخ ابومنار ماقصر الله يعطيه العافية . من خلال تجربتي لاكثر من مرة للسياحة فـ جميلة أوروبا النمسا رأي ان هناك جدول تقليدي اغلبنا استخدمه خاصةً لمن يسافر اول مرة للنمسا الوصول فيينا 3 ساعات لـ سالزبورغ ومنها ساعة ونص لـ زيلامسي وحدود الساعة من زيلامسي الى ميونخ والعودة منها للوطن (التنقل بين المدن بالقطار) في الرحلتين استخدمت المواصلات العامة وكان معي أطفال فيينا وميونخ مترو الانفاق (اندرقراوند) سالزبورغ وزيلامسي الباص قبل مايو 2013 تاريخ اول سفره كانت معلوماتي عنها قليلة وبعد توفيق الله اخذت الكثير من المعلومات واستفدت من منتدانا حتى خرائط المترو بالمسار والألوان الأمور ان شاء الله سهلة وبالتوفيق |
في حال رغبتكم التنقل بالمواصلات العامة أرى ان يكون السكن جنب محطات القطار *سكنت في فندق نوفوتيل فيينا الملاصق لمحطة مترو باهنهوف (اعتقد هذا جزء من اسم المحطة) *سالزبورغ فندق رمادا اللي جنب محطة القطار ومحطة الباصات *زيلامسي فندق سي هوف أيضا قريب من محطتي القطار والباص *ميونخ فندق ريلانو القريب نوعا ما من الاندرقراوند . تذاكر مترو فيينا وميونخ يمكن شراءها من نفس المحطة تذاكر باصات سالزبورغ هناك خيارات لعدد الأيام ومبلغ كل يوم وبـ أسعار معقولة اما باصات زيلامسي فهناك فنادق تعطي بطاقة تخفيض لاغلب المعالم السياحية في المدينة ومنها الباصات * هذه المعلومات بين عامي 2013 و 2015 وان كان هناك تحديث أتمنى من الاخوان التصحيح :) |
من وجهة نظري .. و كونها اول سفرة .. روحو لتركيا او اوربا الشرقية .. اوربا الغربية نظامهم صارم .. وخاصة نظام السير |
| الساعة الآن 09:11 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO