وعليكم السلام ورحمة الله وبركاته
حتى لو حصلت قد لا تجد الموظف العربي في وقت وصولك

وعموما
بإذن الله لن تواجه مشكلة إذا لغتك نص ونص
انت جهز (ورقة حجز السيارة / جواز السفر / رخصتك السعودية / رخصتك الدولية)
وسلمها للموظف وهو بيعرض عليك "تأمين شامل"
وبيطلب "بطاقتك الائتمانية" على شان يخصم التأمين
وبعضهم بيسألك وش الدول اللي بتروح لها
وبيقول وقع هنا
ثم يوصف لك كيف تروح لموقف السيارة

واذا تقول لا والله "نحن قلقون" فإذا وصلت مكتب السيارات ارسل واتس لواحد من الربع في الديرة لغته جيده وخله يتصل عليك وافتح السبيكر وخله يتفاهم مع الموظف ويا دار ما دخلت شر

ملاحظة:
يفضل يكون معكم جوال مفوتر stc وتفعل دول الاجازات او دول الابتعاث ودامك رايح ألمانيا والنمسا فباقة الابتعاث مناسبة لانها ارخص
ارسل 4141 إلى 900

او ارسل كلمة ألمانيا إلى 900 ثم كلمة النمسا إلى 900 على شان تشوف وش ممكن تفعل وتشوف السعر وهو 34 للشهر لدول الابتعاث و68 لدول الاجازات وتحتسب باليوم

وبكذا تستقبل الاتصالات من السعودية مجانا يعني يتصل بك اي شخص من السعودية كأنه يتصل بك داخل السعودية وانت تستقبل المكالمة مجانا وبكذا كل زنقة ارسل واتس لخويك واطلب مساعدة صديق

او
اتصل عن طريق النت بالتطبيقات المجانية الايمو واخوانه إذا ما معكم مفوتر