|
بخصوص تأجير سيارة السلام عليكم ورحمة الله وبركاته ياشباب أنا شفت الأسعار غالية في تطبيقات تأجير السيارات العالمية مثل سيكست ويوروب كار وايفز . هل الشركات المحلية أرخص وهل يأخذون وديعه أم لا ؟ وإذا فيه موقع لشركات محليه ياليت تفيدونا ولكم جزيل الشكر |
اقتباس:
وعليكم السلام ورحمة الله وبركاته تختلف على حسب الدولة مثلا لو بتقول بنزل في براغ التشيك اقولك احجز اذا وصلت لكن مثلا في المانيا الافضل تحجز قبل لكن بكلا الاحوال تقدر تحجز ويكون الدفع عن الاستلام صح بيرتفع المبلغ شوي لكن ماتلتزم بالحجز واذا وصلت شيك على الشركات وخذ الارخص طبعا اكيد فيه وديعه والوديعة تختلف حسب حجزك مثلا أذا حجزت تأمن شامل بتكون الوديعة قليلة تقريبا 100 يورو وهي في حال رجعت السيارة بدون ماتنغسلها أو ماعبيتها بنزين ياخذون من المبلغ اما اذا كان حجزك بدون تأمين شامل بتكون الوديعة مرتفعه ويمكن تكون نفس سعر حجز السيارة بس اذا سلمت السيارة راح ترجع الوديعة كاملة |
يعطيك العافية أخوي ابو منار أنا نزولي في فينا وش الأفضل ؟ |
و عليكم السلام و رحمة الله و بركاته .. الأخ الفاضل أبو يزن ... تبي رأيي و من تجارب عديدة في أستئجار السيارات في السفر دائماً أحجز من الشركات العالمية و من مواقعهم بشكل مباشر بدون مواقع وسيطة أحرص أن يكون حجزك تأمين شامل (تحمل 0.00) + تأمين الزجاج و الأطارات أضف للتأجير خدمة المساعدة على الطريق Roadside Assistance (مبلغ رمزي و لكن ترتاح لو نفذ الوقود أو البطارية أو فقدت المفتاح أو تعطلت السيارة يتم خدمتك بالمجان) صدقني في السفر تشتري راحتك بمقابل بسيط و لكن تسافر مرتاح و فما يخص الشركات المحلية قد يكون السعر مغري و لكن ما قد يطرأ لا سمح الله يخسرك كل و أكثر من مبلغ التوفير يالتوفيق |
يعطيك العافية اخوي ابو معتز طيب كيف اطلب تأمين شامل تحمل 0.00 من ايفر لأن يعطيني تحمل فوق ال1000 يورو ومافيه ضمن الخيارات تحمل 0.00 |
اقتباس:
و يعافيك يا رب ... شف أنت أحجز السيارة من الموقع و ممكن تحجز بدون تأمين و إذا وصلت للكاونتر و قبل تستلم السيارة أضف التأمين الشامل تقريباً كل مواقع الشركات فيها خيار تأمين شامل تحمل 0.00 و قد تختلف المسميات حسب الشركات فالأفضل أنت تطلب منهم على الكاونتر |
ممتاز جزاكم الله خير جميعاً |
اقتباس:
أبومعتز ماقصر افاد واجاد |
| الساعة الآن 02:11 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO