|
فزعتكم ماعليكم امر السلام عليكم ورحمة الله شحالكم يا اهل هالصرح؟ السموحه منكم بس بغيت منكم خدمه. انا اول مره بسافر ان شاء الله الى اوروبا وابغي منكم المساعده. نوينا نسير ان شاء الله النمسا والمانيا انا وزوجي وعيالي 2 صغار ثلاث سنوات وسنتين. وبغيت منكم تسوون لي جدول حق السفره وابغيكم تنصحوني وادلوني وفيكم الخير. لان شرات ماقلت لكم اول مره بنسافر ل اوروبا. ومع العلم فكرت نستاجر سياره بروحنا وخاصه عندنا اطفال.( يعني اذا نعطوني اسم شركه لاستاجار السيارات) والرحله اذا الله اراد شهر 8 (اغسطس). يعني ماشي وقت اصلا. بس بغيت اعرف الاماكن اللي نزورها والمده والتكلفه التقديريه. ابغي احط الجدولً عسب اقدر احجز الفنادق. سامحوني ثقلت ف أسألتي بس ماعندي حد اساله ومشكورين ماقصرتوا مقدما |
رد: فزعتكم ماعليكم امر مرحبا أم منصور منوره المكان اختي أن شاء أبشري الكل ماراح يقصر معك مبدئيا الجدول المقترح كالتالي : بالنسبه لي اشوفها أسبوعين ممتازه الوصول فيينا 3 ليالي وبعدها سالزبورغ ليلتين وبعدها زيلامسي 6 ليالي وأخيرا ميونخ 3 ليالي بس نبغي عدد أيام سفرتك !! وبالنسبه لتأجير السيارات عندج يوروب كار أو سكست أو افيس وغيرها الكثير وعند بوابه تأجير السيارات الاخوان ماراح يقصرون تأجير السيارات ، القارمن و مستلزمات السفر - شبكة و منتديات العرب المسافرون بالنسبه للسكن والأماكن السياحيه والتكلفة أن شاء الله بعد مانعرف عدد أيام سفرتكم تقبل الله صيامكم |
رد: فزعتكم ماعليكم امر هلا يا أم منصور المده انتىي ماحددتيها او فكرتي كم ناوين تجلسون اما بالنسبه للتكلفه تختلف حسب مدتكم وحسب مصاريفكم |
رد: فزعتكم ماعليكم امر مرحبتين اخويه.. اولا مبروك عليكم الشهر وينعاد علينا وعليكم بالخير يارب. ثانيا مشكووووور ماقصرت ع الرد السريع. ثالثا عن موضوع جم يوم بتكون الرحله( مفكرين تقريبا ١٢ يوم ان شاء الله) ومشكور مقدما |
رد: فزعتكم ماعليكم امر مرحبا اخوي بوطلال. ان شاء الله ١٢ يوم اخوي ومشكور ماتقصر |
رد: فزعتكم ماعليكم امر وبغيت اسالكم ماعليكم امر دام وياي اطفال اكتفي بالنمسا فقط والا عادي الامور طيبه واكمل على المانيا ان ساء الله ؟؟ بغيت نصيحتكم. مع ان ودنا نسير. ف انصحوني |
رد: فزعتكم ماعليكم امر ؟؟؟؟ ��.. |
رد: فزعتكم ماعليكم امر و عليكم السلام مثل ما قالوا الاخوان الوصول يكون فيينا و المغادرة ميونخ فيينا ليلتين سالزبورغ ليلتين كابرون خمس ليالي ميونخ ليلتين و بالنسبة للمسافات بين المدن قريبه جدا الا فيينا و سالزبورغ أطول مسافه و تقدرين تجمعين بين ميونخ و كابرون او زيلامسي و السياره عندج الرابط فوق تقدرين تحجزين منه السياره او اذا كنتي من دبي عندنا مكتب سيكست تقدرين تحجزين من عندهم مباشره بالتوفيق |
رد: فزعتكم ماعليكم امر هاوية الاسفار مشكوره ماقصرتي ع الرد اختي |
رد: فزعتكم ماعليكم امر بس بغيت اسالكم لو سمحتو حق المانيا بس موينخ ؟ واذا زيدت يومين مثلا حق المانيا وين اقدر اسير ؟؟ وسوال ثاني ماعليكم امر اذا بستاجر سياره في مثلا النمسا وعقب بسير فيها لين المانيا وين اسلم السياره ؟ ووين افضل والسعر ... افضل استاجر فالنمسا والا المانيا؟ |
| الساعة الآن 03:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO