|
دراسه اللغه ببريطانيا السلام عليكم ورحمه الله وبركاته لو سمحتم ياخوان بنتي الله يحفضها اولى جامعه سنه تحضيريه ولازم ارسلها بالصيف تاخذ لغه ان شالله ومرافق لها ابوها سوالي ايش افضل مدينه للدراسه ببريطانيا من ناحيه السكن والامان وسعر معقول مو غالي وايش افضل معهد معتمد وممتاز وايش رايكم بالدراسه بالعاصمه لندن؟ وبخصوص السكن نبغي سكن خاص هي وابوها يكون غرفتين وصاله وقريب من المعهد تكفون افيدوني اللي يفيدني له دعوة خالصه بجوف الليل ومن اطهر بقعه انتظركم لاتطولون علي |
نفسي اخذمك عشان اكسب دعوة منك وبالحرم لكن كل اللي اقدر اقوله لك لندن بالصيف زحمة وكلها خليجيين يعني احتكاكها مع الانجليز راح يكون قليل فإستبعدي فكرة لندن وكمان السكن غالي فيها برايتون وكارديف او المدن الصغيرة اللي ماعليها اقبال سياح ممكن تكون حل مناسب وممكن ايرلندا دبلن وان شاءالله تفرحي فيها وبنجاحها |
ياقلبي ياطوق الياسمين ابشري راح ادعيلك ان شالله الله يسعدك ماقصرتي وترى عادي مو لازم لندن حتى لو مدن قريبه منها لاننا مانبي غير بريطانيا وان شالله خير |
وعليكم السلام برافو عليك ضروري الانقليزي للسنة التحضيرية لأن كثير من البنات يكونوا ممتازين لكن تجيهم صدمة من الدراسة بالانقليزي لذا تعويدهم من بدري ضروري السكن مو مشكلة حاليا لكن ضروري اختيار معهد والافضل التواصل معهم مباشرة دون وسطاء شوفي موقع المعهد هذا وله فروع في اكسفورد وكامبردج وبرستول ولندن OISE Oxford | Language School Oxford | OISE وجربه أبو مشاري مع ولده هنا لنفس الغرض https://www.arabtrvl.com/vb/t22022.html ممكن تراسلوهم وتشوفوا الفرق بالاسعار بين كل منطقة ولو واجهتوا مشكلة في التواصل معهم اكتبوا هنا ونساعدكم |
كمان تواصلوا مع هذا المعهد في برايتون و شوفوا اسعاره https://www.gbmc.ac.uk/brighton/summer-vacation |
هلا اخوي مشكور ماقصرت انا قريت موضوع ابو مشاري بس شفت المعهد غالي جدا انا ابغي معهد مجرب وممتاز ومدينه كويسه احد مجربها علشان خلاص اتوكل على الله وابداء ارتب وضعي من ناحيه الميزانيه والسكن الامن لان حسب بعض المعلومات اللي وصلتني احيان يكون فيه معهد ممتاز بمدينه بس تكون فروعه بمدينه ثانيه سيئه |
ايه نسيت اقلك صاحبتي الصيف الماضي درست بمعهد ريجنت ببرايتون تقول ممتاز بس المعهد اللي بفروع ثانيه مايمدحونه المبتعثين انا كنت ابغى ذا المعهد بس السكن ببرايتون جدااا صعب بالقوة لقت صاحبتي سكن |
اقتباس:
المعهد كويس بس ماعنده الا homestay يعني سكن مع عائلة اما غرفة خاصة او غرفة مع دورة مياه وانا ما افضل هذا الخيار لان كثير من العوايل مش من أصل بريطاني وهذي مشكلة يعني هندي بريطاني مثلا وهذي الاكسنت صعب عندهم لذا الافضل يختار الواحد سكن منفرد رابط معهد ريجنت للفائدة Accommodation | Regent English Language Training - Regent رابط سكن طلاب Brighton Student Accommodation - En Suite Rooms | Studios وفيه خيارات سكن كثيرة بس لابد من الحجز بدري لأنها مدينة كلها طلاب ولحجز سكن طلاب لابد العمر يكون 18 فأكثر اللي أقل من كذا لابد يسكن مع عائلة |
هلا اخوي انا ابغي سكن خاص غرفتين وصاله للبنت وابوها مو سكن مع عائله بس المشكله ماني عارفه كيف القى سكن خاص علشان كذا الغيت برايتون ومعهد ريجنت قلت اذا فيه معهد ممتاز ومدينه زينه افضل وسكن ممتاز دلوني |
وعليكم السلام ورحمة الله وبركاته ... الصيف كثير من المبتعثين ينزلون اجازة ويؤجرون بيوتهم ... وكثير من الفنادق 3 نجمات اسعارها قابله للتفاوض بشكل كبير اذا كان العقد اكثر من شهر ... اذا تبغون بكولشيستر ممكن اشوف لكم المعهد والفندق المعهد هذا موقعه Home - CESC وهو معتمد من الملحقية السعودية .. ومااقدر افيدك عن مستواه الان لان انتقلت ملكيته لمالك جديد وتغيروا الطاقم ... بس كثير من اهل مكه يدرسون هنا .. |
| الساعة الآن 08:56 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO