|
اوراق مبعثرة من كولشيستر وما حولها ( بريطانيا ) العرب المسافرون الابتعاث واللغات السلام عليكم ورحمة الله وبركاته والشهر مبارك على الجميع وتقبل الله طاعتكم وصلت بريطانيا يوم 22/6 الناس كانوا مخوفينا ... حذفوا البرامج،لاتجيبون ادوية الا بوصفات طبيه ، القهوه والتمر ماتدخل الا لها تاريخ صلاحيه ... ابشركم الامور تمام اخذنا علاجات للعيال بدون وصفة ( والله لايحيجنا لها ) ، التمر اخذناه بسرعه وماكان عليه تاريخ صلاحية الحمد لله تساهيل من رب العالمين ودخلت بدون مشاكل او اسئلة واللاب توب ما ناظروه حتى بس قبل نركب الطياره مروا كل الركاب ببوابة تفتيش ( غير عن رحلات شرق اسيا والخليج ) ولازم الاجهزة تكون تشتغل ( جوالات ، كمبيوترات ) وفي مطار هيثروا بما ان فيزتنا تير 4 طلبوا قبول الدراسة والحمد لله كنا مجهزينه وقالوا لازم نسجل في الشرطة خلال 7 ايام من تاريخ الوصول بما انها بوابة للمغتربين واتوقع خصوصا المبتعثين فبمر كل يوم احط تجربة مريت بها او اكثر من تجربة ممكن يستفيد منها المسافر وخصوصا المبتعث بس احب اقول شي عن الشعب البريطاني من خلال احتكاكنا بعدد لا بأس به خلال يومين ( يمكن 30 شخص ) بي في الأجزاء القادمة ان شاء الله واللي بتكلم فيه عن شي من (الاكل ، فتح ملف مبتعث في الملحقية السعودية ، حجز سيارة ، القيادة في بريطانيا ( يبي لي شوي واسوي موضوع ان شاء الله ، حجز سكن ، فتح حساب بنكي ، الخ ... اتمنى من كل قلبي ان يفيد هذا الموضوع من يحتاج له لأن بصراحة فيه بعض الاشياء في النت ( اشاعة ) وفيه اشياء يحتاجها المبتعث غير موجوده في النت حتى في المواقع المتخصصة بالابتعاث من دون تقليل بجهود احد بس كلنا نكمل لبعض وتجاربنا وتجارب غيرنا راح تكون مفيده وقاعده ضرورية لمن بعدنا واوعدكم بحول الله اني سأثري البوابة بكل مايخص بريطانيا عموما وكولشيستر خصوصا بما يفيد قدر المستطاع ...وحتى اللي بيجون لكولشيستر يامرون امر باللي يبون واللي اعرفه اسويه او اسئل لهم عنه هنا .... ... كونوا بخير ...ودمتم بخير... وكل عام وانتم بخير ... |
رد: اوراق مبعثرة من كولشيستر وما حولها ( بريطانيا ) و عليكم السلام كل عام و انت بخير يابو عبدالله و الحمد لله على السلامة فعلاً اشياء كثيرة نسمع عنها بس اذا سافرنا ما نشوفها يمكن من باب النوادر او الاشاعات اللي مقبل على الدراسة او الاغتراب محتاج موضوع مثل هذا ينوره و يدله على الطريق الصحيح الله يسعدك يابو عبدالله و متابعين لما تقوم بكتابته هنا |
رد: اوراق مبعثرة من كولشيستر وما حولها ( بريطانيا ) اهلا ابو عبدالله .. موضوع رائع ملي بالعطاء وحب افادة الغير .. الله يجعله فميزان حسناتك .. متآبع معاك للاخر هولمز |
رد: اوراق مبعثرة من كولشيستر وما حولها ( بريطانيا ) مرحبا ابو عبدالله .. الشهر عليكم مبارك وربي يوفقكم في بعثتكم ، ومتشوقين نعرف الكثير عن المواقف والتجارب اللي مريتوا فيها ولا تنسى تطعم الموضوع بالصور يالغالي .. |
رد: اوراق مبعثرة من كولشيستر وما حولها ( بريطانيا ) اقتباس:
اقتباس:
اقتباس:
امين امين ... وان شاء الله الصور تقريبا موجوده بس نرتب الاجزاء ... عاد اللي شوي هنا يالله يمديك تفطر وتتمغط الا مذن الفجر :yolks00100:..والنت حسره جدا جدا ... مالقيت نت مفتوح للكنكت لان كلهم يطلبون حساب بنكي ومتجمعه الدنيا دورة بيت وسيارة وتوهيقة سكن لعلي من بكره ابدى اسرد الزين والنص نص حسب تلسلسل الاحداث ... منورين يا حلوين ... |
رد: اوراق مبعثرة من كولشيستر وما حولها ( بريطانيا ) مبارك عليكم الشهر والحمدالله ع سلامتكم والله يوفقكم ان شاءالله ننتظرك تجاربك وأكيد راح تنفع الكثيرين ويستفيدون منها |
رد: اوراق مبعثرة من كولشيستر وما حولها ( بريطانيا ) مبارك عليك الشهر اخوي ابو عبدالله الله يعينكم ع الصيام وليلكم قصير مايمديكم تتمددون إلا اذن الفجر تقرير جميل ولاشك سيفيد كل المبتعثين الله يوفقك ويجعل كل ماتكتب في ميزان حسناتك |
رد: اوراق مبعثرة من كولشيستر وما حولها ( بريطانيا ) كل عام وأنتم بخير وتقبل الله منكم وحمدا لله على سلامة الوصول ويسر الإجراءات وأتمنى لك من كل قلبي التوفيق والنجاح لما تصبوا إليه وفي إنتظار تحديثاتك المفيده لغيرك وفي ميزان حسناتك ما تفيد به إخوانك المقبلين على الإغتراب وفقك الله |
رد: اوراق مبعثرة من كولشيستر وما حولها ( بريطانيا ) علينا وعليكم بوعبدالله والله انا استغرب من اللي يقولونن عن الاكل او البرامج ومن هالحجي على فترة دراستي في بريطانيا ما عمره مرت علي هالاشياء ماادري ليش يخوفون الطلبة .. بوعبدالله سالفه الوصفة الطبية هذي موجوده انا استخدم فانتولين بالكويت من غير وصفه اهما لازم بوصفه ف لاتستهين في هالشي وايد مواقف صارتلنا من الناحية الصحية والمستشفيات نادر ما تحصل صيدليات يصرفون ادوية من غير وصفه وهذيل اغلبهم من ربعنا .. وعلى طاري الصحه عقب ماتخلص من الشرطة واتطلع الهويه روح الجامعه واسألهم على التأمين الصحي NHS لان جدا مهم في بريطانيا NHS Choices - Your health, your choices راح يعطونك اقرب كلينك يمك عشان اتسجل فيها للعلاج لا سمح الله .. ممتازه ناطرة مواضيعك وان شاءالله بساعدك باللي اقدر عليه وافيدكم فيه واكيد كلنا نكمل بعض الله يعطيك العافيه |
رد: اوراق مبعثرة من كولشيستر وما حولها ( بريطانيا ) اقتباس:
اقتباس:
اقتباس:
وشكرا لك اقتباس:
شاكر للجميع حضوركم الرائع والمبهج ... ابشركم الامور ان شاء الله متوجهة للافضل في ضل بطء اجراءات الملحقية خلال الايام الجاية بيتوفر النت المفتوح لان لازم حساب بنك وعنوان سكن وسيتم رفع الصور لان تقرير بدون صور مثل اكل بدون ملح :sly: فيه اشياء حلوه وفيه ساعات احباط ..اتمنى اقدر انقل لكم الصوره كما اريد |
رد: اوراق مبعثرة من كولشيستر وما حولها ( بريطانيا ) عسى لقيتوا سكن مناسب يا بو عبدالله و كيف أسعار الايجارات هناك عطنا علومك مشتاقين |
رد: اوراق مبعثرة من كولشيستر وما حولها ( بريطانيا ) اقتباس:
السكن جدا غثيث لقينا سكن في القرينستيد جدا جدا حلو بيت دورين وحديقة ومطبخ جاهز من كلش وسعره مناسب لنا بس المنطقه مايمدحونها من ناحية الامن عشان موضوع ناهد المانع الله يرحمها لقينا شقة حليوه بس في الاخير رفض صاحب الشقه يؤجرنا لان عندنا اطفال والساكن اللي قبلنا سعودي ( الله يهديه ) اطفاله حايسين الشقه والدهانات وخرب علينا:yolks00470: اليوم رحنا شفنا شقه طبعا مستوى اقل وينقصها اجهزة بس الحي جميل جدا وان شاء الله ناوينه كان ماحصل مانع :(58): طبعا النت بالحسره وكنت ماخذ شريحه 3 جيجا بـ 25 باوند خلصوه عيالي في يومين :surrender: واخذت ثانيه وماخليتهم يدخلون عليها عشان نخلص امورنا مع الملحقيه وبحث عن سكن واليوم الصبح يوم قمت لقيتهم مبشكين ع اللاب توب ورحمتهم :dunno: المهم قبل المغرب خلص النت علي والمحلات قفلت ( تقفل الساعه 6 ) والمغرب يذن 9:20 ومااقدر اشحن اون لاين الا بفيزا بريطانية فجلست احوس ولقيت شبكات واي فاي منها شبكة BT-WIFI-FON دخلت ولقيت عندهم خيارات فخذت عشان اجرب يوم بـ 8 باوند (قبلوا الفيزا السعودية ) وحملت الفوتوشوب وجربت شبكة اجهزة العيال عليه وشبك :(37): وماكنا ندري وان شاء الله بكره اذا خلص باخذ اسبوع بـ 18 باوند ويشغل كلش عاد جالس اجهز بعض الصور يوم ضبط النت وبحاول انزل شي اليوم الجو جدا حلو اليوم بس امس كان حار جدا 38 درجه كان ومافيه مكيفات سعيد جدا بك ابو غسان انت وجميع المتابعين |
رد: اوراق مبعثرة من كولشيستر وما حولها ( بريطانيا ) -- المبتعث غير السائح وتجهيزاته للسفر تختلف من حيث فترة الاقامة ، الاقتصاد في الصرف ( يعني لاتفتحها كنك بترجع بعد اسبوعين او شهر ) ،الوزن المسموح لك به على الطائرة احسب وش بتاخذ معك بالضبط ولاتاخذ شي ماراح تستفيد منه لانك بتحتاج مكانه اشياء اخرى ( قهوه ، تمر ،هيل ) والباقي ترى موجود نفسه بسعر غويلي او له بديل محلي منافس وبنجي عليه في ثنايا الموضوع ان شاء الله - قبل السفر تأكد من بطاقات البنك اذا كانت بتنتهي تجددها وتأكد من اي شي يستلزم وجودك خلصه بسرعه عشان ماتتعطل بعدين . الاشياء اللي ممكن تعطي عليها وكالة لاخوك او شخص ثق فيه لاتتأخر (بيع سيارة ، تخليص معاملات لك ) وكل واحد اعرف بظروفه. قبل التوجه للمطار يفضل للمبتعث تجهيز التالي لتسريع عملية تسجيله في الملحقية : - سحب التعهدات له / لها وللمرافق من موقع الملحقية ظ†ظ…ط§ط°ط¬ ط¥ط³طھظ…ط§ط±ط§طھ | ط§ظ„ظ…ظ„طظ‚ظٹط© ط§ظ„ط«ظ‚ط§ظپظٹط© ظپظٹ ط¨ط±ظٹط·ط§ظ†ظٹط§ | UKSACB طبعا ياخذ اللي يناسب وضعه بعد سحب التعهدات يعبيها ويوقعها ويسحبها سكنر او يصورها بالجوال ويحفظها بجهاز اللاب توب او الجوال في مجلد يخصصه لاوراق الملحقية . - صورة ملونة لبطاقة الاحوال - صورة الفيزا. - صورة قرار الابتعاث. - اذا مبتعثه ومعها مرافق موظف تاخذ صورة اجازته .واذا مرافقها غير زوجها او ابوها صورة الوكالة له . - اذا معه فيزا دراسية فيحتفظ بنسخه من القبول معه لان موظف الجوازت بيسأله عن القبول وبالنسبة للمرافق اذا هو تير4 فيبلغهم موظف الجوازات انه لازم يسجلون في الشرطة خلال سبعة ايام من تاريخ دخول الدولة ( شرطة المدينة اللي بيسكن فيها ) . - جميع الاجهزة المحموله داخل كبينة الطائرة تكون مشحونه - قبل نطلع الطيارة مشونا بطريق ينزل تحت ونمر ببوابة تفتيش ويشيكون على الاجهزة الالكترونية ولازم تكون مشحونه وممكن تشتغل - طبعا التفتيش قبل الاقلاع بعض الناس يحسبه بعد الوصول . - جهز معك قلم لتعبئة كرت الدخول وهو مترجم يعني لاتشيل همه بس جهز عنوانك اللي بتسكنه مؤقتا هناك - اي حجز بيمشي حاله . - اللي بيسافرون برا لندن : السفر بالقطار جدا ممتع والقطارات على طول متوفرة تقريبا فممكن انك تسافر لوجهتك بالقطار وفيه اماكن عفش كثيرة مثل الطائرة ( فوق الكراسي فيه اماكن تخزين كثيرة وشبه فاضية تقريبا) بس يبقى عليك مشوار من المطار لمحطة القطارات ( محطة ليفربول سنترال) ومنها الى وجهتك ..( طبعا للي ما يبي يواعد احد يوصله ) . هذي صورة للمكان بس صارت مسحوبه ويمكن اعدلها بعدين http://www.arabtrvl.com/up/uploads/a...5963470351.jpg -اللي يبي احد يستقبله ممكن يشوف موقع النادي السعودي لمدينته وبيلقى انهم حاطين رقم تواصل مع احد العرب هناك وانه موثوق وممكن يتواصل معه بالواتس اب ويتفق معه قبل الوصول بمده .... وهذا موقع شبكة القطارات National Rail Enquiries - Official source for UK train times and timetables تختار الوجهة من (Liverpool Central [LVC] وتكتب وجهتك وتختار الوقت المناسب لك وبتحصل اكثر من قطار وتختلف مدة الوصول حسب عدد التوقفات ... طبعا التخطيط ممكن تخليه بعدين في رحلاتك في بريطانيا لان موظف التذاكر ممكن يساعدك ويشوف لك اقرب واسرع قطار وتحاسب عنده بالشبكة ( اذا فيزا انتبه ولازم تكون موقع عليها من الخلف ) اذا مو موقعه بيطلبون جوازك او بطاقة ثانية موقعه فعشان ماتدخل بدوامة وقعها من الان ... طبعا ممكن احد مايشيك بس الاغلب يشيكون على التوقيع وماتحتاج الحين اويستر كارد ... اول ماتوصل للمحطه تروح لشبابيك التذاكر وتحجز وعلى قطارك اللي ماراح يتاخر ... عشان توصل للمحطة هذي فراح تستعمل قطار الانفاق (المترو او التيوب على تسمية البريطانيين ) https://tfl.gov.uk/ وتقدر تحجز من اقرب محطة لك حسب صالة القدوم بعد ماتوصل لمحطة المترو تروح لشباك التذاكر وتاخذ تذكرة الى محطة ليفربول سنترال المترو غير مناسب للي معه عفش كثير وطبعا المبتعث غالبا اللي جاي اول مره فحدث ولا حرج بانواع العفش ( انا كان معي 8 شنط وسط و 2 صغيره داخل الطائرة و2 لاب توب ) يعني حمولة عربيتين عفش مطار مليانات ... هذي مقدمه للاجزاء القادمة واللي بتصير من وقت الوصول مع بعض الصور واعذروني على القصور وطبعا اللي اكتبه هو اللي صار معي بالضبط (يعني تجربة شخصية ) بالمناسبة كنت متخوف من الشعب البريطاني وكلام الناس انه شعب مايرحب بالناس وانه منغلق على نفسه بدرجه كبيره ولاتحاول تحتك فيه تجربتي ( انه شعب جدا ودود وخدوم ومرح ) ومستحيل احد جرب انه يحتك فيهم يقول غير كذا الا واحد احتك بشخص واحد :(38): لان من خلال تجربتي وانا كنت مخربها واطب عليهم طبوب ( يفزعون بكل اريحيه ) غير انه ذابحهم التأسف على كل شي يقولك اسف حتى لوك انت المخطي ( فيه عينات قابلتهم بس نسبتهم 0.01% يمكن ومايؤثرون على الجو العام ومايخربون لي جو:yolks00740: ) بالمفيد اذا اشكل عليك شي هناك فعادي وقف اي واحد بالطريق واستفسر منه اشوفكم بالجزء القادم .. وفيه الوصول للمطار ثم الوصول لمدينة كولشيستر |
رد: اوراق مبعثرة من كولشيستر وما حولها ( بريطانيا ) الوصول : كانت الرحله بيوم 5/9/1436 الساعه 12 الظهر وذاك اليوم ماافطرنا ، مسهلة ربي يالله لك الحمد وش يحدنا نصوم واحنامسافرين وبيكون اجمالي ساعات الصوم 21 ساعه لان الامساك في السعودية والفطور في بريطانيا فافطرنا في المطار الصباح واشوى اننا افطرنا لان وجبات السعوديه ماكانت قد كذا ..وبالنسبة لي ماقدرت اكل منها الا الفاكهة .. الطائرة كانت فاضية وماكان عليها الا 77 راكب بس وافيه اكثر من 200 مقعد فاضي http://www.arabtrvl.com/up/uploads/a...5965484361.jpg فخذنا للعيال مقاعد ورا وطقوها نومه كل الرحله الين الوصول ... وفيه ناس كثيرة سوت كذا وناموا ، بس انا للاسف مستحيل انام بطياره وحتى لو كنت مواصل وقربنا من الهبوط http://www.arabtrvl.com/up/uploads/a...5964856921.jpg ونزلنا وكانت الاجواء جدا حلوه وفيه لسعة بروده http://www.arabtrvl.com/up/uploads/a...4359648572.jpg وكان كابتن الطياره الله يسعده وزع كروت تسريع اجراءات على بعض الركاب وجانا منها ولما نزلنا دخلنا في سرا خفيف وبسرعه وصلنا لموظف الجوازات وتم اخذ البصمه للجميع بما فيه الاطفال . وبما ان فيزتنا تير4 تم طلب القبول للمعهد ثم ابلغنا انه لازم نسجل في مركز الشرطه خلال سبعة ايام من تاريخ الوصول لبريطانيا ماطولنا معه وطلعنا على العفش واول مره بحياتي تطلع شناطي اول شناط والحمد لله جت سوى ،، حملناها وقلبي على يدي مدري يدي على قلبي :(38): لان معي كان ادوية وقهوه وتمر وهيل وبهارات :(57): ونمر من عند بوابة الخروج وفيه بوابتين من عند الجمارك ( وحده خضراء اذا مامعك شي تفصح عنه ) والثانيه اذا معك شي تفصح عنه وانا مامعي شي افصح عنه حسب اعتقادي :(57): فدرعمت مع البوابة الخضراء ومحد قال شي بعد الخروج كنت ابي احد يوصلني لمنطقة ( هيس ) قريبه من المطار عشان اخذ سيارة كنت مستاجرها وكانت سيارة ستيت ( بوكس ) المهم كنا نبغى شريحة نت وكنت سائل الشباب في بوابة بريطانيا وقالوا تلقى شريحة شركة ( 3 ) في كل محل فلقيت مكينه تبيع شرايح بس ماعرفت استعملها وجت وحده بتشتري وكان اول احتكاك مع البريطانيين هنا ، قلت لزوجتي قولي لها تشري لنا:(38): وقالت لها ورحبت بس ماانقلبت بطاقاتنا لافيزا ولا عادية والكاشكان معنا 50 باوند اكبر من فتحة الكاش :(38): فأجلنا الفكره ،، وشفنا بريطاني يوصلنا كداد :(57): وقلنا اشتر لنا شريحه :(57): وحاول وماكان معه صرف يكفي مبلغ الشريحه فخذ عربيه وانا عربيه وطلعنا برا لسيارته كنت مستأجر سيارة من ارقوس كانت سيارة صغيرة بوكس (طبعا كبيرة عشان تشيل شناطنا وكان مكتوب تشيل 6 شناط) نزلنا شناطنا في المكتب وكان في فندق شيراتون قالوا السيارة اللي انتم حاجزين ميب عندنا:(38): وجابوا سيارة يالله تشيل شنطتين بالكثير ، وانا معي 10 شناط غير شنطتين لاب توب طبعا اللغة كانت حائل في التفاهم معهم بس هم قالوا ان ارقوس كذابين واحنا ماعندنا هنا السيارات هذي ، قالوا عندنا ونيت يشيل عفشكم بزود 10 باوند ،، واحنا ورانا مشوار لكولشيتر وهذي اول مره اطب بريطانيا ودركسون يمين ، فقلت يالله جيبوها بس ، وكان فيه شايب عراقي قال شكلكم طالعين قنص :(56): وتوكلنا على الله ... وكان فيها قارمن ،، وكانت ديزل واتوماتيك http://www.arabtrvl.com/up/uploads/a...5964857155.jpg http://www.arabtrvl.com/up/uploads/a...5964857176.jpg http://www.arabtrvl.com/up/uploads/a...3596485727.jpg http://www.arabtrvl.com/up/uploads/a...3596485739.jpg http://www.arabtrvl.com/up/uploads/a...9648573310.jpg http://www.arabtrvl.com/up/uploads/a...5965036123.jpg وعبينا ديزل ومسكنا السريع حقهم http://www.arabtrvl.com/up/uploads/a...5965036318.jpg اول يوم وكنا تعبانين شوي والا الطريق كان جدا حلو وقابلنا قطيع غزلان يرعى بس للاسف ماامدانا نصوره ودخل علينا الليل بالطريق الين وصنا اوتيلنا http://www.arabtrvl.com/up/uploads/a...5965036389.jpg وكان هوليداي ان وحاجزه عن طريق موقعهم https://www.ihg.com هو برا كولشيستر بس قريب منهم يعني شغلة 3 دقايق يمكن ( على الطريق السريع ) لان ماكنت محصل حجوزات في كولشيستر وماكنت ابي اجي ادور على عماها ووصولي بالليل ، فحجزت فيه 4 ايام ، وكان اللي محلي الموضوع انه معي سيارة وكانت ميزه ( بالمناسبة سعر ايجار السيارة يساوي تقريبا سعر احد يستقبلني ويوصلني لكولشيستر ) ... الاوتيل حلو اجمالا بس كل شي اخدم نفسك بداية من تنزيل الشنط ، وماكان عندهم الا غرف فاضطرينا ناخذ كلنا غرفة وحده http://www.arabtrvl.com/up/uploads/a...9650364310.jpg http://www.arabtrvl.com/up/uploads/a...3596508371.jpg دورة المياه الله يعزكم بدون شطاف http://www.arabtrvl.com/up/uploads/a...5965083773.jpg وشطاف المسافر ماركب :(57): فدبر عمرك بعلبة موية :(155): http://www.arabtrvl.com/up/uploads/a...5965083834.jpg وكان فيه نت مجاني وكان اول شي فتح حساب في الملحقية http://www.arabtrvl.com/up/uploads/a...5965083895.jpg طلبنا فتح الحساب والصباح تم قبول الطلب ... للكلام بقية ....نراكم على خير الليل قصير مايمديك تسوي شي جد :(38): |
رد: اوراق مبعثرة من كولشيستر وما حولها ( بريطانيا ) ربي يوفقكم يابو عبدالله ودير بالك على الولد وعلى نفسكم |
رد: اوراق مبعثرة من كولشيستر وما حولها ( بريطانيا ) ماشاءالله تقرير جميل وبدايه حلوة ليش ما تكمله يا ابوعبدالله والمبتعث انت او المدام متابعين معاك للاخر |
رد: اوراق مبعثرة من كولشيستر وما حولها ( بريطانيا ) وعليكم السلام كفو والله ما تقصر اتذكر كشف الحساب بدون أي قراءه فتحته وبعد اسبوعين وصلت لي بطاقه الصراف صحيح متطورين عنهم أكثر وروسمنا أقل ذكرتني بفتح ملف بالملحقيه أيه يا زمن استقبال المبتعثين أعتقد مجاني وتطوعي من الأعضاء أم بمقابل طلعت شناطك بدري لأنك مدخلها أتصور بدري وقاص البوردينق مبكر بالمطار نكبه ارقوس اجل قنص خخخخخخخخخخخخخخخخخخخخ صور لي السياره بالشناط حلو الاسئتجار ونقل الي خارج لندن مكلف |
رد: اوراق مبعثرة من كولشيستر وما حولها ( بريطانيا ) اقتباس:
اقتباس:
اقتباس:
اقصد بفتح الحساب في الملحقية اول ماتوصل مقر البعثة غثيث شوي ويطول وحاطين وقت للجلسة ( كنك فاتح حساب البنك ) مدة ويتقفل وهو مره طويل بدون مبالغة يومين نصلحه كل ماخلصنا طلعنا لان الوقت خلص والنموذج مايحفظ كل الخانات ، الملحقية بشكل عام الشهادة لله كويسين بشكل عام بس يتعاملون معك كأنهم جهة حكومية بريطانيه موب سعودية وانت ولدهم ( مالهم شغل فيك ) ، بعض الامور تتعقد وهم احس يقدرون يضبطونها بالاتفاق هنا مع البنوك والحكومه ، يعني ابي افتح حساب بنك ، البنك يشترط علي عنوان سكن وعقد ايجار ، السكن يبي لك شوي عشان تلقاه وانت وحظك يمكن تجلس شهرين ، الخدمات الثانية مثل انترنت مفتوح مثلا يبون حساب بنك ، المدارس للعيال او العلاج يبون عنوان سكن ، وتجلس تلف وتبحل بعمرك الناس تحسبك مكيف وتتمشى وانت ورطان بعمرك ، تخيل انك جاي اليوم والملحقية ماتكمل فتح الملف لك الا بعنوان سكن :sly: ويبون ارقام زملاء لك هنا ( طيب توني واصل :(36): ) الكلام واجد بس انها تجربة حلوه ومتعبه بنفس الوقت بس اشوف وكثيرين يشوفون ان الملحقية مقصرة في مساعدة المبتعث اول مايوصل ولاجابوا له خبر يعني اللي يبي يجي يشتغل على انه لحاله الا ان لقى احد يفزع له او قدر يدبر عمره عن طريق الموجودين في مكان البعثه ... ومافيه شي اسمه استقبال مبتعثين :(94): - الشناط تساهيل يالله لك الحمد والاالجيه كانت مثل العاده قبل ساعتين ، واسكت كنت ناوي اغلفها في المطار واحط عليها علامات ( ثمان شناط اللي مشحونه ) وصار العامل حق المطار يوم حمل الشناط طار بهن لسير العفش ، وكني فرحت اني اول واحد لانه على طول صار ورانا ناس ، وغمضت ودخلتهن بدون تغليف او علامة :shutup:.. - ارقوس الله حسيبهم بس ، كنت فرحان بالسيارة شوي كشخه :(37): واخرتها جالنت غمارتين دفرنسين بعد:smurf:.. - انا دايم انصح الناس انهم يسوقون هم اذا سافروا ( دركسون يمين او يسار )وشلون اسافر واصير على باب الراكب :(94):.. بس انها تجربة حلوه وقيمة التوصيل مرة وحده جابت لنا سيارة 4 ايام :bleh: ...بس عموما اللي مايبي يسوق اشوف مساحات الشنط في القطار كبيره وشبه فاضيه لان اغلب الناس مايستعملها ( يمكن اصغر من الطيارة شوي ) .... سعيد جدا بحضوركم هنا والف شكر لكم |
رد: اوراق مبعثرة من كولشيستر وما حولها ( بريطانيا ) ماشاء الله معلومات رائعة كثير راح يستفيد منها استقبال المبتعثين و تدبير أمورهم مشروع مربح خليها حج و بيع سبح المبتعثين يشتكون من الملحقية فعلاً كيف تطالبهم بعنوان و معارف و ارقام هاتف و هم جدد حلو لو عملت المواضيع كل واحد لوحده لأنها مهمة و ماتضيع وسط اليوميات |
رد: اوراق مبعثرة من كولشيستر وما حولها ( بريطانيا ) اقتباس:
افكر افتح محل مندي :(94): شايف لي موقع زحمه وفيه محل كبير معروض للايجار:(94): وشريطي سيارات :yolks00520: بحاول ان شاء الله ارتب لكل شغله موضوع قبل انسى تفاصيلها منور ابو غسان :204: |
رد: اوراق مبعثرة من كولشيستر وما حولها ( بريطانيا ) ما قصرت للتوضيح اقول احمد ربك كيف لو شفت تعاملهم عام 2009 ترا الوضع الحين أفضل من السابق بكثير فتح الحساب ما أخذ مني وقت ولكن لأنك معك عائله وتبحث عن سكن دائم ولا أنت ساكن عند عائله أو معهد يعرف فيك ممكن يكون شوي |
رد: اوراق مبعثرة من كولشيستر وما حولها ( بريطانيا ) اقتباس:
|
استمر رائع دووووم .. يسعدلي صباحك هولمز |
| الساعة الآن 03:44 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO