|
زيارتي الأولى للمغرب ونحتاج مشورتكم السلام عليكم ورحمة الله وبركاته عيدك ممبارك جميعا وكل عام وانتم بخير ناوي ازور المغرب بأذن الله لأول مره من تاريخ 25 ديسمبر الى 3 جانوري ومانستغني عن نصائحكم المدن اللي تستاهل الزياره اللي تكون فيها اماكن سياحيه تستاهل انه السائح يشوفها الشواطئ المميزه المنتجعات الفخمه او الكبيره يعني مثلا مدينه فيها مزار واحد او اثنين ما احتاجها حسب التقارير اللي شفتها في القسم حقيقه ماشفت تقارير فيه صور حقيقيه اغلبها من النت كان ودي اشوف الاماكن السياحيه عن طريق تصوير الاخوان اللي زاروا المناطق طبيعي الصور من النت تختلف بشكل كبير عن الصور اللي ياخذها السائح بنفسه وياليت تنصحونا بأماكن الحمامات المغربيه المميزه طبعا مميزه من ناحية السعر والجوده السبب اني ما اخترت المدن اللي ناوي ازورها قلت نسمع ارائكم اول ومنها نختار لكن افران لازم لها نصيب من الرحله وياليت تعطونا اسامي الاماكن اللي نحتاج نزورها في افران وتحملونا ع كثرة الاسئله :32::32: تحياتي |
حياك يا مشرفنا حياك المده 8 ايام اذا ملزم افران النزول بكازا اول يوم افران يومين 4 ايام بطنجه اخر يوم بكازا فنادق المغرب فيه كل المطلوب يناير وقت البرد هذا المخطط شمالي اما الصور شكلك مريت بسرعه هيا كلها تصوير اعضاء اي استفسار حاضر |
وعليكم السلام ورحمة الله وبركاته وأنت بخير وصحة وسلامة ي مرحباً بمشرف الفلبين في بوابة المغرب ***** طبعاً مدة رحلتك تقريباً (8) أيام بالنسبة لي أنا أعتبرها قليلة إذا حاب تزور أكثر من مدينة وبالنسبة لرحلتك هل هي شباب ولا عائلية ؟؟ المدن كثيرة التي تستحق الزيارة حال وصولك لكازا تجلس فيها يومين وبعدها تطلع إلى إفران يومين ومن ثم العودة إلى مراكش والجلوس فيها يومين وبعدها أغادير يومين المزارات كثيرة في كل مدينة والبوابة مليئة بالتقارير أخرى تقرير لخبير المغرب رحلة سنايببر 2016 إلى فردوس الدنا المغرب ياليت تتطلع عليه وتأخذ فكرة خذ فرة ع البوابة ولا يهمك يالغالي نحن في الخدمة وإذا عندك أي يخطر ع بالك أسدحه لنا هنا وراح نفيدك ههههههه تحياتي ،، |
اقتباس:
الله يسعدك ع ردك عمي بالنسبه لطريقة التنقل من كازا الى افران هل في قطار ولا باصات ولا سياره وكم المده والقيمه اذا تفتكر التنقل من افران الى طنجه كيف ياليت تشرحها ومن طنجه رجوعا الى كازا وايت من المدن اللي ذكرتها شاطئيه فيها منتعجات او فنادق ع البحر وشاطئ تحياتي |
اقتباس:
الله يسلمك ع الترحيب الحار ماقصرتوا ع المعلومات نسيت اذكر انه الرحله شبابيه بحته راح اشوف الموضوع اللي ذكرته ونطلع بمعلومات منه لكن هل معقولة كل المدن اللي ذكرتها تستاهل الزياره يعني فيها مزارات سياحيه وايش تنصحون في ناحيه التنقل تحياتي |
حياك افضل طريقه للتنقل هو استئجار سياره من المطار القطار رخيص جدا لكن متعب التاكسي اغلاهم افران داخليه طنجه فيها شواطئ و منتجعات أرسلت من SM-G935F بإستخدام تاباتلك |
اقتباس:
القطار كم ساعه تقريبا بين كازا وافران وطنجه وكازا وهل مراكش بعيده عن كازا والمدن اللي ذكرتها ووين الاسواق الشعبيه اذا فبالك منتجع في طنجه ياليت تذكرلنا اسمه نشيك عليه تحياتي |
اخي الغالي اما تكون وجهتك شمالا كما ذكرت لك المدن السابقه او تكون جنوبا باتجاه مراكش اغادير صعوبه القطار في الزمن هذا موقعه onfc يعني من كازا الى طنجه اكثر من ع ساعات افران تاخذ تاكسي و تاكسي الى طنجه و هذي شغله الشمال يحتاج لك سياره اجار علما ان القيود المروريه اخف في الشمال منتجعات طنجه فيه داخل البلد و فيه خارجه تم تفصيلها في هذا الموضوع أرسلت من SM-G935F بإستخدام تاباتلك |
|
اذا انت بوحدك خليك في المنارا بارك اذا انتو مجموعه افضل الكابيلا طبعا حوالي 40كم كلها موجوده في النت أرسلت من SM-G935F بإستخدام تاباتلك |
| الساعة الآن 06:00 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO