|
تخطيط رحلة السلام عليكم مسافر انا وشخص لاول مره للمغرب بنوصل يوم 4 اغسطس الظهر وبنرجع 13 اغسطس الظهر ان شاء الله كيف ترتيب الرحله بالنسبه للمدن وعدد الايام وابغى وين اسكن في كل مدينة من المدن !؟ مع العلم اننا مانبغى ضيوف رايحين تغيير جو وسياحة وضحت هالنقطه عشاني اتوقع ع وضعنا كذا بتكون خيارات السكن اكثر ، وياليت الفنادق او الرياض او الشقق المختاره لها روابط فبوكينق واقودا عشان اعرف من الحين كم سعر السكن واحجز وارتاح وهل يلزمنا سواق في كل المدن ؟! ووين الاقي برنامجي سياحي يناسبنا ؟! اشكر كل من يساعدني ، وياليت ماتبخلون علي لانكم المرجع الافضل واذا ماافدتوني لاسمح الله بغير الوجهه لدوله اعرفها افضل |
رد: تخطيط رحلة عليكم السلام ورحمة الله وبركاته سيدي الكريم رحلتك مُدتها 8 أيام لو نشيل منها يومي القدوم ، والعودة... أقترح عليك بما أنك لأول مرة تزور المغرب التوجّه بالقطار لمراكش لتعدد الخيارات بها .. من وجهة نظري أُرشح لك السكن في منتجع النخيل الدرقاوي .. صحيح بإنه يلزمك سائق عند السكن في هذا المنتجع لبعده تقريباً عن المدينة إلا أنه آمن بعد أمان الله لوجود حراسات (طبعاً المغرب آمن للي يمشي عدل)... أقترح عليك العروج على التقارير للإستفادة ، ومُشرفنا أبو بدر ، والأحباب هُنا سيفيدونك .. أطيب الأوقات أُستاذي..... |
رد: تخطيط رحلة حي الله الشيخ اولا اشكرك جدا ع تكرمك بالرد يعني تقترح علي اقضي كل الايام بنراكش فقط ؟! مدري بس اعتقد راح نمل بمكان واحد وياليت الشباب يفيدوني اكثر |
رد: تخطيط رحلة أهلا بك أخي العزيز ليس فقط مراكش تقوم بتقسيم المدة ع مدينتين أكادير [emoji7] [emoji7] + مراكش وأنصحك بالسكن اللي في أكادير المارينا بيتش أفضل شيء وأتمنى أن تقوم بالأطلاع ع تقارير الأعضاء |
رد: تخطيط رحلة اقتباس:
أتفقنا بإن المدة ثمان أيام إذا شلنا يومي القدوم ، والعودة .. نجي ألحين خطوه خطوه: إذا رحلتك على المغربية ستصل "بمشيئة الله" صباحاً ، وهذا جيد معك نهار كامل .. أما الخطوط الأخرى فغالباً تصل مساءً يعني معك وقت قصير جداً... عن نفسي لا أُحبذ عند وصولي لكازا البقاء فيها .. بل أترك قبل عودتي للوطن البقاء في كازا يومين للقرب من المطار ، وزيارة ما يمكني زيارته .. فكازا كبقية مدن المغرب جميلة... يعني مراكش يا دوب تقعد فيها خمسة أيام .. التنقل الكثير بين المدن إذا الفترة قصيرة سيكلفك الجهد ، والوقت.. "ولكل شيخ طريقته" أتمنى تحديد موعد الوصول ، ومستوى السكن ، والمدن المقترحة لتسهل على الأخوان إفادتك .. دعواتي لك بأوقات مُمتعة.... |
رد: تخطيط رحلة اقتباس:
انا ماحمسني اني اروح الا تقريرك ومتابعه ، اوكي اتفقنا اني اخليها مراكش واغادير ، لكن ابغى مكان السكن المناسب في المدينتين وياريت يكون في رابط اقودا او بوكينق عشان حاجتين اولا اعرف كم ميزانية السكن ، ثاني عشان اروح وانا مرتاح مخلص امور السكن ، وعادي لو نكون انا وصاحبي بغرفة في فندق سريرين توأم ، السكن بيكون فقط للنوم . |
رد: تخطيط رحلة اقتباس:
راح اوصل كازا الساعه الواحده و 45 دقيقة مساء وبتجه لمراكش ع طول ع نصيحتك ، وش الطريقة الافضل للوصول لمراكش ؟! وكم يوم اجلس فيها ؟! والعودة راح تكون يوم 13 الساعه 2 و 45 دقيقة من كازا بالنسبة للسكن وضحت انه ماهمني موضوع الخصوصية ويدخلون ضيوف ولا مايدخلون ، انا وصاحبي نبغى اي شي نظيف ومكان كويس سوااء غرفة في فندق او سويت او شقة ولك الشكر |
رد: تخطيط رحلة انا مع الشباب في خيارات المدن بس ياليت تحدد مستوى السكن يعني كم نجمه لا تقول نضيف و كويس اذا يهمك الجو طنجه افضل اذا تبي مدن نهاريه ليليه مراكش |
رد: تخطيط رحلة اقتباس:
مستوى الفنادق 4 نجوم او 5 نجوم او شقق نظيفة بعد يكون افضل لو كان في مكان للجلوس منفصل عن غرفة النوم ولو ان بعض الفنادق عندهم هالشيء |
رد: تخطيط رحلة بالنسبه لمراكش فنادق مع اني اويد المنتجعات اذا تبي منتجعات انظر الى ورشه مراكش فنادق للفخامه العاليه سلمان مراكش و الفور سيزونز اقل السوفتيل و النوفتيل نظيف و رخيص فندق امين و فندق ibis اغادير الافضل المارينا بعدها اماديل و الدي روزز بلاس الاسواء صحاري رخيص و كويس بس مو ع البحر Ibis |
| الساعة الآن 10:20 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO