شبكة و منتديات العرب المسافرون - هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

- بوابة المغرب (https://www.arabtrvl.com/vb/f83.html)

هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

تِقشبِيلة تِوليولا.. ما قتلوني ما حياوني.. غير ذاك الكاس اللي عطاوني.. الحرامي ما يموتشي.. جات خبارو في الكوتشي..

تذكرونها ؟؟ :)

تحير عندها النظر اشمس تلك ام قمر
وراح القلب يسألني اسحر تلك ام سحر
أراها (المغرب) الفاتن فيه الحب و الخطر
أراها المغرب الساحر فيه الليل والوتر

هنــــــــا الـمغــــــرب الحضارة العراقة التاريخ

https://www.arabtrvl.com/up/uploads/...5752762341.jpg

تم الحمدلله تحقيق الحلم في زيارة المغرب
الأغلب عارف اني من فترة بخاطري زيارة المغرب وكنت حاطتها في بالي قبل زيارة تونس لكن سبحان الله تسهلت رحت تونس وتأجلت المغرب..

كنت ابي ازورها مع قروب لسبب مهم وهو البخشيش ما احب سالفة البخشيش في التعامل فقلت اروح مع قروب واهم يخلصون كل شي.. و سبب ثاني زيارة المدن وتنقلاتها حسيتها صعبة علي .. والسبب الثالث التعامل مع الناس..

قلت اتوكل على الله واشوف لي قروب لقيت جم قروب بس اسعارهم غالية صراحه قلت اهي مو ذاك الغلا فيها ليش هالاسعار وعندي رفيجتي بحرينية تدرس دكتواره قالت أبرار الديرة رخيصة بس الأفضل تروحين مع قروب ..
قلت ليش بالضبط اذكرت لي الاسباب اللي ذكرتها فوق ..

واهني قررت اشوف لي قروب .. وانا في الزوارة وحدة من معارفنا قالت أبرار ما ودج اتسافرين .. قلت أكيد بس وين ؟؟
قالت انا حجزت مع فلانه اتسوي قروبات وبتروح المغرب ..

أنا ما صدقت على الله قلت هذا المطلوب بس عسى سعرها زين ؟؟
قالت ممتاز وأنا رايحه معاها جنوب أفريقيا .. وقعدت تمدحها لي ..

عقب كلمتها واهي رحالة بحرينية اتسوي رحلات مختلفة و اسعارها وايد معقولة ..
قلت حق اختي ها تروحين ؟؟
قالت اوك نروح المغرب ..

وتم التسجيل مع القروب ..

بسم الله الرحمن الرحيم
السلام عليكم ورحمه الله وبركاته
وعيدكم مبارك وتقبل الله طاعتكم

رجعت لكم بتقرير يديد و دولة يديده علي بعد رحلة البرتغال واسبانيا نتجة الى اقصى غرب القارة الافريقية و تحديدا الى:

( المملكــــــــــة المغـــــربيـــــة )..

https://www.arabtrvl.com/up/uploads/...6022825296.jpg

https://www.arabtrvl.com/up/uploads/...6022826958.jpg

من قبل كورونا وانا افكر فيها و اضبط امورها وكل مره ما تضبط الرحلة .. هالمره الحمدلله ضبطت

هنــــــــا المغــــــــرب

https://www.arabtrvl.com/up/uploads/...6022826057.jpg

بديت بالاستعدادت اللازمة قبل السفر

الرحلة مستواها : متــوسط ( اللياقة البدنية ) لكن المغرب بحاجه الى عصي الهايك .. لان بعض المناطق فيها مرتفعات ..

https://www.arabtrvl.com/up/uploads/...4603476081.jpg

اولا : الفــــــــــيزا

https://www.arabtrvl.com/up/uploads/...1070086961.jpg

ما نحتاج فيزا

ثـانيـا : العمــــلات

عملة المغرب (درهم مغربي)

https://www.arabtrvl.com/up/uploads/...2503908542.jpg

https://www.arabtrvl.com/up/uploads/...6085756081.jpg

1 دينار كويتي = 32 درهم = 3.25 دولار

ثـالثـا : الطـيــــــــران

https://www.arabtrvl.com/up/uploads/...0731302671.jpg

تم الحجز عن طريق الموقع الالكتروني للخطوط الجوية الكويتية في شهر أكتوبر 2023

https://www.arabtrvl.com/up/uploads/...1047293544.jpg

الموقع الالكتروني
https://www.kuwaitairways.com/ar

طيران دولي : كويت - كازابلانكا - كويت بسعر 130 د.ك للشخص ..

رابــعــــــا : الفنــــادق

https://www.arabtrvl.com/up/uploads/...2503929195.jpg

حجزت ليلة في كازابلانكا قبل موعد انطلاق القروب

فندق كازابلانكا ماريوت
casablanca marriott hotel

سعر الليلة غرفة لشخصين 69 د.ك = 225 دولار

خـامســا : الصحـــــــة و التطعيمـــــــات

https://www.arabtrvl.com/up/uploads/...2503933866.jpg

قبل السفر بفترة كافية عليكم التأكد من الوجهة اللي رايحين لها اذا تحتاج الى اي تطعيمات ..

- لازم مراجعة عيادة المسافرين في دولتكم او الصحه الوقائية .
- تلقي التطعيمات اللازمة قبل شهر من السفر على الاقل ليتمكن الجسم من تكوين المناعة .
-اصحاب الامراض المزمنة مراجعة دكتورهم عشان يعرفون لو في تطعيمات تتعارض مع ادويتهم ..

والحمدلله المغرب ما نحتاج اي تطعيم.

و طبعا احتياط معاكم كمام ومعقم :)

https://www.arabtrvl.com/up/uploads/...5040585912.jpg

ســادســاً : الطقـــس

https://www.arabtrvl.com/up/uploads/...4814056941.png

في وقتنا كان الجو وايد حلو ومعتدل مو برد وايد ولا حاار وكان فيه اشويه امطار خفيفه في بعض المناطق واشوية برد ..

ســابعــاً : القـــــروب

https://www.arabtrvl.com/up/uploads/...5040650213.jpg

مكون من : قايد بحرينية "صاحبة الشركة" - قايد مغربية محلية
عدد المسافرين : صدمة صراحه ما كنت متوقعة هالعدد
تقريبا كنا 43 شخص ومقسمين على قروبين كل قروب في باص احنا كنا من الكويت والسعودية 9 كويتيات و 11 سعودية و 1 عمانية ضايعة بينا :) ..
الباص الثاني 10 من البحرين 5 من الكويت 6 من السعودية..

ثـامنــاً : الأمـــان

https://www.arabtrvl.com/up/uploads/...6216725591.png

في وايد من المناطق كانوا يحذرونا منها و الاسواق .. بس بالعموم الامان موجود في الاماكن الحيوية..

تـــاسعــــاً : التأمين

https://www.arabtrvl.com/up/uploads/...1047282952.png

التأمين صار من الضروريات من عقب كورونا للسفر لاتهملونه قبل كورونا ما كنا نهتم له وايد لكن الحين لا يفضل يكون معاكم لاسمح الله لاي طارئ..

والحين عقب ما خلصنا الاشياء المهمة نبدي العد التنازلي للاستعدادت

تم دفع رسوم الرحلة

650 دينار كويتي ( شاملة : السكن في 4 مناطق - التنقلات - دخول المرافق والانشطة - وجبات يومية وسناكات - الاكراميات)
يتبع

تاريخ الرحلة : 20 نوفمبر إلى 2 ديسمبر 2023 - 13 يوم ب 12 ليلة ..

التاريخ الاساسي مع القروب
اما تاريخ حجزي كان من 19 نوفمبر إلى 3 ديسمبر

https://www.arabtrvl.com/up/uploads/...0492120881.png

تاريخ 19/11/2023 تم التوجه الى مطار الكويت الدولي استعداد للسفر والاقلاع الساعه 4 الفير لان طيارتنا الساعه 6 ص

وصلنا المطار ووقت سفرتنا فاااضي لان مو موسم سفر احب هالمواسم للسفر

https://www.arabtrvl.com/up/uploads/...4969312191.jpg

الكاونترات فاضية على كيف كيفكم

https://www.arabtrvl.com/up/uploads/...4969314052.jpg

رحنا سوينا ابقريد على البزنس لقينا السعر فرصة
السعر للشخص 80 دينار

https://www.arabtrvl.com/up/uploads/...4969315653.jpg

عقب الابقريد خذينا البوردنغ وودعنا ابوي الله يحفظة مع التوصيات المعهودة :)
ودخلنا على سوق الحرة ..

https://www.arabtrvl.com/up/uploads/...4969317264.jpg

شاشة البوابات

https://www.arabtrvl.com/up/uploads/...4969319035.jpg

وهذي بوابتنا

https://www.arabtrvl.com/up/uploads/...4969320686.jpg

https://www.arabtrvl.com/up/uploads/...4969322347.jpg

توكلنا على الله

https://www.arabtrvl.com/up/uploads/...4969323878.jpg

بدا يشق النور

https://www.arabtrvl.com/up/uploads/...4969325499.jpg

كراسي البزنس

https://www.arabtrvl.com/up/uploads/...9693269610.jpg

https://www.arabtrvl.com/up/uploads/...9693286211.jpg

https://www.arabtrvl.com/up/uploads/...9693303412.jpg

https://www.arabtrvl.com/up/uploads/...4969333814.jpg

https://www.arabtrvl.com/up/uploads/...9693353215.jpg

https://www.arabtrvl.com/up/uploads/...9693369316.jpg

https://www.arabtrvl.com/up/uploads/...4969338417.jpg

فيديو من الاقلاع

لله أكبر الله أكبر الله أكبر، 〈سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ وَإِنَّا إِلَى رَبِّنَا لَمُنقَلِبُونَ 〉 ".
اللّهمّ إنّا نسألُكَ في سَفَرِنَا هذَا البِرّ والتّقْوَى، ومِن العَمَلِ مَاتَرْضَى، اللّهمّ هَوِّنْ عَلَيْنَا سَفَرِنَا هذَا وَاطْوِ عَنَّا بُعْدَه، اللَّهُمَّ أَنْتَ الصَّاحِبُ فِي السَّفَرِ، وَالْخَلِيفَةُ فِي الأَهْلِ، اللَّهُمَّ إِنِّي أَعُوذُ بِكَ مِنْ وَعَثَاءِ السَّفَرِ وَكَآبَةِ الْمَنْظَر وَسُوءِ الْمُنْقَلَبِ فِي الْمَالِ وَالأَهْلِ"

https://www.arabtrvl.com/up/uploads/...9693398218.jpg

https://www.arabtrvl.com/up/uploads/...9693413819.jpg

وصلنا للريوق

https://www.arabtrvl.com/up/uploads/...9693429820.jpg

وصلنا بالسلامة مطار محمد الخامس الدولي
اليوم الاحد
اليوم الاول 2023/11/19

https://www.arabtrvl.com/up/uploads/...2188983314.jpg

https://www.arabtrvl.com/up/uploads/...2188999415.jpg

و اول موقف اصادفه في المغرب
على كثر ما كنت اسمع ان موظفين المطار يطلبون هدايا وبخشيش خفت وقلت حق اختي احتمال يأخرونا على هالموضوع سكتي وسوي روحج مو فاهمة ..
للأسف كانوا رياييل قبلنا راحوا للموظف و طولوا معاه وما ختم جوازهم الا لما طلعوا له مبلغ عقب ختم على الجوزات و طوفهم .. مع انهم كبار في العمر..
اهني قلت الله يستر لا يطلب منا .. طبعا وصل دورنا بدا الموظف يتغشمر معانا واختي ساكته مو منتبه وانا ناطرته يختم الجوازات طول معانا ويسألني انتي من وين ؟؟ يعني هذا سؤال ينسأل شنو الجواز اللي في ايدك ؟؟ قلت من الكويت ..
جان يقول والله شكلج مغربية ؟
قلت لي الشرف أكون مغربية ..
يشوف اختي ويقول هذي اختك ؟؟
قلت أي نعم أختي .. وانا في قلبي اقول اللهم طولج يا روح .. و ادري اختي ما فيها صبر وتعصب بسرعه فقلت ان شاء الله اتطول بالها ..
واخر سؤال قال ليش زايرين المغرب ؟؟ قلت سياحة ..
قال أهلا بيكم ..
واخيرا طفنا وارتحنا عقب لطافة دمك يا بو دم خفيف ..

https://www.arabtrvl.com/up/uploads/...5218901716.jpg

ورحنا ناخذ جناطنا وشفت مكاتب تأجير السيارات

https://www.arabtrvl.com/up/uploads/...2189034817.jpg

https://www.arabtrvl.com/up/uploads/...2189051418.jpg

https://www.arabtrvl.com/up/uploads/...2189066219.jpg

خذينا الجناط ورحنا نحط خطوط تلفونات

https://www.arabtrvl.com/up/uploads/...2189084320.jpg

من شركة اورنج نسيت جم سعره بس اعتقد 150 درهم

يا سلام تقرير جديد من الرحالة أبرار
عن المغرب الحبيب

فكرة جمبلة السفر مع قروب
السعوديات والكويتيات مسيطرين بقوة
:18:

أعجبتني المارينا وأجوائها الجميلة
كذلك اختيار موفق للسكن

يبدو أنا مع تقرير رائع
من الطراز الأول

ذكرتني البداية بـ العربي الصديق من المغرب
ونهاش فتى الجبل وأبو عدنان
الله يرحم ميتهم وحيهم
:18:

ومن غير المغامرة ابرار
يغامر بنا في بلاد المغرب الجميل

نقطة جميلة اثرتيها
التامين للسفر
اخر سفرة لي تايلند
وانا اقص التذاكر طلعت لي رساله هل تريد تامين
وكان رخيص جدا
كنسلت الرسالة ولم اؤمن
في اخر الرحلة مرضت
وذهب للمستشفي
وكلفني في حدود 800 ريال
تذكرت التامين
كان انقذني ولم ادفع هذا المبلغ