مساعدتكم في ترتيب الرحله ..
 

مرحباا ..

ابي اروح دبي بالاجازه انا واهلي حنا 5 كبار وطفل
طبعا بنروح طيران من الرياض حصلت حجز لمطار ابوظبي ارخص سعر
من دبي فاابي اعرف كم بين ابوظبي ودبي وكيف ننتقل من مطار ابوظبي لدبي..؟
مع السعر التقريبي لاهنتو ..

+
ابي شقق مناسبه للعوائل من 6 يناير الى 11 يناير بشرط السعر مايتعدى
4000 ل 5 ليالي غرفتين ..


ونصيحتكم فالتنقلات لان مانقدر نستأجر سياره ..

مرحبتين ....هذا الفندق رخيص وموقع ممتاز في دبي المارينا ومشي لشارع الجي بي آر عن تجربة شخصية.
اطلع على هذا الفندق الذي عثرت عليه باستخدام تطبيق آيفون من Booking.com:

http://www.booking.com/app_link/hote...bel=share_cell.


أرسلت بواسطة iPhone بإستخدام Tapatalk

مرحبا اخوي رحله موفقه باذن الله

احس انك متاخر كثيير بالحجز لان كل ماحجزة ابكر حصلت سعر اوفر وموقع مناسب و احتمال انك تلاقي سكن بموقع استراتيجي وسعر مناسب شوي صعبه لانك رايح وقت اجازه والاسعار بدت ترتفع يعني اذا لقيت سعر يناسبك راح يكون الموقع بعيد عن المترو او في منطقه قديمه وبعيده عن الاماكن السباحيه فاذا تقدر ترفع ميزانية السكن

هذا اقرب سعر لميزانيتك

ط¬ط±ط§ظ†ط¯ ظ…ظٹط¯ظˆظٹط³طھ طھط§ظˆط± ظ„ظ„ط´ظ‚ظ‚ ط§ظ„ظپظ†ط¯ظ‚ظٹط© (Grand Midwest Tower Hotel Apartments) ط¯ط¨ظٹ ط*ط¬ط² ط±ط®ظٹطµ ظپظˆط±ظٹ ظ…ط¹ ط§ط¬ظˆط¯ط§




ومن وجهة نظري ان تاخذ الطيران من الرياض الى الى دبي مباشرة
اولا لان اذا كان المشوار من وسط دبي الى القريه العالميه 100 درهم فكم بيكون من ابوظبي مع العلم ان تكسي الامارات بالعداد وغالي
ثانيا المسافه من المطار ابوظبي الى دبي تقريبا ساعه وربع حسب الزحمه اللي بطريق كذا راح يومك الاول من المطار الى الفندق وبترتاح

هذي وجهت نظري

وبالتوفيق اذا حجزت واستقريت على السكن وحبيت نرتب لك جدول بالخدمه

يعطيكم العافييه .. تم تغيير بعض الامور حجزت دايركت لدبي من تاريخ 5 يناير الى 10 يناير
وابي سكن كويس ينفع للعوائل شقه غرفتين او غرف منفصله مو مشكله ولو يحصل شي قريب من المترو افضل
عشان استخدم المترو ارخص من التكاسي

السعر مابيه يتعدى 5000 ريال لل 5 ليالي مع الضرائب لاهنتوو

يعطيك العافيه .. طيب ابي جدول مرتب لزيارة اهم الاماكن ل 5 ليالي
علما اني بستخدم المترو فالتنقلات ..

1-طيب اختي ممكن اسم الفندق اللي بتسكنين فيه حتى ارتب لك الجدول بطريقه تناسبك وتسهل عليك التنقلات واذكر لك اقرب محطه مترو قريبه منك والمحطات اللي مفروض تنزلين فيها ؟

2-وثانيا ابي اعرف هل في نيتك تتسوقين وودك تروحين السوق الصيني وسوق نايف ؟

3-وهل تحبين رحله بحريه مع عشا ؟

4- وهل تحبين رحله بالباص مع قروب وتوريك اهم معالم دبي في رحله لمدة اربع ساعات ؟

5- وهل ودك تدخلين برج خليفه ةتصعدين فوق او يكفيك رايته من الخارج ؟

اتمنى تردين على استفساراتي حتى ارتب لك جدول يناسبك ويسهل عليك الرحله

عااجزه عن شكرك اخي الكريم
الله يجززززاك الف خيير ..

+

اخر استفسارين ان شاء الله

وين القى كوبونات مخفضه لسكي دبي مثلا والباص السياحي او رحلات بحريه
غير موقع كوبون ..؟

وكمان الاوت لت ماحطيته بالجدول وش اقرب مكان له من اللي بالجدول
لاهنت ..

اليوم الاول 5يناير

الوصول وتاخذين تكسي الى الفندق

تتوجهين الى الامارات مول وهو الاقرب لك وتدخلين سكاي دبي (قريه الثلجيه )(داخل المول ) سعر الشخص 220 ريال لمدة ساعتين اذا حاب احد منكم يدخل او تدخلون السينما هناك وتتعشون باحد المطاعم

التنقل
اقرب محطه مترو منك هي محطة مترو مدينة دبي للإنترنت لكن لازم اذا طلعتي من الفندق تدخلين لجسر المشاه وتنتقلين للطرف الاخر من الشارع حتى توصلين للمحطه واذا ركبتي المترو تنزلين في محطه الامارات مول يعن اول محطه لاتنزلين فيها نزلي بالمحطه الثانيه وتكونين في المول مباشره والعوده بنفس الطريقه



اليوم الثاني 6 يناير

تركبين المترو وتتوجهين الى محطه DAMAC Properties Metro Station2 (داماك العقارية مترو) وتقضين الوقت في الجي بي ار والمرسى وعندك مارينا مول وبعد كذا تاخذين التكسي الى حديقه الزهزو (ماريكل جاردن )
وبعد كذا تكسي الى القريه العالميه وقضاء اليوم هناك والعوده للتكسي للفندق (القريه العالميه تفتح ابوابها الساعه 4 عصرا )


اليوم الثالث 7 يناير
التوجه في الظهريه والعصريه الى فيستفال سيتي وبعد كذا تتوجهين الى دبي مول وهنا المترو ماراح ينزلك مباشره على المول يعني را تحتاجين مشي 5 او 10 دقايق وتعبرين بوليفارد الشيخ محمد وتوصلين المول او تاخذين تكسي من المترو الى المول وبيكون رخيص لانه قريب لدبي مول وتدخلين الاكواريوم الشخص 110 درهم وبعد كذا تتوجهين للنافوره واذا وصلتي النافوره راح تلقين جسر يربط بين دبي مول وسوق البحار (مجمع صغير وعادي اللي يميزه المطاعم اللي تطل على النافوره ممكن تروحينه من خلال الجسر وتلقين نظره واذا حبيتي تتعشين باحد مطاعمه ممكن او احد مطاعم دبي مول المطله على النافوره )وتقضين الليله على النافوره وتركبين القارب وممكن تزورين برج خليفه لانه على النافوره ممكن تحجزين تذاكر عن طريق موقعهم الالكتروني

Home | Burj Khalifa

الحجز عن طريق الموقع اوفر او ممكن تحجزين من مكتب الحجوزات الموجود بمول دبي مول( تقريبا 200 درهم ) وتدخلين بيوم ثاني يكون ارخص اما انك تحجزين من المكتب لنفس اليوم بيكون الضعف (400 درهم للشخص )

ملاحظه : وضعت لك فيستفال سيتي في اول اليوم لان من رايي انك تشوفين النافوره بالليل اجمل ولان النافوره عروضها المسائيه اكث من النهاريه

التنقلات :
المترو الى محطه الراشديه ثم تكسي الى مجمع فيستفال سيتي لان مافي محطه توصلك مباشره للمول واذا خلصتي نفس الشي تكسي من المول الى محطه الراشديه ومن محطه الراشديه الى محطه برج خليفه ممكن تمشين الى المول ممتع لانك راح تمرين ببوليفارد الشيخ محمد شارع جميل محلات ومطاعم ومقاهي قريب جدا من المول او تكسي للمول وماراح يكلفك كثير وبعد كذا العوده للفندق بالمترو من محطه برج خليفه الى محطه الفندق اللي ذكرتها فوق

اليوم الرابع 8
تتوجهين بالمترو الى محطه برجمان وتنزلين الى المركز وتركبين الباص السياحي وتاخذين رحله مدتها 4 ساعات وانصح ان تكون بالنهار وبعد الرحله تركبين المترو من محطه برجمان الخط الاخضر ( اسألي عن المترو الخط الاخضر ويدلونه لك اما باقي الايام السابقه كان تنقلك على الخط الاحمر ) الى محطه Dubai Healthcare City Metro Station 1 وتكسي الى قريه البوم والقداء في مطعمها او على السفينه وبعد كذا دخول دولفيناريوم (ملاصقه لها ولحديقه الخور كلها مع بعض ) يوجد به عروض للدلافين ممكن تحجزين عن طريق النت


http://wonderbusdubai.net/arTripsAndTiming.aspx





http://wonderbusdubai.net/arToursAndPackages.aspx


هذا الرابط تلقين فيه حجوزات للاكواريوم والسكاي دبي والدلافين والباص السياحي وغيرها الفعاليات لكن للأمانه مامره جربته



هذا رقمهم اذا حابه تستفسرين

0097143369773

وبعد كذا تاخذين تكسي الى الوافي مول وهو قريب جدا يعني بالترتيب يكون حديقه الخور وقريه البوم على يمين الخريطه وفي الوسط محطه المترو والى يسار الوافي مول منطقه وحده واذا خلصتي تتوجهين بالتكسي الى محطه المترو Dubai Healthcare City Metro Station 1 وتركبين الى محطة برجمان وتنزلبين وتركبين المترو الخط الاحمر من محطه برجمان الخط الاحمر الى محطه الفندق الخاص فيك وسبق وذكرت اسمها

اليوم الخامس 9

يوم التسوق افطري وطلعي بدري يعني 9 الصباح وتوجهي الى سوق نايف .. سوق الذهب .. سوق عكاظ .. سوق ابو الهيل للعبايات وبعد كذا توجهين الى الاوت لت بالتكسي لانه مايوصل له المترو يوجد المول بعيد شوي قريب من حديقه الزهور وبعد كذا بالتكسي توجهي الى السوق الصيني وتقضين الوقت الباقي هناك لانه يغلق ابوابه بدري اتوقع 10 هو مقفل

النقلات : انا هنا افضل تستخدمين التكسي لانه معاك اغراض ومقاضي وغير كذا انصحك تاخذين معتاك العره الخاصه للسوق اللي فيها عجلات تنباع عندنا بالسوق ماادري عرفتيها او لا
الانطلاق بالمترو الى محطة مترو الاتحاد وتكسي الى سوق نايف وبعد كذا التنقل على رجولكم بين الاسواق



اليوم السادس 10

العوده الى الوطن

ملاحظات مهمه :
1- اخر رحله للمترو تكون 11:30 يعني قبل هالوقت تكونين بالمحطه وتأكدي من المحطه قبل ماتطلعين عن اخر رحله توصل لفندقك وتنطلق من عندهم الساعه كم

2- استري بطاقه النول الفضيه وشحنيها اوفر لك ومممكن تستخدمينها في المترو الباصات العامه فقط

هذا روابط بتفيدك
وهذا فيديو يوضح طريقه المترو https://www.youtube.com/watch?v=cfVXXHl7FTk


وهذي خريطه توضح خطوط المترو الاحمر والاخضر في دبي

https://www.google.com/maps/d/viewer...M.kLd0Jz-wUcx8l

موقع خاص للنول

https://www.nol.ae/RtaPortal/Portal....et_range_range

وهذا الجدول بيفيدك بالتنقلات

http://www.arabtrvl.com/up/uploads/a...4512195021.png


رحله سعيده

^ يعطيك العععافيه اخي الكريم ..

اذا عندك خلفيه وين احصل كوبونات مخفضه او عروض
غير موقع كوبون افيدني لاهنت ..

اهلا اختي

صراحه انا ماجربت احجز مو النت اغلب حجزي يكون من نفس المكان لكن ذكرت لك فوق في ترتيب الجدول موقع لكن ماجربته

http://wonderbusdubai.net/arToursAndPackages.aspx

وممكن تحجزين من المكاتب السياحيه هناك بدبي لكن ما عندي خلفيه عن اسعارهم وهل مناسبه او لا

الموقع اللي انا رشحته اللي عجبني فيه ان فيه تذاكر للدولفين والالاكواريوم وبرج خليفه والباص البرمائي قد يكون يقيدك بوقت معين ويقيدك باوقات