|
ساعدوني بتخطيط رحلة الى دبي 12 مارس سلام عليكم كيف حالكم يا اعضاء منتدى المسافرون ان شاء الله قررت أروح دبي بشهر مارس يوم 12 حطيت قائمة مجمعات ومطاعم والاماكن ترفية ابزورها ان شاء الله وما نستغني عن أقتراحاتكم طبعا رحلة 5 ايام راح أحط مجمعات + مطاعم + قرية العالمية أبيك تختارون لي الافضل هي كثيرة بس ايام قليلة جي بي ار + دبي مول + قرية ثلجية + مرسى دبي + مول مارينا + اتلاتنس + برج العرب + اليخت+ المترو وترام + برج خليفة + مطعم حلاب + مطعم صمد العراقي + مطعك شيك شاك + مطعم بحري بسوق البحار + مطعم فايف قايز ) لي بلون الأحمر كلها رحت لها قبل ------------------------------------ نبدأ :13: المجمعات ابن بطوطة ميركاتو فيستفال سوق جيمرا بولفيارد مردف سيتي سنتر ----------- أماكن ترفية :e312: حديقة خور دبي تلفريك قرية العالمية السوق الصيني ---------- المطاعم :e34d: المكسوف برج الحمام الصفدي قصر الهند مطعم الفنر الأماراتي وش افضل هو ولا الروزانة صدف الايراني ريم البوادي مطعم وجبات سريعة من ذوقكم ------------------------------- أقلطوو شاركوني :(127): ميزانية : كل يوم راح يكون صرف ما يقل عن 500 ولا تعدا 1000 طبعا سفرة وحداني يازينها جربته قبل ولا احلى :58: بأنتظاركم حبايبي عطوني اقترحاتكم او حتى اضافات ... يوم الأول : يوم الثاني : يوم الثالث: يوم الرابع: يوم الخامس : |
بالتوفيق اخوك ممكن تجاوب على بعض الاستفسارات : 1- الرحله راح تكون بر او طيران مع توضيح وقت الوصول للمطار ووقت المغادره للبلاد وتاريخ الوصول 2- الفندق الحاجز فيه 3- المواصلات اللي حاب تستخدمها 4- ممكن توضح الغرض من زيارة برج العرب هل لتناول وجبه او بس فرجه والغرض من زيارة الاتلانتس هلا حاب تدخل الاكوافيش او المدينه المائيه اللموجوده فيها 5- هل حاب ارشح لك اماكن جديده ملاحظه خلاخل زيارتي لقرية الجور هذا الشهر كان التلفريك مغلق وصراحه لم اسألأ عن السبب ومتى سيتم اعادة تشغيله |
اقتباس:
|
الاحد الفجر ما ادري كيف مخطط تقضي الوقت بين وقت الوصول الى وقت استلام الفندق لانه الوقت طويل واغلب الاسواق تفتح الساعه 9 حسب علمي متردده ايش ارشحلك اول في هذا الوقت لكن ممكن تزور فيستفال سيتي سنتر وخصوصا ان فيستفال سيتي فريب من الديره ومن المطار ويوجد مكتب حفظ الشنط بالمول ( ذكر مديرنا فيصل ان يوجد مكتب حفظ للامتعه وانه ياخذ 15 درهم حسب مايتذكر ) انا عن نفسي جرب مطعم الفنر االلي بالمول ممتاز جدا جدا وانصح فيه اما مطعم الروزانه ماجربته اتمنى الاخوان يفيدونك وبعد ماتستلم السكن وترتاح وتطلع بعد العصر او المغرب تتوجه الى ميركاتو مول وبعد كذا تتوجه الى سوق مدينه الجميره وممكن تزور جميرا بيتش (الشاطئ المفتوح ) طبعا المجمعات كلها لاتقع على محطه المترو مباشرة يعني تنزل في اقرب محطه بعد كذا تركب تكسي او الباص الى ميركاتو ثم الى سوق مدينه الجميره الاثنين على امتداد نفس الشارع لكن تحتاج مواصلات الاثنين التوجه 1- الاقتراح الاول :الى مركز برجمان وتركب الباص السياحي تجربه جميله مدتها اربع ساعات لاهم معالم دبي الافضل الحجز المسبق وفي عندك موقع كوبون يقدم كوبونات مخفضه او ممكن تركب الباص البرمائي ياخذك بجوله بريه وبحريه بالخور ثم الى مطعم الصفدي الموجود بشارخ الشيخ زايدثم الى القريه العالميه لابد من التكسي والرجعه من القريه للفندق بالتكسي 2- الاقتراح الثاني التوجه الى مطعم الصفدي للغداء وبعد كذا التوجه الى ابن بطوطه مول وبعدين تكسي الى القريه العالميه ( موعد فتح القريه العالميه الساعه 4 عصرا الى الساعه 12 والساعه 1 في الويك اند ) يوجد بالقريه العالميه مطعم الصدف الثلاثاء التوجه الى دبي مول والغداء رج الحمام ف مجمع دبي مول واذا حاب تدخل الاكواريوم (انت ماذكرت انك دخلتها ) او (التوجه الى ابن بطوطه مول اذا لم يتم زيارته باليوم السابق )وبعد كذا التوجه الى بوليفارد الشيخ محمد وبعد كذا توجه الى بوكس بارك دبي مطاعم ومحلات موقع ممميز وجديد بدبي الاربعاء التوجه الى السوق الصيني ابعد السوق الصيني وكان عندك وقت ممكن التوجه الى حديقه الخور وممكن حضور عروض الدلاقين اذا حاب او زيارة قريه البوم الملاصقه لها وعند الانتهاء التوجه الى مطعم قصر الهند الموجود في شارع الرقة، دبي، الإمارات العربية المتحدة والعشاء والراحه الخميس 1- راح اخلي هذا اليوم بين يديك اذا حسيت انك مضغوط ممكن تحط فيه احد الاماكن 2- او ممكن تطلع رحلة سفاري مع احد مكاتب السياحيه توجد عروض مخفضه في موقع كوبون رحله للبر ودبابات دفع رباعي وتزلج على الرمل وعشاء باربكيو ياخذونك من الفندق ويرجعونك له اتوقع من الساعه 3 الى الساعه 9 مساء ممتعه لك 3- او ممكن تزور مرسى دبي وتتمتع بركوب الجي سكي والالعاب المائيه وزيارة مطعم ريم البوادي الموجود فيه الجمعه بما ان المغادره الساعه 9 مساءا ارشح لك تروح المردف سيتي سنتر وقضاء اليوم هناط لكن ماعندي خلفيه عن اذا كان يوجد مكتب مثل فيستفال سيتي لو اضعه في اول يوم لان يوجد فيه اي فلاي واحس اول يوم بتكون مرهق بعد الرحله والاي فلاي يحتاج 45 دقيقه تدريب و15 دقيقه داخل الاي فلاي توجد اماكن في دبي لم استطع ان ادخلها بالجدول وما ادري اذا حاب تزورها مثل حديقه الزهور وحديقه الفراشات المجاوره لها وممكن اذا تحب الاماكنالتراثيه عندك قرية الغوص وقريه التراث ومتحف دبي هذي الاماكن بيمر عليها باص دبي السياحي بالتوفيق اتمنى اكون ساعدتك |
الله يعطيك الف عافية انا اباخذ بعض نقاط عندك واستفد اشياء واجد خاصتن بعض الاماكن تكون جنب بعض مثل ميركاتو و مدينة جميرا انا ابكتب تخطيط بشكل كامل وابي رايك بخصوص بوكس بارك هالمكان خاص بالمطاعم وكافيات وباي منطقة |
تفضل اخوي هذا موقع البارك بوكس في الوصل قريب من حديقه الصفا ودبي مول http://www.arabtrvl.com/up/uploads/a...2876597311.png بالتوفيق بانتظار جدولك |
يوم الأول : من 10-4 ( ابن بطوطة ) + غداء بـمطعم قصر الهند / 4-8 قرية العالمية العشا مطعم الصدف /بعدهالى أخر ليل بوليفارد يوم الثاني : 9 صباح الى العصر حديقة جميرا وسوق جميرا من بعد العصر مول ميركاتو و وبعد العشا الى مول فيستفال العشى بمطعم برج الحمام يوم الثالث : 9 صباح الى 12 حديقة أبو زعيبل ظهر غداء ريم البوادي شارع الشيخ زايد من 4 الى6 حديقة زهور بعدهـ أنطلاق الى مطعم باتو العشى على اليخت .. يوم الرابع : نوم الى الظهر ( توجه الى فيستفال احلى غداء مطعم الفنر ) وبعدها الى بوكس مارك اول مره ادخله الى 8 بليل اذ فيني حيل رحت دبي مول احلى قهوة على نافورة يوم الاخير : احلى فطور مقهى عيوش وبعد ظهر احلى غداء مطعم المكسوف العصر اسلم شقة اروح مطار --------------------------- هاذي رحلة استكشاف كل الاماكن لي ذكرته أول مره حتى مقاهي زينه لي في بالي اماكن بس غالية حلووة بس ابخليه روحه ثانية حتى سكن دايم اسكن جي بي ار بس ميزانية محدود هالمرة |
اقتباس:
بالتوفيق كتبت تغليقي وهذا رايي الشخصي وحسب خبرتي بدبي اتمنى الاخوان يفيدونك اكثر مني وبالتوفيق |
مرحبا اخ كشكول ما قصرت أختنا عشقي السفر كفت و وفت انا اشوف اليوم الثاني جدولك غير مناسب لو تخلي المولات في الصباح و الشاطيء و الأماكن المفتوحه بعد العصر بيكون أفضل لان الجو وقتها بيكون حار مب مثل الجو في هالأيام و حديقة زعبيل فعلا ما فيها اي شيء مميز و لا حتى ألعاب إلكترونيه او غيرها بوكس بارك و سيتي ووك كلهم بجنب بعض و يمكن لين شهر مارس يفتتحون مجمعات جديده بنفس المنطقة لأنهم مازالوا يشتغلون و يوسعون المنطقة و الأفضل تكون الزياره من المغرب الى وقت الاغلاق بالتوفيق |
اقتباس:
صدقتي اني بالغت 6 ساعات بطوطة ابعيد ترتيب ابكنسل حديقة زهور و زعيبل كل مول ادخله لازم سينما واجلس بكرفي او اكل باحد مطاعم بخصوص مطعم قصر الهند موجود بحثت عنه له فروع دام انك خبره ابسئلك ابي كوفي او مقهى استرخاء موسيقى راقيه والمكان ارقى و هادئ |
| الساعة الآن 09:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO