رحله عائليه ل دبي
 

السلام عليكم ورحمة الله وبركاته
الرحله راح تكون عائليه وأول مره نزور دبي من 12 مارس إلي 17 مارس الوصول يوم السبت 12 مارس الظهر والعوده الخميس الفجر يوم 17
أبغى أفضل الأماكن لزيارة وكذلك المطاعم والمولات وراح نجرب المترو في بعض التنقلات وراح نستأجر سياره ل زيارة الأماكن ارجو من الجميع المشاركه وجزاكم الله خير

أهلاً بك أخت رهف ..

دبي صعب اختزال جميع معالمها ومزاراتها في خمسة أيام .. ( صعب جداً )

خصوصاً وأن اليوم الخامس ستكون الرحلة فجراً ..

دبي مول وحده يحتاج يوم كامل من الصباح إلى آخر الليل ( بدون مبالغة )

طبعاً ليس تسوقاً فقط .. عااااااالم من الترفيه والابداع ..

القرية العالمية .. تحتاج أيضاً قرابة النصف يوم .. تأكدي من تاريخ إغلاقها هل مارس تكون أبوابها مشرعة لزائريها ..

وسأسرد البقية بشكل سريع ..

( الجي بي آر ،، المارينا ،، إمارات مول ،، الفستيفال مول ،، ميركاتو مول ،، مردف سيتي سنتر ،،

سوق التنين ،، الميركال قاردن ،، حديقة الخور ،، المتاحف ،، سوق الجميرا ،، بوكس بارك ،، السيتي ووك

البوليفارد ،، أتلانتس ،، ....... ) والعديد العديد من جماليات دبي ..

المترو .. إن كان عددكم كثير .. يستحسن عدم استخدامه إلاَّ إن كان من باب تجربته ..

استئجار السيارة هي الحل المناسب للتنقل في دبي ...

هناك تقارير جميلة جداً عن دبي ( وأنتِ خبيرة بالمنتدى ) ليتك تطلعين عليها

خصوصاً تقرير المميز جداً أخينا ( الليث ) ..

دمتِ بحفظ الله ..

جزاك الله خير أخوي كتكات

السلام عليكم ورحمه الله وبركاتو اختي


اولا بالنسبه للمواصلات انا مع الاخ كتكات في كلامه لكن اذا حابه تستخدمينه هذا موضوع انا مفصله طريقه ومسار المترو

http://www.arabtrvl.com/vb/t13856.html



ياليتك تذكرين اسم الفندق اللي نازله فيه ؟

وهل معاكم اطفال واعمار الاطفال ؟

وهل ودم تزورون القريه الثلجيه ؟

وهل ودكم تزورون كيدزينا اذا عندكم اطفال من عمر 6 سنوات وفوق ؟

هل من اهداف الزياره تمشيه او ودكم بالتسوق ؟





وباذن الله راح احاول ارتب لك جدول يناسبك

بالتوفيق

شكرا من :e328: لكل من رد الله يجزاكم خير
لأنها أول زياره نبيها تمشيه وايضا المولات تمشيه مو تسوق بالنسبه للأطفال لا يوجد أطفال معنا

ياليت تذكرين الفتدق الي بتسكنين فيه حتى اخلط اول يوم لكم مول قريب اريح لكم بعد رحله الطياره واقلل التنقلات

جزاك الله خير
الشقق في شارع 39 دبي ونسأل عن السوق الصيني كيف البضاعة وجودتها وهل يشبهه السوق الصيني في كوالا

:27: اختي يوجد اكثر من شارع بهذا الاسم في دبي

اذا ماكنتي حابه تذكرين اسم الفندق اذكري اسم الحي

هل هو في البرشا او في الصفوح او قريب من دبي مول او في الجميره او الجي بي ار او في الدبره او في بر دبي هل هو من قريب من المطار


حتى يسهل على ترتيب الجدول


انا لم ازر السوق الصيني في كوالا لمبور ولكن السوق الصيني في دبي اغلب زيارتي له للاجهزه او اذوات الكهربائيه واذا كانت اول زياره لك والغرض منها المتعه فانصحك مدتك قصيره استفيدي منها لزياره معالم دبي خصوص ان السوق الصيني بعيد عن مركز المدينه وياخذ وقت للذهاب والعوده غير الوقت اللي بتقظينه بالتجول داخله

بالتوفيق

هذي بعظ الجداول اللي موجوده في استفسارات بعض الاخوان ممكن تفيدك بترتيب جدولك

http://www.arabtrvl.com/vb/t13364.html


http://www.arabtrvl.com/vb/186637-post13.html



http://www.arabtrvl.com/vb/189000-post5.html


http://www.arabtrvl.com/vb/191708-post4.html

شكرا أخوي عشقي السفر الشقق اسمها المنار واسم الشارع مكتوب كذا في البوكينق ومكتوب المسافه للمطار 5 دقائق وقريب منه شاطئ وحديقة المزار حصلت شقق في بر دبي بس لاني مااعرف شي في المنطقه حجزت في هذي الشقق الي رشحته هو التنزه ل شاطئ المارينا وحديقة الزهورومول الإمارات المطاعم الصفدي وأم شريف و بنجرب المترو
جزاك الله خير أخوي عشقي السفر وكل من شارك في الموضوع:e032:

أخوي حجزي إلغاء مجاني إذا ترشحلي موقع أوشقق تكون غرفتين وصاله ويكون فيها مطبخ مجهز لأن الوالد الله يحفظه مايحب أكل المطاعم وراح يكون وجبة الإفطار والغداء في الفندق والعشاء عادي القريه العالميه بتكون من ضمن الجدول السياحي للرحلة انتظر ردك وجزاك الله الجنه والديك

كويس ان الحجز الغاء مجاني لان الشقق صحيح قريبه من المطار وحديقه الممزر لكن بعيده جدا عن باقي المولات والتمشيات المهمه في دبي وغير كذا تقييمه في دبي نازل جدا يعني رخيص لكن ماانصحك فيه

Booking.com: ط§ظ„ظ…ظ†ط§ط± ظ„ظ„ط´ظ‚ظ‚ ط§ظ„ظپظ†ط¯ظ‚ظٹط© - ط¯ط¨ظٹ, ط§ظ„ط¥ظ…ط§ط±ط§طھ

يعني بيروح وقتكم بالتنقل بالسياره وزحمه دبي ولا يوجد منها محطه مترو قريب ممنه يعني لازم تروحين بالسياره لمحطة المترو وبعدين تركبين ماتسوى عليك


راح احط لك كذا شقق موقعها استراتيجي بالنسبه للتنقل بالسياره واستخدام المترو

اول شي بعرض الشقق اللي سكنتها وموقعها ممتاز ويوجد بها مطبخ متكامل

اولا برايد للشقق الفندقيه ممتازه ومقابل الترو وشارع رئيسي وكل الخدمات حولك

Booking.com: ط¨ط±ط§ظٹط¯ ظ„ظ„ط´ظ‚ظ‚ ط§ظ„ظپظ†ط¯ظ‚ظٹط© - ط¯ط¨ظٹ, ط§ظ„ط¥ظ…ط§ط±ط§طھ




ثانيا ايفوري جراند جربتها هذي السنه ممتازه ومع فطور مجاني وموقعها مقابل لمول الامارات

Booking.com: ط¥ظٹظپظˆط±ظٹ ط¬ط±ط§ظ†ط¯ ظ„ظ„ط´ظ‚ظ‚ ط§ظ„ظپظ†ط¯ظ‚ظٹط© - ط¯ط¨ظٹ, ط§ظ„ط¥ظ…ط§ط±ط§طھ



شقق ياسات جلوريا سعر اللليله في جناح بريستيج ب 800 ريال تقريبا مع الرسوم

Booking.com: ظٹط§ط³ط§طھ ط¬ظ„ظˆط±ظٹط§ ظ„ظ„ط´ظ‚ظ‚ ط§ظ„ظپظ†ط¯ظ‚ظٹط© - ط¯ط¨ظٹ, ط§ظ„ط¥ظ…ط§ط±ط§طھ


وعندك فندق تماني في الجي بي ار موقع ممتاز جدا جدا تحتك الجي بي ار

ظپظ†ط¯ظ‚ ط§ظ„طھظ…ط§ظ†ظٹ ظ…ط§ط±ظٹظ†ط§ ظ„ظ„ط´ظ‚ظ‚ ط§ظ„ظپظ†ط¯ظ‚ظٹط© (Tamani Marina Hotel and Hotel Apartments) ط¯ط¨ظٹ ط*ط¬ط² ط±ط®ظٹطµ ظپظˆط±ظٹ ظ…ط¹ ط§ط¬ظˆط¯ط§




هذي شقق ومواقعها ممتازه مناسبه لك وكل شي فيها من مطبخ واغلب الخدمات موجوده نصيحه غيري الشقق اللي حاجزه فيها زيدي 200 وريحي راسك

اذا قررتي تغيير السكن عطيني خبر وباذن الله راح ازين لك جدول يطيب خاطرك باذن الله

جزاك الله خير أختي الغالية عشقي السفر
أخذت بنصيحتك والغيت وراح اعطيك خبر في حجزي

الحمدلله حجزت في ياسات جلوريا شارع الشيخ زايد
باقي البرنامج انتظرك أختي عشقي السفر الله يعطيك العافيه ويجزاك الخير :e328::5:

اختيار موفق جدا الموقع ممتاز والشقق نظيفه ومرتبه وامامها المترو مباشرة



اليوم الاول 12 مارس الوصول الظهر باذن الله يعني على ماتخلصون من المطار وتتوجهون الى السكن راح توصلون العصر والراحه بعد الرحله


التوجه الى مرسى دبي والجي بي ار وتناول العشاء هناك يوجد مطاعم ومحلات تسوق وسينما هنلك جو جميل خصوصا اذا وصلتو هناك قبل الغروب اكثر جمال اذا حابين اكل لبناني وعربي بحكم الوالد مايحب المطاعم ممكن تخلون العشا بمرسى دبي افضل لوجود مطعم ريم البوادي والصدف وغيرها من المطاعم العربيه


اليوم الثاني 13 مارس


عندك خيارين :
الاول بعد الفطور التوجه الى حديقه الزهور وثم حديقه الفراشات وتقضين النهار هناك وبعد كذا تتغدون في مطعم المزرعه the farm الموجود بالقرب من القريه العالميه

هذا رابط الموقع الخاص للمطعم

https://www.google.com.sa/maps/place...3693366d?hl=en



وبعد الغذا التوجه الى القريه العالميه تفتح الساعه 4 عصرا الى 12 ليلا او 1 صباحا

او

ثانيا التوجه الى ابن بطوطه مول وقضاء فترة النهار هناك ثم التوجه الى مطعم المزرعه والغداء هناك لان مول ابن بطوطه لن يحتاج اكثر من 2 ونص خصوصا انك ماراح تتسوقين والمشوار منه الى القريه العاليه ياخذ ساعه الا ربع تقريبا


اليوم الثالث 14 مارس
هذا اليوم اذا حابين تستخدمون المترو راح يكون مناسب من محطه المترو Dubai Internet City Metro Station 1 والركوب والتوجه الى محطه مول الامارات يعني اول محطه لاتنزلين نزلي المحطه الثانيه
المترو راح ينزلك مباشره في مول الامارات وممكن تزورون القريه الثلجيه والاهل يجلسون بالمقهى اللي عنده ويقدرون يشوفونكم من الزجاج وتتغدون هناك ومن المطاعم العربيه مطعم الحلاب

التوجه الى محطه المترو وركوب المترو الى محطه برج خليفه تقريبا ست محطات بعدين تنزلين هنا راح تمشين في ممر مكيف يوصلك من المترو الى مول الامارات يعني 7 دقايق مشي ممر مممتع محلات وسوق او تاخذين تكسي من المحطه الى المول
وتكملين اليوم في دبي مول عندك الاكواريوم والنافوره واذا حابين تزورون برج خليفة حجزي من النت حتى تحصلين موعد مناسب واوفر لك واذا رحتي النافوره راح تلقين اما مول دبي مول سوق البحار مول صغير وجميل وفيه مطاعم مطله على النافوره منظر ولا اروع طبعا انصحط بالعشا في احد المطاعم المطله على النافوره سواء في دبي مول او سوق البحار والعوده للسكن ممكن العوده بالتكسي لان اخر رحله للمترو راح تكون الساعه 11:30 ليلا يعني قبل هذاالوقت تكون بالمحطه وبعد المشي وباخر اليوم راح تكونون متعبين للعوده الى المحطه فانصح باخذ تكسي الى السكن


اليوم الرابع 15 مارس

التوجه الى السيتي ورك ثم الى ميركاتو مول مول هادي على الطراز الايطالي ومطاعم وبعد كذا ممكن تحجزون لعرض الدلافين في حديقه الخور عرض الساعه 6 مساءا ممكن تحجزين من قبل انتي اذا دخلتي ياسات جلوريا سالي هل عتدهم مكتب حجوزات لانه اوقات يكون السعر مناسب يعني اذا كان عرض الدلفين السعر في حدود 100 الى 120 درهم مناسب ورحله البوم اتوقع راح تكون في حدود 180 الى 220 درهم لكن مو متاكده اتمنى الاخوان يوضحون سعر الرحله وتحجزين للعرض وتحجزين رحله بحريه مع عشاة راح تتمتعين فيها غشاء بوفي مشاوي واللي تنطلق من القرية البوم القريبه من حديقه الخور ويوجد ايضا بحديقه الخور تلفريك حاليا صيانه لكن احتمال وقتك يكون شغلوه


اليوم الخامس 16 مارس

طبعا بما ان معاك سياره فبتاخذين معاك الشنط حقتك وتروحين الى مول الوافي وبعد كذا تروحين تتوجهين الى الفيستفال سيتي وتكملين باقي الوقت هناك لانه اقرب مول للمطار طبعا خلي تسليم السياره بالمطار
وبالتوفيق



انا راعيت ان معاكم الوالد لذلك قللت التنقلات علشان مايتعب ويمل والحلو بالسفر انك تستكشفين المكان ووتتعرفين عليه مو مجرد انك تقولين اني زرته
اذا عندك اي تعديل او اي مكات ودك تغيرينه او تضيفين مكان والافضل انك تطلعون من السكن الساعه 11 او قبل حتى تستفيدين من الوقت ومممكن تاخذين سخان وتحطون وجبه للوالد وياكلها متى ماحب انا اسوي مع زوجي لانه مايقدر على اكل المطاعم فمانعطل نفسنا اجهز له الاكل وبعد كذا نطلع

رحله موقفه باذن الله ترجعين بالسلامه

شكرا شكرا شكرا مليوووووون
جدول راااائع وشامل جميع الأماكن الي حابين نزورها
جزاك الله خير :e022:

جزاكم الله خير جميعاوشكرا لكل من شارك استفدت الكثير من المعلومات عن السياحه والبرامج السياحيه في دبي أن شاء الله تكون رحله رائعه وموفقه

أهلاً بك أختي رهف ..

خيراً فعلتي بإلغاء الحجز للفندق .. ( موقعه غير جيد أبداً )

وهذه فائدة طرح الاستفسارات وطلب المشورة ..

مميزتنا وأختنا ( عشقي السفر ) .. قدمت لك الرحلة على طبق من ذهب ..

أبدعت وأجادت وأفادت .. الله لايحرمها أجرَ جهدها ..( وسام النشاط ) كان حقاً في محله ..