|
زيارتي لدبي اول مره السلام عليكم ورحمة الله وبركاته الرحله راح تكون عن طريق البر من الرياض وعائليه ومعي اطفال وأول مره نزور دبي من11 مارس الجمعه إلي 17 مارس الخميس وراح امشي الخميس ان شاءالله ممكن الاقامه حتى الفجر بالاحساء أبغى أفضل الأماكن للزيارة وكذلك المطاعم والمولات من لديه خبره ورأي ومشوره في كيفية ترتيب الوقت والاماكن ولو بشكل خفيف يعني موب لازم اروح كل الاماكن ارجو المشاركه وجزاكم الله خير السكن في روز جاردن للشقق الفندقية - بر دبي ولله الحمد تم حجزه في بوكنج قبل شهرين بسعر ممتاز انتظركم مع التحيه والتقدير للجميع |
اهلا اخوي رحله موفقه باذن الله ورح تنور الاحساء اذا انت بالاحساء ممكن تمر العثيم مول او الاحساء مول واذا حاب مطاعم عندك مطعم توباز ومطعم جزيرة الزعفران وبنفس الوقت حاول تسكن في الشقق الموجوده في الهفوف في حي المثلث لانه قريب من خط قطر اسهلك وقت السفر وقريب منه مطاعم كثير عندي كم استفسار هل ودكم تتسوقون خلال الرحله ؟ وهل ودكم بزياره اماكن معينه ؟ هل تحب تاخذ رحله مع وجبه عشا في الخور ؟ هل ودكم تزورون كيدزينيا والاكواريم وايضا ودكم تزورون القريه الثلجيه ؟ هل ودك بزيارة الحدائق مثل حديقه الزهور والفراشات وحديقه الاضواء في حديقه زعيبل ؟ اذخل موضوعي وخذ فكره عن الاماكن اللي زرتها باجازة الربيع واسعار الدخول واذا يهمك تزور بعضها اذكرها هنا http://www.arabtrvl.com/vb/t13983.html اما بالنسبه لجدولك بدبي راح ارجع لك بالجدول باذن الله بعد ماتجاوب على الاستفسارات |
مشكور على الرد ان شاء الله راح اجاوب بس الحين طالع من العمل مشكور مره ثانيه |
لابد من زياره حديقة الزهور وحديقه الحيوان والقريه التراثيه واي مجمع تكون فيه بتحصل السكيتي للعيال هذا الشيء ومهم انك تاخذهم يتونسون اختيار موفق للسكن في بر دبي ولاطوف المتحف عندهم والسوق الشعبي الخاص لهم تراث وعندك الرحله بالقارب نص ساعه جدا ممتعه وبعدها بتحصل مطاعم تطل ع البحر روعه جلستهم برج خليفه والنافوره ودبي مول ما تتغافل عنهم واهم شي في دبي المطاعم بكل مكان بتحصل واغلبها مطاعم ذات جوده وماعليها كلام القريه تحتاج نص يوم لانه فيها العاب بعد وكذلك تقدر تاخذ معك مبلغ كاش والباقي تسحبه هناك عادي الوضع وبكل مكان مكائن السحب انت اهم ماسويت انك حاجز بدري سكن وكذلك معك سيارتك الخاصه لك كامل الحريه بالروحات والجيات ماعليك الا تاخذ الاعدادات للاماكن وتبرمجها عندك النفجيشن للسياره لتسهيل الطريق واختصار للوقت اتمنى لك رحله موفقه |
اتلانتس لا تطوفه حق العيال ...بس اذا الجو بارد لا تروح المارينا ومرسى دبي وايد حلووو التجول في السفن القديمة بالقنوات البحرية بين ناطحات السحاب دبي مول لا تطوف النافوره والعشا بالمطاعم اللي تطل عليهم اذا حاب تصعد برج خليفه احجز من النت افضل الامارات مول المميز فيه سكي دبي والدخول هناك وهم راح يوفرون لكم اللبس لكم وللاطفال ممشى الجميرا الحديقة المتوهجة وحديقة الزهور ربي يسعدكم ويهنيكم بهالسفرة |
اقتباس:
-- |
اقتباس:
|
اقتباس:
الله يعطيك الف عافيه ع المشاركه برضوا مشورتك رائعه |
الوصول باذن الله يوم الجمعه 11 مارس تقريبا راح يكون وصولك الساعه 3 ظهرا بعد الراحه من الطريق ممكن تتوجه الى حديقه زعبيل يوجد فيها حديقه الاضواء الدخول للفرد 60 درهم او ممكن تروح الى الوافي مول وقضاء الوقت فيه لانك راح تكون تعبان حطيت اقرب الامكن من السكن يوم السبت 12 مارس يفضل الخروج هذا اليوم في وقت باكر مثلا الساعه 10 صباحا الذهاب الى حديقه الزهور الدخول 30 درهم للشخص ثم الى حديقه الفراشات (الدخول 50 درهم للشخص ) قريبه منها وبعد كذا التوجه الى مطعم المزرعه مقابل القريه العالميه والغداء هناك ثم التوجه الى القريه العاليمه اللي تفتح من الساعه 4 مساءا وهذا رابط موقع المطعم https://www.google.com.sa/maps/place...3693366d?hl=en وبعد كذا التوجه للقريه العالميه (الدخول 15 درهم للشخص ) يوم الاحد 13 مارس تتوجه الى الامارات مول ودخول سكاي دبي (القريه الثلجيه الدخول حسب مااذكر 220 درهم للساعتين ويوجد عروض مختلفه حسب الفعاليات اللي بتستخدمها في القريه ) والغذاء في احد المطاعم هناك احس الامارات مول تزورها علشان القريه الثلجيه ولما تخلص تقوم زياره دبي مول وقضاء باقي اليوم فيه دخول الاكواريوم(الدخول للشخص من 80 درهم اذا كان فقط لعبور الحوض ودخول حديقه الحيوانات اللي في الدور الثاني واذا تبي شي اضافي مثل اطعام السمك يكون 110 على مااذكر واذا تبي تركب مركب داخل الحوض يزيد السعر ) وكيدزينا (الاطفال اصغر من 3 سنوات 95 درهم و من 4 الى 16 السعر 140 درهم والبالغ 95 درهم ) ممكن تدخل الاطفال كيدزينيا وانت تكمل االجوله او تدخل احد المقاهي وواذاخلصو تتوجهون للنافوره وقضاء مشاهدتها ةالعشاء في احد المطاعم المطله على النافوره سواء كان المطعم في مول دبي او راح تلاحظ مول موجود في الطرف الاخر للنافوره تروح له ووتتعشا باحد المطاعم الموجزده فيه يوجد مطعم بحري ومطعم عبد الوهاب اللبناني ومطعم شيك شاك الشهير يوم الاثنين 14 مارس التوجه في الصباح الى الجي بي ار ومرسى دبي وممكن تدخلون سينما اذا حابين واذا عندك اولاد شبب ممكن يلعبون بالالعاب المائيه هناك مثل الجيسكي وغيرها ممكن تحجز مسبقا هذا احد النشاطات https://www.cobone.com/ar/deals/acti...xperienc/42003 وتتجولون وتجلسون على البحر وتتغدى في احد المطاعم اللي هناك اذا تحب المطاعم العربيه فتغدا في مطاعم الموجوده في مرسى دبي بعد كذا التوجه الى مول ابن بطوطه وقضاء الوقت هناك وبعد كذا اذا حاب عشى على السفينه تختار الللي تحب في رحلات تنطلق من مرسى دبي وفي رحلات تنطلق من قرية البةم في خور دبي وكلها الافضل حجز مسبق ممكن تستفيد من موقع كوبون تشتري التذاكر اوفر وافضل هذا الموقع مرشحه الاخ ليث وبعد ادخل موضوعه مفيد وجميل هذا رابط العرض في المارينا https://www.cobone.com/ar/deals/acti...t-marina/41354 وهذا الرابط لعرض في الخور https://www.cobone.com/ar/deals/acti...o-pickup/42840 يوم الثلاثاء 15مارس الخيار الاول : ممكن اذا حاب تاخذ هذا العرض فيه جوله بدبي ودخول الاكواريوم شامل السعر ودخول المتاحف ويودونك الاتلانتس وبرج العرب وتتفرج وتصور عند اهم المعالم وبكذا ترتاح من السياره تقريبا مدتها من 9 الى 2ونص العصر ممكن تاخذراحه بعدها بالفندق الغداء في احد المطاعم في سيتي ورك هذا الرابط شوف العرض https://www.cobone.com/ar/deals/acti...mbo-pack/42513 الخيار الثاني : واذا ماكنت حاب هذا الخيار ممكن زياره المنطقه الشعبيه القريبه منك (منطقه البستكه ومتحف دبي وقرية الغوض وقريه التراث )وبعد كذا زياره سوق مدينه الجميره و بالطريق مر على شاطئ جميره المفتوح (مثل الكورنيش يكفيه مرور بالسياره )والغذا باحد المطاعم في شارع الجميره او تغدا في سوق الجميره وهو عباره عن فنادق عندها مول وممرات مائيه فيها رحلات بحريه بشكل شعبي ومطل على برج العرب ) وبعد كذا الانتهاء من الخيار اللي اخترته من فوق تتتوجه الى الى فيستفال سيتي سنتر وقضاء اليوم هناك وتوجد فوارب تاخذك بجولات في الممرات المائيه هناك انصحك تجرب مطعم الفنر الاماراتي بالمول ممتاز يوم الاربعاء 16 مارس هذا يوم التسوق افطر بدري واطلع من 9 صباحا وتوجه الى سوق الكرامه قريب منك وبعد كذا الى سوق نايف وما حوله من الاسواق من سوق المرشد والغداء في احد المطاعم ببر دبي منها مطعم صمد قريش هذا اللي حاضر في بالي وبعد ماتخلص توجه الى السوق الصيني هو بعيد شوي عن مركز دبي ويسكر الساعه 9 او 10 بالليل موذاكره يوم الخميس 17 مارس العوده للوطن وبالتوفيق اذا حايب اي مكان اضافي او اي تعديل راح نشور عليك بالتوفيق بشكل عام انصحك تبكر بالخروج من السكن حتى تستمتع اكثر وخصوصا ان الجو ربيع |
|
عشقي السفر الله يعطيك الف عافيه ما قصرتي وفيتي وكفيتي واي حاجه راح اسال بعدين سؤال اللي اعرفه مراكز التجميل فيها رجال بدبي هل يوجد مراكز تجميل فيها نساء فقط |
اقتباس:
الله يعافيك اخوي ابد ماسويت الا الواجب واي استفسار انا بالخدمه طبعا يوجد مراكز نسائيه لان توجد نساء اماراتيات ومقيمات محجبات لذلك يوجد مركز تخدمهم ولكن ماعندي خلفيه عن افضلها او اسعارها لان ماقد جربتها اتمنى الاخوات الامارايات يفيدونك هنا طبعا الاخت هاويه الاسفار ماراح تقصر ابد |
مشكور على الرد وكلكم فيكم الخير والبركه ان طلع شي جديد عندي جيت هناء |
اقتباس:
شو اللي تقصده بمراكز التجميل صالونات او عيادات يعني معقوله دوله خليجيه و عربيه و اسلاميه ما فيها مراكز تجميل للنساء :8: |
اقتباس:
صالونات وعيادات نسائية اقصد فيه شي معروف بالاسم اسهل للوصول عند الحاجه |
انطلق في جولة بحرية في دبي مارينا مدتها ساعتين مع بوفيه عشاء على متن قارب زجاجي فخم مع إطلالة ساحرة على ناطحات السحاب مقابل 159 د . إ. -------------------------- انطلقوا في رحلة بحرية مثيرة لمدة ساعتين على متن مركب الداو في خور دبي مع الطعام والعروض الترفيهية من شركة بايسان للسفر ابتداءً من 60 د. إ. ــ تتوفر خدمات التوصيل إلى المركب! ----------- السلام عليكم صباح الخير على الجميع وش تفضلون استخدم اي من المركبين وش الفرق بينهم وهل هم في موقع واحد او بعيدين عن بعض وش الافضل من ناحية سعر المركب ووجبة العشاء وهل العشاء بوفيه مفتوح للعلم عدد الاسره 7 اشخاص وهل يلزم احجز قبل او اجي واركب على طول ولو كان فيه حجز كيف مشكور لكم ابو غاده |
اقتباس:
بالتوفيق |
مشكور عشقي دبي ع الاطراء والافاده استفسار بسيط لا هنتوا لو استغل يوم الخميس وامشي الفجر و اسكن في الشارقه لمده يوم منها نشوف الديره وين السكن المناسب والمكان وكم تبعد الشارقه عن دبي |
الشارقة مجاورة تماماً لدبي. أما السكن، فلا أعرف أسماءاً محددة، ولكن أنصح بالسكن بالقرب من قناة القصباء، والكورنيش. |
تسلم اخوي سعود ما قصرت |
اقتباس:
السلام عليكم اخوي امم اذا قصدك انك تستغل يوم الخميس انك ماتسكن بالحسا وتسكن بالشارقه اذا هذا قصدك فما انصحك بهذا المخطط لان اول مدينه راح تمر عليها بعد ما تخلص الحدود وتمشي تقريبا 350 كيلو تقريبا 3 ونص هي ابو ظبي وبعدكذ 150 كيلو ساعتين تقريبا وتوصل لدبي وبعد كذا 30 كيلو تقريبا وانت في الشارقه اللي ابي اوضحه لك انك اذا تبي تستفيد من يوم الخميس تطلع من الرياض الفجر الساعه 6 تقريبا وتوصل الاحساء الساعه 10 تقريبا واذا كملت ماباشره راح توصل الحدود على الساعه 1 الظهر باذن الله وحط باعتبارك ان يوم الاجازه واحتمال كبير يكون المنفذ مزدحم وبعد كذا تحتاج 3ساعات ونص علشان توصل لابوظبي 4 ونص العصر اذا كان المنفذ سالك اما اذا كان زحمه ممكن توصل ابو ظبي على 5ونص او 6 المغرب يعني راح تاخذ بالطريق تقريبا 11 ساعه من غير الوقت اللي بتحتاجه في المنفذ والحدود وراح تسلم السكن وتكون مرهق من الطريق وتحتاج راحه وحتى اذا بتطلع راح تطلع المساء يعني ثلاث ساعات وراح ترجع ترتاح لذلك انصحك انك تخليك على خطتك الاولى وتوقف في الاحساء وتريح ومن الفجر تنطلق للحدود يعني اطلع من الساعه 6 الصباح حتى تتجنب زحمة الحدود راح توصل دبي باذن الله على الساعه 2 الظهر باذن الله بالتوفيق |
مرحبا فعلا كلامك ورايك في محله حسبتها وطلع مشوار ماله داعي ابد بدون فايده ممكن لويكون السكن يوم الخميس لين الجمعه في ابو ظبي اشوف افضل بكثير منها التعرف على الديره وراح احجز اليوم في ابو ظبي ليله وبمشي ان شاء الله فجر الخميس والله يسهل الطريق وييسره |
رحله سعيده وبالتوفيق كذا ممتاز يعني توصل وترتاح ي ابو ظبي وتطلع المسا تتمشى عندك جزيرة ياس خل تمشيتك فيها واسكن قريب منها يوم الخميس خله في المارينا (المرسى ) فيه مطاعم ومقاهي وممشى مكان رايق ويوم الجمعه عندك خيارين اوالها اذا حاب تزور الفورميلا ون او تروح ياس وتروود (المدينه المائيه ) ((طبعا السكن راح تعمل شيك اوت وانت طالع يعني خله للنوم لبس )) وتقضي الوقت فيها وتتغدا في ياس مول وانت طالع من ابوظبي ومتجه لدبي خل خروجك على الساعه 3ونص العصر مر حديقة الحيوان في ابوظبي لان هي بالطريق بين دبي وابو ظبي وبعده توكل على دبي بعض الخيارات القريبه لجزيرة ياس Booking.com: ظپظ†ط¯ظ‚ ظ†ظˆظپظˆطھظٹظ„ ط£ط¨ظˆ ط¸ط¨ظٹ ط؛ط§ظٹطھ - ط£ط¨ظˆ ط¸ط¨ظٹ, ط§ظ„ط¥ظ…ط§ط±ط§طھ وا ايضا Booking.com: ظ„ط§ ط£ط±ط§ط¨ظٹط§ ظ„ظ„ط´ظ‚ظ‚ ط§ظ„ظپظ†ط¯ظ‚ظٹط© - ط£ط¨ظˆ ط¸ط¨ظٹ, ط§ظ„ط¥ظ…ط§ط±ط§طھ |
يعافيك على المشاركه والتفاعل اكيد السكن ان شاء الله حول الجزيره رغم ان المكان كله جزر |
مشكورة على التقرير الجيد جدا :e32f::e32f::e32f: |
رائع ، شكرا |
ربي يوفقك .. ما عندي خلفيه |
مشكور اخوي على الموضوع افادني كثير الله يبيض وجه كل من شارك ولا يحرمكم الاجر |
| الساعة الآن 04:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO