بسافر بعد اسبوعين ان شاء الله ابي مساعده
 

السلام عليكم
انا بسافر بعد اسبوعين ان شاء الله واول مره اسافر لدبي طلعت شرق اسيا بس
المهم اول مااوصل المطار كيف اوصل للفندق عن طريق المترو فندقي كاسلز البرشا وصولي لدبي الساعه 3 الفجر.
ثاني شي كم يبعد الفندق عن مول دبي وافضل مطاعم اسعارها تكون مناسبه مو غاليه
وثالث شي كيف احسب الفلوس الميه كم تساوي درهم والخمس ميه والخمسين
وافضل شي ازوره خلال اربع ايام .
وكم يكفي مصاريف الاربع ايام من غير السكن

وعليكم السلام ورحمه الله وبركاتو
حياك الله اختي ورحله موفقه باذن الله
بالنسبه لوصولك متأخر فيفضل تاخذين تكسي الى الفندق

على ذكر الفندق في مطعم اسمه حميدو قريب منكم بحري وسعره مناسب وزين


ثانيا فندق اقرب محطه هي محطة دي جي شرف واذا ركبتي منها تنزلين بمحطة برج خليفه وتمشي على اقدامك من المحطه الى دبي مول عن طريق جسر مكيف تقريبا 7 دقايق مشي وممكن تاخذين تكسي من المحطه الى المول وماراح يكلف كثير ممكن 10 الى 15 درهم
بالنسبه للمصرف عدد الاشخاص يحكم وطريقه الصرف والمطاعم والتسوق والاماكن اللي تدخلونها لان اغلب الاماكن بدبي الدخول بفلوس
بالنسبه للصرافه انا اصرف من السعوديه
والميه ريال تساوي 98 درهم

وال 500 ريال 490 ريال تقريبا

اما الباقي ياليت توضحين عدد الاشخاص والاماكن اللتحبين تزورينها هل تحبون تزورون العاب مائيه او عروض دلافين او ملاهي او تسوق اسواق شعبيه مولات






أرسلت من SM-G935F بإستخدام تاباتلك

مشرفتنا العزيزه مرحبتين الاشخاص انا وزوجي بس ابي اماكن بالاربع ايام ازورها مافي بالي شي معين ابي رتبي لي كم مكان ازوره بالاربع ايام

ياليت تدخلين هذي المواضيع وتطلعين عليهم وتاخذين فكره واختاري الاماكن اللي تناسبك وتناسب ذوقك والفعاليات اللي ودك تزورينها واذكريها هنا وانا ارتبها لك بجدول حسب مدتك والمتاح منها وقت زيارتك باذن الله




http://www.arabtrvl.com/vb/t11994.html




http://www.arabtrvl.com/vb/t16710.html




http://www.arabtrvl.com/vb/t16023.html



http://www.arabtrvl.com/vb/t20616.html



http://www.arabtrvl.com/vb/t23013.html





http://www.arabtrvl.com/vb/t23014.html



http://www.arabtrvl.com/vb/t1997.html

مساء الخير مشرفتنا اطلعت على التقارير روعه ماشاء الله
واخترت مول الامارات والمرسى حديقة الزهور برج خليفه واخر يوم سوق نايف الشعبي
والاماكن هذي كيف اوصلها بالمترو اشرحي لي لو تكرمتي لاني انا المسؤله عن كل شي
وحاجه ثانيه كم يكفي لها من دون تسوق يعني 7الالف يكفي

يسعد مساك اختي


ممتاز


اليوم الاول (يوم الوصول )

بما ان وصولكم الفجر راح تخلصون من المطار تقريبا على الساعه 4 صباحا واستلام الغرفه بالفندق راح يكون 2 ظهرا هل حجزتو يوم قبل او بلغتو الفندق بوصولكم المبكر ووافق على ادخالكم قبل الوقت المحدد

لذلك

اذا وصلتو وماخذين الاحتياطات مع الفندق ومبلغينهم توجهو للفندق مباشرة والراحه الى الظهر تقريبا 1 او 2 وتطلعون الى المترو القريب منكم يعني 3 دقايق مشي قريب جدا
من محطة مترو دي جي شرف الى محطة مترو دماك العقاريه وتمشين بالجسر المكيف الى محطه الترام ومنها تركبين الترام الى محطه جميرا بيتش ريزيدنس 1 وتنزلين راح تكونين بالمرسى دبي تمشي وتغدي بمطعم ريم البوادي وممكن تركبون بقارب وياخذكم برحله نهاريه على المرسي وبرج العرب واتلانتس يكون يخت جماعي مثل الباص

وبعد كذا تركبين الترام من محطه جميرا بيتش ريزيدنس 1 الى محطه جميرا بيتش ريزيدنس 2 وكذا بتكونين بالجي بي ار تتمشين وفي قريب سينما اذا حبه وتشاهدين الغروب من هناك وبعد المغرب

تركبين الترام من محطه جميرا بيتش ريزيدنس 2 الى محطه الترام أبراج بحيرة جميرا وتمشين بالجسر المكيف الى محطه المترو واسمها محطه مترو أبراج بحيرات جميرا وتركبين المترو الى محطه الامارات مول وتنزلين وتقضيل اقي الوقت في الامارات مول واذا خلصتي تتوجهين الى المترو ومن المحطه الى محطه شرف دي جي شرف والى الفندق


اليوم الثاني

التوجه الى المترو ثم الى محطه برج الشيخ خليفه تنزلين بالمحطه ممكت تتمشين ببوليفرد الشيخ محمد بن راشد وبعد كذا التوجه الى دبي مول وقضاء النهار فيه

وبعد الانتهاء التوجه الى بالتكسي الى الكايت بيتش وتقضين الوقت هناك بعد كذا تكسي الى الفندق مباشره او الى تكسي الى محطه المترو محطه برج خليفه ثم الى محطه شرف دي جي وللفندق


اليوم الثالث

تركبين المترو والى محطة برجمان وتنزلون مركز برجمان وتاخذون لفه اما بالباص السياحي وهو الافضل يلف فيكم باهم معالم دبي او الباص لابرمائي وافضل الباص السياحي اربع ساعات من الساعه 9 الصبح الى 2 الظهر

شوفي هذا الموقع في عروض واسعار متازه

https://www.cobone.com/ar/deals/dubai

وبعد كذا

طبعا طول الوقت راح تكونين تستخدمين الخط الاحمر للمترو وعند محطه برجمان يتقاطع الخط الاخضر والخط الاحمر للمترو


وبعد ما تخلصين تروحين محطه برجمان لكن هالمره الخط الاخضر وتنزلين بمحطه Dubai Healthcare City Metro Station 1 وتنزلين بالوافي مول وتقضين الوقت فيه

ممكن تكونين حاجزه رحله عشا بالقارب في الخور تقدرين ترحجزين من نفس الموقع اللي فوق اذا لقيتي عرض يناسبك فتركبين تكسي من المول الى قريه البوم ةبعد كذا تكسي الى محطه Dubai Healthcare City Metro Station 1

وترجعين لمحطه برجمان وتنزلين فيها وبعد كذا تروحين محطه برجمان للخط الاحمر وتتوجهين لمحطه شرف دي جي



اليوم الرابع

التسوق بسوق نايف وما يحيطه من اسواق شعبيه



بالنسبه لحديقه الزهور مسكره لان تفتح فقط في موسم الشتاء وما عتقد تكون مفتوحه وانتو موجودين هناك

وبالنسبه ل 7 الاف ريال طبعا تكفيكم وبتزيد ومعاها التسوق انا عايله من بالغين و3 اطفال نصرفها مع سكن وبدون تسوق ل3 ايام


بالنسبه للمترو والترام والمعلومات عنهم في لي موضوع مثبت اطلعي عليه

http://www.arabtrvl.com/vb/t13856.html

بالتوفيق

الف شكر لك ماقصرتي طيب القريه العالميه تكون مفتوحه او لا :e328::e304::e304::e304::e304:

للاسف القرية العالمية فى الغالب تفتح علي اول شهر 11 ميلادي