|
مقتطفات من رحلتي إلى دبي أسعد الله صباحكم بكل خير وفقنا الله و رحنا دبي في 26يناير لمدة أسبوع الحمدلله كانت سفره ممتعة و أحب أفيد أخواني وخواتي اللي رايحين خلال هذي الأيام : - القرية العالمية ماتتفوت بصراحة جميلة والأجواء تساعد انه الواحد يزورها. - السوق الصيني (Dragon Mart) أبداً مايستحق الزيارة أولاً بعيد للي بدون سيارة و ثانياً ما حصلت الأشياء اللي تستحق الشراء كلها أجهزة صينية قليلة الجودة و بضائع قليلة مافيه تنوع أكثرها محلات سباكة و ألعاب أطفال ،لكن اللي معه سيارة يروح يأخذ فره يمكن يعجبه شيء مو خسران (: - فيستيفال سيتي تم إغلاق البحيرة للصيانة . |
رد: مقتطفات من رحلتي إلى دبي صدقتي اختي السوق الصيني ما يستاهل العنوه لاني ندمت اني خصصت لي وقت له البضاعه كلها قليله الجوده وما فيها تنوع |
رد: مقتطفات من رحلتي إلى دبي يعطيكي العافيه أم ميلا ما قصرتي ولكن لو أمكن تضعي بعض الصور من رحلتكم لوضع القارئ في الصوره ولزيادة الفائده يعطيكي العافيه |
رد: مقتطفات من رحلتي إلى دبي شكرا لك البحيره حلوه في فيستفيال الصيني ما ألومك فيه مدري علي أيش هالشهره وين كان سكنكم وايش رأيك فيه |
رد: مقتطفات من رحلتي إلى دبي السوق الصيني زي الصواريخ بجدة بس مرتب ومنظم وحراج بن قاسم بالرياض مرتب ومنظم وكذاسواق بن دايل والعويس وطيبة .... لكن مايمنع زيارتة لمن احب انا رحتة بالباص من محطة الراشدية ورجعت ليموزين لدبي مول طبعا فيه فرق .... تحياتي لك فيه مجمع مطاعم والافضل لك اخذ فكرة عامة الاسواق الكبرى تجديها في الصين نفسها اما السوق ذا خارج البر الصيني دعايه لهم هناك |
رد: مقتطفات من رحلتي إلى دبي اقتباس:
تسلم أخوي ومالي خبرة في تنزيل الصور لكن بحاول قريب آن شاءالله |
رد: مقتطفات من رحلتي إلى دبي اقتباس:
ايوا ذكرت انه البحيرة في الفيستيفال كانت مغلقة للصيانة حسب ماذكرو لنا إلا هي جميلة حسب الصور اللي شوفتها بالتقارير. وبالنسبة للسكن كان 3أيام في فندق قراند ميدويست اكسبريس فرع حدائق ديسكفري بدون فطور / قريب لمول ابن بطوطة ومحطته، كان فندق نظيف و أنيق صراحة ،لكن شوي بعيد عن وسط دبي ؛لأنه وقت حجزنا حصلناه تقريباً أفضل الفنادق المتاحة بسعر معقول و 5أيام فندق ايبس البرشاء مع الفطور / ويعتبر فندق اقتصادي جميل للي يبغى فندق للنوم والراحة ،وكان فطوره متنوع ،وقريب لمحطة شرف دي جي . |
رد: مقتطفات من رحلتي إلى دبي يعطيك العافية يام ميلا والحمدلله اني ابداااا ما افكر بالتسوق من الاسواق الصينية حرام نقط فلوسنا على شي بيخترب بعد مدة قصيرة شكراا لذكر تجربتك حتى لو بدون صور الواحد يستفيد من كل نقطة في المنتدى يعطيك العافيه |
رد: مقتطفات من رحلتي إلى دبي مشكورة على النصيحة والله يعطيك العافية :(114): |
رد: مقتطفات من رحلتي إلى دبي فعلا السوق الصيني احسه اخذ شهره على الفاضي مشواره بعيد ويجيب الهم القريه العالميه رائعه وفيها عروض جميله بس الافضل زيارتها في المساء بحكم انها مكشوفه اجواء دبي هذه الفتره رائعه جدا يعطيك العافيه ام ميلا ماقصرتي |
رد: مقتطفات من رحلتي إلى دبي الحمد لله على سلامة العودة، وجزاك الله خيراً على كتابة ملاحظاتك. لم أزر السوق الصيني إلا مرة واحدة قبل سنوات عديدة، ولم أجده مناسباً لي، وأنصح من ينوي زيارته أن يقرأ عنه قبل الذهاب إليه وإضاعة الوقت فيه. |
رد: مقتطفات من رحلتي إلى دبي رحلة موفقة ان شاء الله ... بس ننتظر الصور وتفاصيل الاماكن ان امكن - بالنسبة للسوق الصيني ولااحد يزعل مني احنا نشطب بيتنا الان والله يتمم على خير ونسكنه بالعافيه وجدت نفس البضاعه هنا بتقريبا نصف السعر هناك واقل سواء سبوت لايت او غيره ورق الجدران مثلا نفس الكتالوجات في الرياض اللفة تباع ب 350 و 400 ريال وطالع وهناك اخذناها بـ 130 ريال للفات الكبيرة (16متر ) يطلع المتر ب 8 واحيانا اقل ... انتركوم باناسونيك بشاشه هنا 1600 هناك ب 350 وعلى ذلك قس في الادوات الصحيه والاثاث.. ويوصلك للرياض مثلا في سيارة دينا بـ(1500) ريال فقط... المحلات اللي هنا يروحون يجيبون من هناك ومن جبل علي ثم يضربون في (3) واكثر بالنسبة لي السوق الصيني شويه عليه رائع للي يبي يتقضى موب للي يبي يتمشى وهي نفس بضاعة الرياض بس على اغلى ... تبي تتمشى لاتروح للسوق الصيني ... طبعا اتكلم عن الضعوف اللي زينا:yolks00740: التجار ممنوعين من الرد:yolks00250: واشوى المنتدى مافيه ديس لايك:smurf: |
رد: مقتطفات من رحلتي إلى دبي تسلمي اختي ياليت كل واحد عنده موضوع يذكره ...ويفيد الاخرين حتة لو ما فيه صور |
رد: مقتطفات من رحلتي إلى دبي يعطيك العافية أم ميلا هذا مواضيع طريقة وضع الصور بالموضوع وبرامج تصغير للصور http://www.arabtrvl.com/vb/t51.html http://www.arabtrvl.com/vb/t1170.html http://www.arabtrvl.com/vb/t988.html بنتظار تفاصيل جديدة وصور من الرحلة والفنادق |
رد: مقتطفات من رحلتي إلى دبي اقتباس:
نعم لاحظت وجود محلات للسبوت لايت و ورق جدران اللي اكيد راح تكون ببلاش بالنسبة لأسعارنا بالسعودية لكن للأمانة مادخلتها لأن هدفي كان شراء هدايا للأهل . |
| الساعة الآن 10:32 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO