|
رحلتي لدبي رأيكم. السلام عليكم و رحمة الله و بركاته كيف الحال جميعًا، انا رحلتي لدبي بتاريخ 2 أبريل و حتى 10 من نفس الشهر. إلى آلان لم يتم حجز الفندق فقلت اخذ رأيكم وش أفضل منطقة من حيث المواصلات يعني تكون قريبة و رشحوا لي أفضل الفنادق مع العلم اننا شخصين و طفل بعمر السنه و ميزانية الفندق متوسطة ، وش أفضل نوع بالمواصلات يعني تاكسي أو مترو أو أوبر أو كريم ؟ ولو ترشحون لي جدول بالأماكن أكون ممنون لكم شكرًا لكم مقدما و الله يعطيكم العافيه :e32b: |
وعليكم السلام ورحمه الله وبركاتو حياك الله بيننا ياليت تكتب موعد الوصول والمغادره بالساعه الافضل تستعجل بالحجز لان موعد سفرك موعد الاجازه في السعوديه يعني توقع ان الاسعار ارتفعت من الان افضل منطقه للسكن البرشا بدون منازع ياليت تذكر نيزانيتك للسكن لليوم يعني هل 500 ريال مناسب المترو لبعض الاماكن والتكسي للامكن الاخر كريم واوبر ممتاز لكن اوقات يكون اغلى من التكسي باذن الله ارشح لك بعد ماتجاوب على الاسئله العفو وحياك الله أرسلت من SM-G935F بإستخدام تاباتلك |
اقتباس:
اما عن الميزانية فقلت متوسطة يعني 500 تمام لليله الواحده. |
شرايكم بين هالفدقين من حيث النظافة و الراحة و الموقع و اهم شي المحافظة -بارك إن باي رديسون -الخوري أتريوم |
انا جربت السكن في فندق برايد في البرشا ممتاز كموقع ومحافظ وامام محطة مترو شرف دي جي لو احتجت مترو وسعره معقول ايضا جربنا ياسات جلوريا ممتاز ع شارع الشيخ زايد وعنده محطة مترو وناس اعرفهم سكنوا في الوليد بالاس ، وكاسيلز البرشا ويمدحونهم ايضا في البرشا وبالنسبه للاماكن ملياااااانه دبي اماكن بس انت حدد وش تبغون مولات حدايق شواطئ ملاهي ،،! |
اخوي محمد لم اجرب اي واحد فيهم لكن الخوري اتريوم افضل من حيث الموقع خيارات الاخت اسماء رائعه انا سكنت برايد للشقق في اول زياره لي لدبي نظيف وموقعه ممتاز لكن احس الفتره الاخيره رفع السعر وماعنده خدمات مثل المطعم ولافطور وفي ديسمبر جربت ياسات قلوريا صراحه وقعت بعشق هذا الفندق جدا راقي وجدا نظيف وتعامل الموظفين ممتاز ومطعم ومقهى وقريب من المترو واخوي سكن في روز جاردن للشقق ويمدحه جدا وتحته مطاعم وخدمات كل شي وقريب من الامارات مول هذا الافضل بالسعر والموقع والنظافه ويقول حاطين لهم فواكه ضيافه بالشقه وايضا سكنت في ايفوري جراند شقق نظيفه وتحتها كل شي من الخدمات وقريب منها الامارات مول مشي ويوجد فيها فطور وتعامل ممتاز أرسلت من SM-G935F بإستخدام تاباتلك |
اقتباس:
TIME Oak Hotel & Suites, Dubai, UAE - Booking.com شاهد فندق و أجنحة تايم اوك على Booking! |
وعليكم السلام ورحمة الله وبركاته كيف حالك اخوي محمد ، أول شي أجازة السعوديين بهذا التاريخ اعتقد انك سعودي ، مليون نعم بأهل المملكه عموماً فنادق دبي كثيره جداً حسب احتياجاتك اعتقد انك معرس جديد وطفل واحد يتربى بعزك بأذن الله أولاً المدة تقريبا ٨ ليالي كثيره على دبي لأنها غاليه انصحك في شارع الجي بي آر تحت المطاعم والكافيهات وعندك مول الامارات قريب منك الفنادق بالجي بي آر اسمها في موقع بوكينق الجميرا ١-أمواج روتانا ٢-سوفيتيل ٣-الهيلتون وفي غيرهم طبعاَ حسب ميزانيتك ؟ ويبعد عنك دبي مول اعتقد ٢٥ كيلو على ما أظن المنطقة الثانيه أسمها طريق شارع زايد ١-فندق ميلينيوم بلازا دبي ( اول ماتطلع من الفندق مقابلك محطة القطار ) مناسب للتنقل من الفندق الى دبي مول او إلى اي نقطه تبي تروح لها. مع العلم فندق ٥ نجوم وسعره بالكويتي ٣٨٠ دينار من الآن. المنطقة الثالثه اسمها وسط مدينة دبي ١- فيدا اربع نجوم راقي وممتاز وهادي جداً وقريب من دبي مول يبعد كيلو عن دبي مول ٢-فندق المنزل جداً راقي أدخل على موقع Booking.com: 1,176,042 hotels worldwide. 115+ million hotel reviews. وشوف الأسعار اللي تناسبك هذا بخصوص الفنادق . التنقلات بالتاكسي الاصفر ارخص لك طبعاً وفي تاكسي باليوميه يآخذ منك ٧٠٠ درهم انا أنصحك اذا مشاويرك كثيره تآخذ لك سياره اجارها ٣٠٠ او ٤٠٠ درهم باليوم تقريباً توفر لك كثير وانت تسوق وتروح وين ما تبي انا عن نفسي ٣ ايام آخذ سياره يعني انا من منطقه بر دبي اللي فيها السوق القديم اتسوق واطلع منه اروح دبي مول اتغدى وبعدها ارجع الفندق انزل الاغراض واريح وبعدها انزل الجي بي ار الف لي ككم لفه مشي طبعاً واطلع اتعشى في مطاعم بعيده يعني انا لو ابي تاكسي بياخذ مني اكثر من ٤٥٠ على مشاويري والتاكسسي ما ينتظرك لان بيفتح العداد وبحسب عليك على الدقيقه حرام انت وفر لنفسك وان شاء الله إذا حجزت بلغنا بنعطيك معلومات عن المطاعم الرخيصه والغاليه والحلوه والكافيهات طبعاً عائليه ورحله موفقه ان شاء الله أخوك فواز الرمثان أبو سمو من الكويت |
| الساعة الآن 12:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO