|
استفسار عن ايجار سيارة في مطار دبي السلام عليكم اخواني الاعزاء ياليت تفيدوني افضل مكتب ايجار سيارة في مطار دبي واي قسم لاني ما ني عارفها ايش المقصود مطار دبي T1 مطار دبي T2 مطار دبي T3 ولكم الشكر مقدما |
وعليكم السلام ورحمة الله وبركاته اغلب الشركات المعروفة موجودة زي يوروب كار وايفس وهيرتز وغيرها بالاضافة الى بعض الشركات المحلية اهم شي تتاكد ان شركة التاجير موجودة في نفس صالة الوصول وهي المقصودة بالرمز T T1 يعني تيرمنال 1 او صالة 1، ونفس الشي 2 و 3 |
اذا نت جاي علي فلاي دبي فبتكون بالمبني الثاني وفيه شركات كثيره |
قارن الاسعر بين المكاتب كلها وبعضهم يعطيك تأمين شامل وبعضهم تأمين جزئي ولازم بطاقة فيزا لانهم بياخذون 1000 تأمين ترجع لك بعد اسبوعين إلى 3 عند تسليم السيارة ولا تنسى نقطه مهمة اذا انت تستخدم قوقل ماب تفعل خيار عدم استخدام الطرق ذات الرسوم لانه بيحسب عليك 4 ريال رايح واربعة ريال جاي وعند تسليم السيارة تجد مبلغ محسوب عليك تحياتي |
شكرا لكم على تجاوبكم:63: انا جاي على طيران فلاي دبي يعني نحجز من T2 وهل التسليم نفس المكان بالنسبة للتأمين فيه ناس تقول انتظر عندهم شوي لين يحولونه وش رايكم في كلامهم |
اول ما تطلع من صاله الوصول علي اليمين المكاتب فيه ضريبه موقف المطار اعتقد اقل من 50 درهم للسيارات الصغيره واذا رجعت وتبي تسلم السياره تنزل اهلك أو اللي معاك عند بوابه المغادره وأنت تطلع قدام لنفس المكان اللي استلمت منه السياره تتصل عليهم ويجيك بالمواقف او عمالهم تلقاهم او تنزل تروح له يشيك علي السياره ويوقع لك ويقول توكل علي الله التأمين ما فيه شيء بنفس الوقت الا اذا انت معطيه كاش |
التأمين لا يسترجع إلا بعد 14 يوم على الأقل، سواءاً دفعت نقداً أو ببطاقة ائتمان، والسبب أن بعض المخالفات قد لا تسجل إلا بعد ايام من وقوعها، ولذلك فالشركات لابد أن تحتفظ بمبلغ التأمين. |
وش رايكم احجز سيارة من طريق النت ولا احجز مباشرة من المكاتب بالمطار الوصول ٩/١/٢٠١٨ |
النت أفضل أضمن أخاف تجي ما تلقي ايجار |
نرجع لكم باستفسار وسامحوني وش رايكم بشركة دولر Dollr لاني حجزت عند بدجت ١٠ ايام ب١٣٠٠ ولقيتها اليوم عند دولر ١٠ ايام ب ٩٢٠ الغي من بدجت واحجز عن دولر؟؟ |
| الساعة الآن 05:00 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO