|
فندق هيلتون العين 2017 السلام عليكم و رحمة الله و بركاته في هذه الفتره كثرت زياراتي لمدينة العين و السبب هو مراجعات لولدي الصغير في احدى المستشفيات فالله يحفظ ابنائي و يبعد عنهم كل سو ء دعواتكم بعض المرات كنا نطلع من دبي وقت الظهيره و نخلص الموعد و نرجع المغرب لكن طبعا تعب كبير علينا نسير و نرجع نفس اليوم و اذا عندنا تحاليل لازم قبل الساعه 10 صباحا نسوي التحليل فنضطر احيانا نطلع الساعه 7 و نص و مرات كنا نسير قبل الموعد بيوم و نبات في احدى الفنادق هاليوم كان موعدنا في الصيف قبل عيد الاضحى و زوجي مسافر فاضطريت آخذ ولد اختي وبنت اختي و انا اسوق السياره بس بصراحه تعب لانه الدرب تقريبا ساعه و نص الى ساعتين صلينا الظهر و تحركنا تقريبا الساعة 1 و نص https://www.arabtrvl.com/up/uploads/...0686789351.jpg https://www.arabtrvl.com/up/uploads/...0686789372.jpg طبعا كنت مفولة السيارة بترول عشان ما اضطر اوقف عند المحطة مع انه الجمهور اللي ويايه من تحركنا و هم يقولون ودينا المحطة و انا اقوللهم بوديكم المطعم تتغدون :22: وصلنا مدينة العين https://www.arabtrvl.com/up/uploads/...0686789423.jpg وصلنا قريب من الفندق و الا الشارع ما يبين عدل الجو مغبر و خفت بصراحه لاني مواعده اليهال يتسبحون في الحوض و اخاف من الهوا و الغبار يمرضهم https://www.arabtrvl.com/up/uploads/...0686789474.jpg https://www.arabtrvl.com/up/uploads/...0686789495.jpg وصلنا الفندق و أول ما دخلت اللوبي :10: هذي كانت ردة فعلي الريسيبشن ما يبشر بالخير قلتلهم ممكن اشوف الغرفة و طلعت شفتها مجابله مواقف السيارات و قلتلهم انا حاجزه مجابل الحوض و رجعت الاستقبال قلت ما ابغي هالغرفة حجزي كان غرفتين قالوا الغرفة الثانية بتتنظف مب جاهزه قلت خلاص بسير اتغدا و ارجع قالوا عندنا مطعم قلت مشكورين بطلع برع و الجماعه في السياره مقررين يبغون جست برغر و انا من اسمع طاري البرجر اتنرفز لانه خلاص لاعت جبدي من مطاعم البرجر طلعنا و اتجهنا الى المطعم https://www.arabtrvl.com/up/uploads/...0686789546.jpg و هذا مسجد الشيخ خليفه بن زايد الله يحفظه و يطول بعمره https://www.arabtrvl.com/up/uploads/...0686789567.jpg وصلنا المطعم و كان فاضي و الناس كلهم يطلبون سفري احنا قلنا بندخل يواعه ما نقدر نتحمل اكثر https://www.arabtrvl.com/up/uploads/...0686789598.jpg المطعم داخل فاضي اخترنا نقعد فوق https://www.arabtrvl.com/up/uploads/...0686789619.jpg https://www.arabtrvl.com/up/uploads/...6867896410.jpg و هذا في السقف https://www.arabtrvl.com/up/uploads/...0687095651.jpg و هذي طلباتنا https://www.arabtrvl.com/up/uploads/...0687095672.jpg https://www.arabtrvl.com/up/uploads/...0687095713.jpg و طلبنا عصاير من المحل اللي لاصق في المطعم https://www.arabtrvl.com/up/uploads/...0687095744.jpg الحمدلله شبعنا و انطلقنا للفندق https://www.arabtrvl.com/up/uploads/...0687095765.jpg |
نكمل غدا بمشيئة الله |
بارك الله فيك وبجهودك الطيبة أختي الغالية هاوية الاسفار والله يشفي عيالك شفاءً لا يغادر سقماً ويبلغك فيهم يا رب العالمين تجربة رائعة والغرفة واسعة ونظيفة ما شاء الله ننتظر التكملة غداً بإن الواحد الأحد وحفظك الله وأسعدك ورعاك |
اقتباس:
آمين يا رب العالمين و يحفظ عيالج الحمدلله بالرغم من قدم الفندق لكن الغرف نظيفة جدا شكرا للمتابعه |
و رجعنالكم مره ثانيه و نكمل الذهاب للمسبح https://www.arabtrvl.com/up/uploads/...0687455341.jpg هذا مسبح للكبار و ممنوع اللي اقل من 15 سنه يدخله https://www.arabtrvl.com/up/uploads/...0687455372.jpg و هذا المسبح للجميع و فيه زحليقه و هي سبب اختياري للفندق https://www.arabtrvl.com/up/uploads/...1068745543.jpg حديقة صغيره للاطفال https://www.arabtrvl.com/up/uploads/...0687455444.jpg https://www.arabtrvl.com/up/uploads/...0687455465.jpg مطعم https://www.arabtrvl.com/up/uploads/...0687455496.jpg https://www.arabtrvl.com/up/uploads/...0687455517.jpg و هذا الحوض ولد اختي دخل يسبح فيه لانه عمره 15 و عيالي غصب يبغون يسبحون فيه و طبعا ممنوع :26: https://www.arabtrvl.com/up/uploads/...0687455538.jpg هذي المطاعم الموجوده في الفندق تقريبا 3 مطاعم https://www.arabtrvl.com/up/uploads/...0687455559.jpg https://www.arabtrvl.com/up/uploads/...6874555810.jpg https://www.arabtrvl.com/up/uploads/...0687824811.jpg https://www.arabtrvl.com/up/uploads/...0687824862.jpg و هذا كوفي شوب يفتح بعد الساعه 7 https://www.arabtrvl.com/up/uploads/...0687824883.jpg https://www.arabtrvl.com/up/uploads/...0687824924.jpg صلينا المغرب و عقبها طلعنا و اول مكان اسير له محلات الخاجه للعطارة https://www.arabtrvl.com/up/uploads/...0687824997.jpg عندهم كل انواع الاعشاب و الادوية و الكريمات و البهارات و كل شيء مثل ما تشوفون مرتب و منظم و بعدها توجهنا لبوادي مول https://www.arabtrvl.com/up/uploads/...0687825018.jpg تمشينا شوي و عقب قلنا بنتعشى حصلنا مطعم شهريار الايراني https://www.arabtrvl.com/up/uploads/...0687825039.jpg دورنا مطاعم ثانية و رجعنا لشهريار لانه الشكل يوحي بانه اكلهم لذيذ https://www.arabtrvl.com/up/uploads/...6878250610.jpg |
اللهم شفاءً لا يغادر سقماً للسلطان ويبعد عنكم الامراض يعطيج العافيه على السياقة بالدرب الجو المغبر مو زين للتنفس مع الرياضة والسباحة الغرفة حلوة وماشاءالله مهتمين فيه بعد شركة عالمية لازم السنع اختيار حلوو والغدا حلوو ليش ما تحبين البورغر لذييذ بالعافية عليكم حلوة المسابح للعيال واوووه اذا واحد صار يسبح بكبير والصغير يبي والممنوع ما يخليه مرة جذيه بمنتزه الخيران كانو الكبار يسبحون بالصوب العميق وابوزيونة كان صغير ويبجي الا بيطب معاهم والمنقد مانعه ويبجي وهذاك ولا بالبال قلت له خله يجرب قال على مسؤليتج والله وجرب وما اشوفه الا ينزل تحت ويغرق الا شوي اشوه ان ولد حماتي يمه رفعه بنفس اللحظة والمنقذ ما كان صوبنا والا جان تشمت فيني ههههه قلت له شفت خلاص روح هناك وراح معاه ولد حماتي اشوة الطفل حتى لو يعرف يسبح خطر عليه السوق حلو والعطار شكله مرتب ونظيف ننتظر المطعم والعشا ومنتظرين البقية تقاريرج اتونس وايد |
عندهم كباين و هذا المطلوب https://www.arabtrvl.com/up/uploads/...0688197141.jpg https://www.arabtrvl.com/up/uploads/...0688197172.jpg https://www.arabtrvl.com/up/uploads/...0688197193.jpg https://www.arabtrvl.com/up/uploads/...0688197214.jpg و نشوف المنيو https://www.arabtrvl.com/up/uploads/...0688197245.jpg https://www.arabtrvl.com/up/uploads/...0688197286.jpg الصور بروحها تشهي :e419: https://www.arabtrvl.com/up/uploads/...0688197286.jpg https://www.arabtrvl.com/up/uploads/...1068819737.jpg https://www.arabtrvl.com/up/uploads/...0688197338.jpg العصاير و الحلويات https://www.arabtrvl.com/up/uploads/...0688197359.jpg و هذا الحاجز بين الكباين يعني ما نقدر ناخذ راحتنا وايد في السوالف https://www.arabtrvl.com/up/uploads/...0688197410.jpg ضيافة المطاعم الايرانيه معروفه خضرة مع جبن أبيض و خبز تنور حار :18: https://www.arabtrvl.com/up/uploads/...0688426851.jpg بس هالمرة كان وياهم مخللات لذيذه جدا https://www.arabtrvl.com/up/uploads/...0688426882.jpg و نقول بسم الله وصلت الطلبات صحن مقبلات مشكلة كباب دجاج بدون عيش ( رز ) https://www.arabtrvl.com/up/uploads/...0688426954.jpg كباب لحم مع عيش بالرمان https://www.arabtrvl.com/up/uploads/...0688426985.jpg كباب لحم مع عيش ساده https://www.arabtrvl.com/up/uploads/...5106884276.jpg و اخيرا للتحلية لااااااابد من الفالوده الايرانيه https://www.arabtrvl.com/up/uploads/...0688427037.jpg و الحمدلله الاكل كان لذيذ جدا و يستحق التجربة مره ثانيه https://www.arabtrvl.com/up/uploads/...0688427078.jpg و الفاتوره سعرها كان مناسب جدا جدا و يعتبر المطعم رخيص و نسيت اخبركم ولد اختي ما رضى يطلع ويانا و قعد في الفندق https://www.arabtrvl.com/up/uploads/...0688427099.jpg https://www.arabtrvl.com/up/uploads/...6884271210.jpg https://www.arabtrvl.com/up/uploads/...0688787271.jpg طلعنا من المول و هذا السهم باتجاه جبل حفيت https://www.arabtrvl.com/up/uploads/...0688787312.jpg رجعنا الفندق و طول الوقت احاتي ولد اختي و طبعا خذنا الباقي من العشا ويانا و يوم وصلنا اشوفه ما شاء الله عليه طالب برجر :e120:ما يتعطلون الشباب :1: بس ريحة الغرفه كانت سجاير كانه حد مدخن في الغرفة و كلمت الريسيبشن و على طول يابوا المعطر قلت ما ابغي معطر انا طالبه مكان ما فيه تدخين بس الظاهر الريحه تدخل من المكيف و بصراحه شكيت في ولد اختي :32: بس دخلت الحمام و ما كان فيه اي ريحه الريحه بس في الغرفة و هاي اطلالة المسبح الليليه https://www.arabtrvl.com/up/uploads/...0688787343.jpg https://www.arabtrvl.com/up/uploads/...0688787364.jpg كان في موسيقى و صدعه اعتقد من البار الموجود على المسبح و خلص يومنا على خير |
اقتباس:
آمين الحمدلله ما كان وايد غبار عند الحوض بس هوا خفيف و الشارع من دبي لين العين كله سيده ما فيه يمين و يسار و هذا الحلو في شوارعنا الحمدلله الغرف نظيفة وايد و البرجر ما احبه كله دهون عاد كنت بوديهم مطعم راقي بس ما رضوا تسلمين |
قمنا الصبح و لازم نتريق في الفندق و هذا اهم اختيار عندي يوم احجز فندق في البلاد طبعا مب خارج البلاد https://www.arabtrvl.com/up/uploads/...0688787415.jpg و نشوف البوفيه https://www.arabtrvl.com/up/uploads/...0688787436.jpg https://www.arabtrvl.com/up/uploads/...0688787467.jpg ما شاء الله متنوع و فيه كل ما لذ و طاب https://www.arabtrvl.com/up/uploads/...0688787488.jpg العصاير https://www.arabtrvl.com/up/uploads/...0688787519.jpg https://www.arabtrvl.com/up/uploads/...6887875310.jpg https://www.arabtrvl.com/up/uploads/...0689000411.jpg الاجبان و اللحوم البارده https://www.arabtrvl.com/up/uploads/...0689000472.jpg https://www.arabtrvl.com/up/uploads/...0689000493.jpg https://www.arabtrvl.com/up/uploads/...0689000524.jpg البيض https://www.arabtrvl.com/up/uploads/...0689000545.jpg و هذا اختيارنا https://www.arabtrvl.com/up/uploads/...0689000566.jpg طلبت شاي حليب و الا اشوفه يايب الغوري و حاط 7 اكياس شاي قلت بل بيذبحنا بس يوم شربته فعلا كان لذيذ :58: https://www.arabtrvl.com/up/uploads/...0689000597.jpg كان في لاعبين لنادي المحرق البحريني الظاهر عندهم مباراه و المطعم ما شاء الله كله من البحرين الحمدلله تريقنا من الريوق الحلو و انطلقنا الى المسبح بعد لازم في الدخله و الطلعه طبعا لازم كل مره نتأخر في الخروج و نسألهم قبل لين متى نقدر نقعد يقولون عندكم ساعة او ساعتين زياده و طلعنا الساعة وحده و نص نسيت اصور كان في مصحف بس ما لقيت سجادة صلاه https://www.arabtrvl.com/up/uploads/...6890006910.jpg و سرنا المستشفى و قعدنا تقريبا ساعه و نص و عقبها انطلقنا ندور مطعم و صديقنا القوقل دلانا على برياني بوت https://www.arabtrvl.com/up/uploads/...0689221941.jpg https://www.arabtrvl.com/up/uploads/...0689221962.jpg احب الصحون السوده احس فيهم فخامة https://www.arabtrvl.com/up/uploads/...0689221993.jpg و هاي طلباتنا سمبوسة خضار جيكن بتر برياني دياي https://www.arabtrvl.com/up/uploads/...0689222014.jpg https://www.arabtrvl.com/up/uploads/...0689222066.jpg و دجاج بدون عظم نسيت اسمه و عصاير ليمون بالنعناع https://www.arabtrvl.com/up/uploads/...0689222035.jpg و الحلو راس مالاي ( الابيض ) و جلاب جامون ( البني ) متروووس شيره https://www.arabtrvl.com/up/uploads/...0689222087.jpg طبعا برياني بوت غني عن التعريف و اكلهم لذيذ الحمدلله خلصنا و انطلقنا عائدين الى ديارنا لكن الجو يصيح و يقول خلوكم في العين :24: https://www.arabtrvl.com/up/uploads/...0689222159.jpg https://www.arabtrvl.com/up/uploads/...6892221710.jpg الدنيا مغيمه بس ما صادفنا المطر https://www.arabtrvl.com/up/uploads/...0689265671.jpg https://www.arabtrvl.com/up/uploads/...0689265692.jpg و سمعنا بعدين انه نزل مطر خفيف عندهم الحمدلله وصلنا بالسلامه و كانت تجربة السواقة متعبه و ما افكر اعيدها مره ثانيه و ان شاء الله زياراتنا عجبتكم و انتظروني في فنادق أخرى في مدينة العين دمتم بود :jfvjhb: |
| الساعة الآن 10:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO