|
نصيحتكم لسفره دبي السلام عليكم .. الحمدلله بعد تفكير ..قررت انا وزوجي نسافر دبي لأول مره .. لمده ثمان ايام ..طبعا السفره لنا ومعانا طفل عمره ثلاث سنين الأماكن الي حابين وروحها اتلاتنس ليغولاند دبي مول ممشى مارينا الاولت لت جميرا بيتش اعطوني أماكن تنصحوني فيها ؟ وصراحه ودي اسبح انا واروح ملاهي .. هل في محل امان احط ولدي فيه مثلا حضانه أو رعايه ليليه؟ وش رايكم بفندق أتانا بالبرشاء وكيف الفطور حقهم؟ او تعرفو فندق نظيف وحلو وسعره معقول مثلا ١٥٠٠ لي ٥ او ٤ ايام بليز افيدوني باي معلومه او نصيحه تعرفيها |
ان شاء الله تتهنو بالسفرة يارب.. بالاضافة للأماكن اللي ذكرتيها انصحك بـ: سيتي ووك لامير جي بي ار القرية العالمية (اذا ما كان وقتها انتهى) بالنسبة للفنادق ما اعرف عن اللي ذكرتيه صراحه بس اذا لقيتي سعر حلو في جي بي ار او المارينا او البرشا بيكون حلو .. والله يوفقكم يارب |
السلام عليكم اختي ، و يا هلا فيج ، الامارات و اهلها بتنور حديقة الالعاب المائية في اتلانتس تتشابة مع حديقة العاب ليجولاند المائية فالاحسن تختاري وحدة منهم الليجو لاند في منها حديقة العاب عادية "مش مائية" و في حديقة مائية، ممكن تروحيهم بيوم واحد يعني اول الصبح روحي للالعاب المائية و اطلعي منها ع الظهر و سيدة ع الالعاب العادية بما انهم وايد قراب من بعض. اقترح عليج زيارة هاذي الاماكن : 1.مدينة العاب موشن جيت وايد حلوه و تستاهل الزيارة و فيها مطاعم و كافيهات، قيمة التذكرة حاليا 165 درهم لدول مجلس التعاون ، بس هاي تذكرة عادية ما تشمل الاكل ، ممكن تشترين تذكرة تشمل الاكل اذا حابة، و اقترح تشترون وحدة عادية و وحدة تشمل الاكل، اللي بياخذ الاكل يتقاسم ويا الثاني لان تعطيكم وجبات في معظم المطاعم.:63: 2.ليجولاند "العاب عادية و مائية" نفس اليوم 3.دبي مول ، الغدا يكون في مطعم The Rain Forest اللي مقابل الاكوريوم و ممكن تدخلون الاكوريوم حلو ، و اذا حابين كملوا اليوم في دبي مول ما بين تسوق و ما بين تقعدون قعدة حلوه مقابل النافورة. 4.ما ادري ليش تبين اتسيرين الاوت ليت ، ترا الاسعار فيه غالية و اغلب البضائع ما تستاهل، ارشح لج روحي السوق الصيني في دبي بتحصلين ملابس و بضايع وايد حلوه و الاسعار وايد ارحم. 4. اذا بتسيرين السوق الصيني انتبهي على اسم البوابة لان كل بوابة تعرض بضائع مختلفة بتعرفين من الاسم، لانه مكان كبير و يتوه اذا ما انتبهت. 5.ممشى لاميرا قريب من الكايت بيتش و فندق جميرا بيتش، فيه مطاعم حلوه. 6.فندق اتلانتس فيه مطاعم حلوه و الحديقة المائية و الاكوريوم ، بس ترا اذا بتسيرين الاماكن اللي كتبت عنها فوق بيكون زيارتك فيها تكرار. 7. Emirates Mall فيه سكي دبي "حديقة ثلجية" ، اذا حابة تغيرين جو و تلعبين ، و في حولين الحديقة وايد مطاعم ممكن تتغدون فيها و اذا ركبت تلفرك الحديقة في فوق كوفي شوب يسوي هوت شوكلت روعة لا تفوتينة 8. اذا حابة روحى القرية العالمية ، حاليا مفتوحة بس اتجنبي ايام الخميس و الجمعة و السبت ، تبتدي من الساعة 4 العصر. 8. بالنسبة لولدج ، انا براي انج تاخذينه وياج معظم الاماكن لان فيها متعة للكبار و الصغار ماعدا السوق الصيني و سكي دبي اذا ما يتحمل البرد، و خذي العربانة وياج عشان الامور تكون اسهل، بس اذا مصرة اللي اعرفة ان الفنادق الكبيرة مثل اتلانتس فيه كيدز كلب ممكن اتحطين فيه البيبي و تدفعين بالساعة، الافضل استفسري منهم. 9.فندق جميرا بيتش اذا سكنتي فيه ، عندهم كيدز كلب ممكن اتحطين فيه البيبي و تطلبين ان حد يراعيه و كله بثمنه طبعاً. 10. نصيحة اخيرة اذا حابة ، اشتري الentertainment vouchers الخاص بدبي ، صحيح زادو سعرة بس فيه تذاكر لمعظم الاماكن اللي ذكرتها ، و اتأكدي الاول من موقعهم ، لانه بيوفر عليج، دبي حلوه بس غالية. اتمنى اكون افدتج و رحلة سعيدة مقدماً :ikuy: |
عمر ولدج حلوو للعب والسباحه معاه ليش تخلينه بالحضانه وناس ما يعرفهم اخذيه معاج راح يدخلونه كل الاماكن وبعد يستانس وايد الاماكن اللي ذكرتها اختي مونامور كلها حلوه وفيها الجديد والسباحه اخذي المايوه الاسلامي وتسبحي بس مدن الملاهي تاكدي متى تكون مفتوحه في منتجع دبي باركس قريب من الملاهي لو انا منج اخذ فيه يومين او ثلاثه تستمتعين فيه وبالملاهي اعتقد التذاكر يعطونج اياهم مجانا مع حجزج للمنتجع وعليكم بالعافيه استمتعوا |
اقتباس:
فعلا كلام الاخت توبليرون صحيح ، ترا منتجع دبي باركس اند ريزورتس فيه فنادق و لو حجزت بواحد منهم يعطونج تذاكر مجانية لدخول مدن الالعاب. من ضمن الفنادق لابيتا, دبي باركس اند رسرورتس, أوتوجراف كولكشن و بعد فندق قصر السلطان "جديد" منتجع دبي باركس اند ريزورتس يشمل "حديقة موشن جيت - حديقة ليجولاند المائية - حديقة ليجولاند "ثيم بارك" - حديقة بوليود - ممشى ريفر لاند" بامكانك تتعرفين اكثر على الرابط تحت: https://www.dubaiparksandresorts.com/en/hotel-partners عن نفسي جربت السكن في فندق لابيتا ، المسابح فيه وايد حلوه ، بناتي استانسوا عليها. كان سابقا تابع لدبي باركس لكن الحين استوى تحت ادارة مجموعة الماريوت لكن ، اذا حجزت فيه بيعطونج تذاكر دخول مجانية. و على فكرة ، معظم الاماكن اللي ذكرتها ، الدخول مجانا للي اقل من 3 سنوات. |
ولدي أكبر من ٣ سنين الله يحفظه يعني بدفع له دخوليه.. ؟ وش فكره الفندق دبي باركس ؟ دخلت موقعهم مافهمت شي ..يعني لو سكنت عندهم التذاكر تكون مجانا؟؟ |
اي راح تدفعين له تذكرة اطفال او نص السعر في اغلب الاماكن اما دبي باركس اي نعم التذاكر بتكون مجانيه لجميع الملاهي اذا حجزتي بفنادقهم |
وش اسم الفندق وبكم الليله شامله الدخوليات |
موجود بالرابط انا ماحجزت فيه |
| الساعة الآن 01:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO