|
تكفون ي أهل الخبره ابي شوركم 😅 بسم الله الرحمن الرحيم السلام عليكم ورحمة الله وبركاته مفكر اسافر لدبي 6 ليالي 7 ايام من تاريخ 2 يوليو الى 7 يوليو بالضبط بشهر 10 من تاريخ 18 الى 23 شخصين انا و الأهل حاب اعرف هل المدة كافيه ؟ وايش افضل الأماكن اللي اقدر اروح لها طبعاً رحلتي طيران حصلت التذاكر ب 1600 و الفنادق حصلت تقريبا ب 1200 كامل المده وحاب اعرف هل الاسعار مرتفع و كم اسعار دخول الأماكن السياحيه ومن وين افضل مكان اقدر استاجر سياره ؟ حاب اعرف الاسعار تقريباً انا وضحت سعر الطيران و الفنادق بس حاب اعرف الباقي علما هذي اول رحله لي للإمارات ❤❤ |
حياك وبياك ... المدة كافية بإذن الله .. رغم أن دبي ممتلئة بالفعاليات والمزارات .. أنت حسبتها 6 ليالي ... والصحيح حسب تواريخك 5 ليالي ( انتبه ) آجار السيارة لك الخيار .. إما الحجز من المواقع الرسمية للشركات أو أثناء وصولك للمطار من المكاتب ( مباشرة ) والأفضل الخيار الأول ( سهل وسريع ) طبعاً .. لابد تضع في بالك بأن الجو راح يكون حر ورطوبة عااالية .. بالنسبة للأسعار .. صعب جداً تحديدها .. عموماً الأسعار معقولة .. بالتوفيق ... |
يعطيك الف عافيه اخوي طيب ايهما افضل استأجر سياره او التنقل مع اوبر ؟؟ |
ازيز .. اول شي اهنيك خيار الامارات جميل جدا وبجد دبي مدينه عالميه لاتحسب ان اوبرهم زي اوبرا بـ 6 و8 ريال اوبر هناك غالي جدا والتكاسي اغلى جدا جدا .. مالك الا السكن جنب المترو واستخدام المترو بتنقلاتك والافضل لك تستاجر سياره من المطار بميه وعشرين باليوم واستمتع انت واهلك بلا كل شوي راكب مع باكستناي :32::32: تبي تنبسط صدقني .. وين حجزت فندقك ترا فيه اماكن مايسكنها الواحد هو وزوجته .. ازعاج وفنادق وصخه وكلها ديسكوات يزعجونك ماترقد :32: |
عطنا اقتراحك ي ابو لجين صراحه ما عندي فكره ايش افضل الفنادق |
اقتباس:
تم الرد بالاقتباس ياليت تذكر وين حاب تروح هل انت من هوات المدن الترفيهيه او المائيه وماعندك مانع بزيارتها رحله موفقه تم الإرسال من SM-G935F باستخدام Tapatalk |
اقتباس:
ما اعتقد المدن المائيه مناسبه للعائله |
اقتباس:
فيه مدينة ملاهي أسمها: IMG Worlds of Adventure مدينة ملاهي كبيرة و مغطاة و أتوقع بتناسبك "أخوي عبش حياتك ..و أستمتع .. الحياة بنعيشها مرة وحدة" نقطة مهمة .... أخوي أحرص على الفنادق ترا دبي مليانة فنادق معقول سعرها و في مناطق ممتازة و ركز على الفنادق اللى على شارع الشيخ زايد و أغلبها يمر من جنبها المترو و بترتاح في التنقلات بالتوفيق ... |
اقتباس:
تم الإرسال من SM-G935F باستخدام Tapatalk |
ودي اقول شي براءة للذمه :14:ونصيحه للاخ بما انه جديد في عالم السفر الذهاب الى مدينه الالعاب المائيه المختلطه ( كالوالد وادي ) اسمها قريب من كذا يعد (خرقا للديانه ) و(المروءة ) و(الأخلاق ) مع بعض من يرضى ان يذهب بزوجته الى مكان عام فيه الحريم الاوربيات عاريات (نعم عاريات رسمي ) عليهم كلوت وستيان وطالعات من الماء لاصق عليهم لبسهن والرجال كذلك منظر يشطب الوجه دخلتها انا وصديقي قبل سنوات مادرينا انها كذا ولمده ربع ساعه وطلعنا ولم ادخلها بعدها ابدا واستغرب صراحه بعض التقارير اللي يقول رحنا لمدينه مائيه بدبي وانبسطت انا وعيالي ؟!!!!!! المقصد ان الاماكن هذي لك الله عنها انت وزوجتك وكلكم راعي وكلكم مسئول عن رعيته |
| الساعة الآن 02:20 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO