|
اول مره اروح دبي بالسياره السلام عليكم ورحمة الله وبركاته الله يعطيكم العافيه انا اول مره بروح لدبي وبروح بالسياره عايله انا وزوجتي وطفلين ابي منكم اي حاجه تفيدي من اول مااركب السياره وايش المطلوب مني للسياره. والبنزين والتنقلات هناك سهله ولا كيف وانصحوني بشقق فندقيه نظيفه واذا شي بفطور يكون افضل وابي برنامج لمدة خمس ايام ودبي باركس كيف وضعها وكم يفيها وقت تكفون طلبتكم ساعدوني |
و عليكم السلام و رحمة الله و بركاته .. حياك الله أخوي ابو ماجد ... وكل الله السفر متعة بالسيارة المهم تفقد سيارتك كويس و الطريق سهل و كله مسارين إلى أن تصل قلب دبي و الخدمات طول الطريق متوفرة داخل السعودية إلى أن تصل منفذ البطحاء و من بعد مغادرته و تصل مباشرة غلى مركز الغويفات و بعده 400 كيلو تقريباً و أنت في دبي أن شاء الله ... السكن في دبي أفضل مكان منطقة البرشاء و ملينة شقق فندقية و مستواها ممتاز .. ممكن تأخذ بالفطور و لكن أماكن الأفطار في دبي منتشرة بكثرة و أعتقد أفضل من فطور الفندق أو الشقق .. و الأهم أنك كا تتقيد بموعد الفطور المحدد بوقت و إذا فات خلاص راح عليك و أنت دافع قيمته ضمن أجرة السكن البرنامج .. أهم شئ تزور القرية العالمية و الباقي سهل كله أمكان مقترحة و حسب رغبتك دبي باركس بصراحة ما زرتها ..و أن شاء الله يفيدونا اللى زاروها .. بالتوفيق ... |
ياجعلك سالم يارب والله يعطيك الف عافيه طيب يااخوان وش المطلوب مني من ناحية الرخصه والبنزين وسمعت عن سالك هذي وش فايدتها |
بالنسبة للرخصة .. عادي الرخصة السعودية مقبولة هناك .. و لا تنسى التأمين في منفذ الغويفات أتوقع سعره 110 درهم لمدة 15 يوم بالنسبة للبنزين .. عادي حسب النوع اللى تستعمل حالياً لسيارتك .. بطاقة سالك هذي تستخدم لدفع رسوم الطرق في دبي مثل على طريق الشيخ زايد .. و أختلف الناس فيما يتعلق بوجوب أستعمالها للسيارات الأجنبية .. بالتوفيق ... |
* متطلبات السيارة هي التأمين وستجده في المنفذ الإماراتي، وبطاقة سالك التي تجدها في محطات الوقود. وللعلم فهي إلزامية لسيارات السياح، ولا أعلم عن جدية تطبيق هذا النظام. (https://www.salik.gov.ae/ar/support/faqs) *عليك استخدام نفس الوقود الذي تستخدمه في بلدك من حيث الأوكتين. أما التنقلات فهي سهلة نوعًا ما، ولكن يجب عليك استخدام نظام الملاحة، والتقيد بأنظمة المرور، وخصوصًا دفع رسوم المواقف. *ابحث عن السكن المناسب لميزانيتك، والذي حاز على تقييم مرتفع في مواقع الحجوزات. من المناطق الجيدة: البرشاء ووسط المدينة (بالقرب من برج خليفة). *البرامج متوفرة في البوابة، وعليك الاختيار. ويمكنك زيارة الموقع الرسمي لدبي (https://www.visitdubai.com/ar) *دبي باركس يكفيها يوم واحد من وجهة نظري، وهناك ألعاب IMG وهي ممتعة كذلك. |
الله يجزاكم الف خير ماقصرتوا |
وعليكم السلام ورحمة الله وبركاته .. مدري كانك رحت او توك بس مشارك مشارك :e419: توني راجع من يومين من دبي وكانت روحتي بالسيارة .. سافرت عن طريق سعد الاحساء الطريق جدا ممتاز ومخدوم وحتى (((( ساهر )))) موجود الطريق مليان (((( جمال )))) وشفت بعضها يقطع الطريق فلازم الانتباه ... الطريق مخدوم بمحطات البنزين بس لاتعتمد على كذا واحرص تعبي من الاحساء مثلا . - بطريق الرجعه كان البنزين عندي يوصل لبعد المنفذ ب 100 كيلو تقريبا وقلت خلاص اعبي من السعودية وتفاجات ان المحطات بعد المنفذ ولمسافة 20 كيلو تقريبا طافي الكهرب عنها وماتقدر تعبي منها وماقدرت اعبي الا من محطه تعتمد على مولدات كهرب والحمد لله وصلت لها ... - السكن في البرشاء ممتاز من ناحية توسطه في دبي واكثر المزارات السياحة في كل الجهات تقريبا نفس المسافة عنك واذكر اخذنا شقة غرفتين وصالة ومطبخ و3 دورات مياه اكرمكم الله بحدود 400 ريال ( بدون فطور ) ومواقف مجانية . ومول الامارات نروح له مشي ( 3 دقايق مشي يمكن ) . - من الاماكن الحلوه ( القرية العالمية ) تفتح من 4 العصر والدخول ب15 درهم للشخص . - مدينة العاب IMG الدخول لها 300 درهم شامل الالعاب الا يمكن لعبتين وهي يقولون انها اكبر مدينة العاب مغطاة في العالم وفيها العاب تصلح للكبار والصغار والخوافين والابطال :27: ... وتفتح من 11 الصباح واحنا خلصنا منها 4 العصر لان كانت شبه فاضية ... - منطقة لامير من المناطق الجديدة وهي عبارة عن منطقة تسوق ومطاعم وكافيهات في مساحة مكشوفة على البحر ( موب منطقة مغطاة ) تستاهل الزيارة يمكن ( ساعتين الى ثلاث بدون وقت الاكل مثلا ) وفيها ملاهي العاب مائية. - الجي بي ار منطقة من كم سنة طالعة بس لازالت تكبر وتزين وهي قريبة من ( عين دبي ) وفيها شاطيء حلو ... فيه بعد قرية جميرا وسيتي ووك وول الامات (سكي دبي وهو قرية ثلجية صغيرة فيها العاب وتزلج ولعب بالثلج ) ودبي مول وبرج خليفة وعندهم سوق البحار وحلبة التزلج والاكواريوم الخ .. دبي مليانه اسواق وتمشيات وكل فترة فيه شي جديد ... بالتوفيق وسفر سعيد |
| الساعة الآن 12:36 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO