|
احتاج نصحكم في الامارات ابوظبي و دبي بالاجازه القادمه السلام عليكم ورحمة الله اسعد الله اوقاتكم بكل خير اخواني بعد شهر ان شاء الله في اجازة الفصل الاول المدارس اخطط مع العائله انا والمدام وثلاث اطفال (( 11-8)) اعمارهم الرحله مع الخط يمكن 7 ايام خط من الرياض الى الامارات ان شاء الله ودهم في ابوظبي علشان فراري ( ولا عمري رحت لابوظبي) تستاهل الروحه لاني جاي خط ابغى فنادق فيها مسبح داخلي علشان العيال والجو بيكون بارد والرحله لهم اولا واخيرا وش اللي يصلح للاطفال غير الالعاب بالمولات احتاج فعلا نصحكم وارشادكم شاكر لكم |
فراري ممتازة جدا وممتعة للكبار والصغار لكن تذكرتها غالية جدا |
و عليكم السلام ورحمة الله و بركاته .. هل رحلتك بتكون فقط في أبوظبي أو بتضيف لها دبي ؟؟ |
نصيحتي لك رح دبي على طول هناك فيها مايحتاجونة اولادكم |
رأيي من رأيي أبو نواف توجه ‘لى دبي مباشرة لأن الفعاليات و الأنشطة الترفيهية في كل مكان الموقع اللى في الرابط أدناه يغنيك عن السؤال ... أكتشف دبي أفضل الوجهات (مدن الملاهي و الترفية) بالنسبة لو رغبت في زيارة أبوظبي ممكن تخلي لها يومين في طريق العودة و تودي العيال عالم فراري ... في الرابط أدناه معلومات أكثر عالم فيراري أبوظبي بالتوفيق |
طبع االرحله بتكون خط وحجزت بفندق يومين في ابوظبي والهدف الاول بيكون عالم فراري عندي الشباب (( مررره يبونها )) بعدها اربع ايام على دبي بأذن الله سؤال يالربع (( استكر سالك وش سالفته )) |
خل يوم لعالم فيراري ويوم لوارنر برذر فنادق جزيرة ياس توفر لك تذاكر مجانية لهم |
رتب أمورك من بدري أفضل وقارن ، كأس العالم شغال ودبي وجهه مجاورة ومحطة + الجو ممتاز رحلة سعيدة |
| الساعة الآن 07:40 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO