|
استفسارات هامة ارجو المساعدة السلام عليكم ورحمة الله وبركاته اتمنى منكم مساعدتي في جدول سياحي لمدة اسبوع في دبي العدد اربعة اشخاص منهم كبار في السن والدي ووالدتي حفظهم الله النقطة الأولى : بخصوص استئجار سيارة ما هي انسب طريقه وما هي افضل الشركات وهل الأنسب هو استئجار سيارة ام تكاسي ام تطبيقات التوصيل مثل اوبر وغيرها ؟ النقطة الثانية : بخصوص السكن ما هي افضل طريقه نحجز من خلالها السكن هل عن طريق بوكينق او Airbnb او غيرها مع تزويدي فضلًا بأسماء او روابط فنادق او شقق تكون ممتازة من جميع النواحي موقع ونظافة وكل شيء . النقطة الثالثة : جدول سياحي يتكون من 6 ايام ويكون مناسب وغير مُتعب خصوصًا لكبار السن . جزاكم الله خير الجزاء . |
حياك الله اخي العزيز استاجر سيارة احسن لك بما انكم 6 اشخاص ومعك كبار سن تصلح لكم منطقة البرشاء فيها شقق فاخرة ووسيعة جدا وقريب من مول الامارات ومتوسطة لكل المناطق لازم تروحون الشارقة جميلة جدا ولاهي بعيدة موقع بوكنق ممتاز متى تاريخ سفركم اذا الايام المقبلة ترى زحمة وكل شي غالي لانها راس السنة والكل مسافر لدبي |
حياك الله اخوي العدد اربعة اشخاص وليس ستة تاريخ السفر بصراحه لم يتم تحديده بالضبط ولكن اكيد راح اخذ كلامك بالحسبان وممكن تكون بعد رأس السنه يا ليت اذا فيه اسماء شقق تعرفها تكون حلوه غرفتين وصالة اكون لك من الشاكرين |
في بوابة الامارات تقرير لي وفية اسم الشقق الي سكنت فيها |
وعليكم السلام ورحمة الله اجار سيارة افضل لان التاكسي واوبر غالي المشوار بقيمة اجار يوم السكن بوكينج ماجربت غيره اكتب العدد وابحث وشوف الخيارات والتقييم منطقة البرشا او الشيخ زايد افضلها اكثر بالنسبة للجدول شوف اهتماماتهم ماعتقد المولات تناسبهم عين دبي والمارينا وجولة بحرية -القرية العالمية بس تحتاج مشي عموما دبي تسوق وكوفي ومطاعم |
حياك الله اخوي الغالي والله يحفظ لك والدينك اولا الشي الأفضل تستأجر سياره من المطار وفيه شركه يلو للتأجير السيارات وخذ في عين الاعتبار تراهم يطبلون تامين أظن الف درهم واحرص وانا اخوك من الرصد اللالي للمخلفات نظام دبي قوي جدا السكن يفضل منطقه البرشاء كونها قريبه من كل شي وخذ لك شرائح افضل من التجوال الدولي ولا أزيد على كلام الاخوان واتمني لك رحله موفقه ✋ |
الف شكر لجميع اللي افادوني وشاركوا عندي طلب اخير اذا تكرمتوا ابي اسماء فنادق بالبرشاء اسعارها مناسبه وتكون حلوه |
| الساعة الآن 07:30 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO