|
السياحة في البوسنة والهرسك السلام عليكم تشرفنا بالانضمام مؤخراً لديكم في اكبر وافضل منتدى للمسافرون العرب اخواني الاكارم اول مره ازور البوسنة فضلاً وتكرماً منكم اللي يعرف عن البوسنة لايبخل علينا من معلومات مثال جدول سياحي والسكن في شقه نظيفه وقريبة من الخدمات وكم تكلفتها وكم التقريبي المصروف اليومي يااخوان أنا اعلم انه المصروف يعتمد على الشخص نفسه صحيح كلامكم ولكن عشان اعرف ميزانيتي بشكل تقريبي بمعنى انه يابوحمود مع اسرتك نشوف انه باليوم 500 مارك كافي عليك ولكن هذا يحسب تقريبي وهكذا شنو النظام علماً انه لدي اجازة من 15 إلى 20 يوم في شهر يوليو 2024 وأفكر اقضيها في الخارج أنا وأسرتي من زوج وزوجة وثلاث ابناء أعمارهم 15 / 12 / 8 سنوات ودمتم سالمين 🌷 |
الله يحييك أبو حمود بيننا وخبراء البوسنة ما يقصرون |
اقتباس:
|
فعلاً نحتاج للمزيد من المعلومات المحدثة حول البوسنة وان شاء الله الاخوة يفيدونا |
وعليكم السلام ورحمة الله وبركاته اولا اسال الله ان يحفظك ويحفظ اسرتك وخيار البوسنه خيار موفق حسب وجهة نظري من اكثر من ناحيه ماديه وكذلك تجد الخصوصيه والراحه مع الاهل انا زرت البوسنه 2019 وكذلك 2021 وايضا2022 ما اخفيك انها في كل مره تكون اغلا من السنه اللي قبلها خيارات السكن مفتوحه وانا افضل لك الفيلل افضل من الشقق الجدول تحدده مدتك بالديره ولكن الاكيد كل الخيارات مميزه بالبوسنه اما بالنسبه الى ميزانية 500 مارك باليوم فلا اعتقد انها كافيه بهذا الوقت خصوصا ان هذي السنه عليها اقبال كبير اذا نويت على السفر للبوسنه وقررت احاول اساعدك بالامور الاساسيه من خيارات سكن ومواصلات وكذلك محاولة حصر تكلفة الرحله المطلوب تاكيدك على السفر والمده اللي ناوي تجلس فيها وفقك الله انت واسرتك |
اقتباس:
وعليكم السلام ورحمة الله وبركاته اخي الكريم انا رجعت الان من البوسنة وهذه بعض المعلومات ان شاء الله تفيدك افضل وسيلة للتنقل في البوسنة حاليا هي استئجار سيارة خاصة بدون سائق بالنسبة لجدول الرحله تكفيك سبع ايام في البوسنة فقط البلد صغير ولا يستاهل اكثر من ذلك يومين في سراييفو يوم في جبل فلاسيتش يومين في مارتن يوم في موستار ثم العوده الى سراييفو البلد لا توجد به نشاطات ولا مولات كبيرة طبيعه طبيعه طبيعه فقط البلد لاقى في الاعلام حجم اكبر مما يستحقه البنية التحتيه ضعيفة التعامل مع السائح في الغالب سيء او غير محترف الخدمات المقدمه سيئه جدا كجوده الطعام او نظافة السكن الفنادق لا يوجد الا عن طريق بوكينق واغلبها بيوت ناس.. يعني مافيه جوده ولا معايير للنظافة الاكل وطريقة تقديمهم للطعام ما قد شفت احد لابس قفاز او غطاء رأس يمسكون الاكل بيدهم ماعندهم مشكله .. للاسف اخر رحلتنا جاتنا نزله معوية ودخلنا الطوارئ اول ما وصلنا السعودية تاجير السياره من يورو كار يكلف من اربعين الى ستين ريال في اليوم جدا رخيص واعمل تامين شامل ترتاح بالنسبة للعمله في سراييفو تمشي بطاقة السفر ومدى البلد رخيص تكلفه اربع اشخاص لمده عشرين يوم عشرين الف اذا طلعت من سرايييفو لازم كاش كل شي كاش حتى الفنادق والشقق الاكل كله كاش الا البنزين تحاسب داخل البقاله تبع البنزين ببطاقه السفر ومره من المرات رفضها وحاسبنا كاش افضل طريقة لصرف العمله من بطاقة السفر تسحب الف ريال واذا قربت تخلص تدور صرافة ثانيه وتسحب بعض البنوك البوسنيه ياخذون خمس ريال سعودي على السحبه والبنك السعودي ياخذ ثلاثين ريال على كل سحبه مطاعم دوليه مافي في سراييفو شفنا كنتاكي وبرجر كنج في مول واحد فقط انشطة لايوجد الا في سراييفو الزحليقة وفي موستار الكارتنق سباق السيارات لذلك شرينا للاولاد كوره من اول سوبر ويفضل كورتين لانهم سطحوا كورة لبيت الجيران وجلسوا زعلانين الاولاد بصراحه ملو انشطه مافيه وجالسين عالجوالات اغلب الوقت اخذناهم لسينما في سراييفو ومول ولكن اكبر مول عندهم اصغر مول عندنا صغير وزحمه ولافيه خيارات واجد .. البلد يصلح للمتقاعدين وطالبين الروقان وكبار السن والعرسان والرومانسيين :50: جيب معك شاي احمر وقهوتك المفضله يوجد لديهم التركيه فقط للاسف نحن من عشاق الشاي الاحمر وتعبنا جدا لا يوجد لديهم شاي احمر ابدا الا نوع واحد وسيء الماء العذب لقيناه بصعوبة شركه واحده فقط في سوبر ماركت معين ماءهم به املاح معدنيه كثير وسيء للقهوة والشاي والشرب لا يستساغ .. اذا انتم تعتمدون على بهار الكمون لتهدئة البطن فلم اجد عندهم كمون ربما لم ابحث جيدا فأحضر معك كمون مطحون وغير مطحون لا توجد شطافات بالحمامات اكرمكم الله الحراره شديده قد تصل الى ثمان وثلاثين طوال النهار ولكن الغيوم لا تغيب عن اسبوع ويرجع المطر وايضا لا تستهين بالبرد اذا جات امطار لمده يومين قد تنزل الحراره الى عشر لازم جاكيت خفيف قد يوقفك الشرطي وياخذ منك رشوة مئة ريال ويقول لك قطعت اشاره طبيعي.. واذٰا اعطيته في يده المبلغ يقلك حطها بالسياره .. رشوة لا تتوقع اخلاق الناس عاليه ولا تتوقع الطيبه في الجميع.. الاعلام اعطاهم اكثر من حقهم الشحاتين في كل مكان خصوصا في سراييفو .. ولا احد تكلم عنهم للاسف التعامل مع المسيحيين البوسنويين جدا به عنصريه مقيته اذا جيت تقضي وطالع بعربية مليانه من السوبر ماركت يضحكو عليك بالكاشير والزبائن ايضا واجهتنا نفس المشكله في كذا مدينه وساكتب موضوع منفصل قريبا عن رحلتي الى البوسنه جون ٢٠٢٤ ارجوا ان اكون افدتك |
اقتباس:
وااااضح من كميه السلبيه اللتي تتكلم بها انك تكتب عن (مشاعرك ) وليس عن ( الواقع هنااااااااااك ) ثم وين السياره اللي باربعين ريال من يورب كار :e15a: |
|
اقتباس:
ظلمتي البلد بشكل كبير انا رحتها وقبلي راحوها كثير وكثير تقارير عنها بالمنتدى وغيره اغلب كلامك مبالغ فيه واذا صار معاك مشكلة او مشكلتين مايصلح تعممين وبشكل عام البلد جميلة والناس طيبين ومقومات السياحة فيها لاباس عشان مولاتهم قليلة والعيال طفشو وماحصلتي شاي والماي نوع واحد ……الخ صار مافيها شي عدل وكل شي معيوب |
اقتباس:
|
اقتباس:
والقاعده تقول : :e15a::e15a:"لاتجتمع الناس على باطل " الانطباع العام لدى الناس ان البوسنه بلد لطيف ورخيص واهله ليسوا سيئين وهناك مئات الخلايجه اشتروا املاك هناك..... وتدعونا الى ان نبحر معك في رحلتك ( التي عنوانها يجيب الهم ) نظرتك للحياة ( في كل مجالاتها ) هي انعكاس لما بداخلك وختاما البوسنه مالي بها دخل ان مدحوها او ذموها ولست هنا في مقام الدفاع ولكني اتكلم من منطلق التجرد للحق وارجع واقول ان السياره اللي باربعين ريال من يورب كار ..فهذي ينعنا لها |
اعتقد بعض الناس عندها معيار معين ماترغب تنزل عنه ، هذه النوعية لابد تختار مكان السفر بعناية . لما يتعرض لبعض المواقف السلبية ياخذ انطباع سيء عن البلد ويتذمر ويتضجر من السفر لها . لذلك اختر البلد الذي يوافق توقعاتك بناءاً على خبرات الناس قبلك واترك بلد المفاجأت للناس المرنة ومحبي المغامرة . |
| الساعة الآن 01:37 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO