|
بسسسسافر بكرررا 😢 السلام عليكم والرحمه اخباركم حبايبي ؟ بدخل بالموضوع على طول انا بكرا رايحه مع زوجي اندونيسيا وهذي عدد الايام في كل منطقة 4بونشاك 3بالي 2جاكرتا 2باندونق ياليت تساعدوني ف برنامج كويس وكل منطقة شالاماكن الحلوه فيها ادري متاخرة كثير بس كل شي صار بسرعه :13::13::56: |
و عليكم السلام سعيدين بتواجدك بيننا الوقت ضيق جداً ممكن تأخذين لفة على التقارير توزيعكم للايام حلو و أكيد الخبراء ما راح يقصروا معاك المهم بعد الرجعة بالسلامة لابد من تقرير عن الرحلة رحلة سعيدة |
اخذت لفة على جميع المواضيع في قسم اندونيسيا بس احس انو لازم تعطوني من خبرتكم وزياارتكم لها من جد محتاجه مساعدتكم 😢 |
عليكم السلام ورحمة الله وبركاته الحمدلله بخير ماني خبير بس بما إن الوقت ضيق راح أقترح جاكرتا راحه يوم واحد بعد الوصول اليوم ثاني تصحون بدري حاولو تمشون الساعه سبعه الصباح لبونشاك عشان تشوفون السكن براحتكم يمدحون سيروني3 أو تشوفون فله براحتكم لاتصرفون العمله الا من مكتب كاها الي هو مكتب بافقيه فيه شاشه لعرض اسعار العمله أنصح تروحون بالدولار وفيه ناس يمدحون الريال خذو صرف فئات عشر الاف ولا عشرين الف وزوعها ع المساكين السواق راح يدلكم الاماكن الحلوه وأنصح كل يوم تغيرون السواق بقور فيها مجمعات تجاريه حلوه اذا اخذتو فله حذاري من المطاعم اطبخو بالفله عاد من بنشاك رتبو وجهاتكم القادمه إذا بلشتو مالقيتو فله روحو لبقالة يوسف البقاله السعوديه خذو رقم الشيخ عبدالقادر يلقبونه بشيخ الجبل وهو بيسنعكم اذا تعاملتو معه راح ترتاحون أتمنى لكم رحله سعيد |
|
مشكور اخوي حنا حجزنا الفنادق والفلل عن طريق مكتب بتكون وجهتنا الاولى بونشاك ثم باندونق ثم بالي ثم جاكرتا في كلامي فبرنامج اقصد الرحلات اليوميه يعني الاماكن الحلوه في كل منطقه وش ؟؟ واسفة على الازعاج |
اقتباس:
العفو واجبنا أن شاء الله يطبون الخبراء في أي لحظه ويفيدونك وش تبون بالمكاتب والله جاب لنا شبكة ومنتديات العرب المسافرون مايحتاج مكتب ولا شي الدعوى سهالات بالنسبه لبونشاك عندكم سفاري فيها حيونات تشوفونها وانتو بالسياره خذو معكم موز وجزر قبل الدخول لسفاري ترى بتحسفون اذا ماخذيتو ولا يفوتكم عرض الكابوي يمكن ترجعون اليوم الثاني عشان تشوفون العرض وفيها عروض كثيره بتدوخون ماخلصتو العروض يمكن يحتاج لكم يومين قابله لزياده وفيه حديقة الفراوله وفيه حديقة الزهور لاتفوتكم وفيه شلال تشيباز او توشيباز صراحه ناسي اسمه بس حول الدعوى وبحيره الليدو وأماكن كثيره أما باندوق وبالي مازرتها |
عليكم السلام ما شاء الله تبارك راح تنبسطوا ان شاء الله الأجواء ممتاز الان بنشاك اليوم الأول : السفاري يوم كامل اليوم الثاني: مزارع الشاي ومسجد التعاون ومطل البرشوت مع مزرعة الفراولة و مصنع الشاي وممكن تضفوا حديقة الزهور لأنها في نفس الاتجاه اليوم الثالث : حديقة شيبوداس و الشلالات السبعة (في جلسات اطلبوا منهم شاي بالنعناع ... خيال) اليوم الرابع راح تروحوا باندنق معظمه يكون في الطريق و الطريق ممتع جداً بحيرة الليدوا اشوف انها ما تستاهل العنوه وطريقها زحمة يطفش مره المطاعم عندك السندباد ممتاز جداً باندنق عندك البركان والشلالات هذا اهم واذا عندك وقت فيه مكان اسمة الكهوف اليابانية بالي راح نرجع لها بعد شوي الشي المهم حجزت سواق في الجبل والا لسه |
بالي عندك رحلة الرفتنق (التجديف) مع مزارع القهوة اليوم الثاني عندك غواصة بالي وممكن تروحي معها حديقة الطيور او الفيلة وفي العصر تروحي شاطي الغروب اليوم الثالث عندك العاب البحرية في نوسا دوا كذلك الووتر بوم في شارع كوتا او ممكن تبدلي جدول اليوم الثالث بزيارة بحيرة البدقول وشلال الجت جت المطاعم العربية في بالي عندك مطعم شيشة ممتاز |
يفضل زيارة هذا الموضوع |
مشككككور اخوي جد انقذتني لا والله ماعندنا ارقام سواق في الجبل بونشاك |
سؤال صغيرون اذا ممكن اسم المطعم اللي فيه شيشه في بالي |
مطعم شيشة شفتهم يقدموا معسل اما الشيشة المعروفه عندنا ما مرت علي هناك |
تروحون وترجعون بالسلامه راح تلقون عوائل قدامكم الديره كفوووو لاتنسونا لازم تقرير عن الرحله كل شي الفلل الي بتسكنونها والفنادق والمجمعات والامكان الي بتزورونها وكم سعر الصرف لاتصرفون الا مبلغ بسيط من المطار مثلاً 500 ريال أو 200 دولار ترى مكتب بافقيه الي بالجبل قدامه برحه فيه سوق فواكه وخضار عند البقالات السعوديه رحله موفقه بأذن الله |
إضافة بسيطة بطاقة الصراف السعودية لا تعمل هناك الا بعد ان تتصلي على البنك الذي تتعاملي معه انتبهوا لهذه النقطة |
شكرا اخي |
| الساعة الآن 10:41 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO