|
رحلة صيفيه الى اندونيسيا اتمنى المساعده السلام عليكم بعد الاستفاده من المنتدى الجميل في رحلتنا لتركيا ان شاء الله فكرنا هاذي الصيفيه نروح اندونيسيا بس نبغى نعرف بعض المعلومات - احنا زوجين نبغا الرحله تكون تجديد شهر عسل بس ما نبغاها كلو بحر واستجمام نبغى العاب وونجرب كل الانشطه الحلوه - نبغى جدول رحله يحقق اهدافنا منها ( المدن المقترحه - متعه - ترفيه - مغااامرات - فنادق خمسه نجوم بس ما تكون اسعارها مبالغ فيها - استجمام ) - كم عدد الايام المقترحه يعني 15 يوم كويسه ولا نزيد - الانشطه المائيه تقدر النساء ممارستها ولا مستغرب ؟ - ايش الخطوط الكويسه مع العلم اننا بنسافر ان شاء الله في اوغست وكيف بيكون الجو هناك ؟ - كم الميزانيه المناسبه ؟ هاذا الي في بالي الحين وان شاء الله اذا جاء سؤال بكتبه هنا شكرا لكم مقدماً |
عليكم السلام ينقل الى قسم الاستفسارات |
اقتباس:
اتمنى لكم سفرة سعيدة |
شكراً ع الرد اخوي الفاضل هذا خط سير الرحله واتمنى اذا فيه تعديل تعدلون لنا ١٧ يوم يومين للذهاب والعوده و١٥ ايام الرحله بونتشاك ٥ ايام، باندونق ٣ ، بالي ٥ ايام ، جاكرتا يومين ٢ من السعودية ال قطر ومنها الى جاكرتا ثم منها الى بونتشاك بالسياره من بونتشاك الى باندونق بالسياره ٣ ساعات ومن باندونق لبالي بالطيران الداخلي ساعتتين من بالي الى جاكرتا بالطائره ساعه ونصف تقريباً |
هذا جدول مقترح واذا فيها ملاحظات نعدل عليه بونشاك طبعا التنقل في الجبل او بونشاك بسيارة خاصة واسعارهم حوالي 500 الف ربيه تزيد وتنقص قليلاً حسب الموسم اليوم الاول : حديقة تامان سفاري يوم كامل ولا يفوتك عرض الكابوي اليوم الثاني : مزارع الشاي ومسجد التعاون ومطل البرشوت وبحيرة الألوان ومصنع الشاي وحديقة الزهور واذا عندك وقت روح مزرعة الفرولة اليوم الثالث: حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة و الشلالات السبعة (شلمبير) منطقة جميلة جداً وسهل الوصول لها فيها جلسات حلوه اليوم الرابع: تروح منطقة قريبة من الجبل اسمها بوقور اليوم الخامس : مغادرة الى باندونج بالسيارة 3 ساعات من بونشاك المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها الفنادق فندق بنسيونا علم فندق راااااائع جدا ممكن تحجزه من بوكنق فندق سيروني 3 جيد بس عيبه انه ما له حجز من النت لكن اذا ما قدرت تحجزه ارسلي فيه مكتب يحجزه لك بس يأخذ فرق سعر اما الفلل فيصعب حجزها بدون رايتها لأنها بعضها غير نظيف وبعضها متهالك وبعضها موقعها سيئ لذلك لازم تشوفيها بعينك قبل حجزها باندونج يوم الوصول : كان جزء منه في الطريق الجزء المتبقي منه تسوق اليوم الاول: زيارة موقع البركان ومزارع الشاي وفيه مزارع فروله اذا ما زرتها في بونشاك ممكن تزورها في باندونج وفي المساء التسوق في شارع الجنز اليوم الثاني : منطقة منتزه تمان جواندا و الكهوف اليابانيه والهولندية و شلالات ماربيا واذا بقى عندك وقت زور العاب وملاهي ترانس استديو باندونق trans studio bandung اليوم الثالت : مغادرة الى بالي بالطائرة المطاعم يوجد مطعم عربي اسمه قهوة لابأس به مطعم D'Seuhah Da Lada هذا المطعم تتغدوا فيه بعد زيارة البركان قريب من تلك المنطقة اما من البلد بعيد المطعم راااااااائع جدا لا يوفتك العنوان Jalan Raya Lembang, Bandung, Bandung Barat, Jawa Barat 40391 الفنادق متوفرة في باندونج بكثرة وعلى حسب ميزانيتك اختار بالي يوم الوصول : اذا كان وقت وصولك مبكراً قبل العصر بعد تسجيل الدخول في الفندق تروح شاطئ الغروب (شاطئ جيمباران) وهناك توجد مطاعم بحرية على امتداد الشاطئ لا تفوتها اليوم الاول : رحلة التجديف (الرفتنج) ومعها في نفس الاتجاه مزارع القهوة جداً رائعة (اذا ما يمكنك الذهاب للرفتنج استبدلها برحلة دبابات الدفع الرباعي رائعة جداً مع مزارع القهوة) اليوم الثاني : بحيرة براتان الطريق لها سياحة في ح ذاتها يمكن ايجار لنش في البحيرة كذلك زيارة مزرعة الفراولة في الطريق كذلك يوجد شلال في نفس الاتجاه اسمة جت جت ويمكن زيارة قرية jatiluwih اليوم الثالث : غواصة بالي وحديقة الطيور كذلك يمكن زيارة حديقة القرود اليوم الرابع :العاب بحيرة على شاطئ نوسا دوا ويمكن زيارة الحديقة المائية ووتر بوم في كوتا اليوم الخامس : مغادرة الى جاكرتا بالطائرة الفنادق متوفرة بكثرة وعلى حسب ميزانيتك ويفضل السكن في منطقة سيميناك او كوتا واذا كنت تبحث عن المنتجعات الفخمة عندك منطقة نوسا دوا المطاعم توجد مطاعم عربية في بالي مثل مطعم شيشة و مطعم الخيمة وغيرها التنقلات في بالي توجد تاكسي وتوجد سيارة خاصة ويفضل السيارات الخاصة باليومية اسعارهم حدود 400 الف ربية ويوجد مكاتب كثيرة تؤجر السيارات مع السائق جاكرتا يوم الوصول : بقية اليوم تقضية تسوق اليوم الاول : زيارة منطقة انشول ويوجد بها الكثير من الفعليات تلفريك وعالم تحت الماء واشياء اخرى كذلك يوجد بها مطعم شهير جداً مطعم بندر جاكرتا اليوم الثاني: تسوق ويمكن زيارة برج موناس والحديقة المجاورة له او زيارة تامان مني الاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري , سنتر بارك) كذلك توجد اسواق رخيصة مثل منقادوا و شباكاماسا وغيرها كثير الموصلات في جاكرتا التاكسي متوفر في كل مكان التسعيرة بالعداد اي سؤال فريق المسافرون العرب في خدمتك اتمنى لك سفرة سعيدة |
شكرا على الرد اخوي alradadi ياليت ترشحون لي الاسواق الرخيصه ذات الجوده الجيده وابغا اعرف كم ممكن تكون الصرفيه اليوميه في المدن المذكوره من اكل ورسوم دخول وسواقين وياليت ترشحون لي فنادق من هاذي باندونج Hotel aryaduta bandung Prama grand preanger bandung The papandayan The trans luxury hotel bandung بالي Suite villa loft at kuta D&g villas nusa dua Sofitel bali nusa dua beach resort Citadines kuta beach bali Alaya resort bali جاكرتا Fraser residence menteng jakarta The grove suites Ascott kuningan jakarta ايش ترشحو الافضل بين هذي الفنادق علماً انو حابين نسكن في مكانين في بالي يعني ودي نسكن يومين في نوسا دوا وثلاثه في كوتا او العكس حسب رأيكم !! بونشاك للان مو عارفين ايش الفنادق الكويسه ودنا نسكن يومين فندق وثلاثه فيلا ايش رايكم ؟ وايش ترشحون فنادق لهناك قرأت عن سيروني ٣ بس انو ما لقيته في بوكينج واحنا اول محطه لنا بونشاك يعني لازم نحجز من هنا سؤال اخير : اذا وصلنا اندونيسيا الليل ع الساعه ١٠ جاكرتا واحنا نبغا الجبل ننتظر للصبح ولا عادي نروح على طول ؟ شكرا لكم مقدما ً |
اقتباس:
اتمنى لك التوفيق |
| الساعة الآن 12:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO