|
مجمع كوتا بونقا .. اندونيسيا ( الجبل بونشاك) السلام عليكم ورحمه الله وبركاته احببت ان اشارككم في هذا المنتدى عن هذا المجمع انا اول مره اسافر الى ارض الجمال اندونيسيا وبصراحه شي خيالي ولي عوده لها بحول الله واحببت ان اقول لكم رايي بشان مجمع كوتا بونقا (( احنا سافرنا 3 شباب وكنا متفقين مع السواق يحجز لنا فله في الجبل ولاكن للاسف لم يستطع حجز فله المهم وصلنا جاكرتا يوم الجمعه 6 مايو 2016 الساعه 3 العصر وتوجهنا الى الجبل مباشره ووصلنا الجبل في الليل بعد العشاء لزحمه الطريق في جاكرتا توجهنا بعد وصولنا للجبل بمشوره السواق الى مجمع كوتا بونقا :28: وشفنا لنا فيلا وبما اني امير الرحله رفضت السكن فيه لان السفاره محذره منه فكنت ابي فندق فاجبروني الشباب اللي معي وقالو انهم مرهقين ومافيهم حيل يطلعون فتوكلنا على الله واخذنا الفيلا نزلنا الاغراض وقفلنا الباب لاني كنت متخوف من المجمع جلسنا شوي وبعدها كل واحد اتجه لغرفته لنوم انا كانت معي كامرا كانون خليتها في الصاله على الطاوله ورحت انام ( موقع الطاوله قريب من الشباك) وخليت جوالي بشاحن في الصاله المهم صحيت اليوم الثاني قمت اخذت جوالي وجلست ممكن نص ساعه وقلت بصور بالكامرا فتفاجاءت بعدم وجود الكامرا بحثت عنها في كل مكان ولم اجدها قلت مستحيل انسرقت لان الباب مقفل والجوال يالصاله في الشحن شلون تنسرق والجوال ما انسرق وباقي الاغراض موجوده ..؟ طلع ابن الحررام مسوي ثقب في النافذه بسيط يخليه يفتح النافذه من برا ويسحب الكامرا لان النوافذ حق الشقه فيها شبك ما يقدر يخليه يدخل واخذ الكامرا وراح وزقت اخلاقي ذاك اليوم :29: فحبيت انصح كل من اراد السكن في كوتا بونقا عدم وضع اغراضه في الصاله او على الطاوله لاني شاك في الحارس حق الفيلا واسف طولت عليكم بس حبيت افيدكم وشكرا ..؟ |
في السنوات الاخيره كثرت الشكاوى من المجمع وخصوصاً السرقه |
وعليكم السلام ورحمه الله وبركاته معوض خير ووشكرا للتنبيه |
عليكم السلام ورحمة الله وبركاته ارتفع ظغطي صراحه ودي اقول ليه مابلغتو الشرطه والسفاره بس في الاخير ماراح تطلعون بفايده الاندنوسيين بينهم تعاون جبار قلوبهم على بعض مستحيل يطلعون الحرامي حتى لو هم متضايقين منه وتنبيهك مهم للغايه بيض الله وجهك الله يعوض عليك عسى أن تكرهو شئ وهو خير لكم وفدى الكامره عسى ماتعكر مزاجكم بتطلع ع اخوياك اكثر من بيع السوق شكلك فصلت عليهم:32::32::32: |
أقترح الأخوان في المنتدى يضعون هذا المجمع في القائمة السوداء.. |
معوض خير بس بالفعل كثير بشرق اسيا يقولو تنفقد اغراضهم في فنادقها فالمفروض الحرص على الاغراض |
معوض خير ان شاء الله في الكاميرا ولا فيك :5: |
الله يسعدكم جميعا ... ابشركم هي زقت اخلاقي شوي بس وبعدها نسيت موضوعها لاني جيت عشان اغير جو .. بس بجد مجمع خايس بما تعنيه الكلمه على الرغم من جود حراسات امنيه عند دخولك للمجمع بس مثل ما قال احد الاخوان يجب وضعه في القائمه السوداء والتحذير منه ربي يوفق الجميع لما فيه الخير ..؟ :56: |
الله يعطيك العافيه على التنبيه انت لو كلفت نفسك شوي ودخلت النت قريت عن هالمجمع راح تلاقي ان اغلب الناس يحذرون من هذا المجمع من اكثر من 5 سنين هذا المجمع في بداياته كان ممتاز وكانت الناس تبعد عن زحمة الجبل والازعاج وتتوجه له لهدوءه وجماله .. ولكن بعد ماصار معروف وصار يزدحم بالسياح اصبحت تدار فيه عصابات للنهب والسرقه والتهديد والمشكله العظمى بمساعدة حراس الامن للمجمع وتعقيباً على رد اخوي وجدي المجمع في نظر السياح ونظر من يعرف اندونيسيا من زمان في القائمة السوداء :42: |
عليكم السلام الله يعوضك خير اخوي احمد في ما فقدت والله يجزاك خير على التنبية الحقيقة مجمع كوتا بنقا مشهور جداً بالسرقات ولا كاد تخفى على احد والكثير يحذر منه لكن استغرب من انه لازم بعض الاخوة يذهب ويستاجر فيه . بشكل عام انا احذر من ترك الاغراض الشخصية المهمه في الفلل في الجبل سواً كوتا بنقا او غيره اي شي مهم خذه معاك |
اقتباس:
أسعد الله صباحك يامشرفنا سارقينه والرجال موجود في فلته:32: معناه مثل ماقال الاستاذ علي الحربي حاميها حراميها |
معوض خير يالغالي .... فعلاً المجمع ( سيء السمعة ) ويتم التحذير منه دائماً ... الحمد لله على كل حال .. |
معوض خير أن شاء الله انا زرته مرة واحدة وكانت الامور بخير وهكذا امور وارد حدوثها |
اهم شي السلامه والكاميره تتعوض كثر التحذير من هذا المجمع |
الله يكفينا شرهم ،، طيب انا ناوي اروح لحالي ..!! وش رايكم عطوني اقتراح،، :20: وابي اسكن في جزيرة بالي،، وش الاماكن الممتازة ،، الموضوع صار يخوووووف |
الله المستعان كثرة الشكاوي من اندونيسيا عموما الحمدالله على السلامة ياسيدي |
الحمد لله على السلامة اخوي احمد ترددت كثيراً في المشاركة بهذا الموضوع لحساسيته ولكن معروف عن منتدنا نقل الواقع والحقيقة عندي عدة نقاط باعرضها لكل من يقرأ هذا الموضوع والحكم لهم 1- تحذير السفارة قديم واللي يروجون له هم سمسارة الفلل الخاصة لان مجمع كوتا بونقا اخذ كثير من زباينهم 2- المجمع يحتوي على اكثر من الف فيلا واللي يصير فيه يصير في الفلل الخاصة 3- نحن لا ننصح بكوتا بونقا الا في وقت الزحمة واذا ما حصلت فيلا خاصة مناسبة 4- اغراضك انتبه عليها سواء في كوتا بونقا او اي مجمع ثاني او فيلا خاصة 5- البعض من اللي صارت لهم حوادث مشابهة من سرقات واعتداء وانا اطلعت عليها شخصياً كانت في الغالب بسبب البنات او الشراب او ادخال كل من هب ودب الفيلا 6- لو كان الشخص حريص على اغراضه ما صار له شيء لا في كوتا ولا في غيرها 7- لو السفارة مهتمة بالسائح السعودي كان لقت له حل لابتزاز اللي حاصل في المطار عن الوصول ارجع واكرر انا لست مدافع عن كوتا بونقا ولا احب السكن فيها ولكن المضطر اللي ما حصل سكن يتوجه لها وينتبه على اغراضه والله خيرٌ حافظا الحمد لله على سلامتكم اخوي احمد وعساها خاتمة الاحزان |
الله يعوضك بخير وبصراحة اشوف الاشاعات تكثر على بعض المجمعات ويمكن هذي تسويقية من بعض المكاتب نعم بعض المجمعات فيها حالات شاذة مثل السرقات لكن لايجب ان نعممه على جميع المجمعات سمعت عن السحر في اندنوسيا الشي الكثير ولاعمري شفت هذي الحاجات |
يا أخي العزيز معوض خير .. وأهم شيئ أنك نسيت موضوع الكاميرا عشان ما تعكّر مزاجك وتخرّب عليك سفرتك وكما قال أخي طارق .. الحذر ثم الحذر من هذا المجمع وغيره من الفلل الخاصة |
عليكم السلام ورحمة الله وبركاته الله يعوضك خير في الكاميرا ان اشاء الله دفعت عنك الشر اما بالنسبة للمجمع انا سكنت فيه اكثر من مره لكني حريص جدا على اغراضي ولا كنت اعلم ان المجمع غير آمن ولكن بما ان نومي خفيف جدا وهذا يتعبني في السفر لكن عندما كنت اصحى بنص الليل اكثر من مره اجد شخص او شخصين حول الفله فكنت انتبه |
[QUOTE=طارق;239517][CENTER][COLOR="SeaGreen"][B]الحمد لله على السلامة اخوي احمد ترددت كثيراً في المشاركة بهذا الموضوع لحساسيته ولكن معروف عن منتدنا نقل الواقع والحقيقة عندي عدة نقاط باعرضها لكل من يقرأ هذا الموضوع والحكم لهم 1- تحذير السفارة قديم واللي يروجون له هم سمسارة الفلل الخاصة لان مجمع كوتا بونقا اخذ كثير من زباينهم 2- المجمع يحتوي على اكثر من الف فيلا واللي يصير فيه يصير في الفلل الخاصة 3- نحن لا ننصح بكوتا بونقا الا في وقت الزحمة واذا ما حصلت فيلا خاصة مناسبة 4- اغراضك انتبه عليها سواء في كوتا بونقا او اي مجمع ثاني او فيلا خاصة 5- البعض من اللي صارت لهم حوادث مشابهة من سرقات واعتداء وانا اطلعت عليها شخصياً كانت في الغالب بسبب البنات او الشراب او ادخال كل من هب ودب الفيلا 6- لو كان الشخص حريص على اغراضه ما صار له شيء لا في كوتا ولا في غيرها 7- لو السفارة مهتمة بالسائح السعودي كان لقت له حل لابتزاز اللي حاصل في المطار عن الوصول ارجع واكرر انا لست مدافع عن كوتا بونقا ولا احب السكن فيها ولكن المضطر اللي ما حصل سكن يتوجه لها وينتبه على اغراضه والله خيرٌ حافظا الحمد لله على سلامتكم اخوي احمد وعساها خاتمة الاحزان احسنت اخي طارق شكراً لك |
سكنت أسبوع سبتمبر والحمدالله ماصار شي أحنا مستأجرين فلل الجزيرة واهم نقطة أغراضك المهمة بغرفتك الخاصة عشان ضعاف النفوس والله يعوضك خير أرسلت بواسطة iPad بإستخدام Tapatalk |
شكراً لتحديثك اذا الواحد منتبه و حاط باله لهم ما يتجرأون على السرقة |
الله يعوضك خير بس اعتقد لو الواحد فينا يبلغ السلطات وكذا اقلها لو ما سوو شي بس الحرميه يوصلهم خبر ويخافون شوي تحياتي |
| الساعة الآن 12:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO