|
شهر العسل في اندونيسيا السلام عليكم يالربع طبعا هذي اول مشاركة لي في هالمنتدى الطيب مثل ماهو واضح في العنوان أنا ان شاءالله نويت اسافر مع زوجتي لقضاء شهر العسل في اندونيسيا في شهر 5 ان شاءالله اول شي بغيت اعرفه هو كيف الجو شهر 5 ؟؟ السفر بيكون تاريخ 3-5 والرجعة 14-5 بغيت أزور بونشاك وباندونق وبالي وجاكرتا فقط ايام السفر وهذي اول مره اسافر لإندونيسيا فياليت توزيع الأيام مع جدول الأماكن اللي ممكن أزورها والفنادق والطيران ايهم أفضل علما باني من دولة الإمارات الحبيبه وجزاكم الله خير وكم بتكون التكلفة الإجمالية تقريبا لهذي الأيام؟! وهل تنصحوني احجز كل شي بروحي ولا من مكتب حجوزات والتنسيق هذي اول مره لي أتمنى ماتبخلون على اخوكم |
رد: شهر العسل في اندونيسيا وعليكم السلام ورحمة الله وبركاته الف مبروك الزواج وربي يجمع بينكم بخير شهر خمسة الامطار تقل فيه ودرجة الحرارة ثابتة ومعتدلة طوال العالم والله اعلم سفرك بيكون يوم ٣ والوصول يوم ٤ اذا لم اكن غلطان والعودة يوم ١٤ مجموع الايام ١٠ ايام وهي ما تكفي لزيارة الاماكن اللي انت ذكرتها لو تزيد المدة الى ١٤ يوم او تحذف احد المدن من الزيارة مثل باندونق التكلفة الاجمالية يحددها عدد الايام ومستوى السكن وبالعادة تكون بين ٨٠٠ الى ١٢٠٠ ريال لليوم شاملة لكل شيء من سكن واكل وشرب وسائق خاص ودخول الاماكن السياحية وممكن في بعض الايام تصرف اقل ... من الامارات خيارات الطيران كثيرة اختر منها الطيران المباشر لجاكرتا بدون ترانزيت الافضل انك تحجز كل شبء عن طريق الانترنت وتريح راسك الفنادق عندك موقع بوكنق او اقودا الطيران الداخلي عن طريق طيران اير اسيا او الجارودا واي استفسارات الجميع يسعده خدمتك |
رد: شهر العسل في اندونيسيا مشكور ياخوي طارق خلاص ان شاءالله بحذف منطقه بإندونق من الرحلة ممكن ترتبلي الجدول حق باقي المناطق توزيع الأيام كيف بيكون!؟ وشو الفنادق المرشحة لكل منطقة وبخصوص السواقين هناك حد عنده رقم سواق أمين ويعرف عربي!؟ |
رد: شهر العسل في اندونيسيا الاماكن السياحية ما يحتاج لها حجز من الان لما توصل بالسلامة تختار المناسب لك من هناك بخصوص الالعاب البحرية والنشاطات في جزيرة بالي احجزها من المكاتب المنتشرة في كوتا وكاسرهم بالسعر التوزيع كالتالي جاكرتا يوم للراحة من تاريخ ٤ الى ٥ الجبل ٤ ايام من تاريخ ٥ الى ٩ التوجه من الجبل الى جاكرتا للذهاب الى جزيرة بالي ويفضل تحجز على الرحلات الصباحية بالي ٤ ايام من تاريخ ٩ الى ١٣ جاكرتا يوم من تا يخ ١٣ الى ١٤ الفنادق جاكرتا فندق بلومان او فندق جروف الجبل فندق سيروني او فندق هاريس الجديد ( للأسف الاثنين ليس لهم حجز عن طريق الانترنت ) ولكن تقدر تخلي سواق من اهل الجبل يحجزها لك وتحول له الفلوس او تحجز انت اول ما توصل جاكرتا من مكتب كاها بالي فندق بنتانق الاقتصادي وهذا تقرير عنه http://www.arabtrvl.com/vb/t2056.html واذا حبيت تسكن في فلل عندك فلل بلي بلي Booking.com: ظپظٹظ„ط§طھ ظˆط³ط¨ط§ ط°ظ‡ ط¨ظ„ظٹ ط¨ظ„ظٹ - ط³ظ…ظٹظ†ظٹط§ظƒ, ط§ظ†ط¯ظˆظ†ظٹط³ظٹط§ |
رد: شهر العسل في اندونيسيا وبخصوص الطيران أفكر نحجز على طيران القطريه شو رأيكم فيه؟! |
رد: شهر العسل في اندونيسيا مشكور ياخوي طارق ان شاءالله بعتمد هالتوزيع بس بخصوص السواق لو خليته يحجزلي كيف!؟ من وين اجيب السائق هل تعرف احد منهم مضمون!؟ واحتاج طيران داخلي بعد ولا؟ والسموحه بغثك ب أسئلتي :(158): |
رد: شهر العسل في اندونيسيا طيران القطرية ممتاز بس لو تدور على الاماراتية او الاتحاد افضل لان ما فيه ترانزيت وبيكون السفر مباشرة طيران داخلي بتحتاجمن جاكرتا الى بالي والعكس هذا سواق من الجبل كلمه وشف وش عنده والثقة بالله اولاً واخيراً ولا تحول له شيء ... يوسف 006281911742888 |
رد: شهر العسل في اندونيسيا وعليكم السلام ورحمة الله وبركاته اخوي طارق ماقصر وبيض الله وجهه وانا ايضا افضل انك تحجز على الخطوط الاماراتيه او خطوط الاتحاد واضيف على اخوي طارق اذا ميزانيتك حلوه تخلي الذهاب إلى جاكرتا والعوده من بالي مباشرة يعني مايحتاج ترجع لبالي ويكون الترتيب كالتالي الوصول جاكرتا يوم الجبل اربع ايام بالي خمسة ايام وبكذا بتختصر عليك الوقت |
رد: شهر العسل في اندونيسيا مشكور اخوي طارق على المعلومات واخوي سلطان حلوه فكرتك ان شاءالله بسويهاا ليش لا ممكن تخبروني شو الاماكن اللي تنصحوني ازورها في منطقة الجبل وبالي؟؟! وبغيت ترشحون لي في بالي منتجعات فيها مسبح خاص وخصوصيه لو سمحتوا |
رد: شهر العسل في اندونيسيا ما عندي إضافه ما قصروا الأخوان بارك الله فيهم مبدعين :(153): لكن حبيت أبارك لك .. بارك الله لكما و بارك عليكما و جمع بينكما في خير أتمنى لك شهر عسل أحلى من العسل .. و عودة حميده :(114): :(95): |
رد: شهر العسل في اندونيسيا اللهم اميين يارب العالمين جزاك الله خيرر اخوي محمد |
رد: شهر العسل في اندونيسيا اخواني عطوني اسامي فنادق في جاكرتا قريبه من المطار؟! بغيتها لاول يوم الووصول واخر يوم قبل الرجوع للبلاد |
رد: شهر العسل في اندونيسيا اخوي ذكرت لك اسم فيلا في بالي اسمها بلي بلي فندق قريب من المطار عندك fm7 قريب من المطار |
رد: شهر العسل في اندونيسيا مشكوور اخوي طارق |
رد: شهر العسل في اندونيسيا اخوي بدوي راقي اذا بتروح من جاكرتا إلى الجبل الافضل انك تسكن في فندق قريب من طريق الجبل اما اذا بتروح من جاكرتا الى بالي اسكن قريب من المطار بالنسبه لأماكن الزياره والتمشيات في الجبل عندك حديقة الحيوان سفاري وحديقة الزهور وبحيرة فينيسا في كوتا بونقا ومزارع الشاي وحديقة الزهور وحديقة شيبوداس وشلالها والشلالات السبعه وايضا بحيرة الليدو بس بعيده عن الجبل تقريبا ساعه ونص طريق وحديقة متهاري يوجد بها مغامرة التجديف بالقوارب بس الافضل اذا بتروح بالي تخليها هناك لانها افضل |
رد: شهر العسل في اندونيسيا مشكوور اخوي سلطان بس بغيت اسال الحين انا قررت اروح من جاكرتا لبونشاك - بالي-جاكرتا بغيت اعرف كيف طريقة الوصول لبونشاك؟! عن طريق سياره ولا طيران داخلي؟ وهل لازم بعد ما اخلص من بونشاك ارجع لجاكرتا عشان اسافر بالي ولا كيف؟؟ ياليت توضحون لي لاني تخلببطت ><" وهذا خط السير بيكون جاكرتا-بونشاك-بالي-جاكرتا ومشكوورين |
رد: شهر العسل في اندونيسيا طريقة المواصلات كالتالي من جاكرتا الى بونشاك بالسيارة والمدة تقريباً ساعة ونصف الى ساعتين بدون زحمة واذا بغيت تروح الى بالي لازم ترجع الى جاكرتا بالسيارة ومنها بالطيارة الى بالي والمدة ساعة ونصف العودة من بالي الى جاكرتا بالطيارة |
رد: شهر العسل في اندونيسيا مشكور اخوي طارق على معلوماتك ومساعدتك لي تشوف خط السير الرحله كذا تماام ولا ؟! وبغيت اعرف كم تكلفة السواق اليوممي؟؟ تقريبا بالريال او الدرهم الاماراتي؟ وهل في فنادق غير سيروني 3 في بونشاك اقدر احجزها من بوكينج؟ |
رد: شهر العسل في اندونيسيا هذا افضل خط سير لكم ... السائق بالجبل بين ٤٠٠ و ٥٠٠ الف روبية = ١٣٠ الى ١٦٠ ريال من مطار جاكرتا الى الجبل بين ٥٠٠ و ٦٠٠ الف روبية = ١٦٠ الى ١٨٠ ريال في جزيرة بالي السائق بين ٣٠٠ و ٤٠٠ الف روبية = ١٠٠ الى ١٣٠ ريال في بونشاك فندق سيروني فندق قراند هيل والفندق الجديد فندق هاريس وللأسف كلها لا يمكن حجزها عن طريق الانترنت وهي افضل فنادق الجبل على الاطلاق |
رد: شهر العسل في اندونيسيا مشكور اخوي طارق على متابعتك وسرعة اجابتك على تساؤلاتي طيب يوم أوصل جاكرتا وين اقدر احجز الفنادق لبونشاك؟ هل في مكتب في المطار اقدر احجز منه ولا؟ وسؤال اخر كم تكلفة الطيران الداخلي من جاكرتا لبالي للشخص؟ |
رد: شهر العسل في اندونيسيا تكلفة الشخص الواحد من جاكرتا الى بالي بحدود ٤٠٠ ريال على طيران اير اسيا في المطار عندك مكتب اسمه كاها بتحصل هالفنادق فيه او انك تتواصل مع السواق وتسأله عن الحجز في هالفنادق وشف وش يقول لك لانه لو ما عندهم زحمة يقدر تحجز من الرسبشن على طول |
رد: شهر العسل في اندونيسيا جزاك الله خير اخوي طارق |
رد: شهر العسل في اندونيسيا لو سمحت اخوي طارق تكلفة الطيران من جاكرتا الى بالي روحه ورجعه ب 400 ولا ؟! |
رد: شهر العسل في اندونيسيا مبروك الزواج بارك الله لكما و بارك عليكما و جمع بينكما في خير وسفرة عسل جميلة وسعيدة |
رد: شهر العسل في اندونيسيا نعم تكلفة الطيران للشخص الواحد بحدود ٤٠٠ ريال ذهاب وعودة لا تنسى تشتري كيلوات زيادة عند الحجز لان الطيران ما يعطيك الا ١٥ كيلو مجاني |
رد: شهر العسل في اندونيسيا كيف يعني كيلوات زياده!؟ مافهمت اخوي وضح لي اكثرر وحق اي طيران تقصد اير اسيا ولا |
رد: شهر العسل في اندونيسيا نعم طيران اير اسيا Lowest Fare, Best Low Cost Airline - AirAsia الكيلوات الزيادة اقصد بها انك تدفع فلوس عند الحجز لوزنك الزايد من الشنط يعني انت بتشيل شنط وزنها ٣٥ كيلو والطيران معطيك ١٥ كيلو مجاناً يعني الزايد ٢٠ كيلو تقدر تدفع قيمتها عند الحجز ارخص لك من الدفع في المطار |
| الساعة الآن 12:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO