|
رحلتي الى بلاد العمة بتاريخ 2016 سبتمبر (يوم العيد) السلام عليكم ورحمه الله وبركاته يسعدلي مساكم اليوم راح انزل بكم رحلتي ف اندونيسيا بتاريخ 11 سبتمبر اي قبل شهرين من المفترض اني انزل لكم تقريري بعد العوده مباشره لكن الظروف والحمدلله المهم والأهم: قررنا انا واخي وصديق لنا ان نسافر ل اندونيسيا بلاد العمة قررنا نروح المكتب نحجز وفجأة لقينا عروض على الطيران القطريه ب 1600من جده > الدوحة ترانزيت ساعة ثم الإقلاع ل جاكرتا ف توكلنا على الله وحجزنا وقعدنا شهر منتظرين الرحلة على احر من الجمر الين جاء يوم العيد / اي عيد الأضحى المبارك وقتها الناس يصلو عيد واحنا ف الطائره متجهين ل قطر ووقتها اذكر موقف طريق بيننا الثلاثة عيدنا على بعض في الطائره 😂 المهم وصلنا اول يوم لجاكرتا مطار سوكاهاتا الدولي طبعا وبدات اللعبة مجرد م يشوفون جواز اخضرعلطول م تمشي الا ب بخشيش. المهم اعملو مثلنا عشان م يأخذون عليكم بخشيش وخذو التالي اطبع الفنادق اللي حجزتها في بوكنيق ووريهم وكذا علطول بتمشي وماراح يعطلونك صراحة شفت عوائل سعوديين حالتهم حالة المهم وصلنا اول يوم من المطار جانا السواق واسمه (ديدي) اخذنا من جاكرتا علطول ل بونشاك قعدنا ساعة ونص هذا الكلام الساعة ال2 فجرا ونوصل بونشاك 4 طبعا ديدي عنده مجمع فلل واستأجرنل وحدة ونمنل من 5 ل 9 ونقوم نتروش ونفطر وتمشيات اليوم الاول عالم سفاري ، اليوم الثاني الشلالات السبعة ، اليوم الثالث حديقة الزهور ومزارع الشاي، ام اليوم الرابع والأخير قضيناه في مطعم الجزيره تعسيل وكذا. جاء الان وقت الذهاب ل جزيره (بالي) طبعا احنا حجزنا من السعوديه اضمن لنا وذهبنا ل بالي الجميله قعدنا فيها 5 ايام ويازينها من خمس ايام المهم اول م وصلنا المطار كان ف استقبالنا سواقنا اسمه عبدالملك وهو مسلم الديانة وفنان وعسل وعنده في سيارته يو اس بي اغاني خليجيه وعربيه😍😂 المهم اول يوم نمنا ثاني يوم الصبح طلعنا على المدينة المائية انصحكم ب زيارتها الدخول كان ب 200 الف للواحد وتلعب بلاش اي لعبه ف بالك وكل مره وهناك الأجواء وش ل احكيلك ❤💜 ثالث يوم الألعاب البحرية البراشوت والدبابات والبانانه وكانت كذا مدهشة طبعا تختار الألعاب اللي بتلعبها عند المحاسبة اسمها نوره مره حبوبه احنا كل واحد لعب ثلاث ألعاب ب 900.000 اي كل واحد 300،00 المهم خلصنا منها ورجعنا الفندق ونمنا م صحينا الا الصبح من الإرهاق المهم صحينا اليوم الرابع ورحنا الشواطئ حقتهم في كان شاطئ مرررره كبير نسيت اسمه والله بس اول مره عيوني تشوف مثله صراحة استمتعنا وانبسطنا اخر يوم الا هو الخامس قعدنا نتمشى ب الاسواق ونأخذ أغراض وكذا الين جات رحلتنا ورجعنا لجاكرتا علما ب ان الرحلة حق بالي كل مره تتأجل مدري ليش؟، المهم وصلنا جاكرتا وباقي ق رصيدنا يومين فقط جعلناها للتسوق لان لايوجد شي يذكر ف جاكرتا غير الاسواق المهم ذهبنا الى سوق مانغا دوا وهو سوق مشهور عندهم وفي ماركات درجات أولى ب أسعار مره رخيصة يمكن انا قضيت لوحدي ب 500 سعودي إحسبوها عاد 😂 رجعنا ورتبنا شنطتنا المغرب لان رحلتنا 9 الصبح ف نمنا لين 4 الفجر وصحيتا استعدينا ورحنا المطار ورجعنا ديارنا بعد رحله جميله جدا جدا ً كان مدتها 11 يوم نقاط مهمة : 1- الصرف اذا بتصرف اصرف من بافقيه من الجبل بجوار البقاله السعودية 2- لا تصرف المبلغ اللي معك كامل قسمه على ايام مثلا انا: رحت معاي ب 5000 قسمتها ع 11 يوم رجعت السعوديه ومعايً 500 ريال هذا للي مثلي ماراح للبنات والاشياء المحرمة الحمدلله 3- في بونشاك الفلل حلوة منها كوتا بونقا / اما في بالي الفنادق انصحكم ب فندق سويس بلهوتيل 4-لا تنسى الجواز والمال ف الفلة او الفندق حرصا لك مثلا انا كل م اروح مكان الشنطه ف رقبتي معلقة |
وعليكم السلام ياهلا و مرحبا بداية حلوة و نقاط مهمة ذكرتها بالاخير صحيح كلامك كل واحد يطبع حجز الفندق و يأخذه معه للجوازات السكن في اندونيسيا كلها ما راح تواجه مشكلة فيه الغالي و فيه الرخيص طريقتك حلوة في الصرف ولابد الواحد يرتب طريقته في الصرف عشان ما يصرف اكثر من اللازم |
وعليكم السلام ورجمة الله وبركاته,,, الحمدلله على سلامتكم وتقريرك جميل ومختصر ، ياليت تدعم التقرير بصور إن وُجِد. |
الحمدلله ع السلامه ياليتك ذكرت الاسعار ببونشاك :e32f: كم تذاكر سفاري وللاطفال حدود كم والسواق ياخذوا عليه تذاكر دخول |
حبيبي عبادي تبشر راح انزل الصور ان شالله بعد ساعتين من الان �� |
اقتباس:
|
وعليكم السلام ورحمه الله وبركاته تسلم ياليت السكن في بالي كيف مستواه السائق كم أخذ عليك |
عليكم السلام ما شاء الله رحلة موفقه وطرح جميل بس يبقى عليك الصور وان شاء الله تكرر الزيارة لسه ما شفت شي في اندونيسيا تحتاج عدة رحلات حتى ترى الوجه الجميل في لندونيسيا جاكرتا مدينة بها كل شي وفيها اسواق ونشاطات سياحية كثيرة جداً لكن المشكلة في اندونيسيا ما فيه احترافية في التسويق السياحي لذلك نقول جاكرتا ما فيها شي لو انك خصصة رحلة فقط لجاكرتا ما راح تغطيها كلها اما فلل الجبل مثل ما تفضلت لا تترك اغراضك الثمينة فيها حتى لو مشوارك دقائق خصوصاً فلل كوتا بونقا والافضل الابتعاد عنها وعدم السكن بها لكثرة المشاكل هناك اتحفتنا بتقريرك الرائع ولك منا كل الشكر والتقدير |
اقتباس:
|
اقتباس:
في بالي بالنسبة للفندق اللي نزلنا فيه كان جدا جدا جميل وأنيق وممتلى ب الصينيين واليابانيون والأستراليون وجميع الجنسيات ام السائق في 5 ايام اخذ 700 |
اقتباس:
اقتباس:
بخصوص الصور والله بنزلها بس ماعرفت يطلب رابط الصوره ماعرفت اطلع رابط الصوره |
تقرير جميل اخي الكريم شوف هذا الرابط وان شاءالله راح يفيدك بخصوص الصور http://www.arabtrvl.com/vb/t10584.html اتمنى لك التوفيق |
[url=http://www.arabtrvl.com/up/uploads/arabtrvl1481004191381.jpeg][img]http |
السلام عليكم ورحمة الله وبركاته أخ موني الدعوى سهله على مأظن خش قسم كشكول الاعضاء والاداره بتسنعك كشكول الاعضاء http://www.arabtrvl.com/up/uploads/a...004191381.jpeg متمنياً لك حظ سعيد |
حط استفسار ببوابة الكاميرات وفيها مواضيع كثيرة عن رفع الصور على مركز التحميل http://www.arabtrvl.com/vb/t10362.html |
وعليكم السلام ورحمة الله وبركاته بداية موفقة ورائعة نقاط مهمة بنتظار دعم التقرير بالصور شكراً لك بحجم السماء |
ما شاء الله تبارك الله الف شكر اخي الحبيب على نقل تجربتك وتقرير مفيد لرحلة شبابيه ينقصه الصور الكثير يسأل عن التكلفه لرحله شبابيه ومن تقريرك يتضح ان التكلفه لشخص باليوم لرحله لبالي والجبل = 400 ريال معلومه مهمه :72: بارك الله فيك واتمنى لك رحله موفقه اخرى في احضان السندريلا دمت بخير |
يعطيك العافيه على النصائح وذكر تجربتك وبانتظار الصور |
| الساعة الآن 10:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO