|
خيار فيلا سيرونا علم السلام عليكم ماعليكم أمر أبي مساعدتكم أنا معي عائلة وأطفال وحاولت أحجز فلة وقع اختياري على فيلا في سيرونا علم لكن السؤال : هل هذه الفيلا أقدر أفعل اي شيء مثل الفلل الخارجية من طبخ وشوي وجلوس في الحديقة بخصوصية وتكون الخدمة تدخل معنا والا هي مثل نظام الفنادق المعقد ؟ واذا كانت لاتصلح فهل هناك فيلا حلوة تدلوني عليها بارك الله فيكم |
عليكم السلام لا اعرف فلل سيرونا لكن لعلك تقصد بسيونا علم في بونشاك هذي فلل تابعة للفندق بسيونا علم و هي جميلة ونظيفه وخيار ممتاز للعوائل لكن عيبها انه لا يوجد لها حديقة خاصة والحديقة الموجودة عامة لجميع سكان الفندق الخدامه اذا كانت معكم في وقت الدخول ما احد يتكلم نهائي اما اذا كانت لوحدها ممكن ما تدخل الفلل الخارجية لا تحجز وانت ما شفت الفله لا تغتر بالصور خصوصاً اذا كتت مسافر في غير وقت الموسم |
ما شاء الله يعطيك العافيه مشرفنا ,, و فعلاً صور الفلل كثير تخدع على سبيل المثال , سلسلة فلل في الجبل اعتقد تابعه لـ "كوتابونقا" كانت صورها رائعه و لكن عند الحجز لا مؤاخذه بعض السرر و الفرش غير صالحه للاستعمال ابداً و الجمال و الديكورات خارجيه فقط .. طبعاً هذا الكلام من تقريباً 4 سنوات ان شاء الله الوضع الان يكون افضل .. يعطيك العافيه عالرد . |
نعم بيسونا علم انقلب راسي الله يجزاك خير ياغالي انت انسان ماتقصر مع الجميع ماشاء الله عليك أسأل الله أن ييسر لك أمورك كلها انا قررت أسكن في الفندق يومين وبعدين أبحث عن فلة على ذوقي عندي خيارات فيلا يارا وفلا وافا بشوفها ان شاء الله لكن ابي رايك فيها اذا كنت تعرفها بالذات الموقع كذلك كيف مستوى الامان للعوايل في الفلل الخارجية شكرا لك |
الله يعطيك العافية وييسر امرك هذا واجبنا طال عمرك ولا نشكر عليه الفلل انصحك انك تشوفها بنفسك لا تستمع لنصائح احد مهما كان لان ما يعجبك ليس بالضرورة يعجب غيرك وبما انك مسافر في وقت غير الموسم اشوف انك تأجل موضوع الفلا لحين الوصول افضل لك الحمد الله الامان في اندونيسيا بشكل عام ممتاز ولا يوجد ما يدعوا للقلق لكن في الفلل الخارجية لا تترك اي شي ثمين او اجهزة الكترونية عند مغادرتك الفلا لازم تاخذها معك اما في الفنادق الوضع ممتاز خصوصاً 4 و 5 نجوم اي سؤال انا في خدمتك |
اقتباس:
هذا مايجعلني اتردد كثيرا في موضوع الفلل الله يزينها |
اقتباس:
جزاك الله خير ماتقصر ان شاءالله باختار الفلة على نظري |
اسعد الله صباجكم ومساكم يالردادي الرجال خلط سيروني مع بيسونا هههههههههههه يا أم عزيز كوتا بونقا ماتصلح للعوائل والي يسكن فيها غلطان ميزتها الوحيده انها السبب في عدم ارتفاع اسعار الفلل بأسعار خياليه < وجهة نظر ياساقي الورد هل هي زيارتك الاولى وكم المده الي بتقضيها في بونشاك برسل لك رساله ع الخاص فيها ارقام وتفاهم معهم وأمورك طيبه متى بتسافر وبكم شريت التذاكر وأي خطوط علمنا بعلومك الله يسعدكم في سفرتكم |
وصلت رسالت الخاصة الله يعطيك العافية نعم الرحلة الأولى لأندونيسا أول مرة أزورها وسمعت عنها كثير الرحلة حول 15 يوم تقريبا من 17 \1 الى 3\2 بالميلادي ما أحب التنقلات معي ثلاث أطفال ورايح أجلس في الجبل اغلب الوقت وممكن أزور الاماكن القريبة من الجبل الأن ابي مساعدتكم في جاكرتا بجلس آخر ستة أيام فيها تسوق وراحة أبي فندق سعره معقول وياليت ملاصق للمول الله ييسر أمورك ويسعدك |
اقتباس:
يعطيك العافيه على نصح المسافرين و ياليت الاقتراحات تكون عالعام عشان الكل يستفيد بالنسبه لـ السكن , اذا ما كان عن طريق المواقع الالكترونيه , طبيعي يكون عن طريق مكتب سياحي في نفس البلد - و هذا اللي صار معانا - المكتب هو اللي دلنا على فلل كوتا بونقا و على سيروني سيروني كان فندق رائع بكل المقاييس : موقع و طبيعه و امان و جمال و سعر ايضاً قد يوجد الان افضل , و لهذا السبب ارى ان النصائح عالعام مفيده للجميع . |
اقتباس:
الله يعافيك ا ست ايام في جاكرتا كثير ليه ماتقضيها في باندونق مثلاً تجلس بنشاك خمس ايام وبعدها باندوق ثلاث ايام قابله لزياده فيها مولات اسعارها رخيصه واسواق شعبيه على مستوى وبعدها ترجع لبنشاك جاكرتا يومين كثيره عليها اما الفنادق في جاكرتا لاتاخذ الاثلاث نجوم وماهو شرط خمس نجوم مابينها فرق دمت بخير |
اقتباس:
غريبه حجز فلل عن طريق مكتب بالعاده عن طريق السائق وحارس الفله يمكن عشان كوتا بونقا فللها كثيره أو لهم صله بأصحاب الفلل محد يبيها سيروني3 هو المضبوط وسيروني 1 و2 تمشي ماعليها بس مايقارن بسيروني 3 الله يعافيك كلامك صحيح وأنا متأسف وأعتذر ممنوع اضافه ارقام الا مرفق مع تقرير والي يخالف الردادي بينتف مشاركته وانا مؤيد للمنع دمت بخير |
الله يعطيك العافية يامنصور ما قصرت أنت وأم عزيز والرادادي تقريبا حجزت في فندق سمرغراند باندونق كم المسافة بينها وبين الجبل بالسيارة اختياري للجبل وجاكرتا لاني ما أحب اتنقل كثير وعددنا مثقلنا شوي |
المسافة بين الجبل وباندونق حوالي 110 كيلو لكن الطريق مزدوج وتحتاج تقريباً الى 3 ساعات لقطعة فندق سمر قراند في جاكرتا يوجد ما هو افضل منه انصحك تغيره |
اقتباس:
الله يعافيك يالامير والله الي بيفيدك الردادي ماشاء الله عليه سمعت بأن فيه فندق بنفس المول باندوق مازرتها والي اعرفه انها ساعتين بس الردادي يقول ثلاث ساعات مامن فرق تقول ماتبي تتنقل خارج بنشاك هذا وانت ماشفتها أجل لو تشوفها وش بتسوي أشهد انها ديره زرتها بالعائله جلسنا فيها 29 يوم ضاقت صدورنا في أخر اسبوع يوم قرب موعد رحلتنا تصفح في البوابه وبتصير راعي ديره لاتمل من السؤال كلن وده يفيد لو بمعلومه بسيطه لاتصرف العمله الا من كاها الي بالجبل وانتبه تصرف المبلغ كامل خل كل يوم بيومه حتى تعرف تتجكم بالميزانيه مضبوط دمت بود |
اقتباس:
اختياري لسمر قراند بسبب قربه من المولات لو تعطيني اسماء فنادق قريبة من المولات أو ملاصقة بس تكون أسعارها معقولة بالنسبة لباندونق الطريق منها للجبل فيه محطات وقوف ودورات مياه أكرمكم الله تعرف معك أطفال صغار يثقلون الحركة ويقيدونك نوعا ما الله يصلحهم |
اقتباس:
باقي اعرف الاسوق الرخيصة ماركات أو تقليد في الجبل وجاكرتا |
اقتباس:
المول الي في بقور منتوجاته اندنوسيه ممتازه جداً ملابس اكسسورات شنط جزم عزكم الله يمكن تلقى منتوجات مقلده زرت الفلبين لقيت المنتوجات الاندنوسيه غاليه يمكن عشر اضعاف المنتوجات الفلبينيه مع ان الشعب الفلبيني يحقر الاندونسيين واذا زرت باندوق لازم تزور شارع الجنز يمدحون سوقه بقور قريبه من بنشاك يمكن نص ساعه من الفله وإن شاء الله الخبراء يفيدونك اكثر |
اقتباس:
في جاكرتا التاكسي اسعارها زهيده والتعامل بالعداد انا اشوف انك تبحث عن فندق سعره يناسبك افضل من السكن قرب المول بسعر عالي كذلك توجد اسواق في مناطق شعبيه ممكن السكن فيها ما يناسبك عموما عطنا الميزانية راح ندور لك في حدوها وياليت تذكر تاريخ الاقامة في الفندق وعدد الاشخاص الاسواق في جاكرتا كثيرة مرة فيها الشعبي وفيها الوسط وفيها الفخم اطلع على هذا الموضوع راح تستفيد منه كثير خصوصاً المولات الفخمة http://www.arabtrvl.com/vb/t21648.html الطريق من بونشاك الى باندونق طريق مزدوج ولكنة جميل جداً راح تنسى نفسك فيه وراح يعدي والوقت وانت ما تدرى نعم توجد محطات |
اقتباس:
الجبل منطقة ريفيه والاسواق اللي فيها بسيطه وانا اشوف انك تستمع بالطبيعة في الجبل واجل التسوق الى باندونق وجاكرتا عموماً في سوق في الجبل اسمه براسكو جيد يستحق الزيارة الاسواق الشعبية في جاكرتا منقا دوا بسار بارو شيمباكا ماس بلوك ام وغيرها كثير انا انصحك تزور متاجر متهاري وهي سلسلة متاجر موجودة في اكثر من مول في جاكرتا وباندونق ومعظم المدن الاندونيسية وساعارها ممتاز وثابته |
اقتباس:
شارع الجنز سجلته ضمن الخطة من كثر ماسمعت عنه وان شاء الله بعمل له تقرير اذا الله كتب |
اقتباس:
اقتباس:
والله ياغالي رايح اكون في جاكرتا ان شاء الله من تاريخ 30\1 الى 3\2 يوم 3 ما ادري كيف رايح يحسب لاني اكون في المطار الساعة الواحدة ظهرا أهم شي كون الفندق فيه نظام غرفتين مع بعض وحلو واللوبي مريح الأسواق الشعبية اللي فهمته منها انها اسواق رخيصه وهذا هو الملطوب ليس المهم الجودة والماركات سؤال أخير ماهو اجمل مول وحديقة في جاكرتا ليس للتسوق ولكن للتمشية الف تحية يالامير |
اقتباس:
اي والله تكفى نبي تقرير يرد الروح |
اقتباس:
بعد بونشاك وباندونق اعتقد ما راح تعجبك اي حديقة لكن توجد بعض المزرات الجميلة مثلة تمان ميني يحتوي على حديقة وملاهي ومتحف وتلفريك اعتقد يستحق الزيارة كذلك عندك انشول فيها ملاهي ومطاعم و عالم تحت الماء واشياء اخرى تحتاج الى يوم كامل تقريباً الفنادق كثير في جاكرتا واخترت لك فندقين بنظام شقق طبعاً هذه ليست الافضل لكن تعتبر ممتاز جداً سمرسِت بيرليان جاكارتا https://www.booking.com/hotel/id/som...=total;ucfs=1& هذا الفندق جيد لكن تحتاج الى تكسي للذهاب للاسواق تقريباً 15 دقيقة موقعه بعيد بعض الشي لكن لا يعيبه وسعره معقول الى حد بعيد 1016 ريال لاربع ليالي بدون افطار غرفتين وصالة ومطبخ هذي شقق اخرى بس سعرها اغلى وهي افضل من الاولى في الموقع والقرب من الاسواق فريزر ريزيدنس مينتينج جاكرتا https://www.booking.com/hotel/id/fra...al&#map_closed غرفتين مع مطبخ تكلف حوالي 2235 ريال لاربع ليالي اي سؤال في خدمتك |
الله يجزاك خير توكلت على الله وبحجز في سمر ست والله ييسرها تاكسي البلو بيرد كيف انظامهم وطريقتهم بارك الله فيكم |
البلوبيرد الحساب بالعداد و هو خيار ممتاز واسعارهم جيده لكن اذا تستخدم التطبيقات مثل uber او gojek فهي ارخص بكثير من تاكسي الموجودة في الشارع والميزه الاخرى للتطبيقات انك تعرف سعر التكلفة قبل الذهاب للمشوار وبشكل عام سواً التطبيقات او تكسي الشارع فالاسعار في تعتبر زهيده للموصلات |
اقتباس:
كيف السكن في المنطقة اللي قريب من سفاري في الجبل |
اقتباس:
|
من ناحية الموقع هل يصلح للسكن وكيف موقعه جيد قربه وبعده عن الخدمات المنتزهات وهكذا |
الجبل منطقة ريفية و ليست منظمه ولا يوجد فرق كبير مكان او مكان اخر لكن المهم هو موقع الفله بعضها يقع في منخفظ وبعظها يكون ملاصق لفلل اخرى مما يقلل الخصوصية او تكون الفلل المجاورة مصدر للازعاج وهكذا لذلك ننصح بعدم حجز الفلل دون الوقف عليها الخدمات من تموينات ومطاعم و المنتزهات منتشرة في اجزاء الجبل وليست في مكان واحد والشي المهم هو انك انت عندك سائق خاص بسيارته راح يوصلك الى اي مكان تبغاه يومية السائق في حدود 150 ريال تقريباً |
بيض الله وجيهكم صراحة ماقصرتم في شي جزاكم الله خير والله يعينا على رد جمايلكم |
| الساعة الآن 10:42 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO