|
رحلتي العائليه يناير 2017 السلام عليكم ورحمه الله قضيت ايام جميلة في اندونيسيا والحمدلله رحعنا بالسلامه حبيت ارد الجميل للمنتدى واكتب تقرير عن رحلتي هو يعني مو تقرير زي تقاريركم ممكن ملاحظات ونقاط :52: واعذروني لاني اول مره اكتب ملخص رحلتي للافاده :e314: الرحله بتاريخ 15يناير لشخصين وطفلين لمده 15يوم كانت حجوزاتنا قبل الرحله ب3شهور ب(8000)ريال تذاكر ع الخطوط القطريه:e24d: ماعليها كلام بس المشكله ممكن مع الصغار شوي تعب بالترانزيت خاصه ادا وقت نومهم مع انه اخترت ترانزيت ساعتين ومواعيدها شوي تتاخر رحلتنا من جده تأخرت ربع ساعه واحنا رجعين تاخرنا ممكن نص ساعه وصلنا بتوقيت جاكرتا الساعه 7صباحا وكنت مجهزه الحجوزات وتذاكر الرجوع بس ماطلبوها مننا والكرت اللي اعطونا بالطياره نعبيه نسيناه بالمقعد قبل ماننزل :21::31: بدايه الفهاوه ولما شفنا الناس معاهم كرت مع الجواز قلت لزوجي بس اكيد محيدخلونا بنرجع ع اول طياره :32:والحمدلله جلست اردد( وجعلنا من بين ايديهم سدا ومن خلفهم سدا ) الى جا دورنا وسلمنا الجوازات وختملنا ولاسألنا عن شي تاني:64: --طبعا كنت متفقه مع سواق من قبل 3شهور ولما وصلت مطار قطر ارسلي انه مايقدر يجي وبيرسل لنا شخص ثاني بس انا قلتله خلاص شكرا ناخذ احنا بطريقتنا ورحنا المطار وربي وفقنا بسواق جددا محترم من المطار الى بونشاك 550الف حساب اليوم كامل وباقي الايام 500الف لليوم تقريبا الطريق ساعه ونص من الوناسه والمطر والمناظر نسينا النوم والتعب كنا جوعانين رحنا مطعم السندباد(ماعجبني) ومزارع الشاي حلوه للتصوير فندقنا بيسونا علم الرائع كنا حاجزين 4ايام واليوم الاخير بنشوف فيلا طبعا ماعجبني ولاشي واللي عجبتني وحده وكانت فل بس ماقتنعت لاانا ولازوجي بالفيلا نهائي وقررنا نمدد حجزنا بيسونا والحمدلله لقيت حجز --السفاري يوم كامل بصراحه ممتعه جدا وعروضها وشلالها :31::e023::e023:افضل شلال عجبني بالرحله كلها --حديقه الفراوله عاديه بس عصيرهم لذيذ:e347::58::72: --حديقه فينيسيا ماتسوى ابد ولا بحيرة الليدو :9: --حديقه الزهور رووووعه للتصوير واللي معاه اطفال في مصورين يصوركم ب20الف (4ريال)تقريبا للصوره مره بطله الصوره تمنيت جبت لبنتي فستان او لبس ثاني واصورها كمان قد ماقلكم الصور جنان قليله في حقها --حديقه شيبوداس حديقه الجنه يسموها :e32d:جدا رايقه جلسنا وطلبنا شاي وقهوه وبطاطس مقليه لذيذه فيها خيول طبعا اولادي يمكن اخذوا 5 جولات :32::32:ب50الف الجوله تمنيت لو طبخنا وكدا بس حسيتها لعوائل اكبر طبعا المطاعم ولاشي اعجبني ابدا ابدا كل يوم نجرب مطعم كماننا والجزيره ريم البوادي سندباد ونخرج ونروح ع بيتزاهت الحمدلله اللي موجود ولا يمكن مت من الجوع وجايبه معايا من السعوديه معلبات فادتني لانه ماتقبل اي اكل بس الكبير يتصرف بس الاطفال يحزنوا ولدي نفس الحال مرا تعبني:31:بالاكل بس هو عموما بالسفر مرا مايعجبه شي حتى اكل الطياره نهائيا ماياكله اذكر لما رحنا تركيا وهيا مشهوره بألذ الاكل مايعجبه اي مطعم :64: اليوم السادس توجهنا لباندونغ :e32e: وحجزنا كان بفندق سينسا :e314::58: الجدول كان الحمامات الحاره والبركاان واسواااااااق اللي صار رحنا البركان نزول ممكن 2كيلو والرجوع 1كيلو اول يوم :31:وتكسرت رجولنا ع الاخر بالعافيه نمشي :64:الله يسامحكم ع كثر ماقريت وختمت التقارير قبل ماسافر مافي احد قال مانصح الاطفال يروحون) لانه مو تعب الا هلااااك :e023: جلسنا بعده 4ايام ممكن بالقوه نحرك رجولنا نهائي مافي لياقه انا وولدي اكثر شي :32: طبعا كنسلنا المياه الحاره والاسواق :e023::e023: رحت لشارع الجنز وماعجبني الوضع ورحنا للمول اللي جنبه في اشياء حلوه اشترينا كم غرض وع الفندق :63: اليوم الثامن رحلتنا الى بالي بأذن الله بكره اكمل -----تحياتي :e304: |
عليكم السلام ما شاء الله تبارك الله تقرير جميل جداً ولا ينقص عن بقية التقارير شي سوى اضافة بعض الصور حتى يطلع بشكل اجمل الله يعطيك العافية مشكلة الاكل في شرق اسيا متعبه بعض الشي خصوصاً للاشخاص الغير متعودين على اكلهم كذلك الاطفال البركان فيه مكانين للنزول واحد قريب واحد بعيد يحتاج مشي شوية اعتقد ان السواق نزلكم في المكان البعيد بس يام ريمو لازم تكوني رياضية :14::14::14: مستمتعين معك بالتقرير اختي الكريمة وحاجزين مقعد في المقدمة واصلي .................... |
ما شاء الله تبارك الله رحله ممتعه بس باندونق فيها اشياااء مرره روعه طبعا شلالات ماربيا بس متعبه فالمشي حديقة دشتن بامبو جدا جدا رووعه للاطفال تتضمن فعاليات مره حلووه منتظرين التكمله ويليت الصوور تحياتي |
:e304::e304::e304: |
الحمـد لله على السلامة بــداية موفقــة |
حمدا لله على سلامتكم و تقرير جميــل في بدايته و الاجمل هو الاختصـــار و ذكر الايجابيات و السلبيات وهو المهم للجميع |
اقتباس:
مجربه ماليزيا ماشتكينا من الاكل لانه فيها تنوع كبير بس اندونيسيا اعتقد مايعرفه من الطبخه الا اسمها ويسووها بطريقتهم |
اقتباس:
بس اكثر شي انقهرت انه ماشفت المياه الحاره وراحت ايامي كذا الحمدلله |
اعذروني ماقدر انزل صور ماعندي وقت نهائي والمنتدى مليان ماشاءالله واغلب اللي عندي صور شخصيه :e00a: بس حبيت افيد للي ناوي يروح اول مره خاصه مع الاطفال :54: نكمل رحلتنا اليوم الثامن بالي :e43e: رحلتنا الظهر ع طيران اير اسيا حجزنا التذاكر ب700 من باندونغ قبل مانسافر وصلنا البالي ع العصر استقبلتنا الامطار كنا متفقين مع سواق (ب350الف) لليوم تغدينا بمطعم كوين الهندي رائع وع الفيلا(أليفا فيلا بسيمناك) مسبح خاص والحمدلله اختياري موفق جدا نظيفه وتعاملهم ممتاز والطلبات مجابه بس اخذوا ع بنتي عمرها 8 زياده مبلغ لليوم ب200الف روبيه ):21:ماحبيت دا الشي لاني ماطلبت سرير او شي منهم وولدي 6سنوات كانت بتاخذ زياده كمان بس قلتلها انه عمره 5 فمشتنا حجزنا كان يومين --طبعا رحلتي لبالي اكبر سبب للغواصه :e023: حجزنا (بمليون و200 الف )للشخص من مكتب بكوتا مع المواصلات والاطفال اعتقد 900الف للواحد جدا ممتعه وجديده علينا انصح فيها شامل التوصيل والغدا البوفيه لذييذ -- مزارع القهوه حلوه كان وقتها مطرقوي اعجبتني -- مزارع الارز حلوه وتستاهل الزياره واليومين الاخيره حجزنا بفندق (اولو سيغارا نوسا دوا) جناح باطلاله ممتاااز من جميع النواحي :e022: مرحبين بالاطفال والميني بار مجاني --بحيره برايتان ركبنا القوارب جوها اوربي ومع المطر سبحان الله مكان يجنن طولنا فيها وحذفنا الدبابات من جدولنا --المولات زرت ديسكفري حلو قريب للشاطئ وسويت لبنتي الضفاير الافريقيه يسووها بشارع كوتا ---مول بالي غاليري اكبر وفيه محل متهاري اشتريت منهم عطور ومكياج --اخر يوم زرنا شاطي جيمباران وجلسنا بالمطاعم تعشينا وجلسنا الى الغروب روووعه الشاطئ في خيل بس سعره جدا مبالغ نسيت كم ماقدرنا نروح شاطئ نوسا دوا نتفرج ع الالعاب قالي السواق لازم نكون حاجزين اونحجز من عندهم اما نجلس كدا لا مأدري ادا الكلام صح التجديف جربناه بتركيا مع الاطفال ماحبيت فكنسلناه لقينا بابا روتي :32: ودعنا بالي اليوم الثاني عشر الى جاكرتا ع طيران اير اسيا ب800 ريال للكل حجزنا بفندق ذا غروف جناح واليومين كلها كانت للاسواق :64:عوضت ايام باندوق جاكرتا جدا زحمممه جلسنا ف الزحمه اليوم الاخير ممكن 3ساعات الخط شبه واقف الحمدلله الايبادات معانا :32: لما شفنا الخط بدا يمشي قلنا للتاكسي ارجع للفندق مانبغى المول :e023: وكان حسابه130 الف روبيه حدود(50)ريال :63:الحمدلله توقعت يوصل لل100 التاكسي رخيص بجاكرتا مشاوير رحنا حسابنا 3ريال و4ريال اكثر شي20ريال بدون زحمه اليوم الاخير رحنا المطار قبل 5ساعات خفنا من الزحمه لانه وقت طيراتنا ع المغرب اندونيسيا رخيصه بالسكن والسواق فقط التذاكر واماكن الدخول مو كلها رخيصه الشلالات السبعه رحنا للشلال الاول فقط بس شلال سفاري احلى السفاري دخولنا ب300الف للشخص والاطفال 280الف والسياره لها دخول نسيت بكم وركوب الفيل والتلفريك والسينما والصور مع الحيوانات خارج التذكره بس تستاهل البركان دخولنا ب600الف المجموع والسياره بمبلغ رمزي والمرشد الزامي ب300الف للشخصين ولما يسوولك قناع الطين بعدين يقولو ادفع تقريبا دفعنا 600الف للطين ماحبيت المفروض التذكره تكون شامله حتى لو مرتفعه مو كل شوي ادفع اكثر شي ضايقني الشحاده ببونشاك مزعجه والمعاقين اللي يده واللي عينه بكثره ع الطريق الله يشفيهم بنتي تخاف منهم من هيا صغيره فسرت اراقب الطريق قبل ماتشوف شي اعجبتني بونشاك كل يوم امطار وضباب بس دا الشي وترني بالي جدا عجبتني وتمنيت لو زدتها يومين:e328: والحمدلله انتهت رحلتنا الممتعه واشكر كل من ساعدني باستفساراتي :e304: التخطيط اساس نجاح الرحلات لدرجه بعض الاماكن اروح وانا عارفه بالضبط ايش فيه وصلى اللهم على سيدنا محمد وعلى اله وصحبه اجمعين... |
اقتباس:
|
اقتباس:
فعلا المهم الايجابيات والسلبيات لاني كنت ادور على كدا خاصه مع الاطفال كنت شايله همهم والحمدلله |
اقتباس:
اهم شي انكم انبسطوا وكانت التجربة جميله اندونيسيا بلد جميل جداً فيها اماكن حلوه بس تحتاج بعض اللياقه والمشي وبدون اطفال سبحان الله يعرف بونشاك قبل العرب ويشوفه الان ما يصدق ما يرى بس يبقى بونشاك جميل مهما كانت سلبياته الشحاتين عندي مثل ماشي عليه بلد شحاتين ولا بلد نشالين :1::1::1: الزحمه في جاكرتا ازالية ما لها حل لكن يفضل عدم الخروج من 4 الى 6 مساء خصوصا سنتر جاكرتا ومنطقة تمرين الله يعطيك العافيه استمتنعنا معك بالتقرير واسلوبك الجميل وطرحك الرائع لك شكري وتقديري |
موضوع وتقرير ونصائح في وقته ميه ميه كنت محتاج تقرير جديد مجرب انا حاليا في جاكرتا .. والزحمه شئ لا يطاق بالفعل !!!! انا استغلها فرصه للنووووم في التاكسي ههههه برنامجي يتضمن يوم للجبل .. وكنت محتار اروح لمين واسيب مين !! وكمان كم يوم في بالي ملاحظاتك وتجربتك في المفضله .. راح امشي عليها جزاك الله خير |
جزاك الله كل خير أختي في الله ام ريمو ماشاء الله تبارك الله معلومات مهمة وسرد مميز للاحداث شكرا |
الحمد لله ع السلامة تقرير جميل ومفيد |
يعطيج العافية ملخص حلو وجميل التقرير كامل بس ناقصه الصور الجميلة ويصير تقرير ممتاز الحمدلله استمتعتوا بالسفرة بس الأطفال لازم تكونون عارفين الأماكن اللي يقدرون عليها او لا عليكم بالعافية كل ما شريتوا واكلتوا |
اقتباس:
يعني في رواية جديدة بانتظاركم :(127)::(127)::(127)::(127)::(127): |
اقتباس:
بالتوفيق اخي الكريم ،،ان شاء الله تستمعوا برحلتكم هذا رقم سواقنا ببونشاك محمد 6282113158556 واياك يارب |
اقتباس:
بعد ماتعبوني هناك الحين يقولو احلى بلد زرناها اندونيسيا :e329: |
اقتباس:
واياك يارب شكرا لمتابعتك |
اقتباس:
|
الحمد لله على السلامة ام ريمو تقرير مختصر ومفيد ... وجزاك الله خير . |
الحمد لله على السلامة تقرير رائع ومفيد خصوصا لمن معاه اطفال تفاصيل رائعة سيتفيد منها الكثير |
ماشاء الله عليك ... ملاحظات ممتازة وانطباعات إيجابية للرحلة ... بالنسبة للمطاعم في الجبل أشوف انطباعك سلبي عنها .. عن تجارب سابقة .. البونشاك أفضل حجز فيلا خاصة مع خادمة ( تجيد الطبخ ) عندها متأكد بأنك ستغيرين رأيك ... على فكرة فندق بيسونا علم رااااائع ويستحق التجربة ... أتفق معك في ( جزيرة بالي ) لا تمل أبداً ... تحياتي لك .. |
اقتباس:
نجم السياحة ومتواجد بإندونيسيا ... هذا خبر بمليون ( طبعا دولار مو روبية ) :) اسأل الله لك السلامة الدائمة وعوداً حميداً ... وأتمنى أن تتحفنا براوية للإندو ... معك تحيط بنا السعادة من كل جانب ... |
حمدلله ع سلامتكم ماشاءالله تبارك الرحمن رحلتكم ناجحه ياحليل بنشاك كان مايضايق السياح الا الاطفال هديه هديه حلاة بنشاك هي الفله الخاصه التقرير بدون صور وإكشن الذكريات لم ننعم بها في تقريرك:10: بس راضي بالتقرير أحسن من لاشيئ تسلم ولاهنت يا أم ريمو بأنتظار تقرير الرحله القادمه |
تقرير جداً رائع يروي أهم التفاصيل تخطيط الرحلة مهم لنجاحها واتوقع هذا سبب نجاح رحلتك رغم بعض السلبيات الا انها متوقعة المهم الايجابيات اكثر والدليل انه بعد العودة بدأ الكل يتذكر اللحظات الحلوة ماكان يحتاج انكم تنزلوا للبركان وتمشوا كل هذي المسافة باندونق فيها اماكن كثيرة للزيارة ويبدو أنكم انبسطتوا في بالي بالفعل مدينة ناسها طيبين وفيها حياة عندكم مشكلتين ضايقتكم الاولى الاكل وهنا كان ممكن تعتمدوا على مطاعم الوجبات السريعة لأنها معروفة الثانية المواصلات بجاكرتا وكان الافضل السكن قريب من مول توم اند انجريك استمتعنا معاكم بالرحلة بس لو جاتك فرصة هل ترجعين لها ثاني ؟ |
اقتباس:
الحمدلله مانتأثر بالسلبيات في السفر حلو الواحد يتعرف ع ثقافات جديده واكيد برجع لاندونيسيا بس مو الحين :58: |
اقتباس:
الله يسلمك مشكور ممكن مع الفله بونشاك احلى بس لعائله اكبر اكيد مو مثل وضعنا ان شاء الله المره الجايه يكون التقرير مرتب وصور |
اقتباس:
فعلا بيسونا علم حكايه جماال ف البونشاك وبالي حكايه اخرى :e437: |
اقتباس:
|
اقتباس:
وياك يارب |
شكرا علي ذكر تجربتك التخطيط يعطيك انطباع مسبق عن البلد |
شكرا على هذا التقرير ولكن اكثرتي من التذمر .. ونتمنى لك سفره اخرى افضل |
تقرير جميل .. يعطيك العافيه |
تقرير مميز رحلة موفقة |
شكرا على التقرير والملاحظات المفيدة الله يعطيك العافية |
اقتباس:
|
حلو تقريرك بضيفه للمفضله:62: |
يعطيك العافية على ذكر تجربتك وملاحظاتك اعجبني التخطيط المبكر وبالي تستحق 5 أيام عالأقل الطبخة بدون بهارات وملح مثل التقرير بدون صور :24: عموما رحلة ممتعة والاطفال يحتاج لهم ترتيب معين لأن مو أي شي يناسبهم شكرا لك |
| الساعة الآن 03:56 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO