|
جاكرتا - بالي - الجبل 14 يوم .. ولكن !! بسم الله الرحمن الرحيم إلى من كان يعتقد أن ذهابه لأندونيسيا تغيير جو !! فأنت وحظك !! وإلى من كان يعتقد أن اندونيسيا رخيصه !! وأنها أرخص من باقي الدول السياحيه !! فقول للزمان ارجع يا زمان !! شمس .. حر .. رطوبه :27: زحمه شديده :4: أسعار عاليه غير متوقعه !! تقرير بسيط عن رحلتي التي امتدت 14 يوم 5 أيام جاكرتا .. منها يوم للجبل ( بونشوك ) 5 أيام جزيرة بالي 4 أيام جاكرتا يتبع .. |
بسم الله الرحمن الرحيم نجم / اقولك يا عمري المدام / نعم يا حبيبي نجم / والله أنا طفشان .. ونفسيتي لها كم اسبوع تعبانه .. ايش رأيك !! ودي اغير جو .. ذبحني الروتين اليومي المدام/ زين .. نروح مطعم نجم / اقولك نفسيتي تعبانه تقولي مطعم !! أنا ناقص دفع فلوس في ها المطاعم الحراميه !! المدام / طيب ايش تبغى ؟ نجم / والله ودي اسافر .. كذا كم يوم .. اغير جو المدام بكل حماسه / فكره ممتازه .. خلينا نرجع لندن نجم / لندن برد الحين المدام بكل حماسه مره ثانيه / طيب تركيا نجم / برضوا برد .. وبعدين تركيا احنا رحناها !! المدام مع نقص في الحماسه / حيرتني !! طيب دبي ؟ نجم / لا .. أنا افكر في مكان أبعد المدام مع عودة الحماسه بقوه / أمريكا !! الله عليك يا حبيبي أنا من أول نفسي أروحها نجم / هدئ نفسك يا بنت الحلال .. أمريكا ايش !! هي كلها عشرة أيام !! أمريكا يبغالها شهر على الأقل المدام برومانسيه / مافي غيرها ماليزيا .. ونعيد شعر العسل والذكريات الحلوه نجم / الصراحه انتي قربتي .. أنا افكر في اندونيسيا المدام مكشره / اندونيسيا .. امممم .. اوكي طيب نروح نشوفها نجم / طيب كيف الأولاد ؟ والمدارس ؟ المدام / عادي .. ماشاء الله كبار ويعرفوا يتصرفوا نجم / كلامك سليم .. لكن الصغير مشكله !! لازم أحد ينتبه له ويذاكر له .. اخواته ماهم فاضيين له على طول !! المدام مع رفع الحواجب / يعني !! ايش قصدك !!! نجم / أنا نفسي نسافر سوا .. صدقيني .. لكن المشكله البيت وطلباته .. والصغير ذا .. ولا قدر الله يصير كذا ولا كذا .. لازم كبير في البيت المدام بعصبيه شديده :4: / قول كذا من الأول .. مرتبط ومزبط .. وتعشمني وتلبسني الحلق :2: نجم / ياعمري اعصابك خلينا افهمك .. أصلاً أنا لسه ما حددت وما حجزت !! المدام وهي مغلوبه على أمرها / فين مسافر ؟ ومع مين ؟ نجم وقد انفرجت اساريره / غالباً اندونيسيا .. وهي سفره سريعه خفيفه .. وبادور واحد من أصحابي .. عساني احصل أحد !! وما راح انساكم من الهدايا المدام / طيب .. الله يصبرنا ويعيننا :15: .................................................. . نجم / الو .. أبو علي أبو علي / هلا .. ها ايش صار معاك ؟ نجم / اوكي .. الأمور مشت ممتاز .. خلاص حنا على ترتيبنا والسفر الأسبوع الجاي :24: :24: يتبع .. |
روووعه بس بسجل دخول وارجع اكمل الروايه الجديده اول كرسي :60: كملت الجزء الأول وكنت فرحانه علشان ام الطنبولي .... بس بعدين صار ويهي نفس ويه ام الطنبولي مكشر لا وبعد مضبط نفسك مع صديقك ههههه ابي ماتنسانا من الهدايا هههههههه |
حرام عليك فرحت المدام وبعدين كشت فيه وخذيت بو علي ناطرين التقرير الاكشن هههههههه |
ههههههههههه حلوه المحادثه |
نجمك عالي يا نجم لعبتها صح هههههههه |
يا جماعه لا تفهموني غلط أنا نيتي طيبه :7: :3: |
بسم الله الرحمن الرحيم الرحله بدأت فجر الجمعه 17 / 2 / 2017م انطلاقاً من مدينة جده مباشرة إلى جاكرتا بسعر 2800 ريال للشخص ( الخطوط السعوديه ) على الرغم من وجود ترانزيت من دبي بسعر 1800 ريال بأقل 1000 ريال !! ولكني رفضت لتعب الترانزيت وارهاقه !! والحق الرحله ولا ما تلحق !! الاقلاع الساعه الخامسه فجراً .. وخرجنا من مطار جاكرتا الساعه الثامنه مساء دون أي مضايقات من جوازات وجمارك مطار جاكرتا .. ودون دفع أي اكراميات ولله الحمد الأمور طيبه لحد الان ولكن !! بعد ركوب التاكسي سأل نجم رفيقه / بكم التاكسي بيودينا للشقه ؟ أبو علي / 250000 ميتين وخمسين ألف روبيه لأن المشوار من نص ساعه إلى ساعه نجم / كم !! وهذي كم بالسعودي :30: ابو علي/ يا صديقي كم مره اقولك !! المئة ألف روبيه = 28 ريال نجم / يعني حسابنا 70 سبعين ريال !! من جدك انت ولا تمزح !! في جده احنا :10: بداية الطريق استمتاع بمنظر الأبراج الشاهقه المحيطه بالطريق ثم بدأت المعاناه اليوميه توقف التاكسي بسبب الزحمه !! ربع ساع !! نص ساعه !! بعد ساعه ونصف وصلنا لموقع الشقه !!!! أمر منعب ومرهق للغايه !!! وجدنا امامنا مندوب الشقه اللي سلمنا المفتاح حجزنا كان في شقق اسمها ( ذا كوندوتيل ميديابورا أت بوري كازابلانكا كونينجان ) بسعر ( 250 ) ريال بالليله .. من موقع ( بوكنج ) شقه ( بنتهاوس ) في أعلى البرج .. الدور ( 36 ) .. غرفتين نوم 2 حمام وصاله كبيره الشقه شرحه وبرحه .. لكن أثاث غرف النوم للأسف طلع ( لك عليه ) مش ولا بد !! اختيار الشقه كان بسبب البلكونه الروووعه والمنظر الجميل والجلسه الحلوه اللي فيها صباح ومساء أسفل البرج سوبرماركت ومصلى :58: وبجوار البرج صراف آلي الشقه تقع في برج من ضمن اربعة أبراج في منطقه امنه وشارع مخصوص لها ببوابه ورجال أمن ( سيكيورتي ) ومعروفه هذي الابراج لدى التكاسي بإسم ( بوري كازابلانكا ) نزلنا السوبرماركت وقضينا لوازم خفيفه وأغراض الفطور للغد وجلسه في التراس ( البلكونه ) ونومه بعد ارهاق الطائره والتاكسي يتبع .. |
اقتباس:
|
عودا حميد أخوي نجم السياحة أعتقد أن سبب انزعاجك من البلد عموما هو ترتيبك للأيام تسع أيام جاكرتا ؟ :10: كثير جدا يارجل يومين ويخب عليها لأنها زحمة وتجيب الهم . التقسيم الجيد المفروض يكون : خمس ليالي بونشاك سبع ليالي بالي :e022: والباقي جاكرتا . |
| الساعة الآن 07:30 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO