|
استفسارات وترتيب جدول عاجلة جدا جدا السلام عليكم يالغوالي تم تحديد السفر الى اندونيسيا ( قرار السفر كان فجأة ) شيكت على التذاكر بس ما حجزت المدة اسبوعين مع الذهاب والعودة تكلفة الشخص الواحد 2700 ريال دايركت ( المسافرين انا والمدام ) معقولة ولا مبالغ فيها.؟؟؟ ( السفر بعد 12 يوم تقريبا.. وكيف ممكن نرتب جدول للأيام؟ مع العلم اني ابغى البنشاك وبالي وجاكرتا ( ما ابغى باندونق ) وهل جزيرة لومبوك تستحق الزيارة؟ سمعت فيها بركان ممكن يثور في اي وقت صح الكلام ولا اشاعة؟ ياليت ترتبولي وترشدوني هل احجز ولا التذاكر غالية وابطل؟ |
اقتباس:
عليكم السلام 2700 ريال سعر معقول لان حجزك قريب وانت لا تنسى انك في الصيف في عز موسم السياحه ترتيب الجدول بعد الحجز بأذن الله بس لازم تعطينا موعد وصولك ومغادرتك باليوم والساعة لماذا تستبعد باندونج هل سبق لك زيارتها ؟؟؟ نعم لومبوك تستحق الزيارة جزيرة جميلة اما البركان علمة عند الله ما احد يعرف متى يثور ولو حسبتها كذا ما انصحك تروح اندونيسيا كلها براكين في كل الجزر والحافظ الله في كل زمان ومكان |
الله يسعدك يالغالي سبق لي زيارة اندونيسيا قبل 7 سنوات ( شهر عسل ) ورحنا لباندونق يومين بس للأسف حصلنا ظرف وما تمشينا فيها بس اخبر انه مافيها الا مياه كبريتيه ولالا؟!! ايش الأفضل باندونق او لومبوك؟ مبدئيا الحجز يوم الجمعه 21 يوليوالى يوم الجمعه 4 اغسطس ( الحجز مبدئي ) احتمال يكون وصولي يوم الجمعه 6 المساء وعلى طول اروح للبنشاك ( حجزت فندق بسيونا علم من الجمعه للأربعاء وهذي الأيام الوحيدة اللي متوفرة فيها ) بس باقي الأيام ياليت ترتبونها لي. |
باندونق جميلة فيها اشياء كثيرة غير المياه الكبريتية او البركان اما مقارنة لومبوك مع باندونق هذه المقارنة ما تصير لاختلاف الجو و الطبيعة والنشاطات والسوائح المتواجدين هناك لذلك لا يمكن المقارنة بينهم وصولك يوم الجمعة ما ينفع تروح بونشاك الطريق زحمة ومزعج الى حد بعيد لذلك افضل انك تروح الى بالي مباشرة او تريح في جاكرتا والصباح تروح بالي وهذا الافضل . بالنسبة للجدول راح نرتبه بعد الحجز افضل |
المشكلة اني حجزت في فندق بسيونا علم من يوم الجمعه 21 يوليو الى يوم الأربعاء باقي الأيام الفندق فل حاولت اغير بس مافي مجال في الحجز |
والله يالحاتمي انا بس اقدم النصح ما ودي انك تأخذ لك كم ساعة في الزحمة و الا الراي لك في الاول والاخر فيه فندق جميل في الجبل افتح قبل كم شهر اسمه Sahid Eminence Hotel ممتاز بس موقعه شويه فوق عن الخدمات والا الفندق ما عليه كلام |
والله محتاااار جدا ما ادري ايش الحل السفرية جات فجأة عشان كذا الوضع ملخبط مرة طيب الفندق اللي انت ذكرته بعيد مرة؟ كم يبعد تقريبا عن بسيونا علم؟؟ نفسي في فندق سيروني 3 ما عرفت احجز فيه |
احلى سفرية اللي تجي فجاءة فندق Sahid Eminence Hotel يبعد عن بسيونا علم حدود 19 كيلو الحقيقة ان الفندق جميل ولسة فيه بعض الاشغال بس عندما يخلص العمل به راح يكون تحفه فنية https://www.arabtrvl.com/up/uploads/...9652228391.jpg سيروني 3 اقل بكثير من بسيونا علم و فندق شاهيد لا يمكن مقارنه معهم واذا تبغى حجز في سيروني 3 امره بسيط بس عطني خبر |
احترت والله ماعاد اعرف ايش الحل بسيونا علم ما لقيت الا من يوم الجمعه ليوم الأربعاء فقط وحجزته للاحتياط يا ارتب جدولي على هذا الاساس او اغير الفندق سيروني 3 سكنت فيه في شهر العسل له ذكرى حلوة ( هل للآن نظيف ولا تغير؟ ) ياليت تعطيني رأيك وترتب جدولي مرة متلخبط ( حجزت مبدئيا يوم الجمعه 21 يوليو الى الجمعه 4 اغسطس ) ابغى ترتيب على هذا الحجز |
طيب ابشر راح نرتب لك جدول اليوم بأذن الله الان عين مفتحه وعين مغمضة لو نرتب لك الان وديناك في داهية :32::32::32: خليها بعد ما اصحي تجدما يسرك بأذن الله هل ترغب اضافة باندونق للجدول والا بدون |
ابشرك انا عيوني كلها مغمضة بس القلق من الحجوزات متعبنا :26: ممكن ازيد يوم في البنشاك في بسيونا علم يكلفني 557 بدون فطور ( لقيت هذا اليوم في موقع ثاني غير بوكينج وطلع فيلا من غرفتين نوم :31: ) يعني اخلي البنشاك من الجمعه للخميس او زي ما هو من الجمعه للأربعاء انت تقصد السفر من جاكرتا للبونشاك الأفضل ما يصادف جمعه وسبت؟ او قصدك طول فترة اقامتي في البنشاك ما يصادف جمعه وسبت؟؟ وجزاك الله الجنة |
مبدئيا هذا الجدول واذا صحصحت شوفلي ايش يحتاج من تعديل في حال جلست على بسيونا علم حيكون الجدول كالتالي: الوصول الجمعه المغرب والتوجه إلى البنشاك 5 ايام او 6 ايام من يوم الجمعه إلى يوم الأربعاء او الخميس الذهاب الى باندونق يومين من يوم الخميس الى يوم السبت الذهاب الى بالي من يوم السبت الى يوم الثلاثاء 3 ايام الذهاب الى جاكرتا 3 ايام من يوم الثلاثاء الى يوم الجمعه ( يوم لأنشول ويوم تسوق ) بس هل باندونق جوها حلو ؟ تستاهل الزيارة ولالا؟ يهمني الجو والطبيعة |
طيب بسم الله نبدا بونشاك يوم الجمعة ما نحسبه في التقسيم نبدا السبت اليوم الاول : حديقة تامان سفاري يوم كامل ولا يفوتك عرض الكابوي اليوم الثاني : مزارع الشاي ومسجد التعاون ومطل البرشوت وبحيرة الألوان ومصنع الشاي وحديقة الزهور واذا عندك وقت روح مزرعة الفرولة اليوم الثالث: حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة ثم زيارة منطقة الشلالات السبعة (شلمبير) منطقة جميلة جداً وسهل الوصول لها اليوم الرابع: تروح منطقة قريبة من الجبل اسمها بوقور فيها ملاهي مائية The Jungle كذلك يمكن زيارت شلال بيداداري وانت راجع من بوقور تزور مزرعة ومطعم شيموري اليوم الخامس : مغادرة الى باندونج المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها الفنادق بيسونا علم ساهيد سيروني 3 التنقل في الجبل سيارة خاصة اسعار السائقين للسيارة المخصصه الى اربع اشخاص هي 500 الف ربية لمدة 12 ساعة في اليوم تقريباً باندونج يفضل انك تطلع لها بدري من بونشاك حتى تكسب الوقت وتضع الشنط في امانات الفندق وتخرج يوم الوصول : ملاهي ترانس استديو باندونق trans studio bandung وملاصق لها سوبر مول اليوم الاول: زيارة موقع البركان ومزارع الشاي وفيه مزارع فروله اذا ما زرتها في بونشاك ممكن تزورها في باندونج وفي المساء التسوق في سوبر مول اليوم الثاني : منطقة منتزه تمان جواندا و الكهوف اليابانيه والهولندية و شلالات ماربيا ( المكان كبير وفيه مشي) ثم تزور منطقة السوق العائم de ranch وانت راجع في الطريق الى باندونج تروح هذا المطعم كامبونق داون ( المطعم اندونيسي بس جميل جداً ) الفنادق هذا الفندق جيد فندق سنسا باندونق اما اذا تبغى تجدد شهر العسل خذ هذا الفندق راح تدعي لي ذه ترانس لوكسري باندونغ فيه معطم اطلالته خالية اليوم الثالث : مغادرة الى بالي بالي يوم الوصول : اذا عندك وقت روح شاطي الغروب جميل فترة غروب الشمس وفيه مطاعم بحرية كثيرة ممكن تتعشى فيها بعد شاطي الغروب تروح شارع كارتيكا لشراء تذاكر الرافتنج اليوم الاول : رحلة التجديف (الرفتنج) ومعها في نفس الاتجاه مزارع القهوة جداً رائعة اليوم الثاني : بحيرة براتان الطريق لها سياحة في ح ذاتها يمكن ايجار لنش في البحيرة كذلك زيارة مزرعة الفراولة في الطريق كذلك يوجد شلال في نفس الاتجاه اسمة جت جت اليوم الثالث : مغادرة الى جاكرتا المطاعم المطاعم العربية متوفرة هناك عند مطعم الخيمة ومطعم شيشة ( هذا المطعم يفضل عدم زيارة في المساء) كذلك المطعم الهندي الشهير كوين في شارع كارتيكا ومعظم المطاعم العالمية متوفرة هناك بيتزا هت كنتاكي و ماك الاسواق دسكفري مول ومول ليبو ومو جاليري السائقين في بالي اسعارهم من 350 - 400 الف ربية في اليوم الفنادق فندق اقتصادي جميل جداً وموقعه خطير فندق بينتانج كوتا واذا تبغى منتجع جميل دسكفري كارتيكا جاكرتا يوم الوصول : بقية اليوم تقضية تسوق اليوم الاول : زيارة منطقة انشول ويوجد بها الكثير من الفعليات تلفريك وعالم تحت الماء واشياء اخرى كذلك يوجد بها مطعم شهير جداً مطعم بندر جاكرتا ( على حسب رايك تخصيص يوم لنشول) اليوم الثاني: تسوق لاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري ,جراند اندونيسيا، سنتر بارك ،بوري انداه mall puri indah ، Lippo Mall Puri ليبو بوري ، بلوك ام بلازا) كذلك توجد اسواق رخيصة مثل منقادوا و شباكاماسا وغيرها كثير الموصلات في جاكرتا التكسي متوفر في كل مكان وانصحك بتكسي لونه ازرق اسمة بلو بيرد ولو تستخدم تطبيق اوبر او قراب راح يكون السعر افضل هذا جدول مقترح ونقدر نعدل عليه على حسب رغبتك اتمنى لك التوفيق |
الله يعطيك العافيه ويجزاك ربي الجنة يالغالي طيب لو بخلي بونشاك الى يوم الخميس وابغى ابدل باندونق بلومبوك كيف يكون الجدول؟ |
يالحاتمي انت رايح تدور البراد هناك خلك في باندونق احسن لك بالي ولومبوك ساحليه والجو فيها حار بعض الشي ما تقارن بونشاك وباندونق عموماً الان مشغول شوي بس ان شاء الله ارجع في الليل واناقشك في كل شي ونعدل كل اللي تبغاه لا يهمك انت بس ضبط الحجز |
انا شفت لومبوك وعجبتني بس والله الجو يهمني كمان مع الطبيعة.. واخيرا حجزت في بسيونا علم من يوم الجمعه الى يوم الخميس يعني بشيل يوم من باندونق للبونشاك كيف يتم ترتيب الجدول؟ اشوف بلاش من المزارع في باندونق اللي في البونشاك تكفي ابغى شي جديد |
طيب شوف انت توصل الجمعة 21 وتغادر الجمعة 4 يومي الجمعة 21 و 4 هذي خارج الحساب بونشاك ( من السبت الى الخميس ) باندونج (من الخميس الى السبت) تروح بدري تأخذ جزء من اليوم هناك لومبوك (السبت الى الاحد اخر اليوم تروح بالي ) لان طبيعتها ما تختلف عن بالي كثير بالي (من الاحد الى الاربعاء ) جاكرتا (الاربعاء الى الخميس ) مزرات جاكرتا انا وضعت بديل عنها في الجدول السابق لان جو جاكرتا حار ورطوبة لذلك وضعت ترانس ستديو في باندونج وجنقل في بوقور هذي يتغني عن انشول ما تبقى الا عالم تحت الماء استنغني عنه |
احس الجدول ضغط ايش رأيك نلغي لومبوك؟؟ هل اقدر ازورها يوم واحد ذهاب وعودة من بالي ولا الغيها مرة؟ بالنسبة لبالي ودي احجز جناح او فيلا بمسبح خاص ابغى منطقة حلوة واسعارها معقولة نوعا ما :6: |
اقتباس:
بالنسبة الى لومبوك تلغيها ما تغليها هذا يرجع لك انت بس اشوفها صعبه مع باندونق ولو تنقص يوم من بونشاك يضبط الجدول بس التنقل فيه كثير عموماً انت شوف الجو في بونشاك وباندونج متقارب في النهار درجات الحرارة حوالي 25 وفي الليل حوالي 18 اما في بالي ولومبوك في النهار عند السواحل حوالي 33 درجة وفي المرتفعات من 25 - 28 درجة اما في الليل حدود 24 درجة اما المرتفعات في الغالب ما احد يجلس فيها في الليل ما عدا اللي يسكن في منطقة ابود في بالي . تروح وترجع في نفس اليوم ولا حق المشوار انا اخوك اقل شي يومين هذا الافضل بالنسبة للفل في بالي ممكن تستأجر بس الاسعار شوي غالية انا اشوف انه تاخذها يوم واحد افضل لان بقية الايام تخرج الصباح وبدري وترجع المغرب او قريبه منه وانت مرة منهد حليك تدور النوم بس كذا ما استفدة من الفلة شي بس تدفعت فلوس زيادة انا اشوف انا تاخذ فندق عادي يومين واليوم الاخير تأخذ فله وتخلي النشاطات في ذلك اليوم قليل حتى تستمع بالفله ............ وجهة نظر قابله للخطاء الصواب عموماً الفلل موجودة بكثرة في منطقة اسمها سيمنياك يمكن تلقي نظره عليهافي بوكنق |
الله يعطيك العافية تم الحجز م يوم الجمعه 21 يوليو الى يوم الجمعه 4 اغسطس وبالنسبة للطيران الداخلي في مطار بالي يطلعلي اكثر من مطار ما عرفت اختار وايش افضل وارخص خطوط داخلية عندهم؟ وياليت رابط عشان احجز الخطوط الراخلية.. وجهه نظرك بالنسبة لفيلا في بالي صح وهذا اللي كنت افكر فيه لأن الاسعار غالية بصراحة بحجز الفيلا اخر يوم في بالي بس هل فيه شي مجرب وسعره معقول؟؟؟ وابغى احجز الغواصة في بالي هل الحجز من النت ولا من مكتب هناك؟؟ |
اقتباس:
بعض خطوط الطيران في اندونيسيا لا تقبل الا فيزا صادرة من اندونيسيا لذلك لا نستطيع حجزها من المواقع الرسمية لذلك نلجأ الى مواقع وسيطه تقوم بهذه المهمه من اشهرها وافضلها في السعر هذا الموقع https://en.tiket.com/ طيران اير اسيا يمكن حجزه من الموقع الرسمي له www.airasia.com بالنسبة لمطار بالي هو واحد ما فيه غيره هذا رمزه DPS شركات الطيران في اندونيسيا كثير راح اعطيك بعضها مرتبه حسب الافضلية الجارودا باتيك ستي لنك اير اسيا ليون اير حجز الغواصة افتكر زمان لها الشركة لها مكتب في كوتا هو اللي عنده الحجز بس الان اعتقد ان الوضع تغير تحصل لها تذاكر في الاكشاك اللي في شارع كارتيكا بس اهم شي لا تحجز الا بعد تروح لكثر من مكان وتكاسر حتى تحصل على سعر جيد الفل كثير في مناطق مختلفة لكن الافضل في سيمنياك ومعظم الفلل نظيفه وجميله جداً اهم شي انت احبث عن اللي يخدمك في السعر واكثر العيوب التي يتضجر منها زوار الفلل خصوصاً النساء هي الحشرات مع العلم انك هذه الفلل في منطقة استوائية والحشرات جزء من الحياة في هذه المناطق لذلك يعصب القضاء عليها بشكل نهائي لكن يمكن الحد منها فقط شوف هذي الفله جيده فيه غيرها كثير https://www.booking.com/hotel/id/the...81faaf4f537bd2 بالتوفيق |
في جاكرتا حجزت فندق مارلين بارك في جاكرتا من 1 الى 4 اغسطس بـ 547 ريال مع الفطور كويس ولالا؟ هل فيه فندق افضل منه ومقارب له في السعر او اغلى بشوي؟ احترت فيها |
يالحاتمي انا ما اعرف الفندق لكنني اعرف المنطقة اللي فيها الفندق فهي غير جيدة للسكن ويفضل البحث عن فندق اخر اذا كان الحجز مسترد شوف هذا الفندق جميل جداً في منطقة راقية جداً يكلف عليك مع الافطار والغاء مجاني للحجز 818 ريال https://ar.hotels.com/hotel/details....=3&ZSX=0&SYE=3 وفيه غير هذا الفندق كثير بس السعر ممكن يزيد شوي |
ايوه الحجز مسترد. الفندق اللي تقول عنه في بوكينج بـ 684 مع الفطور بس غير قابل للاسترداد. قريت انه قريب منه سوبر ماركت ومطاعم ومول صغير يعني المنطقة فيها خدمات. يستاهل احجزه؟؟ تعبناك معانا الله لا يحرمك الأجر. |
اقتباس:
حياك الله المعذرة اخوي العالم ادوشتني اليوم نعم صحيح بوكنق عنده خصم للاعضاء 10% بس الحجز غير مسترد بس هذي الغرفه مختلفه عن اللي قلت 818 ريال اللي في بوكنق وعليهاالخصم ستديو تنفيذي واللي في موقع هوتليز ستديو بريميير فيها فرق في المساحة حدود 10 امتار والميزة الحجز مسترد عموماً سعر بوكنق حلو مره اذا عزم على السفر احجز وانت مغمض فيه مجمع تسوق صغير قريب منه فيه سوبر ماركت ومطعم عربي بسيط اسمه التحرير كذلك يوجد مطعم ماك و بيتزا هت في نفس المجمع الخدمات بسيطه بس المنطقة جميلة للسكن وسفارة بلادي الحبيبه قدامك على نفس الشارع ومعظم موظفي السفارة يسكنوا في هذه المنطقة هذه المنطقة اسمها روسونا سعيد اما فندق ميرلين بارك فهو في منطقة اسمها قامبير والفرق بين روسونا سعيد وقامبير مثل السماء عن الارض توكل على الله واحجز الفندق يارجل وان شاء الله انك غير تدعي لي اي مشكلة اي استفسار اي خدمه لا تتردد انا في خدمتك |
الله يعطيك العافية تم اختياره وبندعيلك قبل لا نسافر كمان الله يسعدك ويوفقك وربي انك ما قصرت معانا بسأل لو حجزت من بوكينج غير مسترد وكتبت بيانات الفيزا غلط فيها مشكلة؟؟؟ اعطيني رأيك في هذي الفيلا في بالي عجبتني بـ 395 ريال غير مسترد https://www.booking.com/hotel/id/the...s=1&#hotelTmpl |
اقتباس:
الله يجزاكم خير ورحله موفقه بأذن الله اذا اعطيت بيانات خاطئة نعم توجد مشكلة وهي بعض الفنادق تسحب مبلغ الحجز او جزء من مبلغ الحجز قبل الوصول بيوم او عدة ايام تختلف السياسة من فندق الى اخر فعند محاولة السحب يتبين لهم ان الفيزا وهمية فمباشرة يلغى الحجز وبعض الفنادق لا تسحب اي مبلغ الا عند وصولك هذا ما راح تكتشف ان الفيزا وهمية لذلك اذا عندك ادني شك انه يمكن ان تتردد في السفر او شي من هذا القبيل فنصيحه لا تحجز حجز غير مسترد حتى لا تخسر فلوسك الفلا جميلة وسعرها جيد توكل على الله خذها عموما وبشكل عام معظم الفلل تكون بعيده عن الخدمات وربما لا تجد تكسي في الشوارع القريبه من الفلل لذلك احسب حسابك من هذه النقطة اما اذا عندك سواق خاص ما عندك مشكلة بالتوفيق لك اخي الحبيب |
يالغالي بستفسر بخصوص تحويل العملات ايش الأفضل احول من هنا لروبية أو احول لروبية مبلغ بسيط والباقي دولار ومن هناك احول لروبيه؟ |
حول جزء من المبلغ من هنا والباقي خذه معك ريال سعودي وما يحتاج تاخذ دولار ويفضل الصرف في اندونيسيا في بونشاك وجاكرتا وغالباً الصرف في باندونج و بالي غير جيد كذلك تجنب الصرف في عطلة نهاية الاسبوع لان الصرف فيها غير جيد طبعاً هذا الكلام بشكل عام وهذه الفروقات تظهر في الغالب في المبالغ الكبيرة اما المبالغ الصغيرة فالتأثير بسيط ملاحظات بسيطه الاخوان المتواجدين الان في اندونيسيا يقولوا ان صرافين العملة يفضلون العملة السعودية الجديدة بطاقات الصراف السعودية تحتاج تفعيل قبل السفر والا لن تعمل معك في اندونيسيا انتبه جيداً لهذه النقطه |
جبت العيييييييييييييد حجزت على اير آسيا من بالي لجاكرتا وغلطت في التاريخ كيف اعدله؟؟؟؟؟؟؟؟؟؟؟؟؟؟؟ |
اقتباس:
هذا رقم وكيل اير اسيا في جدة ممكن تتصل عليه وتستفسر 96622565111 |
دخلت على تعديل الحجز الظاهر بيدفعوني مبلغ حجز جديد كامل :( |
لا تستعجل كلم وكليهم الصباح ان شاء الله يحل المشكلة |
لهم مكتب في جدة؟؟ قسم بالله تنكدت مرة |
دخلت على بياناتي وحاولت أغير الحجز حسبوا علي قيمة حجز جديد فوقفت ما كملت اتصل عليهم واشوف الله يفرجها |
الحمدلله انحل الموضوع حسبولي قيمة حجز جديد وخصموا اللي دفعته أول ودفعت الفرق بس الله يعطيك العافية |
|
ما شاء الله الف مبروووووووك سبحان الله اليوم المغرب كنت افكر في مشكلتك بس الحمد لله انها انحلت ليت تذكر لنا كيف حليت المشكلة هل اتصلت على الوكيل ارسلت لهم بالاميل حتى الجميع يستفيد لو حدثة له مشكلة مشابهه |
اقتباس:
|
هذا الفندق ذه وان أو وان دارماوانغسا سيدايو جاكارتا |
| الساعة الآن 02:22 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO