![]() |
بخصوص اجراءات الدخول في المطار؟؟؟ بسم الله الرحمن الرحيم السلام عليكم احبابي.. اقترب موعد السفر ..بعد 5ايام ان شاء الله ودي اعرف هل امور الابتزاز المالي في المطار خفت بعد المشاكل الاخيره ولا الوضع لازال.. قمت ببعض الاجراءات بناء على توصياتكم عندي حجز كامل وهمي لكامل مدة بقائي عندي تذكره ذهاب وعودة مطبوعة بالانقليزي الجوازات صالحه لاكثر من عام ولكن هل يشترط وجود بطاقة فيزا وهل هناك كاونتر نسائي .. او يبتزون ماليا في موضوع كشف الوجه امام الرجال ولكم تحياتي |
اقتباس:
عليكم السلام ما شاء الله تروح وترجع السلامه ابشرك الاجواء رااااااائعة وامطار هذي الايام راح تبسطوا بأذن الله شوف وانا اخوك ايام زمان والناس كلها تشتكي ماعمري دفعت ولا ريال ولا عمر احد طلبني لسبب بسيط اوراقي كاملة وما اتكلم معه الا سؤال وجواب فقط اما الان ما فيه شي ابد ولا احد يطلبك وبكل بساطه اذا طلبك قوله ما معي وما يقدر يسوي لك شي ابدا اذا كل شي معك بالنسبة للنساء اذا جيت تصف عند الكونترات ابحث عن كوانتر فيه حرمه وصف سراء هذا هو الحل الجيد والموضوع انا اخوك في سعة ولو انها كشفت وجهها على السريع ماعليها شي هي مضطره والموظف ايضاً مضطر وهم ما يدققون انا سافرت كثيرة وشفت كيف يطلبون كشف الوجهه ترفع الغطاية وترجعها بسرعه والله ما يمديه يشوف شي ولا يدقق في ملامحها ابد بس الشغلة روتين واذا كنت مصر على انها تكشف عند حرمه وما حصلت في الكوانترات ممكن تطلب حرمة بس راح تتعطل اسباب طلب الهدية في الاساس نحن السبب فيها ثم تعودوا هم عليها وطبقوها على الجميع واهم تلك النقاط يجي شخص ما يبغى يقف في السراء ويتخطي الناس ويضع مبلغ في الجواز ويعطيه الموظف ويقابله موظف ضعيف نفس يمشيه النقطة الاخرى يجي شخص ما يبغى حرمة تكشف وجهها للمطابقة واذا طلب الموظف كشف الو جهة حط له مبلغ في الجواز حتى يمشيه طيب مثل ماقلت الجميع مضطر ماعليهم اثم بأذن الله لكن تعالج الوضع بجرم اكبر منه تدفع رشوى سبحان انا لا اعلم كيف يفكر بعض الناس عموماً الوضع ابسط مما تتخل لا تشغل تفكريك بشي معك حجز سكن مع تذكرة عودة وتعبي ورقه الجمارك البرتقالية وفي الغالب موظف الجوازات ما يطلب ورقة الجمارك بالنسبة للفيزا ما احد يطلبك ولا احد يسأل عنها رحلة موفقه اخي الكريم |
انا دخلت الاسبوع الماضي ماطلبو شي بس ختم الجواز ودخلت اما كشف الوجه للمرأة زي ماقال مشرفنا الغالي |
اشكركم حبايبي والامر بسيط ومافيها شي كشف الوجه للموظف ..لانها في حالة ضروره..بس قلت يمكن يسوون فيلم..لان بصراحه كثير يبالغون في موضوع مطار اندونيسيا ولكن الامر اكييييد الان تغيير للافضل تحياتي حبايبي ..الله يحفظكم |
الساعة الآن 01:03 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO