![]() |
افضل أوقات اندونيسيا السلام عليكم ورحمة الله بإذن الله ناوين نسافر اندونيسيا السنه هذي شخصين وطفله 3 سنوات بس حبيت استفسر عن افضل وقت للسفر قبل مانبدأ حجز فبراير - مارس - ابريل مانقدر نسافر في الصيف بسبب ظروف العمل ومانفضل الاجواء الحارة جدًا وايش افضل الاماكن والمدن في كل شهر وكيف رح تكون الاجواء ان شاء الله وبالنسبه للطفله عربة الاطفال ممكن تكون مفيده في اندونيسيا و الا التنقل فيها بيكون صعب لاننا نخاف تتعب من المشي بدون العربه |
عليكم السلام الجو في اندونيسيا شبه ثابت طول العام و درجات الحرارة ما تغيير الا بشكل بسيط لا يذكر الشي المتغير عندهم هو كمية الامطار ففي شهر مايو الى شهر ستمبر يبدا الموسم الجاف وتقل فيه كمية الامطار وتكون متقطعة وخفيفة في الغالب اما من شهر اكتوبر الى شهر ابريل فهذا هو موسم المطر الغزير في اندونيسيا رائي الشخصي ان شهر مارس وابريل هو افضل وقت لزيارة اندونيسيا بحيث تكون كمية المياة في الانهار والشلالات كبيرة كذلك المطر يكون بكمية اقل من بداية الموسم بالنسبة لعربة الاطفال فما فيه اي مشكلة اغلب الاماكن السياحية مهيأة لذلك كذلك يوجد حل اخر اذا الطفله ما تمشي كثير ممكن تستأجرى شغاله ترافق الطلفه وتدف لك العربة او تحملها اذا دعت الضرورة لذلك واسعارهم رخيصه في حدود 30 ريال لكامل اليوم |
شكرًا لك حابه اسأل اذا ماعليك امر ايش هي اهم الوجهات السياحيه في اندونيسيا واللي تستاهل الزيارة واهم الفنادق والشقق لاني ببدأ اجهز جدول الرحلات وارتب حجوزاتنا من بدري ان شاء الله ويهمني في المنطقه اللي بنسكنها تكون حيه وفيها حركه مااقصد ازعاج بس نقدر نطلع في اي وقت وماينتهي يومنا ع المغرب واهم شي تكون اغلب الخدمات متوفره والاسواق الشعبيه والبزارات اللي تستاهل الزيارة واذا فيه مواضيع ممكن تفيدني لاني تقريبًا قرأت اغلب مواضيع القسم واطلعت على اكثر من جدول سياحي وبرتب اللي يناسبنا |
العفو اختي الوجهات السياحية التي يفضلها العرب هناك هي جاكرتا و بونشاك وباندونق وبالي و لومبوك اما السياح الغربيين فهم يفضلون بالي و لومبوك وجقجا بالنسبة لحجوزات الفنادق وترتيب البرامج السياحية كلها يفضل ان تكون بعد حجز الطيران الدولي وتحديد مدة الاقامة بالضبط وتقسيمها على المناطق جاكرتا : العاصمة فيها كل شي متوفرة في المدن العصرية مولات واسواق ومطاعم ومقاهي و ملاهي ........ بونشاك : منطقة ريفيه قريبه من جاكرتا جوها جميل جداً فيها طبيعة وحدائق وشلالات وانهار وحدائق حيوانات سفاري وبعض النشاطات السياحية الاخرى متوفر فيها جميع الخدمات الاساسية مثل التموينات والمطاعم ومكاتب صرف العملة و مكاتب الحجوزات ومتوفرة فيها فنادق طبعاً في الارياف لا يوجد اي نشاطات في المساء كلها تنتهي قبل المغرب باندونق : مدينة كبيرة فيها اسواق وملاهي و حدائق و متاحف ومقاهي ونشاطات سياحية كثيرة كذلك توجد بالقرب منها ارياف يمكن تزورها في الصباح وترجع اخر اليوم الى المدينة يوجد في تلك الارياف بحيرات وبراكين وانهار ومزارع شاي وفروله وفي هذه المدينة يوجد الكثير من محلات الاوت لت بالي : وما ادراك ما بالي جزيرة يغلب عليها الطابع الهندوسي فيها كل ما يخطر على بالك من المزارت السياحية والطبيعة الخلابة وتعج بشكل كبير بالسياح الغربيين لومبوك : ليست بعيدة عن بالي لكنها اغلب سكانها مسلمين عكس بالي فيها شواطئ جميله جداً وشلالات والكثير من مزارع الأرز توجد بها منتجعات فخمة على المحيط جقجا : عاصمة اندونيسيا السابقة ولا يزورها الا قليل من العرب وتتركز معضم الاماكن السياحية على الاثار فقط بالنسبة للاسواق والاماكن السياحية راح نعطيك الاسماء وترتيب مقترح للجدول السياحي بعد الحجز بأذن الله اتمنى لكم التوفيق |
جهد جميل اخي الردادي الف شكر بصراحة استفدت كثير منك بخصوص بوابة اندونسيا الله يعطيك العافية |
ماعندي فكرة حبيت استفيد من الاجابه:3::3::3: |
يعطيك العافيه استفدنا من هالموضوع |
ابريل من وجه نظري عشان تعرف تتمشى وتاخذ راحتك |
السلام عليكم اخواني كيف الاجواء في شهر يونيو ويوليو شهر 10 هجري هل هي مناسبه لسفر او تكون بارده او حاره |
اقتباس:
الاجواء شبة ثابته في اندونيسيا طول العام الاختلاف هو كمية الامطار فقط يونيو ويوليو الاجواء في المرتفعات معتدلة في النهار باردة في الليل وفي المدن مثل جاكرتا وبالي في الغالب تكون درجة الحراره حوالي 30 في النهار وفي الليل في بداية العشرينات |
الساعة الآن 02:44 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO