|
مكتب كاها او غيره , وطريقة الحجز السلام عليكم انا رايح الى جاكرتا يوم 11/04/2018 وودي اروح بالي 5 ايام من 15 الى 20 سؤالي كيف احجز طيران وفندف عن طريق مكتب كاها ووين ممكن الاقي مكاتبهم . ؟ هل احجز من المطار قبل لا اروح الفندق ؟ ولا اروح الفندق اريح وثاني يوم اروح ادور على المكتب واحجز ؟ وهل طريقة الدفع في المكتب كاش؟ وهل هو آمن ؟ يعني مو ادفع للمكتب وبعدين اروح بالي الاقي الفندق مو مدفوع او شي هل هناك (قروشة) في الموضوع يعني روح وتعال واتصل عليهم واشتكي والفلوس ما اندفعت لأني ما احب اللخبطة في السفر ارجوكم اعطوني الزبدة بخصوص مكتب كاها ورشحولي مكاتب جربتوها بأنفسكم وشكرا جزيلا |
عليكم السلام مكتب كاها اشتهر في الماضي واخذ سمعه قبل انتشار التطبيقات كان في الماضي هو الافضل الان ليس دائماً ربما تجد سعر اقل من الطبيقات لكن فرق بسيط لا يذكر ولا يتحمل العناء له وفي بعض الاحيان يروح الفرق في مشوار التكسي فروع كاها كثيره في جاكرتا احدها في مطار جاكرتا كذلك يوجد فرع في رادن صالح في مطعم الجزيرة وفي سنين رايا وفي كاز بلانكا وفروع اخرى المكتب مضمون و ما فيه خوف على الحجز لكن السعر هو الفرق والمكاتب الاخرى كثيرة جداً واغلبها مضمونه لكن في وجهة التطبيقات اسهل وتقدر تقارن وانت مرتاح في بيتك |
مقارنة سريعه مع بوكنق حجز في هذا الفندق Fraser Residence Menteng Jakarta غرفتين مع افطار والحجز غير مسترد في الطرفين بوكنق 539 ريال لغير العملاء المميزين وللعملاء المميزين 436 ريال في كاها 589 ريال يفرق معك اذا كنت عميل غير مميز 50 ريال في كل ليلة اما اذا كنت عميل مميز 153 ريال في كل ليله مع العلم انك تحصل على التميز في بوكنق بمجرد سكنك 10 ليالي في اي وقت التطبيقات اصبحت هي الافضل في هذا الوقت |
أهلا حبيبنا محمد ... أتفق مع ماذكره حبيبنا الردادي ... التطبيقات الآن أصبحت أقوى وأكثر جذباً .. بالنسبة لحجوزات الطيران .. ابحث في موقع طيران ( آير آسيا ) يخدم اللغة العربية سهل جداً جداً الحجز عن طريقه .. بالنسبة لمكتب كاها .. جربته في إحدى رحلاتي 2012 .. حجز طيران لبالي وكذلك حجز فندق ... كانت خدمتهم ممتازة وسريعة ومكتب ثقة ومعروف هناك .. أتذكر كان مكتبهم في أحد مولات جاكرتا ( والله نسيت اسم المول ) :) بالتوفيق حبيبنا وأي استفسار أو مشورة الكل بخدمتك .. |
بيض الله وجيهكم ياشباب خلاص بتوكل على الله وبحجز عن طريق كاها لأني بصراحة جاهل بأمور الفيزا والدفع الكريدت وهذه مشكله والله يعطيكم العافية ومشكورين طمنتوني ❤️:e032: |
| الساعة الآن 12:17 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO